Andijon davlat texnika institutida Oliy taʼlim, fan va innovatsiyalar vazirligi huzuridagi Oliy attestatsiya komissiyasi raisi, iqtisodiyot fanlari doktori, professor Ahmadbek Yusupov ishtirokida sayyor qabul oʻtkazildi.

Unda Andijon davlat texnika instituti va Andijon qishloq xoʻjaligi va agrotexnologiyalar institutlari prorektorlari, ilmiy bo'lim boshliqlari, ilmiy darajalar beruvchi ilmiy kengashlar raislari va kotiblari, tadqiqotchilar hamda doktorantlar ishtirok etishdi.

Uchrashuvda ilmiy va ilmiy-pedagog kadrlarning sifat tarkibini yaxshilashga, jamiyat va davlat ehtiyojlarini, fan, taʼlim, texnika va texnologiyalarni rivojlantirish istiqbollarini hisobga olgan holda ilmiy va ilmiy-pedagog kadrlardan foydalanish samaradorligini oshirish borasida olib borilayotgan keng qamrovli ishlar, doktorantlar uchun ilmiy ishlarni yozish tartib-qoidalari boʻyicha umumiy tushunchalar va sohaga oid boshqa yangiliklar haqida maʼlumotlar berib oʻtildi.

Oʻtkazilgan muloqot davomida ilmiy daraja va unvonlarni berish tizimida amalga oshirilayotgan ishlar, kengashlarning faoliyati atroflicha tahlil qilindi.

Sayyor qabul davomida rais yosh olimlar tomonidan ilmiy faoliyat, doktorantura himoya masalalari, komissiya faoliyatiga oid qiynayotgan muammolar boʻyicha berilgan savollarga javob berdi. Shuningdek ishtirokchilarning taklif va fikr-mulohazalarini tingladi.

✅Bizni kuzatishda davom eting!
📱Telegram |📱 Facebook | 📱Instagram | 📱YouTube

Prezidentimiz tomonidan ilgari surilgan “Dolzarb 90 kun” loyihasi doirasida yoshlarning intellektual salohiyatini oshirish va bo‘sh vaqtlarini mazmunli o‘tkazish, yoshlar o‘rtasida sportni ommalashtirish, ularni sog‘lom turmush tarziga va jismoniy faollikka jalb qilish maqsadida Andijon viloyatidagi oliy ta’lim muassasalari talabalari o‘rtasida shaxmat musobaqasi o‘tkazildi.

Viloyatimizdagi “Universal” sport majmuasida o‘tkazilgan musobaqada Andijon davlat texnika instituti talabalari xam o‘zlarining intellektual salohiyati, tezkor fikrlashini namoyon etdilar. Unda barcha davlat oliy ta’lim muassasalari talabalari faol ishtirok etdi. Mazkur tadbir talabalarning sog‘lom turmush tarzini shakllantirish, jismoniy va aqliy salohiyatlarini rivojlantirishga xizmat qilishi bilan birga, ularning bo‘sh vaqtlarini mazmunli tashkil etishga qaratilgan muhim qadamlardan biri bo‘ldi.

✅Bizni kuzatishda davom eting!
📱Telegram |📱 Facebook | 📱Instagram | 📱YouTube