ا و اني حعرس هديل، اتنهدت شوية كده وقلت ليهم خلاث عازمكم كلكم عرسي سكت مسافة عاينت للبنت قلت ليها انتي زاتك تعالي.

وهل كنت بعلم أن هديل حتفضل نص في ذاكرتي للأبد و أني ما حتزوجها!

أنتهت الإجازة ورجعت المدرسة و كلي شوق و تحنان إلى هديل وبالفعل أستقبلتني هديل واداتني حلاوة لونها أحمر كنت محتفظ بالحلاوة دي فترة سنتين لحدي ما جاكي كلبي الأليف قدر يصل ليها في دولابي ويمزقها هو الحقير الثاني..

ألطف ما في الموضوع أني كتبت بحبك في منديل واديت المنديل لي هديل خطفتوا منها التؤم ( شهد - وعد ) شريرات المدرسة ودوا المنديل لي أستاذة كده كريهة وقفت نص الحصة وقالت

- الاخ محمد كاتب بحبك لي هديل تفتكروا ممكن اعمل معه شنو!

بعيدا عن اسلوبها الشوارعي ضربتني 5 سيطان قلت ليها ايوة بحبها.

و مرت الزكريات ألى ان كان اللقاء الأخير..

بتذكر في اليوم ده كان عندنا حفل في المدرسة ولسبب ما اول ما وصلت قعدت ابكي زي الأهبل ود خالتي اخدني على جمبه مالك بتبكي!
كنت بقول اسمها بس 🤣

لكني كنت عارف أنها النهاية الحشوف فيها هديل للمرة الأخيرة بأساً للأن بتذكر كانت لابسه فستان أحمر واحيانا بتسرق نظرات ألي بس كنت جبان كنت أجبن من أني اودعها كنت مفتقد للشجاعة الحتخليني اقيف قدامه واقول ليها هديل حشتاق ليك، وياريت لو كنت اتشجعت، رجعت البيت وعارف أني ما حشوف هديل ثاني لأنها حتسافر السعودية للأبد، و انا حسافر القاهرة للأبد.

و منذ ذالك الحين أرتقت روحي أليك ♥

يمكن ما قصدتك في قصيدة بس أنتي الحقيقة ♥

يمكن أمنيتي في الحياة أني اشوفك ثاني ماعارف كيف بقيتي وكيف كانت ايامك و هل أنتي اسي يا هديل عايشه ولا لا! هل انا خالد في ذكراك ولا لا اتزوجتي يعني ولا لا! أسئلة كتيرة يا هديل نفسي أسئلك ليها و أهمها شعورك كيف كان يوم اهديتك وردة؟ ♥✨

انا اسف جداً عن غِيبتنا واسف عن كل المسافات ما بعرف وين انتي حاولت جاهد اصل ليك بس متاكد ان في وقت حشوفك فيه ما اوعدك أني حكون موجود الأقدار ما معروفه بس اوعدك أن اسمك ما حيمر عبثاً بدون ما اركز واتذكرك ما حيمر بدون ما افتكر ان اي أنسانة اسمها هديل ممكن تكون أنتي، وبالرغم من ان مشاعري اتلوثت بي علاقات كتيرة لا تستحق الذكر بس أنك انتي القصة المنتظرة أنتي قصة حياتي الححكيها لي بنتي و احفادي انوا فعلا ابوهم حبا انسانه حب شديد خلاص كده، وقد أكون اسرفت في بعض من مشاعري تجاه قلوب ثانيه بس ما نالوا قصة لطيفه الجميع كان طيف وانتي الحقيقة الجميع كان مجرد سؤال وانتي الإجابة،.

" إلى ان التقيك مرة اخرى في هذا العالم الصغير اعلمي انني كنت اعني ما اقول ربما لم اجدي الحديث واصفاً تلك المعارك بالطيبات لكنك انتي الحراب، حرباً أقاتل بك لأحيا ومحرابا احتفل به، كنتي انتي عزيزتي كل شي ولا يغرنك أشعاري الأخرى احبتك روحي لا نفسي والنفس دنيئة هى الاخرى، سامحتها لأنها تحمل شي منك "

ابقي عافية أين ما كنتِ 🙏♥

حب عظيم🌻💛

من يؤمن بي الحب يجب عليه قراءة م كتب هنا💛

كتب محمد عبد الحليم

لقيت تريند جميل كده بيتكلم عن حب الطفولة :

أياما مضت يا هديل ♥

هديل الاسم الراسخ في أذهان عموم أهلي واصدقاء الطفولة أنها كانت وللان شخصي المفضل ألذي لا أعلم عنه شئ بس حابي اتكلم عن الموضوع واخلى ذكرى وكل سنه اعاين ليه واتذكر صُدف الحياة ♥

أول مره شفت هديل ما كنت بعرف معنى حب او غير مبالي لوجود الكلمة دي لأني كنت مكتفي بي نظراتنا البسيطة جداً لي بعض، اول مره شفتها كنا في روضة ام احمد القرأنية بالتحديد في حي الحتانه، وقتها كانت في الصف الاول روضه و انا كنت في الصف الثاني، يمكن السنة الأولى مرت بشكل سريع بدون ما اتحصل على زكريات اشبع بيها ذاتي المشتاقه جداً ليها دلوقتي، ومرت سنة واحيانا برتقب هديل لما تجي ولما تطلع ولما تلعب، بعتقد أن دوري في المدرسة كان أني اشوف هديل و بس ولحدي ما وصلت الصف الثاني اساس حسيت اني لازم اعبر عن الشعور ده بشكل الطف، فا رجعت البيت وذكرت لي جدي يا جدو انا عايز هديل، جدي وقتها ضحك مين هديل دي!

- هديل يا جدو ياخي بتقراء معانا

وقتها سمعت كلمة حب ايوة حسيت اني لقيت أجابة على سؤال ما كان في بالي قال لي بتحبها يعني!
ابتسمت لأني لقيت دليل على صحة مشاعري وهو كلمة حب، بس حسيت انها صعبة يعني ما بقدر اقول كده، قلت لي جدو يا جدو عايز اجيب هدية لي هديل اجيب شنو!

- خلاص اسع نمشي الدكان ونجيب حلاوة وباكر ابقى اديها حلاوة

حسيت أن الموضوع اهم من كده اني محتاج حاجة تعبر بشكل لطيف، ومر اليوم الاول العرفت فيه كلمة حب ده اللى هو يعني خلاص محمد انت بتحب! يا سلام يا هديل!! خلاص انا باكر بشيل وردة زي المسلسله البشوفه في التلفزيون، والصباح بدري ابوي مفترض يوصلني المدرسة بالعربية قلت ليو لا عايز امشي بالترحيل يا ولد اركب الترحيل ماحيجيك، لا م بركب حركب ترحيل عشان هديل زاته حتركب ترحيل يا ولد اركب! اركب ما تركب جه الترحيل وجريت جري ركبت والأهم من ده كله اني كنت شايل وردة من المزهرية واذا ما خانتني الذاكرة في حلاوة صغيره كدي كانت بي كم قرش وقتها شلتها لي هديل و يا حبيب الهوى الليله يوم مختلف، وصلنا منزل هديل لحدي الان متذكر الطله، كانت فيلا جميلة من طابقين وهديل طلعت معاها الدادا بتاعته ركبنا الترحيل، في صمت غلاب للكلام كنت مركز معاها شديد لحدي ما وصلنا المدرسة كل الطلاب دخلوا قلت ليها :

- هديل
- محمد كيفاك!
- عندي حاجة ليك
- حاجة حلوة!
- ااي حلوة
- شنو طيب قول لي!

طلعت الوردة من الشنطة ابتسمت كتير شمتها حسيت ملامح وشها متغيره قلت ليها م عجبتك؟

- لالا بس ريحته بلاستيك!

في الحقيقة ايوة كانت بلاستك يمكن لو كانت في عمرنا الحالي ما قالت كده بس على كل حال كانت مبسوطة، مرت الأيام و هديل شخصي المفضل في المدرسة لحدي ما في يوم كنت طالع من الفصل سمعت هديل بتبكي بصوت عالي، بدون ما اشعر جريت ناحيتها لقيتها ركبت في المرجيحة وكانت عاليه فا اثناء ما بجري عشان اوقفها وقعت لأن المكان كان سراميك وفي موية وقعت بالتحديد تحت المرجيحة حاولت اوقفها بي يدي ضربتني المره الاولى حسيت اني م قادر احرك يدي رفعتها ثاني ضربتني مره ثانيه م قدرت انزلها يدي، المرجيحة ضربتني المره الثالثه، هنا حرفيا كان في قدر من الألم شاعر بيه غير طبيعي، لو ما خانتني الذاكرة افتكر ودوني المستشفى اتضح ان في ثلاث كسور في اليد اليسرى اتجبصت ورجعت البيت حبوبتي قالت اليد دي متجبصه غلط مشينا مستشفى الشرطة كسروها ثاني عشان تتصلح، وبعد اجازة لطيفه كده رجعت المدرسة ثاني هنا هديل كانت لابسه جاكيت لونه بني
غامض كده استقبلتني بي إبتسامة رحبة و الأهم من كل ده سؤالها :

- انت اسي كيف ويدك كيف!

وأستمرينا بدون مفاهيم للحب وبدون قواعد وكانت عازمة انها ترسخ ورسخت في مخيلة اهلي اذكر في مره جيت لي ابوي

- يا ابوي انا عايز اتزوج هديل
- هههه خلاص نمشي نكلم اهله ونطلب ليك يدها

اللطيف في الموضوع أني مشيت لي بتاع الصيوانات في الحلة قلت ليو انا عايز اعرس هديل جهز لينا الحاجات الناس دي انفقعت بالضحك اتصل على خالي اسمه اشرف بيقولو ليه جنجا

- معقولة يا جنجا، جنجا صغير يعرس م تعزمنا.

حسيت انهم بستخفوا بي مشيت لي بتاع الخروف قلت ليو يا عمو الخروف بي كم قال لي بي 250 قلت ليو خلاص انا عايز خروفين عشان عايز اعرس هديل وكالعادة اتصل على خالي برضو.. يومها رجعت البيت قلت لي حبوبتي حننيني، زغرطت وجابت الحنه وحننتني و الموضوع بنسبة لي كان جادي شديد

لحدي ما ثاني يوم كنا في الموصلات انا و حبوبتي كان في شباب راكبين جنبنا وجات بنت حلوة كده عمره بيكون وقتها 22 ركبت حبوبتي قالت لي رايك شنو نعرس ليك دي!

عاينت للبنت من فوق لي تحت بي قرف كده و الشباب مركزين وهي متلحه وشها قلت ليهم لالا هديل بس داير هديل بس، البنت قالت يعني انا شينه، وقعدت ابكي مفتكر انهم حيعرسوا لي البنت الفي الموصلات وكلهم قعدوا يحنسوني ويقنعوني انهم بهزرو

"مثلُكِ!
تُرهقُنِي الأحَلامَ
تَخطفُنِي المسّراتَ الصغيرةَ
تُسابقُنِي الفوضَى
تُثرثِرُ صَغارٌ منَ ذكرياتِي تحتَ أجنحَة الليلَ ،
أتنّفسُ الشُروقَ
أُحِب النُورَ كَيف يمَلأ أركانَ قلبِي الكَبيرَ
يبهُتَ لونَ إنتظَارِي
تتأخرَ صافرةُ النهَايةَ ،
أحِب تسَاقطَ المطَر ورائحَة الأرضَ
السعيدَة ،
صَوتَ الأطفالَ لحنٌ صافِي
ضحكةُ مَا تأسِرنِي
إبتسامَة عابَرةَ ترمينِي فِي قلبَ
الشُرودَ ،
أحبُ مُعَانقةَ السمَاء للبَالوناتَ المُحلقَة
وألوانَ اللحَظاتَ المُبهجَة ،
حقُولَ دوّار الشمَسَ الصَفراءَ
وأنا التِي تمكثُ داخلَ المرآةَ
تُخبرنُي بقصَة ، كمَ إنتِ جميلة!"💛🌸

#زَكية_عاطِف

تـربيتة علىٰ أرض الواقع؟

نعم!،
أخيرًا بعد الكثير من الإنتظار
" مُلتقى تـربيتة الأول"..
ماذا لو إلتقينا جميعًا ؟
تبادلنا أطراف الحديث وأبياتٍ من الشعر
إلتقينا بمؤلفيين أميّز الروايات السودانية، باللغة العامية كانت أو الفصحى!
الكثِير من الكُتبِ والطعام
مسابقات وجوائـز
والعديد من البرامِج الشيقة🔥🔥

وذلك في يوم السبت الموافِق العشرون من شهر فبراير في تمام الساعة الحادية عشر الى الساعة الثالثة ظُهرًا..
المكان : مركز Learning pleasure في شارع أوماك غرب تاركو للطيران.
سعر التذكرة : 350 ج.
طريقة الدفع :
الدفع عن طريق بنكك
" 2480459"
بإسم : رُبا خالد علي
ثم إرسال الإشعار على رقم الواتساب
0905662853

سـارِع لحجز مقعدك من ضمن 60 مقعد فقط 🔥.
#ملتقىٰ_تربيتة_الأول
#تربيتة

ماذا عن السفر إلى اليابان؟🙄
الكـاتِب طارق بـخيت في ريفيو لـروايتهِ " رحلة إلى اليابان"❤️..

لسـه ما حجزت مقعدك؟
للحجز:
الدفع عن طريق بنكك 2480459 بإسم " رُبا خالد علي" ، ثم إرسال الإشعار للرقم :
0905662853
المكان :
مركز Learning pleasure في شارع أوماك غرب تاركو للطيران.
الزمان:
يوم السبت الموافق 20/2 من الساعة 11 صباحًا للساعة 3 ظهرًا.
سعر التذكرة :
350 ج.

#ملتقىٰ_تربيتة_الأول
#تربيتة

- الىٰ الجيل الراكِب رأس؛ الشفاتة والكنداكات !
لقَد كانت هذه الكلمات اهـداء كُتِب على روايةٍ من تَفاصيل الدَّهشةِ وأُغنيات الحُب؛
ذلك الحُب الأصيل الذي اشتعـل مع شَرارةِ الثّورة.
روايةٌ تَحكي عن فتاةٍ تَحمِل الوطَن في داخلها،
عَتيقةٌ كشوارعِ أركويت التي تَقطُنها،
تَبثُ فيك الطمأنينة والحُبِ،
تشبه طمأنينة المساجِد والمعابد وأجراس الكَنائس؛
أطلق عليها محبوبها الكَاتِب اسم "السِّكيكـرة".
سنتشرَّف في مُلتقىٰ تَربيتة الأول بالتَّعرف عليها عن قُرب؛
بحضـور الكَاتِب الجَميل
" أحمـد طَارق."

-

طريقة الحجز :
الدفع عن طريق بنكك 2480459، بإسم رُبا خالد علي ، ثم إرسال الإشعار للرقم
0905662853
سعر التذكرة :
350 ج
المكان :
مركز Learning pleasure شارع أوماك غرب تاركو للطيران.
الزمان :
يوم السبت الموافق 20 من شهر فبراير من الساعة 11 حتىٰ الساعة 3 ظهرًا.

#ملتقىٰ_تربيتة_الأول
#تربيتة

- هي كاتبةٌ روائية أُعجب بكتاباتها الكثيرون ، و أسرت عقول الناسِ بأحرُفِها ..
"أنثى في عرينِ أسد و شيزوفرينيا" ، رواياتٌ كانت بعضًا من أسلحةِ إبداعاتها ، و "ثانويةُ المشاغبين" أيضاً كانت من أشهر رواياتها ..
رواياتٌ و أحرفٌ و أسطُر تُجبِركَ على التفكير و التّعمق دونما تحكّمٍ منك .

"لينا فيصل عبودي" ، أو المعروفةِ بإسم "لينا عامر" ، ستكون أحد متحدثي مُلتقى تربيتة الأول بمشيئةَ الله تعالى .

-
طريقة الحجز:
عن طريق بنكك 2480459 بإسم "رُبا خالد علي"
ثم إرسال الإشعار للرقم
0905662853
سعر التذكرة : 350 ج.
المكان : مركز Learning pleasure شارع أوماك غرب تاركو للطيران.
الزمان : يوم السبت الموافق 20 من فبراير من الساعة الحادية عشر صباحًا للسـاعة الثالثة مساءً.

#ملتقىٰ_تربيتة_الأول
#تربيتة

مـاذا تعرفون عن لقاءات تربيتة الشهرية؟
و ماذا إذا كان لقاء هذا الشهر في ملتقى تربيتة الأول 🔥.
ضيـف لقائِنا لهذا الشهر هو أحد أعضاء تربيتة..
صـاحب عدد من الروايات الإلكترونية
الكـاتِب الروائي :
قـاسِم عبيد..

-
طريقة الحجز:
عن طريق بنكك 2480459 بإسم "رُبا خالد علي"
ثم إرسال الإشعار للرقم
0905662853
سعر التذكرة : 350 ج.
المكان : مركز Learning pleasure شارع أوماك غرب تاركو للطيران.
الزمان : يوم السبت الموافق 20 من فبراير من الساعة الحادية عشر صباحًا للسـاعة الثالثة مساءً.

#ملتقىٰ_تربيتة_الأول
#تربيتة

” كانت Biblosudan إيماناً منها أن القراءة حاجة اساسية وضرورة، وأن الشعوب التي تقرأ شعوب لا تجوع ولا تُستعبد“

ضيفتنا المميزة #آية_عبدو :
-مُوسسة ببلوسودان.
-كاتبة محتوى.
-صاحبة العديد من الورش التدريبية .

المكان : مركز Learning pleasure.
الزمان : يوم السبت الموافق 20 نوفمبر من الساعة 11 صباحًا الى الساعة 3 ظهرًا.
سعر التذكرة : 350.
للإستفسار : 0905662853
⭕️تبقى عدد قليل جداً من التذاكر.

#ملتقى_تربيتة_الأول
#تربيتة

- و من خلفِ الشاشات ، بعيدًا في شبهِ الجزيرة العربية ، تحديدًا سلطنةُ عُمان ، يأتي كاتبٌ روائيٌّ عُمانيٌّ شاب ، صاحبُ الثلاثِ رواياتٍ (إنسيٌّ في العالم السُّفلي | روتم | أوميدا ) .. رواياتٌ جابت كثيرًا من دول الشرقِ الأوسط لتحكي قٍصصًا من أواسطِ السلطنةِ ، آتياً ليحكي لنا عن تجرُبتهِ في عالم الأدب ..

عبر الإنترنت ، الكاتبُ الروائي العُماني "عبدالله مسعود المفرجي"

-

المكان :
مركز Learning pleasure شارع أوماك غرب تاركو للطيران.
الزمان :
يوم السبت الموافق 20 من شهر فبراير من الساعة 11 حتىٰ الساعة 3 ظهرًا.

#ملتقىٰ_تربيتة_الأول
#تربيتة

ترقص الكلمات وهي تخرج من بين يديها وكأنما على الورق عُرس بهيج، في ضيافتنا الرائعة جداُ
#تسنيم_نصرالدين :
- هندسة عمارة - جامعة الخرطوم.
- كاتبة روائية _ صاحبة رواية" ما تبقى لي".
-متحدث تحفيزي معتمد.
-مؤسس مؤسسة outline الثقافية.
-مؤسس واداري سابق في منصة مبدعون
-صاحبة مبادرة let's care لحل المشاكل الأسرية.
-مقدمة برامج في إذاعة الفرقان.
-مؤسس مبادرة عشانك إنت.


المكان :
مركز Learning pleasure شارع أوماك غرب تاركو للطيران.
الزمان :
يوم السبت الموافق 20 من شهر فبراير من الساعة 11 حتىٰ الساعة 3 ظهرًا.

#ملتقىٰ_تربيتة_الأول
#تربيتة

مُقتطـفات من رواية رقراق شمس 🖤🌻
..
لقيت ملاذ راجياني تحت سلمت عليها و قعدنا، بقينا ساكتين طلعت لي حلاوة من شنطتي اديتها ليها قلت انا اسفة ، فأتلفتت عاينت بخلعة و عيونها أتملو دموع قمت حضنتها في اللحظة ديك حسيت روحي كنت وضيعة كيف، نحن بنطالب الاهتمام من أقرب الناس لينا بكل انانية الدنيا و قُرب العلاقة و بطريقة عفوية و في مرة ما فكرنا هم محتاجين شنو، بنضحك قدام بعض و بنشيل حزننا برانا لحدي ما ينعكس في ملامحنا للأسف.
طبعاً اي زول في الجامعة بعاين قايل في زول اتوفى أو مصيبة حصلت لكن في الحقيقة كانت بس ملاذ بتبكي حاجات كتيرة لزول كانت منتظرة منو يسألها مالِك و الزول كل الكان بعملو يكورك فيها و يحكي ليها و ما سمع منها.
بعد شوية طلعت الاستراحة غسلت وشها و طلعنا سواا المسجد قعدت قصادي لقت روحها تاني حتبكي، رقدت في رجلي و غمضت عيونها و بسرعة غريبة نامت لمن قلت يمكن ماتت لكن طلعت بتتنفس.
طلعت تلفوني و حسيت روحي دايرة اكتب ففتحت الفيسبوك و كتبت بوست.
" بعد زمن طويل أكتشفت انه مرات الحل ممكن يكون في أننا نخفف عن الحوالينا، ما دايما القصة عننا نحن مرات بنحس بالفرح بس لما نشوف اقرب الناس لينا مبسوطين، يمكن الحل في أننا ندي الحوالينا و يجينا راجع لكن دا بحتاج ايمان كبير بنفسنا و عظيم بربنا.
أتفقدوا الناس الحواليكم الدنيا دي جاية علينا شديد و في عمر صغير، كل واحد حياته في خدش عظيم أعتمد اسلوب التجاوز في انه يشفيهو لكن ما كان عارف انه المواجهة و التقبل هو الحل، خليكم خُفاف في حياة بعضكم 💙. "
..
الرواية حتنزل بكرة ان شاء الله حتكون كالعادة كل يوم حلقة في قناتي @MolHema67.
حياة شباب و تفاصيل حياتهم المختلفة، قصص بعضها من خيالي و تفاصيلها حاصلة و البعض الاخر قصص حوالينا، يمكن تلاقي قصتك تايه بين القصص دي، بتمنى تشرفوني بمتابعتكم ليها و يا رب تصل لقلوب محتاجة يد ترفعها من احساس الوحدة 💙.
#شمس_الصافي

- مرحبًا ..
تعتذر منصة تربيتة للمتابعين الأعزاء ؛ و ذلك نسبًة لعدم قدرة الشاعِر " معد شيخون" من حضور الملتقی الخاص بها ؛ بسبب إصابته بفايروس كورونا المستجد ، و تتمنى له عاجل الشفاء ، و نسأل الله أن يلبسه ثوب الصحِة و العافية .

مع خالص الدعاء .

- ولأن تربيتة تطمح لنقل المتعة لجمهورها ، تقدم لكم الشاب الفريد " البراء محجوب " ، ليصبغ لنا اللقاء بنفحة من روحه ؛ و يحول لنا اللقاء معكم إلى مكان دافئ ، بسحره الفريد

..

المكان :
مركز Learning pleasure شارع أوماك غرب تاركو للطيران.
الزمان :
يوم السبت الموافق 20 من شهر فبراير من الساعة 11 حتىٰ الساعة 3 ظهرًا.


#ملتقىٰ_تربيتة_الأول
#تربيتة

التصـميم أصبح العمـود الأساسي للإعلام الآن ..
والهوية البصرية الأولى لكـل عمل ..
فمن وراء التصـاميم التي ولـت ؟

المُصمم :
محمد كـمال

كـامل الشُكر والعرفان .❤️

- أعزائنا حضور تربيتة ، طاب مساؤكم .. نود تذكيركم ببعض التوجيهات لمُلتقى الغد :

* حفاظًا على سلامةِ الجميع الرجاء من الحضور الإلتزام بإرتداء الكمّامة .

* إبراز التذكرة الإلكترونية عند الحضور للتأكد من الإسم .

* نُعلمُكم أيضًا أن البرنامج سيبدأ في تمامِ الساعة الحادية عشر و النصف ، و سيتم إغلاق باب المركز في تمام الساعة الثانية عشر ، حفاظًا على هدوء البرنامج .

* يقامُ الملتقى بمركز Learning Pleasure ، في شارع أوماك ، غرب وكالة تاركو للطيران .. للإستفسار الرجاء الإتصال على الرقم : 0905662853 .

#ملتقى_تربيتة_الأول
#تربيتة