Mənə deyirlər ki, hər şey birdən-birə başa gəlmir. Həyatda hər bir arzu tədricən, öz vaxtında yerinə yetirilir. Lakin bunu deyən kimdir? Bunun ədalətli bir fikir olduğunu sübut edən bir dəlil varmı? Hamı şeylərin təbii qayda ilə inkişafına, hadisələrin qanuniliyinə əsaslanır. Lakin mən canlı, düşüncəli bir adamam, bəlkə də, mən xəndəyin üstündən atıla bilərəm, ya onun üstündən körpü sala bilərəm, bununla belə mən durub onun dolacağını və lil basacağını gözləyirəmsə, bu, bir təbii inkişaf və qanunilikdirmi? Yenə təkrar edirəm: biz axı nə üçün gözləyək? Yaşamağa daha taqət yox ikən yenə gözləməkmi? Halbuki yaşamaq lazımdır, adam yaşamaq istəyir!
Firəng Üzümü, Anton Çexov
Firəng Üzümü, Anton Çexov
Bizi adətən elə tərbiyə edirlər ki, hamını sevək, qəbul edək, hər şeyi qaydasına qoymaq yollarını axtaraq və konfliktlərdən uzaq olaq. Veronika hər nəyə nifrət bəsləsə də, hər şeydən çox öz sürdüyü həyata, bu qədər vaxtı içində yaşayan maraqlı, çılğın, hər şeylə maraqlanan, qorxmaz və cəsur Veronikaları kəşf etməyə cəhd göstərmədiyinə təəssüflənirdi.
Veronika Ölməyə Qərar Verir,
Paulo Coelho
Veronika Ölməyə Qərar Verir,
Paulo Coelho
O, yenə də yalnızdır, onun üçün yenidən sükut başlanır. Bir müddətlik onu tərk etmiş qüssə yenidən baş qaldırır və onun ürəyini daha artıq gəmirməyə başlayır... Görəsən, bu minlərlə adamın içərisində onun dərdini dinləyə biləcək heç olmasa bir nəfər tapılarmı? Lakin nə o, nə də onun dərdi bu qaçışan adamların vecinə deyil. Onun nisgili böyük və sonsuzdur. Əgər onun sinəsi yarılıb dərdi çölə tökülsə, yəqin ki, bütün dünyanı doldurar. Ancaq bununla belə o görünmür. O, elə bir əhəmiyyətsiz qabığa bürünə bilmişdir ki, gündüz çıraqla da onu görmək olmaz...
Seçilmiş Əsərləri, Anton Çexov
Seçilmiş Əsərləri, Anton Çexov