لو بقت عالماي سهله
بگربه انكلك بحر
الحيره كلي منين اشربك
وانت جثه بلايه راس بلا نحر

يصير من جرحك اشربك
لو عليه دمك خثر

يصير اذبح روحي
واهدي لحضرتك راس ونحر
حته احط راسي عله جسمك
تشرب المني عبر
الى ان راسك يرد من السفر
انته تشبع مني ماي
ومنك اني اشبع فخر

- الرساله ؛ كون احط گلبي اعله ايدك
واترسك حنية من دكته الوريدك
انته ماتنراد بس كلش اريدك ..

- الرساله ؛ هذول احنا
الي ما نرجع من نروح
اتجاه الدرب
واحد عدنا فردي
جرف ماصير
اتاني فضالة الروج
ريح بكيفي اجيب
بكيفي اودي
اليحبني يصير مثلي ،
مثلة ماصير
ذِهب ولخاطر احد ما اصدي
امس دفنوني
نص الصحرا عاگول
الصبح شافوني
مثل الورد اندي
الظهر چوو عيوني
بشمس تموز
نِمت بالليل اعمى
وحلمي وردي

- الرساله ؛ الفِنجان من چَعبة انقرا
والبَصرة چَعبيت الوَطن
ينقري بينه الفوگنه..
اكرم من النَخلة بعثك
وصوها مريم لاتهز..
تنوي وتطيح عثوگنه!

- الرساله ؛ آنه بِديْرة عِراقية
حَتى جّروحي وَردية..

- الرساله ؛ عَن ياجَرح روحي ماحچتلَك؟
عمت عيني اعله عيني شگد بچتلك
عفت زاد أمي واتشَهيت سمّك
الله مخلي راحــه بـالي يمك

اليصفن يفارك الكاعد گربة
لمسوج !! ما لمسوج!! .. كلهم غربة
حبي الترك بخدودج ملوحة شلون
ماي الوضوء على خدود التربة

بهاي الدنيا عشنه اموات
مو عدلين بس - عدلين -
مناخذ من بشر من طين
بس - منطين -
بطعمنه ملوحه مو طيبين
بس - طيبين -

- الرساله ؛ الزفه عن عن حب مره وحده
انه كافر بالجمع
ما يصير نحط حلقتين بصبع
ذن رساله بصف رساله
هاي مكتوبه بحبر..هاي بدمع
جوه نور النار صارن..
بس ضوه البارود يفرق
عن ضوه خيوط الشمع

- الرساله ؛ صير ممنوع وحرام وغير جائز
وانتبه. .. لعيون ناسك وي هلك
-كلها- غضت بصر عنك
بس اللي يحبك حللك

الحب الابدي لحسين المطوري 🥹🤍

حولها للقناة 🙂

- الرساله ؛ لــ حسين علي المطـوري...

يا صلاتي السادسه الما الها موعد
بكيف آذان الشوك اجيها
بلا وضوء تتم شرطها
خدود بس مبللات
مثل البحر مفقود الدخلك
والوصل ساحل امانك
عاش مرتين الحياة
واحد انته وتارس الدنيا امنيات