حالا
باعِلن لعموم الناس
حاجتي لضلي اللي انا خُنته زمان
وبسلم أوراق الدوبلير اللي أنا عايش بيه
وبطوح لبس الشيفت بتاعه من الشباك
حاجتي لإنسانة تكون مكتشفة الفرق
ما بين جنبك ومعاك
ولبيت تعرفني حيطانه
ولشئ لو ضاع أحزن مش علي فقده
علي هجرانُه
ولناس بتقدر قيمة الذنب
وقيمة الغلطة اللي تصحي ضميرهم لو نام
لجماعة بيوصلهم ألمي لو قالوا سلام
ويحسوا هواجسي وكوابيسي ويحترموها
عن حاجتي لناس لو شافوا دموعي يخبوها
وإذا حسوا بضعفي
يخلوا القعدة تزيد ساعة
عاوز إنسان يبقي عنيا اللي نظرها سليم
مايكُنش الناحية اللي اتقطعت في السماعة
إيدي اللي تحط الشئ ف مكانه الصح
مش ظني اللي يعلق غلطتي علي شماعة
باعلن عن خوفي من الأيام
من موت أصحاب ليهم فيا
باعلن عن قلقي من الأشياء السرية
عن شكي ف كل الناس
عن ثقتي ف كل الناس
عن نقل مزاجي من الجيد لشديد السوء
عن فوبيا من القعدة لوحدي
وعن فوبيا من لمة ف سوق
باعلن للكل غياب الشكوي
وفشلي ف تحديد صلب الموضوع

باعلن اني الشخص اللي يجوز
يآمن ف الخوف
يشبع ف الجوع
إني معدي حكاية الدكتور
ومخلص مسألة البرشام
ومجرب كل اقتراحات اليوجا
وتفريغ الشحنات السالبة
ومشوار البحر
وعدم الرغبة ف جلد الذات إلخ إلخ
أنا دلوقتي ف وضع المحتاج
من غير ما يقول
ف مساحة اللي مشاكله كتيرة
ومايعرفهاش
باعلن عن حاجتي لعالم
يسمعوا صوتي الصامت بوضوح
يعتبروا اللي مش متقال مشروح
يعملوا صدمة ترجعني لشئ انا مش عارفُه
زي اللي بينسي خمس سنوات فجأة ف حادثة
وبيبدأ من أكتر مشهد عاشه وحبه
محتاج للي يكلم قلبه
باعلن عن فشلي
ف دور الثابت رغم الظرف
وباقول اني وصلت علي الحرف
وبإن الجاي هايتحدد
علي حسب الناس اللي هاتيجي
وان دا إعلان لجميع الناس
ويكافة أطياف الإحساس
وبأي ضمير وتاريخ ومقاس
وبارحب باللي هايعمل فرق
يظهر ف حياتي ظهور البرق
ويمد إيديه ويطمنني
حالًا باعلن لعموم الناس ان انا أوشكت أضيع مني


لمن يهمه الأمر....💙

الذكريات لعنة :)

عاااش اقسم بالله كانوا ع فوني القديم كلهم و دلوقتي معايا حاجات قليله وكنت هنزلهم😂❤️👍

يلا عدو الجماايل😂😂♥️

امدح الحزن اللي فيها، قولها ان الحياه مش بتكمل الا بيها ♥️

قبلك حبيت
كُنت بفكر ان انا حبيت
بس قابلتك بعدها ولقيت
الحُب بشكل جديد خالص.
❤️

مش هاقف علي حافة الأشياء
ولا هانحني لأسماء ما حطتهاش
هاوري التاريخ من رؤيتي
وهاعيد إطار الصورة م الأول

في القصيدة
مش هاقول عن اللي مشيوا:
"مشيوا"
لكن هأقول:
"جريوا بشكل بطئ"
مش هاقول عن عصفورة بتطير ورا الشجرة:
"عصفورة بتطير ورا الشجرة"
لكن هاقول:
"عصفورة في الخلفية ثابتة
والشجرة ملِّت م الوقوف.... طارت"

صغير
كنت باحبي
وكان المطر بيغرق الشارع بدون رحمة
والبرق
بينور ف وش العماير... تتعمي
ماعرفش ليه وإزاي
شفت المطر
بينشف الشارع من الدمعات
والبرق بيخش من الشباك لأسرة
ربها ماقدرش يدفع فاتورة النور
هنا اتولدت
وهنا اصطفاني الشعر للرؤية
وانفصلت الأسماء عن الأشياء
ويا قلم
ارفضني لو أجبرت حبرك ع القريب
شدني للبعيد
قل لهم:
"لغتي مجاز للمجاز
فلا أقول ولا أشير إلي مكان
فالمكان خطيئتي وذريعتي"
وقل لهم:
مين للمجرد والبسيط غيري؟
ومين غيري
مين اللي هيقول عن البنت اللي مش لاقية تمن فستان
"طلعت الشمس من البُك البلاستيك وضحكت"؟
ومين هيمشي ف سكتي ويغني ف دروبي؟
أو قل لهم:
مين اللي زيي مجنون بالمخالف
علشان يقول إن المعاكسة
فولكلور أصلا جنوبي
قل لهم:لإني شاعر
هابص الصبح ع الشارع
وأغير كل أحداثه اللي واجعاني

هاقوا ع الشرطي...
خايف م العيال والفل والإشارات
الشحات .... نبيل
بيشحت للتواصل والعلاقات الحميمة
النشال
مغامر
من هواة جمع الخطر
السياسي ببدلته السودا
ومشيته الواثقه....
جبان
بينام وهو متأكد بإنه كهرب سور جنينته
وشغل الكاميرات
العيال الهربانين م العتمة للعتمة
ومضفرين رقعة غيابهم حضور... ملايكة
نايمين علي السر اللي ممكن
ينقذ المدن المريضة م التخلف
النور اللي بيبوش وجعنا الصبح ع الشبابيك
وكنا فاكرينه بغباءنا اسمه نور الشمس
نور طلوع الحلوة تشرب قهوة مظبوطة
وتوشوش المريلة
عن اسم صاحب نصيب القطفة م الشجرة
في القصيدة هاغير الأحداث ومش هاحزن
وهاعمل ف كل قصيدة ما يشبه مدينة
أهلها ومبانيها والزوار بتوعي
هاغير كل شئ ممكن
لكن اعذريني يا قصيدة
واطلبي لي المغفرة من رب سميته التصور
اعذريني
لو شفت شاعر قاعد علي الدكة الخشب
بيضحك للجميع
ويخط شعر
هاقول في النص حرفيا
شفت شاعر قاعد علي الدكة الخشب بيضحك للجميع
ويخط شعر
من شاعر وصاني ع المشهد
إلي مدحت منير💙💙

على حافة الانتحار

اليوم
ذهبتُ إلي قبري
وجدت عدّوي الوحيد هناك
يقرأ الفاتحة ويبكي بحُرقه
ولم أجد أصدقائي

حبيبتي كانت شاردةً في بلكونتها
تُمسكُ فنجاناُ وتتأمل الشارع
وجاري الذي لم يلق عليّ السلامَ أبدا
زرع شجرة أمام منزلي
وسمّاها ( جاري العزيز )

لا أكرهُ أعدائي
لأن الصدور مقابر والوجوه كاذبه
أعرف كيف يربتُ أحدهم على كتف الآخر بودٍ جارفٍ
وهو يقتله في أحلامه
كل ليلة مره على الأقل
واحترمُ الصامتين لأنهم لا يكذبون

ليست الأشياء كما تبدو
ولا المشاعر
بعضهم يخبئ ( أحبكِ ) في ( أكرهكِ )
والبعض يردد كلاماً لا يمرُ على محطة القلب
إنني ألتمسُ خمسين عذراً لأعدائي
ولا ألتمسُ واحداً لأصدقائي
لأن أكثر من يحبني على هذه الأرض
هو بلا شك
عدوٌ الان.

ااه حبيته
و العقل ملوش في الحُب نصيب
كان مالي عنيا بشكل غريب..! 🖤

مش حابب اقول كرهتك
مش قادر اقول ناسيكي
كمِّلتك ألف مره مانقصتش إلا بيكي.

طمنيني
عاملة ايه ؟
كلميني عن حياتك يعني عاملة ازاي بدوني
لسه بتحبي الشوارع والمطر والمبلولين ؟
لسه بتحبي العيال الشحاتين الطيبين ؟
لسه بتحبي المراسلة بالحنين !
مش هاقولك اسمه إيه
مش هاقولك هو مين
احنا بنكمل حياتنا بناس أساًساً حلم غيرنا
غيرنا بيكمل حياته بناس أساساً حلمنا
لولا إني بجد مؤمن كنت أقول ده حرام بجد
بس انا عمري ماباكره شيء يجيبه ربنا

فاكر بعدك دنيتي فضيّت!
لا دي اتزحمت والله ياغالي
أول مرة ف عمري اتطمن
وافرح بنتيجة أفعالي.
😄

ده ملعون الهوا لو كان يذل الشخص قدام اللي عاوزه معاه .
💔

بشوفك مصدر أحلامي وفرحتي على إيه
ومصدق ليه إنك دنيا
وبفكر ليه في دخولي عليكي في بيت واحد
أنا أكبر أحلامي وجودك
والنبي شوفتي غباء في غبائي
أكبر أحلامي أفتح عيني على حضورك
يا خي أبوه ده الحب إللي يخلي حضورك
هو أمالي
أنا عم الناس زينة الرجالة ف عين الكل
أجمل ستات في الدنيا أتمنوا سلام بالإيد
قدك خمسين مرة احتاروا يخشولي منين
على إيه بلاقيكي أنتي جميعهم
أشتري فيكي يوماتي وأبيعهم
وافردلك قلبي تعدي عليه
حبيتك ليه؟

أنا، بتعاقب ليه على حبك؟
ديه حاجة الواحد ما أخترهاش

ملعون أبو قلبي اللي ندالك
واختار من دنيته وادالك
ملعون تركيزي ف تفاصيلك
والظن اللي بييجي ف بالك
ملعونة شوارع بتفّكر
ملعونة صوابع بتسكّر
ملعون الروح اللي تبكّر وتقوم م النوم تحلم بيكي
اقتلك ازاي ؟