الحال مثل ما قال إبن شايق :
‏كم نبي نَرضي الدنيا وكم زعّلتنا .

والله ان يطري على البال مايطري عليّك
‏و والله ان العين عن شوف غيرك حالفه .

تعالي واهدمي ما بيننا من باب والا سور
‏ انا المتلهف الواقف على حزات جياتك
‏- نداء .

تعال نتوب ونكفّر خطايا غيبتك من عام
واذا وصلك هو الذّنب العظيم .. نخلي التوّبه

"حلوك و حلو الليال اللي معك عشتها
‏مع انها كانت أقصر من حبال الكذوب"

حالي من حال ابن جدلان يوم قال :
‏ " ماعاد لي في هزيّج المجتمع فاقه "

انت مدّ الوصل وفالك ما يخيب
‏لك عليّ . . امدّ لك قلبي معه

"رضا الناس غايةٌ لا تدرك"
‏مهما فعلت لن ترضي جميع الخلق ولو فعلت المستحيل يقول محمد هضيب :

‏ولا تنشغل فـ إرضى المخاليق والأذواق
‏ترا الناس قبلك خاتم الرسل ما أرضاها

وأيضاً يقول حزمي سعد :

‏حتى لو عطيتهم وحده من عيونك
‏قالوا هذي عينه اللي مايشوف بها

ليت مالي في طريق الحبّ جرّه
‏الهوى اللي صابني مالي وماله

‏المحبّه ..واعذاب اللي تمرّه
‏من سببها حالتي ماهيب حاله

‏يا حبيبي كان مافيها مضرّه
‏دوك قلبي وأعطني قلبك بداله

‏ودي أعيش الحياة المستقرّه
‏سالي ٍ مثلك عن اللوعه وداله

‏ما دخل في خاطري مثقال ذرّه
‏ولا اتحرّا .. لا اتصال ولا رساله

" ليتنيّ أعرف ظروفه و تفكيره‏
إن كان وده بجيّتي جيت له عاني‏

المكابر بالهوى صعبّ تفسيره
بين أبيه وبين كيفه ولا جاني ؟ " .

‏على عيدك مبارك تاقف امال انتظاري سيد
‏هي اللي كانها ما جات منك مالها شاغر

‏- عبدالله آل لزيوح

‏"لكّعتنا سود الأيام ونعرف اللكيع
‏ونتغيشم ولا حنا ماحنا بغشمَا"

‏"لو ظهرتي بخيشه عقب لبس الحرير
‏طاح سعر الحرير .. وزاد سعر الخياش"

‏ما شبرت القاع مجهول الهويّة
‏لي وجود ولي جدود ولي عزاوي

‏ماراح خلّه فدى و انسى جميع الأُمور
‏لو إن جروحك بقلبي ماهيَ بـ خافيَه

‏المرحبا ؟ باقيَه و المسهلا ؟ ما تبور
‏وعيدك مبارك عنَ اعذارك علي كافيَه

‏لاني تِكانه ما أهتنيت السهالات
‏الموت يرضيني ولا أرضى هواني

‏اما غزيت البـدر بين السماوات
‏وإلا تركتك “شطر” بين المعاني

كان أنت طيرٍ يحوم ويدرك الساهل
‏حنّا الجبل والبحر والموج والميناء .

رح سمّح الله درب رجلك لا تزيد ولا تعيد
‏غير الولي محدٍ بنافعني ولا أحد بضارّني

‏عندي يهون العُمر لو أضيّع سنينه وحيد
‏ولا أصير من ضمْن إختياراتك ولا تختارني .

اثر  الوداع  أسهل علّي من الملام
‏و آسفْك ماتكفي و جرحك مايمون

‏وش الشعور اللي يبين فالكلام
‏عند الشعور اللي يبيّن فالعيون .