Milliy libos – millat ko‘zgusi!

Shahrisabz shahrida o‘tkazilgan “Milliy libos – millat ko‘zgusi” festivali doirasida “Kashtalar jilosi” tanlovining viloyat bosqichi bo‘lib o‘tdi.

Unda viloyatimizning turli hududlaridan tashrif buyurgan mohir kashtado‘zlar o‘z ijod mahsulotlarini namoyish etishdi.

🔹 Kitob tuman jamoasi ushbu tanlovda munosib ishtirok etib, o‘ziga xos ijodi, badiiy didi va puxta tayyorgarligi bilan ajralib turdi. Tumanlardan tashrif buyurgan jamoalar orasida “Eng kreativ kashtado‘z” nominatsiyasida Kitob tumani vakillari g‘olib deb topildi!

🏅 G‘oliblar esdalik sovg‘alari bilan taqdirlanib, ularni viloyat hokimi o‘rinbosari Ziyoda Aminova tantanali tarzda topshirdi.

🧵 Bunday festivallar milliy hunarmandchilik merosini saqlash va uni keng jamoatchilikka yetkazishda katta ahamiyat kasb etadi.
Ayniqsa, yoshlar orasida milliy san’atga bo‘lgan mehr va qiziqishni oshirishda muhim vosita bo‘lib xizmat qiladi.

👉 Китоб хабарларига аъзо бўлинг👉 https://www.tg-me.com/+5L_qUK2TuQ9hZjMy

🇺🇿 Vatanga sadoqat saboqlari— yoshlar e’tiborida

Kitob tumanida yoshlarni vatanparvarlik, jasorat va insoniylik ruhida tarbiyalashga qaratilgan navbatdagi ma'naviy-ma'rifiy uchrashuv tashkil etildi. Uchrashuvda asli kitoblik, Favqulodda vaziyatlar vazirligi xodimi, kichik serjant Muhitdinov Bobur Anvarovich ishtirok etdi. Uchrashuv 4- va 96-umumta’lim maktablari o‘quvchilari ishtirokida bo‘lib o‘tdi.

Muhitdinov Bobur Anvarovich yaqinda Prezidentimiz Shavkat Mirziyoyev tomonidan yoshlar bilan o‘tkazilgan uchrashuvda “Mard o'g'lon” davlat mukofoti bilan taqdirlandi. Uning matonati, fidoyiligi va insonparvarligi yoshlarimiz uchun chinakam ibrat namunasi bo‘lib xizmat qilmoqda.

Ma’lumot uchun: Turkiyada yuz bergan kuchli zilzila vaqtida kichik serjant Muhitdinov Bobur Anvarovich hamkasblari bilan birgalikda o‘z hayotini xavf ostiga qo‘yib, bir necha oilani vayronalar ostidan qutqarib qolgan. Uning bu qahramonligi nafaqat O‘zbekiston, balki Turkiya ommaviy axborot vositalarida ham keng yoritilib, u “Turkiya qahramoni” sifatida e’tirof etilgan.

Uchrashuv davomida Bobur Muhitdinov o‘quvchilarga o‘z kasbiy faoliyati, xalq xizmatidagi vazifalari, xalqaro safarlari hamda boshidan kechirgan hayotiy voqealari haqida samimiy suhbat olib bordi. Yoshlar qahramonimizning mardligi va fidoiyligini katta qiziqish bilan tinglab, bu kabi uchrashuvlardan ilhom oldilar.

Bu kabi ma’naviy-ma’rifiy tadbirlar yoshlarda Vatanga muhabbat, halollik, jasorat va insoniylik fazilatlarini shakllantirishda muhim ahamiyat kasb etadi.

👉 Китоб хабарларига аъзо бўлинг👉 https://www.tg-me.com/+5L_qUK2TuQ9hZjMy

Kitob tumanida huquqni muhofaza qiluvchi organlar faoliyatini muvofiqlashtirish kengashining navbatdagi yig‘ilishi bo‘lib o‘tdi

Bugun Kitob tumanida huquqni muhofaza qiluvchi organlar faoliyatini muvofiqlashtirish kengashining navbatdagi yig‘ilishi bo‘lib o‘tdi.

Yig‘ilishda 2025-yilning dastlabki 6 oyligi davomida tumanda qonuniylikni ta'minlash, fuqarolarning huquq va erkinliklarini muhofaza qilish, jinoyatchilik hamda huquqbuzarliklarning oldini olish borasida amalga oshirilgan ishlar yuzasidan tahliliy muhokamalar olib borildi.

Tadbirda Qashqadaryo viloyati prokuraturasi bo‘lim boshlig‘i Oqiljon Ochilov, tumandagi huquqni muhofaza qiluvchi organlar rahbarlari, hokim o‘rinbosarlari hamda mahalla “yettiligi” a’zolari ishtirok etdilar.

Yig‘ilish davomida tuman prokurori Xurshid Bahromov tomonidan 2025-yil 1-yanvarda qabul qilingan — “Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ–1-sonli Prezident qarori ijrosini ta'minlash yuzasidan amalga oshirilgan ishlar tanqidiy-tahliliy ko‘rib chiqildi.

Shuningdek, mahallalarda jinoyatchilikning oldini olish, profilaktik choralarni kuchaytirish, xotin-qilzar va yoshlar bilan tizimli ishlash, xavfli jinoyatlarning barvaqt oldini olish bo‘yicha samaradorlikni oshirish yuzasidan fikr-mulohazalar bildirildi.

Yig‘ilish yakunida 2025-yil ikkinchi yarmi uchun huquqbuzarliklar profilaktikasini kuchaytirish, jinoyatchilikni jilovlash va fuqarolarning huquqlarini ishonchli himoya qilish borasida tegishli davlat organlariga aniq topshiriq va vazifalar belgilab berildi.

👉 Китоб хабарларига аъзо бўлинг👉 https://www.tg-me.com/+5L_qUK2TuQ9hZjMy

Kitob tumanida mahallalar infratuzilmasini yaxshilashga qaratilgan 11.6 mln.dollarlik loyihalar taqdimoti bo‘lib o‘tdi

Kitob tumanida mahallalarni rivojlantirishga qaratilgan yirik infratuzilma loyihalarining taqdimoti bo‘lib o‘tdi. Mazkur tashabbus O‘zbekiston Respublikasi Iqtisodiyot va moliya vazirligi hamda Islom taraqqiyot banki hamkorligida, BMT Taraqqiyot dasturi (BMTTD) ko‘magida amalga oshirilayotgan “Qishloq joylarni kompleks rivojlantirish” loyihasining ikkinchi bosqichi doirasida amalga oshirilmoqda.

Taqdimotda BMTTD vakillari, mahalla fuqarolar yig‘inlari raislari, tashabbuskor guruh a’zolari va loyiha ishchi guruhi ishtirok etdi. Tadbir davomida mahallalarni rivojlantirish rejalarini ishlab chiqish jarayonlari, mavjud muammolar va ularni hal etish bo‘yicha taklif etilgan yechimlar muhokama qilindi. Xususan, infratuzilmaviy ehtiyojlar – yo‘l, ichimlik suvi, elektr energiyasi ta’minoti va ijtimoiy obyektlar bo‘yicha istiqbolli rejalar taqdim etildi.

Ma’lumot uchun, Kitob tumanidagi 8 ta mahalla — “Samarqand”, “Qaynar”, “Sharq yulduzi”, “Istiqbol”, “Yangi zamon”, “Charmgar”, “Bog‘bon” va “Paxtaobod” mahallalarida infratuzilmani yaxshilashga jami 11,6 million AQSh dollari miqdorida mablag‘ yo‘naltirilishi rejalashtirilgan.

Loyihalar aholining yashash sharoitlarini yaxshilash, ijtimoiy-iqtisodiy imkoniyatlarni kengaytirish hamda infratuzilmaviy tizimlarni zamonaviy talablar asosida takomillashtirishga xizmat qiladi.

👉 Китоб хабарларига аъзо бўлинг👉 https://www.tg-me.com/+5L_qUK2TuQ9hZjMy