ربِِّك كرَم من وَسَع والشاري هيبيعك....

كل اللي قالوا نسينا مش ناسيين
رغم اليقين اننا علي بعد مش هين
ورغم إن عيني ابتدت تضحك ولا تبين
فيه بعض أشيائي فقدتها لقيتها
حزني عشان تضحك
أو حزن ضحكتها

لكن لحزن الحظ والخبطات
ربك جعلنا غلابة بالفطرة
علشان كدا كل اما أجرب الانتحار بافشل
وبتدخلوا الأوضة وأنا باقول Action
فبتحسبوا المشنقة من جهلكو فيونكة
ودي مش فيونكة..

أوصف جمالها الخالص الوضّاء
بضمير مهاجر أو هدوء منُشد
أكتب لكم عنها.. وأكتب لكم عنِّي
عن واحدة حتي سكوتها بيغنِّي
كان تاني ليل ألضُمه من خيط نهار ماطلعش
تلتين رصيد البُن في العالم راودوني عن نفسهم
فطاوعتهم
وآديني رايح جاي في الأوضة
باعمل تلاتة سهرانين مع بعض
وأحكي لي وأسمع لما آخر الليل

مسحت دمعة نزلت من عيوني ع المطب
وقُلت:
لو أفتكرت أنساها
مش هانسي أفتكرها

وان يسألوني هـ أقول: أهو ربنا ما أرادش..

أتاري الفيلم دي نهايته
وانا الأعمي
آآمن حيّة من باب انها ناعمة
واسلِّم ضهري للخونه بسلامة نفس
شيطاني الزرع وسايبه ف روحي كاللبلاب
أنام غافل عن الضرب
وأشوف إيدها وهي بتمسك الحربة
وأظنه عتاب
أتاري الباب وراه الغدر
وانا اللي بطبعه ماتعودش يقفل باب..

بتحب ليه الشتا؟
=اسأل بقي الدخان
واسأل خيوك الصوف ف البالطو هتقول لك:
لو لا الشتا يا صديق كنا اتحرقنا حريق
لو لا السجاير والغنا والبن
كنا صبحنا حطام
أو صنف من أصنام مصنوعة بالعدوي

إمتي الشتا ييجي؟
ييجي الشتا إمتي؟
الجملتين غير بعض
بس انت مش هتشوف لو كنت مفارقتش
أو كنت مفرقتش مع حد في حياته

_هتوحشني
_وحشتي القلب من دلوقت..♥️

مصدقتش كلام الناس ...
و صدقتك ..!❤️
و جيتلك شاري مش بايع برغم إن البعيد
صايع ولا ليا ف
غرام ولا زفت
لكني حلفت🥺
وحلفان الاصيل دستور بإني ببصلك بغرور
وعايزك ليا ابد العمر ❤️🥺

حلوه 🥰
زي حلاوه فيروز الصبح ..
الست ف الآخر الليل ..
النوم ع الكنبه..
والشاي ف البلكونة...
صعبه! زي اللى بيتمني حاجات مش مضمونه...
رايقه ف روقان نسمه خفيفه بتعدي العصر ..
عاليه ي ملكه بتبص ع الشعب من القصر ..
و عاديه كأنك اي صبيه جميله ف مصر 🥰

وعليكي قبول ربي يديمه ...
بتخشي قلوب الناس ف سكوت .
شايله كاريزما نص الدنيا وعارفه تخلى الواحد مبسوط ..
اجمل واحده بتعمل قُصه ..
واشيك واحده بتعمل قَصه ..
و انسب واحده تكمل قِصه ...🥺❤️

ازيك ..
ي اللى مفيش ف العالم زيك 🥺❤️❤️❤️❤️❤️❤️

بقولك اي ....
تتجوزيني؟
ايوه اللى سمعتيه بالظبط ..
و دا مش طيش ولا فرط حماس
عندي استعداد دلوقتي اقولها بصوت عالى و قدام الناس..
اول مره اشوف قلبي هو وعقلى ف شئ متفقين 🥰
هما الاتنين شايفين ف وجودك نص الدنيا ونص الدين ..
ي بديعه الحسن ياست الناس ❤️

و فيكي حته طفوليه 🥺
بتاخد روحي و تجبني ..
ي ورد لو اقطفه ليا عين الورد تعاتبني
عيونك ف الوداع امي...
و حُضنك ف اللقا إبني ..
و حسك بس ف الدنيا ونس وصحاب و تحويشه ..👫🥰