• Profilga musiqa qo‘shish
Endi pleyerdagi istalgan trekni profilingizga qo‘shishingiz mumkin. U avatar ostidagi panelda chiqadi.

• Android uchun yangi profil dizayni
Android’dagi profillarda endi silliq skroll animatsiyasi va iOS’ga o‘xshash interfeys paydo bo‘ldi. Kimlargadir bu yoqishi mumkin, boshqalarga esa umuman ma’qul kelmasligi mumkin. Afsuski, interfeysni tanlash imkoniyati berilmagan.

• Profilning asosiy oynasini tanlash
Endi qaysi bo‘lim birinchi ochilishini (masalan, sovg‘alar to‘plami yoki Hikoyalar) o‘zingiz belgilashingiz mumkin. Buning uchun kerakli bo‘limni bosib turing va “Asosiy qilish” tugmasini bosing.

• Sovg‘alar asosidagi chat mavzulari
Agar sizda Telegram’ning kolleksion sovg‘alari (Plush Pepe, Precious Peach, Durov’s Caps, Heart Locket kabi) bo‘lsa, ular asosida chat mavzusi o‘rnatishingiz mumkin.

• Sovg‘alarni rivojlantirishda yordam
Endi do‘stingizning sovgasini rivojlantirishga yordam bera olasiz — buning uchun yetishmayotgan yulduzlarni to‘lab qo‘yish kifoya. Shuningdek, “Rivojlanmaganlar” filtri va “Keyingisini rivojlantirish” tugmasi qo‘shildi.

• Sovg‘alarning qayta sotish narxi
Sovga tavsifida endi qayta sotishning taxminiy narxi va o‘xshash kolleksion buyumlarning statistikasi ko‘rsatiladi.

• Stikerlar uchun mini-ilova
@Stickers botida o‘rnatilgan tahrirlash oynasi paydo bo‘ldi. Endi stiker yaratish, o‘z to‘plamlaringizni boshqarish va statistikasini bevosita Telegram ichida ko‘rishingiz mumkin.