"Shinjon" texnologiyasi — manfaatdorlik va hosildorlikning bosh omili
Ayni paytda Qashqadaryo viloyatida xizmat safari bilan bo‘lib turgan qishloq xo‘jaligi vaziri Ibrohim Abdurahmonov tashrif dasturiga muvofiq, Koson tumani hududida joylashgan “Koson” fermer xo‘jaligi dala maydonida bo‘ldi.
Mazkur xo‘jalik tomonidan 50 gektar yer maydonida Xitoyda ishlab chiqilgan “Xin Lu Zao-57” paxta navi ekilgan bo‘lib, bu yerda ilg‘or texnologiyalarni joriy etish yo‘nalishida muhim tajribalar sinovdan o‘tkazilmoqda. Xususan, 15 gektar maydonda paxta ekinlari Shinjon (Xitoy) texnologiyasi asosida, plyonka ostida, 76x10 sxemada qo‘sh qator tarzida joylashtirilgan. Qolgan 35 gektar maydon esa an’anaviy usulda ekilgan. Bu tajriba o‘zida innovatsion va klassik usullarni solishtirish imkonini beradi.
Fermer xo‘jaligi rahbari kelgusi yildan boshlab butun ekin maydonini to‘liq ravishda Shinjon texnologiyasi asosida tashkil etishni rejalashtirayotganini bildirdi. Bu qaror aynan tajriba davomida kuzatilayotgan agrotexnik samaradorlik va hosildorlik ko‘rsatkichlariga asoslangan.
Vazir dala maydonini ko‘zdan kechirar ekan, agrotexnik tadbirlarning o‘z vaqtida, sifatli va tizimli amalga oshirilgani o‘z natijasini ko‘rsatganini e’tirof etdi.
Shuningdek, har bir gektardan yuqori va barakali hosil olish, eng avvalo, zamonaviy agrar yondashuvlarga tayanadigan ilmiy asoslangan qarorlar, ilg‘or texnologiyalarni amaliyotga joriy etish va fermerlarning bilimini uzluksiz oshirib borishga bevosita bog‘liq ekanini alohida qayd etdi.
Albatta, yer resurslaridan oqilona va samarali foydalanish, har bir qarich yerdan eng yuqori natija olish bugungi kunda qishloq xo‘jaligi sohasida olib borilayotgan islohotlarning asosiy yo‘nalishlaridan biri hisoblanadi.
Shu bois, xorijiy tajribani o‘rganish, ilm-fan va texnologiyani ishlab chiqarish bilan integratsiya qilish orqali nafaqat hosildorlik, balki umuman agrar sohaning barqarorligini ta’minlashda muhim ahamiyat kabsb etadi.
Ayni paytda Qashqadaryo viloyatida xizmat safari bilan bo‘lib turgan qishloq xo‘jaligi vaziri Ibrohim Abdurahmonov tashrif dasturiga muvofiq, Koson tumani hududida joylashgan “Koson” fermer xo‘jaligi dala maydonida bo‘ldi.
Mazkur xo‘jalik tomonidan 50 gektar yer maydonida Xitoyda ishlab chiqilgan “Xin Lu Zao-57” paxta navi ekilgan bo‘lib, bu yerda ilg‘or texnologiyalarni joriy etish yo‘nalishida muhim tajribalar sinovdan o‘tkazilmoqda. Xususan, 15 gektar maydonda paxta ekinlari Shinjon (Xitoy) texnologiyasi asosida, plyonka ostida, 76x10 sxemada qo‘sh qator tarzida joylashtirilgan. Qolgan 35 gektar maydon esa an’anaviy usulda ekilgan. Bu tajriba o‘zida innovatsion va klassik usullarni solishtirish imkonini beradi.
Fermer xo‘jaligi rahbari kelgusi yildan boshlab butun ekin maydonini to‘liq ravishda Shinjon texnologiyasi asosida tashkil etishni rejalashtirayotganini bildirdi. Bu qaror aynan tajriba davomida kuzatilayotgan agrotexnik samaradorlik va hosildorlik ko‘rsatkichlariga asoslangan.
Vazir dala maydonini ko‘zdan kechirar ekan, agrotexnik tadbirlarning o‘z vaqtida, sifatli va tizimli amalga oshirilgani o‘z natijasini ko‘rsatganini e’tirof etdi.
Shuningdek, har bir gektardan yuqori va barakali hosil olish, eng avvalo, zamonaviy agrar yondashuvlarga tayanadigan ilmiy asoslangan qarorlar, ilg‘or texnologiyalarni amaliyotga joriy etish va fermerlarning bilimini uzluksiz oshirib borishga bevosita bog‘liq ekanini alohida qayd etdi.
Albatta, yer resurslaridan oqilona va samarali foydalanish, har bir qarich yerdan eng yuqori natija olish bugungi kunda qishloq xo‘jaligi sohasida olib borilayotgan islohotlarning asosiy yo‘nalishlaridan biri hisoblanadi.
Shu bois, xorijiy tajribani o‘rganish, ilm-fan va texnologiyani ishlab chiqarish bilan integratsiya qilish orqali nafaqat hosildorlik, balki umuman agrar sohaning barqarorligini ta’minlashda muhim ahamiyat kabsb etadi.
👍13👏1
Yuqori hosildorlik–zamonaviy yondashuv, ilmiy asoslangan texnologiyalar va fidokor mehnat samarasi
Qashqadaryo viloyatiga tashrifim davomida Koson tumanidagi “Doniyor” fermer xo‘jaligida olib borilayotgan ishlar bilan yaqindan tanishdim. Ayniqsa, 55 gektarlik maydonda ekilgan bug‘doy dalasida amalga oshirilayotgan agrotexnik tadbirlar meni nihoyatda quvontirdi.
Bugungi kunda biz g‘allachilikka strategik tarmoq sifatida qarayapmiz. Oziq-ovqat xavfsizligini ta’minlash, aholimizni sifatli non mahsulotlari bilan uzluksiz ta’minlab borish uchun har bir gektar maydonning imkoniyatidan to‘liq va samarali foydalanishimiz zarur.
Mazkur xo‘jalikda serhosil “Taniya” navli bug‘doy yetishtirilmoqda. Daladagi ekin holati barqaror, bu esa o‘z vaqtida amalga oshirilgan tadbirlarning samarasidir. Urug‘larning sifati, begona o‘tlarga qarshi ishlov, o‘g‘itlash va sug‘orish ishlari ilmiy yondashuv asosida olib borilganini ko‘rdim. Mutaxassislar tomonidan bu maydondan 75–80 sentner atrofida hosil olish prognoz qilinyapti — bu juda yaxshi natija.
Fermer va agronomlar bilan suhbatda yuqori natija – ilmiy yondashuv, texnologiya va mehnatsevarlik uyg‘unligi natijasi ekanini ta’kidlab o‘tdim. Fermerlarga agrotexnologik jadvalga qat’iy amal qilish, suv va resurslarni tejovchi texnologiyalarni keng joriy etish bo‘yicha ko‘rsatmalar berdim.
Albatta, har bir gektardan olinayotgan hosildorlik — bu nafaqat agrotexnik tadbirlar, balki fermerning o‘z ishi bilan bo‘lgan munosabati, intilishi va yondashuvi mahsulidir.
“Doniyor” fermer xo‘jaligi esa, bunday namunaviy ish yuritish tizimi keng ommalashishga arzigulik tajriba ekanini yana bir bor tasdiqlaydi.
Qashqadaryo viloyatiga tashrifim davomida Koson tumanidagi “Doniyor” fermer xo‘jaligida olib borilayotgan ishlar bilan yaqindan tanishdim. Ayniqsa, 55 gektarlik maydonda ekilgan bug‘doy dalasida amalga oshirilayotgan agrotexnik tadbirlar meni nihoyatda quvontirdi.
Bugungi kunda biz g‘allachilikka strategik tarmoq sifatida qarayapmiz. Oziq-ovqat xavfsizligini ta’minlash, aholimizni sifatli non mahsulotlari bilan uzluksiz ta’minlab borish uchun har bir gektar maydonning imkoniyatidan to‘liq va samarali foydalanishimiz zarur.
Mazkur xo‘jalikda serhosil “Taniya” navli bug‘doy yetishtirilmoqda. Daladagi ekin holati barqaror, bu esa o‘z vaqtida amalga oshirilgan tadbirlarning samarasidir. Urug‘larning sifati, begona o‘tlarga qarshi ishlov, o‘g‘itlash va sug‘orish ishlari ilmiy yondashuv asosida olib borilganini ko‘rdim. Mutaxassislar tomonidan bu maydondan 75–80 sentner atrofida hosil olish prognoz qilinyapti — bu juda yaxshi natija.
Fermer va agronomlar bilan suhbatda yuqori natija – ilmiy yondashuv, texnologiya va mehnatsevarlik uyg‘unligi natijasi ekanini ta’kidlab o‘tdim. Fermerlarga agrotexnologik jadvalga qat’iy amal qilish, suv va resurslarni tejovchi texnologiyalarni keng joriy etish bo‘yicha ko‘rsatmalar berdim.
Albatta, har bir gektardan olinayotgan hosildorlik — bu nafaqat agrotexnik tadbirlar, balki fermerning o‘z ishi bilan bo‘lgan munosabati, intilishi va yondashuvi mahsulidir.
“Doniyor” fermer xo‘jaligi esa, bunday namunaviy ish yuritish tizimi keng ommalashishga arzigulik tajriba ekanini yana bir bor tasdiqlaydi.
👍13👏1🤔1
Islohotlar samarasi: fermerlar endi xizmat ko‘rsatuvchiga aylanyapti
Bugungi kunda yurtimizda qishloq xo‘jaligini isloh qilish, dehqon va fermer xo‘jaliklarini iqtisodiy jihatdan mustahkamlash borasida keng ko‘lamli ishlar olib borilmoqda. Davlatimiz rahbari rahnamoligida amalga oshirilayotgan islohotlar zamirida, eng avvalo, yer egalari — fermerlar manfaatdorligini oshirish, ularning tashabbus va imkoniyatlarini kengaytirish yotadi.
Shu maqsadda tashkil etilgan ishchi guruh bilan Qashqadaryo viloyatida olib borilayotgan safarimiz davomida Muborak tumanidagi “Zafarbek Qo‘ziev” fermer xo‘jaligi faoliyati bilan yaqindan tanishdik.
Ushbu xo‘jalik umumiy 29 gektar yer maydoniga ega bo‘lib, uning 15 gektariga mahalliy “Buxoro-102” paxta navi ekilgan.
Avvalo, paxta maydonini ko‘zdan kechirdik. Unda g‘o‘zaning vegetativ holati, o‘g‘itlash jarayonlari va suv ta’minoti bilan yaqindan tanishdik.
Shu yerning o‘zida, O‘zbekiston Prezidenti huzuridagi Paxtachilik kengashi mutaxassislari va mahalliy agronomlar bilan muloqot o‘tkazdik. Uchrashuv davomida suspenziyalarni o‘z vaqtida va to‘g‘ri berish, zararkunandalarga qarshi kurash tadbirlarini kompleks ravishda olib borish bo‘yicha muhim tavsiyalar berdik.
Shuni ishonch bilan aytishim mumkinki, bugun fermer xo‘jaliklarining texnik jihatdan ta’minlanayotgani, ularning mehnatiga rag‘bat uyg‘otilishi tufayli qishloq xo‘jaligida yuqori samaradorlikka erishilmoqda.
“Zafarbek Qo‘ziev” fermer xo‘jaligi faoliyati misolida ko‘rish mumkinki, davlatimiz tomonidan yaratilayotgan shart-sharoitlar, ilmiy va amaliy yondashuvlar fermerlar faoliyatini qo‘llab-quvvatlab, ularning manfaatdorlik asosida ishlashiga keng yo‘l ochmoqda.
Bizning asosiy maqsadimiz ham — ana shunday ilg‘or tajribalarni ko‘paytirish va har bir fermerga amaliy yordam ko‘rsatishdan iborat.
Bugungi kunda yurtimizda qishloq xo‘jaligini isloh qilish, dehqon va fermer xo‘jaliklarini iqtisodiy jihatdan mustahkamlash borasida keng ko‘lamli ishlar olib borilmoqda. Davlatimiz rahbari rahnamoligida amalga oshirilayotgan islohotlar zamirida, eng avvalo, yer egalari — fermerlar manfaatdorligini oshirish, ularning tashabbus va imkoniyatlarini kengaytirish yotadi.
Shu maqsadda tashkil etilgan ishchi guruh bilan Qashqadaryo viloyatida olib borilayotgan safarimiz davomida Muborak tumanidagi “Zafarbek Qo‘ziev” fermer xo‘jaligi faoliyati bilan yaqindan tanishdik.
Ushbu xo‘jalik umumiy 29 gektar yer maydoniga ega bo‘lib, uning 15 gektariga mahalliy “Buxoro-102” paxta navi ekilgan.
Avvalo, paxta maydonini ko‘zdan kechirdik. Unda g‘o‘zaning vegetativ holati, o‘g‘itlash jarayonlari va suv ta’minoti bilan yaqindan tanishdik.
Shu yerning o‘zida, O‘zbekiston Prezidenti huzuridagi Paxtachilik kengashi mutaxassislari va mahalliy agronomlar bilan muloqot o‘tkazdik. Uchrashuv davomida suspenziyalarni o‘z vaqtida va to‘g‘ri berish, zararkunandalarga qarshi kurash tadbirlarini kompleks ravishda olib borish bo‘yicha muhim tavsiyalar berdik.
Shuni ishonch bilan aytishim mumkinki, bugun fermer xo‘jaliklarining texnik jihatdan ta’minlanayotgani, ularning mehnatiga rag‘bat uyg‘otilishi tufayli qishloq xo‘jaligida yuqori samaradorlikka erishilmoqda.
“Zafarbek Qo‘ziev” fermer xo‘jaligi faoliyati misolida ko‘rish mumkinki, davlatimiz tomonidan yaratilayotgan shart-sharoitlar, ilmiy va amaliy yondashuvlar fermerlar faoliyatini qo‘llab-quvvatlab, ularning manfaatdorlik asosida ishlashiga keng yo‘l ochmoqda.
Bizning asosiy maqsadimiz ham — ana shunday ilg‘or tajribalarni ko‘paytirish va har bir fermerga amaliy yordam ko‘rsatishdan iborat.
👍9👏1🤔1