لطمیه للعباس ع
((الوزن مجرشه))
ـــــــــــــــــــــــــــــــــ
وینک یسبع الگنطره احظر وشوف اطفالی

راحت سبایه امچتفه وآنه الشمر یبرالی
►✺┅●✥💠✥●┅✺◄

اختک مشت ویه العده یا کافلی مسبیه

تدرینی آنه مخدره واعله الهظم مابیه

اطفالی تتباچه وتون وترید منی امیه

آنه انظر اراسک وون امعلگ یخویه اگبالی

✍🏻یسرا الموسوی
►✺┅●✥💠✥●┅✺◄

راسك یبعد اختك یصد کل ساعه وینادیني

عینچ یزینب عالظعن بت امي یاضي عیني

اسمع ارقیه من تون چن نار واچویني

وین اختي بتي ابعهدتچ هیه وجمیع اعیالي

✍🏻..العلویه ام ضیغم المحنا
►✺┅●✥💠✥●┅✺◄
عيالي وبنيتي بعهدتچ خوية انتي اتداريهم
من عگب عيني بهمتچ عيونچ تدور عليهم
لوشفتي نار على الخيم بعبايتچ لميهم
صبري علی حتم القضه اليجرالچ  ويجرالي

✍خادمة العقيلة ام احمد
►✺┅●✥💠✥●┅✺◄

اتمنه اموت ولاشفت جفك وگع عالغبره

والزند منك منگطع وكلمن وگع من كتره

اطفال تصرخ بالخله وگلبي بعد شيصبره

ومضيعه سبع الكنطره وابني العزيز الغالي

✍🏻ام حيدر العباديه عماره
►✺┅●✥💠✥●┅✺◄

عينج عليهن بالدرب صعبه العده تباريهن

سكنه ورقيه وعاتكه فگد الابو ماذيهن

صيريلهن ام وابو وصيري الكفيله اعليهن

يصعب عليچ ادري الامر فگد الخدر والوالي

✍🏻 أم حسن البطاط

►✺┅●✥💠✥●┅✺◄

ادري صعب هذا الامر يابت علي من تمشين

لامن كفيل اولا اخو عالترب كلها امطاعين

عذريني لو صديت الـــچ وبعيني اشوفچ تبچين

ماعندي چف يمسح الچ دمـــع العيون الهالي

✍️الشاعره شيماء ام نور
►✺┅●✥💠✥●┅✺◄

موبس سبي ياكافلي شتمو علي وضربوني

زينب أنه يابو الفضل على الهزل يركبوني

ريتك عدل ياكافلي شدو حبل بمتوني

ماادري خويه بجيتي لكربله يجرالي

إم حيدر العبادي ناصريه
►✺┅●✥💠✥●┅✺◄

تـــمـ بعون الله تعالى ـــت
بقلم شاعرات اهل البیت ع
في رابطة دموع العقیله ع 
لانجيز حذف الاسماء✋
🙏🏻نسالكم الدعاء🙏🏻
https://www.tg-me.com/Kfeilzainp

اه يزينب يا بخت ذيج الطفوف
نظرتج جانت تشاكف بالسيوف
بعد اخوتج للسباية صرتي شوف
ياهيه المثلج يا خيمة

آه يا زينب😭😭

عبد الله الرضيع
وزن مجرشه
آه يالولد      يل بالمهد    ضامي ييمه ايذبحوك
چبدي انمرد اشظل بعد  يبني الي ماخلوك
حرمله صابك بالسهم
احسين جابك للخيم
آه يالولد     آه يالولد
💧💧💧💧💧💧💧💧
ياوليدي من رديت الي   ضامي اونحرك مگطوع
اتلگیتك ابحرگت گلب    والچبد لمك مفجوع
ياريت ماي الماردت   اسگیك يوليدي دموع
شفتك ييمه امن انرجعت   ابحضن عودك مصروع
ياضنوتي  يامهجتي    عبد الله آه يغالي
ياحسرتي   ابدنيتي     اصوابك مرد دلالي
من العذب ابني انحرم
احسين جابك للخيم
آه يالولد  آه يالولد
✍الشاعر فالح العامري

💧💧💧💧💧💧💧💧💧
باليل روحي فرفحت   عبد الله  یاريع  اچلاي
فريت مذهوله ورحت    واصرخ  ييمه  يضناي
العدوان من حل المسه   اطوني  يوليدي  الماي
ومن اشربت در اللبن   جيت ارضعك  يرجواي 
من لهفتي....ياسلوتي  فريت يا دلالي
وبصرختي...بكل حرگتي  اگعد یکل آمالي
ناغیلي لو حته بحلم
حسین جابك للخيم
آه يالولد     آه يالولد
✍العلويه ام ضيغم المحنا

💧💧💧💧💧💧💧💧
عبد الله يبني اشحصلت     من كربله يوليدي
يالفرد واحد وانذبح     اتروح تالي من ايدي
ستة شهور امساهره     تكبر گلت ياعيدي
امالي بيك اورجوتي     راحت اوعله ويدي
ياسلوتي يامنوتي    يازهرتي ابايامي
يادمعتي ياعبرتي    اللي بدلت احلامي
الدنيه بعيوني عدم
حسين جابك للخيم
آه يالولد. آه يالولد
✍ الشاعره ام منذر الحجار

💧💧💧💧💧💧💧💧💧
عبدالله يمه  يلود  يابعد روحي الغالي
افراك صعب يمدلليلي     يبني مردت دلالي
لوا ميته كبلك يلولد      واهواي انه اشوالي
يصوبوك  يبني بلنحر   ماجان هاذا بالي
يافرحتي ياسلوتي    ماتدري يمه بيه

يادمعتي ياحركتي   يوليدي حن اعليه
بكلبي مايبرة الالم
احسين جابك للخيم
✍الشاعره ام عمار الصائغ

💧💧💧💧💧💧💧💧💧
اه ياعزيزي ومهجتي    فكدك مرد مني الكلب
خلافك يايمه مانشف   بعيوني دمعي وظل يصب
عفت الخيم يابني وكمت     وكطعيت يمه اضلم درب
واتمنه اشوفك يالولد    ماينحمل فكدك صعب
يايريع كلبي يالولد   خابت يايمه امالي
تمنيت تحفرلي الكبر  ماجان هذا بالي
ابني وردت اسمك علم
احسين  جابك  للخيم
آه يالولد     آه  يالولد
✍ الشاعره العلويه ام نور

💧💧💧💧💧💧💧💧
عبد الله من رديت الي   وسهمك يكطع بجلاي
اسم اعله اسمك يالولد   عطشان ردت انته الماي
ورووك من فيض الدمه    يالولد يالب احشاي
ردتك ذخر ياسلوتي   للكبر انت رجواي
انت العمر   ماظل فكر    يبني وثمر دلالي
دمعي جمر    طول الدهر  يمه يوليدي الغالي
تبجي الاطفال اويه الحرم
وحسين جابك للخيم
اه يالولد  اه يالولد
✍الشاعره ام حسين الفريداوي

💧💧💧💧💧💧💧💧
يايمه من شفتك منصرع    ودمك الك  صار خضاب
ضميتك الصدري بعجل   وعليه سديت الباب
ماريد احد ينظرك    ويسالني ويريد اجواب
عبد الله يمه خايفه  ابكربله ايصير اعتاب
ياغربتي وياهظمتي   عبد الله بعدك يبني
ياوحشتي  وياحيرتي  الأمل خاب اوضني
ابقى بعدك بالهظم
حسين جابك للخيم
اه يالولد. اه يالولد
✍الشاعره ام محمد الساري

💧💧💧💧💧💧💧💧💧
عبد الله يبني بكربله   تندبح اه يوليدى
اسهرت برباك شكثر    تالى تروح من ايدي
ردتك ييمه الكبرتي    هذي ييمه عيدى
بعدك يظل خالي المهد   واني ييمه شبيدى
سهر وتعب   راح الامل   يبني وثمر دلالى
لمن رحت  اتمرمرت  ريتك تشاهد  حالى
الحيل من عندي انهدم
حسين جابك للخيم
آه يالولد آ ه يالولد
✍الشاعره ام البنين

💧💧💧💧💧💧💧💧
من شفت يبني رگبتك    دم النحر داميها
ينعاك گلب الوالده.     وذيج المحن ماناسيها
يالذخر ردتك يالولد    ولكبرتي اداريها
گلب امك عليك انفطر   ماحسبت تاليها

يارجوتي   ابدنيتي    افراگك شده البالي
ياسلوتي  ياشمعتي    مهدك بگه يبرالي
صاحت عمته والحرم
احسين جابك للخيم
اه يالولد. اه يالولد
✍الشاعره ام كرار الطائي

💧💧💧💧💧💧💧💧
تمـ والحمد لله ـــت
فی رابطة کفیل زینب ع
باشراغ الاستاذ فالح العامري
بتاریخ 2018/9/11
لا نجیز حذف الاسماء
نسالکم الدعاء

👏جلوه لمیلاد السیده معصومه ع👏
وزن المنسجم
((مستفعلن مستفعلن مستفعلن فعلن))
ــــــــــــــــــ☘ـــــــــــــــ
ترست الدنيه بالفرح. من اجت معصومه
كل الهــلا بهذا الوجه. واشگد حـلو يومه
🍃🌼🍃🌼🍃🌼🍃🌼🍃🌼

معصومه یا وجه السعد. یا فرحة الدنیه
ام العــطــایـا والگــرم. تنضح اعزوبیه
چم مــره فزعتلي بعطف. وتفـوح حنیه
مشهود الها اخت الرضا. بالجود معلومه

✍ العلویه ام ضيغم المحنا

🍃🌼🍃🌼🍃🌼🍃🌼🍃🌼

کل الهله بخت الرضا یامرحبا بیها

کل الدنیه تنورت وینور وادیها

املاک السمه اتغنی ابفرح وتهنی اهالیها

والشمس ویاها الگمر ومهلهله انجومه

✍🏻المیرزه ام ليلي الخاقانی
🍃🌼🍃🌼🍃🌼🍃🌼🍃🌼

معروفه بت اهل الكرم فاز التعناها

فرحانه بيها ارض اوسمه معصومه حياها

انجمعت شمسنه او يالگمر هاليله محلاها

واعله البشر بسمة فرح هالليله مرسومه

✍️ام محمد تقي الموسوي
🍃🌼🍃🌼🍃🌼🍃🌼🍃🌼
يامرحبه بهذا الاسم مرحبه بهل طله

تتلاله تشبه للكمر ومن الكمر احله

اخذت سجايا من الابو المظلوم يوصله

يرجع وبيديه امراد وتفرح اعلومه

العــ✍🏻ــلويه ام مرتضى الموسوي
🍃🌼🍃🌼🍃🌼🍃🌼🍃🌼
بجيتها هل طر الفجر والنور يتلاله
وبيت الامام شكدلفرح طبله وتعناله
بهل يوم كَلب المحب البشرى تحلاله

الماتشارك هل حفل من خيره محرومه

✍️ام مرتضى الخفاجيه
🍃🌼🍃🌼🍃🌼🍃🌼🍃🌼

🍃🌼🍃🌼🍃🌼🍃🌼🍃🌼
تمــ بعون الله تعالى ــت
بقلـ🖊️ـم شاعرات اهل البیت ع
في رابطة دموع العقیله ع
لانجيز حذف الاسماء✋
☘️نسالكم الدعاء☘️
https://www.tg-me.com/Kfeilzainp

👏جلوه لمیلاد السیده معصومه ع👏
(وزن المنسجم)
((مستفعلن مستفعلن مستفعلن فعلن))
✍️شعر::: العلویه ام ضيغم المحنا
►✺┅●✥🌸✥●┅✺◄

شعت علی الدنیه بفرح مولاتي معصومه
میلادهـا ایسر الگلب هـــیل وعطر یومه

🍃🌸🍃🌸🍃🌸🍃

فاحت ریاحین وعطر دنیانه هاللیله

للکاظم انجوم السمه نزلت تهـنیله

امبارك ملائکة السمه بافراح تدعلیه

مولوده من رب العرش بالنور موسومه

🍃🌸🍃🌸🍃🌸🍃

ابمیــلادها انهــني علي وانهني الزهره

مکنونه من تحت العرش نزلت لهم دره

ساحــة الرحمه والعـطف للحایر بامره

لشیعه باب الکل فـرج للیندب بهــومه

🍃🌸🍃🌸🍃🌸🍃

چم مره لیها اتوجهت ما عندي کل چاره

اتلگتني مثل امي لمن تحـضني بـبشاره

مــرات وآنه ابحیـرتي ولا ناویـه ازیاره

الگاهــا یمـي و حاجتي بیدیها مصمومه

🍃🌸🍃🌸🍃🌸🍃

معصـومه بـــاب ومعتـمد للشییعه معروفه

لکل معضله وکل مشکله وللمرض موصوفه

شـنیارها بطــول الزمـــن انــواره مکشوفه

برهــانها یسـر الگلـب رایــة فخــــر دومــه
🍃🌸🍃🌸🍃🌸🍃

شذکر شاسولف بالکرم ماینحسب عدها

تنثـر عطایاها نثر مـــــــن زود والدها

مـولاتي اریدن بالحشـر تاخـذني بسدها

وصك الشفاعه اتجیبه الي والجنه محسومه

✍️العلویه ام ضيغم المحنا
🍃🌸🍃🌸🍃🌸🍃
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا اجبز حذف اسم الشاعره
🤲نسالکم الدعاء🤲
https://www.tg-me.com/omdegim

فزاعيه جنوبيه حماسيه بقفل الهوسه لمسلم ابن عقيل ع
━━━━❃🖤❃━━━━

ابو طاهر سبع والهوسه تحلاله
ياهذا البالشجاعه ماكو امثاله

━━━━❃🖤❃━━━━

مثل عمه علي كامو يوصفونه
مسلم بالشجاعه شايعه فنونه
معلك رأيته والدرع بمتونه

(هوسيله تحلاله الهوسه)

✍🏻 ساره المحمداويه

━━━━❃🖤❃━━━━

ابو طاهر سبع من يوگف اكباله
وهوسات الشجاعه اليوم تحلاله
ضحه بالنفس وامضحي بعياله

لحسينه  ،، ضحه ابكل غالي

ام سـ✍️ـجـاد  العسكري

━━━━❃🖤❃━━━━

ماراد الحياة وضحه لجل حسين
فارس بالشجاعه وزود للطيبن
الطمي وباللطم وسعيله الميادين

وسعيله/// ميدان الهوسه

  ✍🏻 ام حيدر العباديه

━━━━❃🖤❃━━━━

ابو طاهر شجاع ويرهب الحومه
أهل كوفان كلها تعرف.  اعلومه
كل اكلوبنه.   لمصابه. ملجومه

عدليها ///الطمه المسلم

━━━━❃🖤❃━━━━

✍🏻ام زهراء الزيداويه البصراويه

ابو طاهر  شجاع  الكل  يعرفونه
الحومه من يطب اعداه يهابونه
لأبن   عمه  الشبه وبخزرة  عيونه

((…بصولاته.  يشبه عباس…))

✍🏻متيمة✭عبدالله الرضيع

━━━━❃🖤❃━━━━

شمحله وگفتك وبطيب ذكروها
يصنديد الحرايب  فخر وصفوها
خل تفرح حميده من يكولوها

((مشهوده     وگفاتك مسلم))

رمــ✍ــاد الخيام

━━━━❃🖤❃━━━━
رابط دموع العقيله
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

نعي  گرناوي
《وزن نصاري》
++++++++++!+++
اهز  مهدك  والوليك  واناغيك
واگلك  هاك در  ثديك  يغالي

اهز   بالمهد  ما  انام  باليل
واهدومك  اسطرهن   اگبالي


واگدر  علی  طولك ثوب  واگماط 
واگول  اشگد  حلو  اولیدي ودلالي

واحضرلك  منامك  وافرش  اعطور
وحچبیک  وانه  راسي  عالي

عندي  اوليدي  چنه  لیلة  العيد
ومثل  شمس الضحه جيده  يلالي

رضیع  اوليدي   ياهو  الگال  مذبوح
اشوفه  ایصیحلي  يمه  تعالي

اثاري  عالرمح  راسك  يمفطوم

واثاريني  اهز  بالمهد  خالي
♡♡♡♡♡♡♡♡♡♡
✍...تمت بقلم الشاعره العلويه  ام  ضيغم  المحنا لا نجیز حذف الاسم یتقابل مع العباس ابو فاضل✋

مربعه مع الهوسات
ــــــــــــــــــــــــــ
وين ابــو فاضل علـي دلوني
خل يجي يلـحگ يلم ضعوني

♡♡♡♡♡♡♡♡♡♡♡
ماكام البطل ضــل ع النهر غافي
من شاف السياط ادك عل جتافي
ولا كال العـقيلة انـذلت اخــلافي

{ ذلونه //  يالحــــيد اخلافك }

♡♡♡♡♡♡♡♡♡♡
خـوية اكعد وكلهم لاتضـربوهه
هـــــاي اربـات حـيدر لا تذلوهه
وبت حيدر علي ياناس يسبوهه

{ انهض لينه // ياحامي الجار }

♡♡♡♡♡♡♡♡♡♡♡
مهضومة وصحت وينك يبو الغيرة
عكب عيــناك أمســت زينب بحيرة
وباجــــــر هالعـده تأخذني يا ديرة

{ انهض لينه // والعايل ردة }

♡♡♡♡♡♡♡♡♡♡♡
مهضومة وذليـلة خلافك نحيله
يشتمني العـدو ومااحمل العيلة
حملي اليوم خوية ياهو اليشيله

{ ماتكعد لختك // شتموهه }.

♡♡♡♡♡♡♡♡♡♡♡
تمت بحمد الله
بقام شـاعرة اهـل البـيـت ع
العلويه ام ﺿــيـغم المحنا
يسرنا ان تشرفونا  في انضمامكم الى قناتنا المتواضعه
انشرو الرابط وشاركونا في الاجر والثواب

قصيده عن السان العليله ع
((الوزن موشح تام))
******
ليش ترحون وتخلوني بنزلكم

بويه مو انه مريضه وانه بتكم
┈┉━━•✿⚫✿•━━┉┈

شلون ماتبقون يمي ابقه وحيده
وانه ليل نهار نوحي عليك ازيده
رايح المظلوم لاديار البعيده

ريت كون امشي
يبويه وي ضعنكم

✍️ العلويه ام علي
┈┉━━•✿⚫✿•━━┉┈

شلون ما تبقون ياعزي ودلالي
اشلون اظلن وحدي والبيت خالي
ليلي اگضيه بالسهر معدوم حالي

ردوا بویه ادخيل يالغالي الوطنكم

✍️هدى المطر ام محمد

┈┉━━•✿⚫✿•━━┉┈

بويه صعب افراگكم بس لا ترحلون
والله ما احمل هجر عني تبعدون

تدري بيه انه عليله وحالي شلون

ابقى وحدي بالـنزل والروح يمكم

✍️ خادمة الزهراء أم أحمد الدريعي
┈┉━━•✿⚫✿•━━┉┈

اظل وحدي بالنزل ودموعي
تجري
امنین اجیبنه الصبر لوخلص صبري
بویه لو عفتوني ابد ما اریده عمري

شنهي لذة عمري لو فارگ شملکم

✍️ام ضغیم المحنا
┈┉━━•✿⚫✿•━━┉┈

رگد حيلي من سره ضعن الأحبهم
على حيطان النزل ضلت صورهم
مشو درب بعيد چاليه شيردهم

انطفه صبي العين من جاني علمكم

✍️إم حيدر العبادي ناصريه

┈┉━━•✿⚫✿•━━┉┈

مشوا عني وفارگوني مناطره الباب
ليش عفتوني يبويه بگلبي عتاب
الروح لهفانه عليكم ردوا جواب

واگفة ومنتظرة يلفيني خبركم

✍️ خادمة الزهراء أم أحمد الدريعي
┈┉━━•✿⚫✿•━━┉┈
تمــ بعون الله تعالى ــت
✍️بقلم شاعرات اهل البیت ع
في رابطة دموع العقیله ع
لانجيز حذف الاسماء✋
☘️نسالكم الدعاء☘️
https://www.tg-me.com/Kfeilzainp

لطميه للعباس ع
ــــــــــــــــــــــــــــــــ
اشلون بيه ....لو وگع والي الحرم
اشلون اشوفه....نابت بعينه السهم
وابگه اصيحن يخوتي
وگــع زودي وهیبتي

اه يعباس ... آه يعباس....
┉━━━•🖤•━━━┉

اشلون بيه...لو اجه ليه الحسين
يصيح طاح السور یختي والمعين
وكع عباس وسهم صوب العين
والدموع تساكطت
طاح والرايه هوت

آه يعباس....آه يعباس

ام حيدر العباديه عماره
┉━━━•🖤•━━━┉

شلون بيه حسین لو ظهره انكسر
واني حيرني بالفراگ الدهر
وين اروح ويمي يفتر الشمر

خوفي يذبحني الحنين
من یظل وحده الحسين.

آه يعباس. آه يعباس

✍️ام علي الموسوي
┉━━━•🖤•━━━┉

اشلون اشوف حسین واحزامه ارتخه

وینظر لهامت عضيده امفضخه

والعيال تنوح فرت صارخه

سال دمعه وانمرد
وناده ياعـــم الولد

آه يعباس،،،آه يعباس

✍️ام مرتضى الخفاجيه
┉━━━•🖤•━━━┉
صعب يا فكد الاخو. ماينحمل
من يروح. يروح وياه الامل
اشلون لو جاله ابن خير العمل
حاط ايده على الظهر
بجدمه بالگوه يجر
اه يعياس ...اه يعياس

✍️العلويه ام مرتضى الموسوي
┉━━━•🖤•━━━┉
عكب ابو فاضل اظل بالحيره

من بعد عينه كسرتي اجبيره

امشي ويه عداه وطر چم ديره

اشلون ارافگ للغرب
الممشه وياهم صعب

يعباس،،،،يعباس

✍️الشاعره كريمه البو حلوه
┉━━━•🖤•━━━┉
تمــ بعون الله تعالى ــت
بقلـ🖊️ـم شاعرات اهل البیت ع
في رابطة دموع العقیله ع
لانجيز حذف الاسماء✋
☘️نسالكم الدعاء☘️
https://www.tg-me.com/Kfeilzainp

نعي لوداع زينب عليها السلام للخروج الى قبر والدتها الزهراء عندما ارادت الرحيل مع اخوتها كاني بمولاتي زينب دنت من قبر وامها وهي تكوووووول

زهره ييمه يا يمه
جينه نودع الكبر جينه
وتسمعين يا يمه بجينه
مغرب ضعنه من المدينه

شبكيت كبرج وانه ناديج
وهذا الجره واليوم احاجيج
نريد نشيل يمه من اراضيج

زهره ييمه يا يمه


ام حيدر العباديه عماره

💔💔💔💔
حاجيني لو سمعيتي صوتي
مرحلين يمه انه واخوتي
وكل ساع اكل لروح موتي
على مصيبتي وهجمت بيوتي

جيت ارد اودعج يالحنينه
نوينه على الممشه نوينه
كعدي ييمه اودعينه
للموت رايح ابو سكينه

ام مرتضى الخفاجيه
💔💔💔💔

للموت رايح ابنج اليوم
وگلبي عليهم حيل مهظوم
لمصابنة يالگلب مآلوم

مالوم گلبي بيوم رحنة
وماشاهديتيه لضعنة
حملنة يايمة ابجمعنة

✍🏻الملة نور الساعدي

💔💔💔💔💔
سرنا ييمة ديرة اجناب
لأبيها اهل لا بيها احباب
بيها الاعادي تطلب ركاب


يطلبون يمه ركبة حسين
وجفوف الكمر ويه العين
واضل متحيرة بالنساوين


✍🏻 هدى المرزوق

ودعنه كبرج يم الحسين


فراكج صعب يايمه تدرين

وتهل دمه ضلت العينين



اتهل دمه من صار الوداع


ويامنه هل خلصت ابساع


انه ماشيه زهره ويه الاسباع


✍️الشاعره كريمه البو حلوه

تمــ بعون الله تعالى ــت
بقلـ🖊️ـم شاعرات اهل البیت ع
في رابطة دموع العقیله ع
لانجيز حذف الاسماء✋
☘️نسالكم الدعاء☘️
https://www.tg-me.com/Kfeilzainp

فزاعیه للامام الحسين عليه السلام

****
حزنانه المدينه اليوم
شال حسين من عدها
****
ظلت خاليه الديران
هاي من المدينه اعلان
خافنه طلع زعلان
راح اليوم قائدها
*******
عن الوطن ليش يروح
ظلت بل بچي والنوح
وين اهل المدينه تروح
خلتك ياهو اليسدها

العلويه ام علي
+++++++++++++
خلتك آه يمير حسين
منهو ايسدها ينور العين
ماشي وگومك امسلحين
وسفرتك ليش رايدها

✍🏻الملة نور الساعدي
++++++++++++++++
اخذ خوانه والاصحاب
والاطفال والاحباب
كلهم ولد داحي الباب
وزينب وابن والدها

✍🏻ام مرتضى الخفاجيه
++++++++++++++
شال وتجري دمعاته
لارض الكدر سفراته
بيها يخلي. اخياته
ريت الوالي شاهدها

✍🏻 ام حيدر العباديه عماره
++++++++++++++++
زينب تسچب العبره
بعيدة حيل هلسفره
اخوها ينگطع نحره
بديرة گدر گاصدها

✍🏻ام زهراء الزيداويه البصراويه
+++++++++++++++++
تمــ بعون الله تعالى ــت
بقلـ🖊️ـم شاعرات اهل البیت ع
في رابطة دموع العقیله ع
لانجيز حذف الاسماء✋
☘️نسالكم الدعاء☘️
https://www.tg-me.com/Kfeilzainp

قصيده عن لسان السيده زينب تخاطب اخوتها عليهم السلام

+++++++++

شسويله الجرح ويطيب يخواني

ودهري بالضلوع  هواي  جواني

+++++++++

جرح فراگكم حدر الضلع يسعر

مايقبل  يطيب ايزود  ما  يزغر

ذبل لوني تراني وخاطري تكسر

ومااگدر اكَوم  الوكت  خلاني

✍ام مرتضى الخفاجيه

♻️♻️♻️♻️

ذبل لونی وصرت ریشه ابمهب الریح

من شفت اخوتی فوگ الثره امطاریح

ودمعي علی اخدودی ادموم گام ایسیح

ودهری نايبات اشكثر راواني

✍🏻المیرزه ام ليلي الخاقانی

♻️♻️♻️♻️

چوّاني الدهر وعيوني بس تهمي

جرح گلبي یضل للموت بس يدمي

تره فراگ الاعزاز يعور ويعمي

ثجيل أصوابهم يكتل وأذاني

✍إم حيدر العبادي ناصريه

♻️♻️♻️♻️

جرح افراگكم يخواني ظل يلهب

عذبني زماني وگلبي امصوب

ماتبرد اجروحي  بس دموعي اتصب

ياحيف الدهر باخواني صاباني

✍🏻سلمى أم جعفر

+++++++++

ياحيف الدهر ما رحم باحوالي

خلاني غريبه بحسرة  الوالي

اصيحن ياهلي ومني الدمع هالي

حملي ظل طريح بدون  ولياني

  ✍ام حيدر العباديه عماره

♻️♻️♻️

مرمرنی الزمان او لعب بحوالی

واخذ منی الاعزاز الچانوا اگبالي

فگدت حسین آخوي الچان یبرالی

وخلانی غريبه اون باحزانی

✍️ علویه ام فاضل موسوی

+++++++++

تمت بعون الله تعالى
بقلم شاعرات اهل البیت ع
في رابطة دموع العقیله ع
لانجيز حذف الاسماء
نسالكم الدعاء🤲
https://www.tg-me.com/Kfeilzainp

قصيده بحق علي الاكبر (ع )
➖➖➖➖➖➖

يبني يالاكبر عالدنيه العفه

وين رايح يا شبيه المصطفى

🟰🟰🟰🟰🟰

يا شبيه المصطفى الهادي الأمين
من رحت عنه بقى حسينك حزين
لورحت عني اضل مالي معین

بويه نور العين وي نورك طفی

✍🏻 أم حسن البطاط

🟰🟰🟰🟰🟰

من خفى نورك احسن بالضياع
يا گلب امك شكه بيوم الوداع
اشلون شايل يالولد عنه بساع

وطولک من البیت یولدی خفه

✍🏻 ام حيدر العباديه عماره

🟰🟰🟰🟰🟰

طفت عيني بيوم عالغبره هويت
دورت واحد يشبهك مالگيت
بحضني خليتك علي بويه وبچيت

البيت خالي من عگب عينك صفى

✍🏻عاشقة العباس ام عراق الشمري البصره
🟰🟰🟰🟰🟰🟰🟰

مدري انوح ليا نزف وليا جرح
يا جمالك بويه چن وجه الصبح
ميت انه و لا أشوفك منذبح

غاب عن عيني خيالك وأختفى

✍🏻آلــــّعــلّويِـــه آلّمٌوسويِــــۿ

🟰🟰🟰🟰🟰🟰🟰🟰

طفّت عيوني يبويه بروحتك
عني يالاكبر مشو كل اخوتك
گلت تبگالی و تحامي عمتك

الدهربعدك. یمدلولی جفه

✍🏻ام علي البيضانيه
🟰🟰🟰🟰🟰🟰🟰🟰
غاب عن عيني خيالك ياشباب
ياعلي بعدك زغير اعله التراب
شهلمصاب الهدم حيلي شهلمصاب

والدهر ماعنده رحمه وعاطفه

✍🏻ام مرتضى الخفاجيه

➖➖➖➖➖➖➖
اخذ حیفه الدهر مني یلولد
ياعلي الفرگاك مااصبر بعد
بويه لمصابک اگلیبی منمرد

البیت منه شال یولیدی الدفه

✍🏻المله ام نور الساعدی
================
تمــ بعون الله تعالى ــت
بقلـ🖊️ـم شاعرات اهل البیت ع
في رابطة دموع العقیله ع
لانجيز حذف الاسماء✋
☘️نسالكم الدعاء☘️
https://www.tg-me.com/Kfeilzainp

نعي لاولاد مسلم عليهم السلام

😭😭😭😭😭

يولادي ياحلوين العيون

يزهي شعرهم فوك المتون

عني ييمة لا لا ترحلون

😭😭😭😭

ضيعيت حلوين المعاني

ياوسفة ضيعهم زماني

لا خبر من عدهم لفاني

✍🏻هدى المرزوق

😭😭😭😭

اولادي تره يايمه ازغار

عني مشو والگلب محتار

الحك عله بتك يكرار

✍️الشاعره كريمه البو حلوه

😭😭😭😭

حلوين ضاعولي سويه

وينك يبن حامي الحميه

الحك وشوف شصار بيه

✍️ساره المحمداويه

😭😭😭😭

انه شجابني لهاذي الديره

بيها فگدت شيخ العشيره

حيرة زماني شلون حيره
آه آه
😭😭😭😭

ضيعت حلوين الذوايب

وليان گلبي اعله الترايب

مسه المسه والولد غايب

✍️ام مرتضى الخفاجيه

😭😭😭😭

مضيعة الولد والبيه حميه

بالشده الي ذخر وتجيه

بالعيد جيتهم عليه

✍🏻 آلــــّعــلّويِـــه آلّمٌوسويِــــۿ

😭😭😭😭

مضيعه الولد خل تجي وياي

ننعه سوه اللبت احشاي

وازتني عالويلاد دنياي


ام✍🏻 زين العابدين لمحمداويه

😭😭😭😭

انه مضيعه اثنين وسباع

نومه الاهل كلهم عاللگاع

اصبر الگلب والگلب ماطاع

✍️ام علي البيضانيه

😭😭😭😭

بالعيد ياجية الاولاد

وافراگهم حارمني الزاد

عن عيني صاروا ولدي ابعاد

😭😭😭😭

ابعاد ما اندل دربهم

احا يگلب الفاگدتهم

مشتاك گلبي ورايدتهم

✍️ ام حيدر العباديه عماره

😭😭😭😭

ابلیل ظلمه ضیعتهم

ابحرگ المخیم تیهتهم

ونادیت ياهو الي یردهم

✍🏻المیرزه ام ليلي الخاقانی

😭😭😭😭

تمت بعون الله تعالى
بقلم شاعرات اهل البیت ع
في رابطة دموع العقیله ع
لانجيز حذف الاسماء✋
نسالكم الدعاء🤲
https://www.tg-me.com/Kfeilzainp

قصيده لاولاد مسلم
عليهم السلام

++++++++++

اثنين ضاعوا بالدرب
ياهو الیخبر الــوالي

++++++++++

منهو يخــــبرك سيدي

ویلادي بسجون الردي

الحگ وگولي هـودي

یاخوي جیب اطفالي

✍🏻 هدى المرزوق

+++++++++++

مـــنهو يعايـن حالتي

ضيعت ولدي يخوتي

محـــتاره المن ونتي

شاب وخلص دَلالي

*✍🏻أم عبــد اللــــه العابـــدي*

+++++++++++

شيبت من كثر القهر

کفال حمـلي عالنهر

الغالي من عندي اعتذر

والموت يمـــه اشوالي

✍️ام حيدر العباديه عماره

++++++++++

خواني بالطف نومه

آه يالبــين واعلومه

روحي بقت مالومه

ضاعوا اوشدهوا بالي

✍️ علويه ام فاضل

+++++++++++

شــاب الگلب لفراگهم

ماأدري شنهو العاگهم

أنشد ومحد شافهم

وينه اليخــبر الغالي

✍️إم حيدر العبادي ناصريه

++++++++++

چاوین مسلم ماحضر

مــااله من اولاده خبر

ظهري من الهم انكسر

خابــت جمیع امالي

✍🏻المیرزه ام ليلي الخاقانی

+++++++++++
تمــ بعون الله تعالى ــــت
بقلم شاعرات اهل البیت ع
في رابطة دموع العقیله ع
لانجيز حذف الاسماء✋
نسالكم الدعاء🤲
https://www.tg-me.com/Kfeilzainp