‏وأخاف لا منك بغيتي تنامين
‏ما أحدٍ يمد لحافك ليا استويتي

‏وأخاف لا قمتي وخاطرك شين
‏محدٍ يعرف من نظرتك وش بغيتي

‏وأخاف واجد واجد إنك تروحين
‏ياويلي .. ان رحتي ولا عاد جيتي!

"وأنا ماني بـ بحرٍ كل من جاني شرب من ماه
أنا صفحه من التاريخ تذكرني ما تنساني"

‏فمان الليل وأحلام الوصال وبالك النسّاي
‏وسواليف السهر وعتابك اللي يتبعه عذري

انا نادم على وقتٍ مضى ما كنت اعرفك فيه
‏أثر ماراح من عمري بدونك كان ما يسوى ؟

جيتك وأنا ودي من الفرحة أطير
‏وأعانق نجومك وأعانق سحابك

‏متخوف وعايش على الحلم الآخير
‏بـ أموت لو ما قلت لي مرحبا بك

‏ورحبت بي جعل فداك الغنادير
‏اللي ماتسوى في عيوني سرابك

‏وتنشد عن أحوالي عسى أحوالي بخير
‏كل الأمور بخير … لولا غيااابك

‏"كتبت فيك القصيد ولا خدشت الأصول
‏وشلون أوصفك وانتي قطعةٍ من حشاي"
‏- محمد معضد

‏"معك قلبٍ لو يميل الوَقت كله جايزٍ لي
‏أعرف إنّه ما يعرف من الظنون إلَّا النقية"
‏- محمد السلطان

لاتخافين المشاوير بـ غرامـي
‏انتي بـ وجهي لو ان عُمري فَنا

‏ميّلي راسك على كتفي و نامي
‏المســافـه كـلّها ، إنتـي و أنـا

ابطيت عنك و ودنا نسمع اخبار
انك لنا مشتاق .. لو هي كذوبه

مساعد الرشيدي رحمه الله

يا ليت أبوها من قريب الجماعه
أظن يحصل لي من" الشي شيّا
‏- صياف الحربي

في زحمة الناس دلّيني
لا تضيّع عيونك عيوني

تغنّي للوطن و أنت الوطن و الأرض و أهل الأرض ؟
‏بلادي أنت و الخطوه معك هي كلها بلادي

‏« أحبّك يا وطن قلبي »

ليتك معلِّمني قبل " يوم الوداع "
‏ودِّي أضمَّك لين ما يكل جهدي

‏ودِّي بك أروي شوف عينين جياع
‏تلهَّفت شوفك و زولك يا بعدي

‏أغليك .. و الدنيا بعدك بْلا متاع
‏صار التعب يسكن بروحي و جسدي

‏شاملك بالدعوات في عزّ الضياع
‏و بوصي على قبرك ليا متّ ولدي
‏

فَهَدْ السعد

الا ياليّت لي حظٍ من حظ جلاسك

‏"وشلون تبكي فوق نعشي وأنت مرديني قتيل
‏وتقرأ علي السبع المثاني! وأنت دامرني دمر؟"

تجيبك في ربوع الذاكرة يا صفوة الخطّار
‏مقاديرٍ رمت بك في طريقي وأنت ما تدري

على ممشى دروب البعد ملتني مشاويره
دخيلك إسقني وصلك وعاملني مثل وردك

أبيك تقول لي حاضر وتاخذني معك ديرةٍ
بعيده عن جميع الناس ماغيري تحت يدك

ودللني وراضيني وزعلني وقل خيره
تخليني أبوس الدمع لا شفته على خدك

انا جيتك وانا خايف من الحب ومحاذيره
ولا ودي اكون الا حبيبي بس على ودك

يبقى غرامك داخل الرُوح مبناه
يالله عسَى مع الزمن تنكتبين لي