انا متاكدة لو عديت عمرة فالايام هذ كل مشاكلي حاتنحل وحانقعد انسانة اخرى نهائًيا
ادعولي ربي يكتبلي نعدي عمرة محتاجتها واجد بكل السنة لفاتت ربي مكتبلش نعدي مع هلي لظروف معينة خاصة بيا السنة ساكنة لجمال وفتحية نبي نعدي في اقرب وقت ، متاكدة كل شعور مش حلو وكل اللخبطة لعايشه فيها حاتنحل لما نشوف الحرم ونصلي غادي ❤

صباح الخير

قصة تعديل الروتين صعبة بكل طلعت رقدت ١ وعيت توا 🙂

لا بس حتى فطور الصبح والهدوء حلو ماحد يكذب عليكم

لا من ناحيه حلو حلو يا جوري احلى من المحاضرات بعد العيد بهلبا😭😂

نوسي عيوني ربي يوفقك ياررررب ونفرح بنجاحك اكثر حد غالي على قلبي ديما قدها وواثقين فيك ❤

لاتنسوا قراءة سورة الكهف فإنها نورٌ ما بين الجمعتين .

‏قال النبي ﷺ :
‏إنَّ من أفضلِ أيامكم يوم الجمعة، فأكثروا علي من الصلاة فيه، فإن صلاتكم معروضة علي.

شن الجو 2005 ، 2004 هدوء تام ...

ربي يوفق الجميع وقدها كلكم يارب ...

‏أثق بك ثقة العارف أن هذا كله سينجلي في لحظة ما يارب، ثقة الرائي في أحلك الليالي نور فرجك وضوء رحمتك، أثق بك يارب ثقة المؤمل أن هذا الكون على إتساعه بين يديك إن شئت شئنا وإن لم تشأ لا نشاء، اللهم مشيئتك في كل أمر لا نستطيع تجاوزه، ومشيئتك في كل ضعف نخافه.💔

-انا انسانة مقدرتش تخشع في صلاتها !،
-اني نصلي فوق من نفسي ديما ومنحسش بالراحة بعد الصلاة اللي الكل يحس بيها!

تعالي نقولك خطوات اديرها حتساعدك على حب الصلاة و الشعور بالسكينة :

1_ قبل الصلاة لما تسمعي الأذآن هذا نداء من رب العالمين لعباده، فسيبي كل شي اديري فيه مهما كان مهم بالنسبة ليك لانه مش أعظم من الصلاة.

2_لما تتوضي أحسني الوضوء و أعرفي انه طهارة ليك أول حاجة وتاني حاجة يزيل الذنوب .

3_البسي بدلة صلاة تحبيها وحطي سجادتك في مكان كله هدوء في الحوش .

4_أعرفي انه الشيطان هو سبب الأفكار اللي تجيك في الصلاة لانه يبي يفسد عليك و يخلي صلاتك غير مقبولة عند الله، فأنتِ يا بنتي قبل ماتصلي أستعيذي بالله من الشّيطان الرجيم و سيبي كل شي تفكري فيه وراك .

5_لما تبي تكبري أعرفي انك في لقاء مع رب العالمين، اعرفي إن الله أكبر من كل شي شاغلك و كل حزن مسيطر عليك فكبري بقلبك قبل لسانك.

6_بعد التكبير قولي دعاء استفتاح الصلاة :
(اللهم باعد بيني وبين خطاياي كما بعدت بين المشرق والمغرب، اللهم نقني من الذنوب والخاطايا كما نقيت الثوب الأبيض من الدنس،اللهم أغسلني بالماء والثلج والبرد).

7_ لما تقري سورة الفاتحة ربي سبحانه وتعالى يرد عليك بعد كل أية تقوليها فأقريها بتركيز ،وحاولي ديما تجددي السور اللي تقري فيها بعد الفاتحة باش متحسيش بملل.

8_أعطي الركوع والسجود حقهم وماتستعجليش فيهم باش تحسي بالخشوع والراحة من خلالهم، وقولي في الركوع "سبوح قدوس رب الملائكة والروح "، وقولي في السجود "سجد وجهي للذي خلقه وصوره وشق سمعه وبصره تبارك الله أحسن الخالقين " ،وأدعي كل شي في خاطرك وفرغي اللي في قلبك لله سبحانه وتعالى أثناء سجودك لان ربي قال"وَٱسۡجُدۡۤ وَٱقۡتَرِب"، ولما تقعمزي بين السجدتين قولي "اللهم اغفرلي وارحمني وعافني واهدني وارزقني".

-ونقولك أدعي ديما انك تكوني من الخاشعين في الصلوات وقولي "اللهم أجعلني ممن يصلون الصلاة ليرتاحوا بها لا ليرتاحوا منها".

_تفكري النبي عليه الصلاة والسلام قال "وجعلت قرة عيني في الصلاة" ،وكان يقول لبلال أرحنا بها.

_ تفكري ديما انه أول سؤال يوم القيامة على صلاتك فكوني مستعدة للإجابة.

صلاة الفجر اثابكم الله ..

يارب التيسير واليُسر والمسرّة .

‏رَبَّنا وَلا تُحَمِّلنا ما لا طاقَةَ لَنا بِهِ