#defoliatsiya_dessicatsiya
#muhim_tadbir

Навоий вилоятига ташрифимизда Навбаҳорлик Давронбекни (экран ортида гапирмоқда) даласига бордик, қарасам (расмда) Бухоро-102 эккан, 200 минг кўчат, дала яхши очилган, тез кунда термоқчи!

Ҳосил қандай десам 60 центнер оламан деди! "100 центнер" олишни ҳохлайсизми десам - албатта деди.

Унда яхшилаб дессикация қиламиз дедим, қўл сепкичда 15 литрдан хлорат магний сепишга келишдик! 20 кунлардан кейин борсам, кўнгилдагидек эмас, сўрасам қўлда яхши сепа олмаган, камроқ сепган, чўчидим дейди.

Дрон билан қайта дессикация қилдик, бугун 15 кун ичида мана натижа! Ғўзапоя қарсиллаб қуриган, чигит ва тола "қарсилаб" пишган! Ҳосилга ҳосил қўшилган!

Дессикацияни фойдаси нима дейсизми?

Бу тўғрисида постимни сал олдинроқ қўйгандим, бир ўқинг, саволизга жавоб оласиз деган умиддаман!

Пост қуйидаги ҳаволада:

https://www.tg-me.com/Ibrokhim_Abdurakhmonov/8533

yangi_davr_paxtachilik
#Shinjon_usuli
#qalin_ko'chat
#yangi_ekish_sxemasi
#tub_burilish
#dessikatsiya_ta'siri
#yangi_imkoniyat

Қашқадарё вилояти, Миришкор тумани, Дўстлик худуди “Қашқадарё ЖИНГУ” компанияси томонидан етиштирилган пахта. Гектарига 200 минг туп кўчат, 76x10 cм қўшқатор усулда экилган!

Ҳосилдорлик гектаридан 65-70 центрдан олинаяпти.

Эътиборлиси, бу ерларда олдин ҳеч нарса экилмаган! Бу янги имконият! Баракасини берсин!

19-октябрь, 2025.

Qishloq xo‘jaligida shaffoflik va hisobdorlik — zamon talabi

Bugun sohada yashirin iqtisodiyotning oldini olish va barcha tarmoqlarda shaffoflikni ta’minlash masalalariga bag‘ishlangan yig‘ilish o‘tkazdik.

Tadbir video-konferens-aloqa shaklida bo‘lib o‘tdi. Unda Bosh prokuratura vakillari, Qishloq xo‘jaligi vazirligi tizimidagi tashkilotlar, hududiy boshqarmalar rahbarlari hamda markaziy apparat mutasaddilari ishtirok etdilar.

Yig‘ilish davomida iqtisodiy faoliyatni to‘liq hisobga olish, ma’lumotlarning haqqoniyligi va ishonchliligini ta’minlash, xato yoki bo‘rttirilgan hisobotlarning oqibatlari haqida atroflicha fikr almashdik. Men ta’kidlashimcha, noto‘g‘ri yoki asossiz ko‘rsatkichlar nafaqat soha samaradorligiga, balki umumiy iqtisodiy barqarorlikka ham salbiy ta’sir ko‘rsatadi.

Yashirin iqtisodiyotga yo‘l qo‘ymaslik — bu faqat huquqiy yoki moliyaviy chora emas, balki boshqaruv madaniyatini yangi bosqichga olib chiqish masalasi. Har bir tizim rahbari aniq hisob-kitobga ega bo‘lishi, ma’lumotlar haqiqatni aks ettirishi zarur. Chunki hisobotlardagi har bir raqam — xalq ishonchi va davlat siyosati samaradorligi bilan chambarchas bog‘liq.

Bugun biz uchun ochiqlik va hisobdorlikni ta’minlash strategik ahamiyatga ega. Chunki tozalik va shaffoflik bor joyda samaradorlik ortadi, xalq ishonchi mustahkamlanadi, eksport salohiyati yuksaladi. Shu sababli har bir qaror markazida inson manfaatlari, dehqon va fermer mehnatini qadrlash tamoyili turadi.

Yig‘ilish yakunida rahbarlar va mutasaddilarga hisobot tizimini takomillashtirish, raqamli nazoratni kuchaytirish, ichki auditorlikni mustahkamlash, jamoatchilik nazoratini kengaytirish bo‘yicha aniq vazifalar yuklatildi.

Ushbu chora-tadbirlar orqali qishloq xo‘jaligidagi iqtisodiy jarayonlarning ochiqligi va ishonchliligini ta’minlash, sohani zamonaviy boshqaruv usullari asosida samarali tizimga aylantirishga erishamiz.