عاملوا الحياة بمشاعر أبسط من ذلك، هوّنوها تهون وهذه ليست مجرد نصيحة بل تجربة، الحزن والهم أصبح في كل بيت وهذا يعود للتعامل مع الدنيا على أنها دار القرار والبقاء الأبدي، وما نحن إلا على سفر فيها، نرضي الله ونتمتّع بما أحلّه لنا، ونعلم بأنها دنيا زايلي ونعيمها زايل.
❤27🥰1
من هسا انا العيد دا حأهني الناس إن شاء الله بالرسالة بتاعت قبل الزحمة والشطوط وقبل الخطوط تجوط حبيت اقـ *جزء من النص مفقود* حيكون فعالية العيد عندي السنة دي بانه تكون من رسائل نوكيا الفين وسبعة نظراً لسوء الاوضاع الحالية وشكرا جزيلاً.
🤣34😁1
انا واحد من الناس ما بحب البوستات بتاعت خذلوني والناس كعبين والبكائيات الحمضانه دي، عندي قناعة كدا بيني وبين روحي إنك انت لو كويس بتلقى حواليك ناس كويسين ولو انت كارب بتلقى ناس كاربين ويقيفو ليك الف أحمر كمان ف عليكم الله قبل ما تملونا بكى ونواح راجعو روحكم دي بالاول، يمكن اختياراتكم هي الزبالة من الأول.
❤37👌6👏2
في حاجات لم تكون خايف منها او انها تحصل، صعوبتها دي انت العاملا ليها، لكن اول ما تحصل بتلقى نفسك انت الكنت واهم نفسك ساي هي لا صعبه لا بتخوف انت بس الما كنت عايز الفكره بس او ما عايز تتخطاها.
❤29
اريتو فيني ولا فيك، وياريت بدالك اكون انا، من الكلمات الحنينة البتهون عليك مرضك لم يواسوك بيها حبايبك في محاولات للتخفيف من حِدة الالم عليك، ولكن تبقى "كُر علي" لم تقح دي من زول حِنّين هي الانفع من كل العلاجات، والله نحن فالدنيا دي ممكن نعيش محنة ساي.
❤39
الناس البترسل سلام عليكم وتسكت دي بتختبر في اسلامنا ولا شنو؟.
🤣65❤1
كل عام وانتم بألف خير وينعاد عليكم بالخير والصحة والعافية والسلامة يارب و ربنا يصلح حال السودان ونعيش في امن وامان.
❤41
ما تظن انك محور الكون دائما وان الناس هاميها اخبارك وعايزه تعرف شماراتك وميتة عليك، وانت زي فتيل الدواء الفي باب التلاجة ماف زول متذكرك زاتو، ما تشغل نفسك كتير بالقصص دي، الناس وراها مليون حاجة تانية خصوصا الايام دي، حنك فلان قال حاجة وان الناس متابعه اخبارك دي انساهو عشان انت نَكِره في الكوكب دا ونحن زاتو ما ناقصين.
🤣64❤8👏1
يارب ارزق كل سوداني مليون دولار، عشان يشوف الدنيا دي فيها شنو ويخلو الغلاط الكتير دا يارب العالمين، خليهم ينشغلو مثلا بي طلب التيسلا المتأخر، او حجوزات المالديف القفلت، او الساعه المن باتيك فيليب الما وصلت ويخلو العوارة دي، ياخ بتغالطو في الجامعات اكتر من ما الجامعات دي زاتا بتشتغل وهي طول السنة مقفلة.
🤣46😢2❤1👏1
كل ما تقفل معاك وتضيق بيك تأكد تماماً ان الأمر كله بيد الله، وهو وحده قادر على انقاذك، طال الزمن أم قصر ما عندك غير الله، حتى والله "وإن ما رضيت في وقتها" وضاقت بيك حيلف الزمن وتلقى اختيارات ربنا ليك هي كانت أفضل شيء في لحظتها، فاذا سألت فسأل الله أن يرزقك الصبر في لحظتها واليقين بانها محلولة باذن الله، وبس مافي شيء تاني.
❤51🥰3
أعمل الحاجات عشان انت عايزها، مش عشان عايز الناس تشوفك عملتها.
❤27👌12🤣5
قد يمر الإنسان بسنة واحدة فقط، وربما حتى بأقل من ذلك، تتغير خلالها أفكاره وشخصيته، ويتخلى عن أشياء كثيرة، يشعر وكأنه تقدم في العمر سنوات عديدة، التجارب معلم والشاطر من يستفيد.
❤40
سنحيا بالمحبة والمحنّة ما وجدت، وحدها هي التي يمكن أن تنقذنا في أحلك الظروف وفي اقسى لحظاتنا، فيا صديقي نحن فقراء لولا المحبة، وزي ما قالو حبوباتنا زمان الما عنده محبة ما عندو الحبة، يا الله محبة ماشة ومحنّة جاية لي آخر يوم.
❤41🥰2
يا جماعة الداير يعرس بي الف يعرس، والداير يعرس بي مليار دولار يعرس، أي زول واستطاعته وفهمو واتفاقه مع ناسو، عرسو ساي بدون ضوضاء وورجغة، وما أي زول عرس يجي يحدد للباقين شكل العرس المفروض يعرسوهو بيهو ترى ذبحتونا.
🤣45❤11👏11💋4
عادي جدا تكون وحيد بس تكون انسان سعيد
ـ وكيف تكون انسان سعيد وانت وحيد ؟ لا حبيب لا صاحب لا قريب!
ـ عادي الموضوع مش خطير ما هو كلو ح يمشي و ترجع ذي ما انت وحيد.
و ارجع و اقول تاني م مهم انك تكون وحيد المهم انك سعيد.
ـ وكيف تكون انسان سعيد وانت وحيد ؟ لا حبيب لا صاحب لا قريب!
ـ عادي الموضوع مش خطير ما هو كلو ح يمشي و ترجع ذي ما انت وحيد.
و ارجع و اقول تاني م مهم انك تكون وحيد المهم انك سعيد.
❤32👌5🔥4