Arnasoy tumanidagi dalalarda bugun qayta tiklangan hayot — bizning faxrimiz. Bundan 7-8 yil avval bu hududdagi yerlar sho‘rlangan, hosildorlik esa kutilgan natijalarni bermaydigan holda edi. Ammo hozir u yerlar – hosilga to‘lgan, el uchun baraka manbai.

Bu o‘zgarishlarning markazida — BMB HOLDING tarkibidagi “BMB AGRO” kompaniyasi va uning kuchi, salohiyati, shu yurt farzandlari turibdi. Ular yer bilan tillashadi, yerni his qilishadi. Bizning agronomlar, muhandislar, ishchilar — bugungi kun qahramonlari.

Haqiqiy agronom – har doim natija bilan gapiradi

100 gektar yerda ekilgan “Do‘stlik elita” va “Zamin” navlari bu yil har gektardan 80 sentnergacha olish imkonini berdi. Bu — to‘g‘ri agrotexnika, halol mehnat va qat’iyatli intizom samarasi.

G‘allaning bir qismi davlat ehtiyoji uchun, qolgani esa birja orqali sotilmoqda. Bu biz uchun faqat xom ashyoni ishlab chiqarish emas, balki iqtisodiy barqarorlikka hissa qo‘shish demakdir.

Bugungi kunda “BMB AGRO” dalalarida kuniga o‘rtacha 50–60 nafar, mavsumda esa 250–300 nafar mahalliy aholi mehnat qilmoqda. Bu – shu yurt farzandlari uchun ish o‘rni, daromad, tajriba va istiqboldir.