Qobuljon Axmedov o‘zining faoliyati davomida O‘zbekiston ommaviy axborot vositalari sohasida muhim o‘rin egallab, ko‘plab loyihalarni amalga oshirgan. U 2022-yildan buyon “Mening yurtim” (MY5) telekanali bosh direktori lavozimida ishlab kelmoqda. Bungacha u “Darakchi” gazetasida mas’ul kotib va direktor, “Dono” nashriyoti va “Dono Productions” kompaniyalarida direktor, “Xabar.uz” axborot-tahliliy portali va “Xabar.tv” loyihasida ijodiy guruh rahbari, O‘zbekiston elektron ommaviy axborot vositalari milliy assotsiatsiyasida turli lavozimlarda faoliyat yuritgan.

Qobuljon Axmedovning ommaviy axborot vositalari sohasidagi fidokorona mehnati va yutuqlari davlat tomonidan ham e’tirof etilgan. U Matbuot va ommaviy axborot vositalari xodimlari kuni munosabati bilan mukofotlangan shaxslar qatoriga kiradi.

Qachondan buyon o‘z yurtida o‘z bayrog‘ini ko‘targanlar provokator bo‘lib qoldi? Nima degani bu? Bular qaysi mamlakatda yashamoqda? Bular O‘zbekistonda yashasa-yu, xayoli boshqa joyda bo‘lishi g‘alati emasmi? Men bunday chiqishlarga qarshiman.
Biz urushda halok bo‘lganlarni barchasini hurmat qilamiz. Bejizga “Xotira va qadrlash kuni” deyilmaydi. Bunday kunlarni biz o‘zimizga xos, o‘zimizga mos tarzda o‘zbekona, musulmon diniga xos tarzda xotirlashimiz joiz. Kim boshqacha tarzda nishonlamoqchi bo‘lsa, marhamat, bilet olib, o‘zi xohlagandek nishonlayotgan davlatga borib, istagan tartibda o‘tkazsin. Hech kim qarshi emas.

Har bir suveren davlatni bayramlari, madaniyati, o‘ziga xos jihatlari bo‘ladi. Shunga muvofiq biz bayramlarni o‘zimizga xoslikda nishonlaymiz. Ikkinchi jahon urushida O‘zbekiston salmoqli hissa qo‘shgan va bayramda ishtirok etishimiz juda sharafli va shu bilan birga haqqimiz ham bor. Lekin tadbirni o‘tkazish reglamenti va protokolni har bir davlat o‘zi mustaqil hal qiladi. O‘zbekiston o‘z yo‘lidan bormoqda va buni boshqalar hurmat qilishi shart.

Holatni tasvirga olib, fuqarolarni haqorat qilgan shaxsga nisbatan huquqni muhofaza qiluvchi organlar chora ko‘rishi so‘rayman.

Biz ko'p yillar davomida arabcha uslubga intildik. Arabcha uslub shunday bo'ladi, deb o'yladik. Lekin hozir bu videoni ko'rib o'zimizdan ranjishimiz kerak. Mening nega xafa bo'lishimni, Erkin Vohidovning she'rini o'qigan odam tushunadi:

Muslim bo‘ldik arabdan ortiq,
O‘ris bo‘ldik rusdan ziyoda.
Birni topsak yorug‘ dunyoda,
O‘n karrani qilganmiz tortiq.

Ichdik, chekdik, sho‘ro yurtida
O‘zdik barcha og‘alardan ham.
Yuzsizlikdan oshmasak bo‘ldi
Ovropalik tog‘alardan ham.

Biz payti kelganda hammaga taqlid qilamiz, turklarni turk qo'shiqlariga, hozir endi qo'yib bersa, Eronning "shia" yo'nalishiga ham kirib ketuvchilar bor, uning asl ma'nosini tushunmasdan. Shuning uchun, do'stlar, biz yoshligimizga qaytaylik. SSSR, ya'ni ateizm davrida ham buvilarimiz uyda bir ro'molni o'rab, ko'chaga chiqqanda ustidan boshqa ro'mol o'raganlar. Shunday odob-iffat bo'lgan! O'shanda ham uylarda hech kimga bildirmasdan namoz o'qib, duo-sajdani bajarishgan, ro'za tutishgan, hech kimga ochiq-oshkora namoyish qilmasdan! Bobolarimiz o'sha davrlarda Hajga borolishmasalar ham, masjidga borib, qaytishlarida bolalarga shirinlik tarqatib kelishardi. Ilgari yetim-yesirlarga beminnat yordam berilardi.

Bugun esa biz Allohga yaqinligimizni faqat Makka-yu Madinaga 10 marotalab borishimiz bilan ko'rsatyapmizu, boshqa savob ishlarni qilishni unita yozgandek ko'rinamiz. Keling, o'zimizning turkiy o'zligimizga qaytaylik. O'z Turkistonimizning liboslariga, Imom Buxoriy, Termiziy, Marg'iloniy, Naqshbandiy bergan ta'limotiiga qaytaylik! Sur'atimiz emas, siyratimiz mustahkam bo'lsin!Shundan keyin bizga boshqalar taqlid qilar. Salomat bo'linglar!

P. S.: O'qigan kitoblarimning birida ("Muhammad s.a.v. Payg'ambarning hayoti" kitobida) shunday yozilgandi: Payg'ambarimiz davrida ham arablar mana shunday raqsga tushganlar, Payg'ambar ( s.a.v.) shu raqsni ko'rish uchun bormoqchi bo'lganlarida, Alloh ularni uxlatib qo'ygan.

Bu raqs — halidji raqsi, bamisoli tuyani eslatadi. Bu raqs Islom dini kirib kelishidan oldin ham, Umaviylar davrida ham bo'lgan, o'sha davrlardan keng tarqalgan. Tuya arablarda juda qadrlanadi va tuya raqsi muhim mehmonlarni kutib olishda namoyish etiladi.
———————————————