"ما بكيتك لأني أعرف البكى: عذر التخلِّي
‏يمكن يطيح الغلا مع دمعتي: ذنب، وخطيَّة"

محمد السلطان

‏"الزمن وقّف على ذكراك .. وأنتِ
‏غلطةٍ عيّا العمر يدفع ثمنها"‏

ناصر مناحي

العام قلبي فيك هايم ومجبور
و اليوم حبك في حناياه مقبور

على الأقل اسأل وش اللي جرالي
‏انسى المحبه / واعتبرها مواجيب

عن وصل غيره يدين الحب مكتوفه
وعن شوف غيره عيوني مالها طمعه

ما يردع مكانك لا غياب ولا عِرف و سِلم
‏هذا انتي رغم كل العوايق وسط جوفي

وإن جت من دون العشم ماعلينا
يمكن عشمنا فوق طاقات الإنسان

حبيبي لو تضيق الارض وصدور العباد تضيق
‏يعز إنك علي مْن الزعل — تقطع مراسيلك 

‏عليك أخاف من جرح الكلام و لوعة التدقيق
‏و أحنك من قساي ومن قسى الايام و آوي لك 

‏لك الله ماقدرت اسلا بعدك ولا قدرت أطيق
‏تفاصيل الحياه اللي مافيها من تفاصيلك

ماهي عوايدك تبطي ما تكلمني
‏ مدري من اللي خذاك وغير سلوبك

‏عن كل حاجه بـ قلبك ما تعلمني
‏نسيت طيش الغلا وايام محبوبك

‏ازريت لا افهمك وانت ازريت تفهمني
‏ماتدري ان القصايد كلها صوبك

‏على دروب المفارق لا تسلمني
‏تسليمة اللي مقصر دون ماجوبك

‏اللّٰه على الصبر والسلوان يلهمني
‏عذروبي اغليك وانت البعد عذروبك

‏وان كان عقب الغلا اللي جاك تضلمني
‏ اللّٰه يسامحك ويمسح لك دروبك .

ما كنه إلا ساكنٍ بين الرمش والحشا مدهاله
واحدٍ لا من دعاني تلبي له ضلوعي قبل لساني

الله يعز السعودية ولا يعز عليّها
مبروك الفوز سعوديتنا💚

طحت في حبك الجذاب من دون غايه
‏أفقد العقل ساعه وأسترده دقيقه

‏كل من لامني قلت أدع لي بالهدايه
‏ البحر ما يطاوع موجه إلا غريقه

مرحبّاااا يا خيّرة الوقت
‏- يا صبّح الربُوع -
‏لايق الترحيب لاجيت
‏يا أغلى من يجي ولا نزيده❣️

لا رساله ولا اخبار ولا سِعة صدر ؟

مصير الزِّمن لا دار .. كانك من الحيّين
‏يعلِّمك أنا وش كنت والناس وش كانت

‏ حرام اني أنا الباذر وانا الزارع وانا الساقي
ولا اخذ من البستان لأتعّابي ولا ورده

مرحبا يا غاية القلب و أقصى منتهاه
‏ريف قلبي جعل عمري معك ما ينتهي

‏والله أنك وسط قلبي وهذا مبتغـاه
‏والعمر من دون وصلك ترى ما ينشري

‏والله أنك زين مبسم و طبع و زين جاه
‏جعل عين الناس منك تسج و تلتهي

ما أبدل قلبك ، و لا يوم أغيّرك