#تجربه
السلام عليكم ورحمة الله

معكم رغد بقولكم تجربتي مع القدرات
اول شي يوم كنت اول ثانوي كنت اشوف القدرات تافه وان الناس شايله هم ع شي مايستاهل كنت معروفه اني دافوره درجاتي من المتوسط ماتنزل عن 97(ماشاءالله تبارك الله) المهم في الترم الثاني من اول ثانوي جات كورونا نجحنا كلنا ذاك الترم من قرار وزاري 😔

بدت السنه الجديده وانا ثاني ثانوي المفروض ابدا بالقدرات الحين؟؟
طبعاً انا عكس كذا قلت لا بدري وجلست كل شهر اقول بعدين بسجل وخلص الترم الاول وصرنا في شهر 8 في الأسبوع الميت اللي قبل الاختبارات النهائية حقت الترم الثاني سجلت اول فرصه محوسب 28/ 8 ولا فتحت ولا كتاب ولا ذاكرت شي لين قبل اختباري بيوم شفت فيد ل فهد التميمي في اليوتيوب كان عن الكسور ( تعبت نفسي الصراحه)
كان الشغف ميت وقتها 💔

طلعت نسبتي ( 74 ) وانا مو مذاكره شي مره حبيتها وفرحت فيها

قلت بسجل فرصه ثانيه محوسب وراح اذاكر واجيب في ال 90 🤩

وفي شهر 10 سجلت اختبار يوم 22 / 2 من السنه الجديده كان عندي 4 شهور اذاكر وكل شي
وعشان المده طويله! جلست اماطل كل اسبوع اقول الاسبوع الجاي ببدا وجلست كذا لين قبل اختباري بشهر نصيحه ( لا تحطون مده طويله قبل اختباركم عشان لا تماطلون ) وصار قبلها بشهر شريت كتاب ( الصندوق الأسود كمي ولفظي ) حسيت بدمي وجلست اذاكر اي كلام عشان ارضي ضميري بس حتى بدون تأسيس وذاكرت الكمي بس بدون اللفظي كنت اشوفه سهل ولايحتاج مذاكره 😢💔

طبعاً جا يوم الاختبار متوتره وكذا رحت اختبرت حسيت اني حليت قلت اكيد ان شاء الله انها فوق ال 85 😇

وبعد 4 ايام طلعت النتيجه والصدمه انها (68) 💔💔

طبعاً ما احكيلكم شلون امي كانت معصبه وفي نفس الوقت زعلانه جلست فتره كذا
بعدين حسيت انو 74 كويسه وقلت هذه اللي بدخل فيها الجامعه ان شاء الله 💔

وشلت من راسي فكرت انو ارجع اختبر اصلا
وصرت ثالث ثانوي والوقت صار ضيق بديت اذاكر تحصيلي من شهر 5 ( قلك ماجبت في القدرات برفعها في التحصيلي ) وكل يوم يمرون علي بنات يسألوني كم جايبه في القدرات كنت ماحب السؤال هذا بس اقولهم 74 💔

كانو يقولون لي عيدي انتي شاطره يمديك تجيبين اعلى من كذا ذا مو مستواك 😔

طبعاً ما اكذب عليكم كلامهم كان له دافع ايجابي لي وحفزني ونهاية شهر 7 بدا يرجع الشغف واحس انو لازم ارجع اختبر واجيب اعلى!!!


كلمت امي وسجلت اخر فرصه محوسب 💔 كان مره توتر لأنها اخر فرصه

طبعا علطول بديت اذاكر عشان مافي وقت كان اختباري 21 / 8 بديت باللفظي لاني كنت اشوف اصعب ( بنسبه لي)

بديت ال 92 نموذج المتكرره ذاكرتها كلها قسم اللفظي من ال 105 والبرو ماكس
وقتها كان ماباقي ععلى اختباري شي!

طيب والكمي لا تأسست ولا شي ف قلت لازم امدد الوقت عشان اذاكر كمي
خليت اختباري 15 / 9 🤍
ف على طول بديت تأسيس من المعاصر 6 بلس و في اليوتيوب تأسيس عماد
خلصت تأسيس ذاكرت النماذج الجديده بس والتسريبات

وجا يوم اختباري جلست ادعي انو اجيب + 95 والحمدلله بفضل من الله جبت 95 بعد ماكنت راضيه ب ال 74!!

نصيحتي للكل ( لا تفقدون الامل ف الشغف مسألة وقت وتعدي وان شاء الله انو الكل يحقق حلمو ويجيب الدرجه اللي يتمناها ❤️❤️❤️)

✨ لا تتخلى أبدًا عن شيء انت حقًا تريده ✨
@rgh87

📍 قناة تجارب القدرات : https://www.tg-me.com/Kodurat1
📍 قروب قدرات ثانوي : https://www.tg-me.com/Kodurat2
📍 قناة تسريبات قدرات : https://www.tg-me.com/Kodurat3
-
لمشاركة تجربتك أرسل هنا @Tgarpqudrat_bot

#تجربه

"ماشاءالله"
الحمدلله قفلت على القدرات بدرجة ترضيني❤️
القدرات ابدددداً مو صعب ولا هو حظ صح تعبت عشان اجيب هالدرجه لكن يوم شفت نسبتي كل التعب راااح وكنت فاقده الامل اني اجيبها لكن الحمدلله
ببدأ اتكلم عن اول فرصه واخر فرصه ما ابي اطول الكلام
🔹اول فرصه
تأسست من مقاطع فهد التميمي اللي باليوتيوب والصدق مو مره فادتني وذاكرت شوي من المعاصر بس ذاكرت نص الفصل الاول مو كله ، بعدها دخلت على التجميعات كان وقتها نموذج الـ٨٥ واجهت صعوبه كبيره في البدايه لكن الحمدلله بدأت شوي شوي اتقن الكمي واللفظي كان عقدتي ما كنت اقدر احفظ بدون ما افهم ابداً واوقات انسى اللي حفظته

🔸اخر فرصه
دخلت دورة عماد جزيري لل١٢٠ نموذج تحسن مستواي بالكمي من بعد الله ثم هالدورة وشرح مستر عماد ، طبعا دخلتها لأن ماكان عندي كتاب ال١٢٠
ودخلت دورة ايهاب للفظي فضيييعه وتجنن والله

طبعاً مدة مذاكرتي طوييييله من كثر ما ااجل في اختباري واسوّف لكن بالنسبه لكم تقدرون تخلصونها بشهر او اقل حتى، وعليكم بالدعاااء والوتر الحّوا بالدعاء قد ما تقدرون والله مافيه شيء مستحيل على ربي، ولا تنسوني من دعواتكم❤️
@iilalx

📍 قناة تجارب القدرات : https://www.tg-me.com/Kodurat1
📍 قروب قدرات ثانوي : https://www.tg-me.com/Kodurat2
📍 قناة تسريبات قدرات : https://www.tg-me.com/Kodurat3
-
لمشاركة تجربتك أرسل هنا @Tgarpqudrat_bot

#تجربه

السلام عليكم
مرحبا ي أصدقاء 💜

انا هنادي العنزي الحمدالله حصلت على درجه ٩٧ في القدرات

بقول لكن تجربتي مع القدرات

اول شي انصح فيه التاسيس مره مهم

اول شي تأسست من دوره نينو ولكن فيه مصادر مجانيه افضل لل امانه يمكن تجربتي مو مره مع نينو ولكن هذي تجربه شخصيه يمكن الغير يستفيد منها
المهم وبعد التاسيس مرحله التدريب وهذي المرحلة مرههههههه مهمه لان على اساسها تشوف تأسيسك اذ كويس او لا المهم تدربت على ١٢٠ كمي حق عماد واللفظي تدربت من ١٢٠ اللفظي pdf بصراحه كويس كان م اشوف ان اللفظي يحتاج دورات.

وفي الختام حابه اشكر امي كانت معي بكل خطوه ❤️❤️❤️


وان شاء الله الكل يجيب درجات عاليه ي رب

نصيحه الدعاء الدعاء الدعاء و التوكل على الله 💜

أدعو لي في التحصيلي 🙏🏻🙏🏻

📍 قناة تجارب القدرات : https://www.tg-me.com/Kodurat1
📍 قروب قدرات ثانوي : https://www.tg-me.com/Kodurat2
📍 قناة تسريبات قدرات : https://www.tg-me.com/Kodurat3
-
لمشاركة تجربتك أرسل هنا @Tgarpqudrat_bot

#تجربه

طبعا هذي الدرجه من رابع محاوله اول محاوله لي كانت درجتي ٧٨
ف لا تفقدون الامل ابد حتى لو ماجبتوا الدرجه من ثلاث او اربع محاولات
و لحد يخوفكم يقولكم ان لازم تذاكرون قبلها ب ٣ شهور و اذا بديتوا متأخر ماراح تلحقون
انا ذاكرت قبل اختباري الي جبت فيه ٩٣ ب شهر بس و الي ذاكرته كان بس
١ - مقاطع عماد الجزيري باليوتيوب التأسيس رجعت عليها مره ثانيه و شفتها كامله
٢ - الماكس برو (حتى ما كملته كامل )
٢ - التسريبات بديت اذاكر تسريبات قبل اختباري ب اسبوعين
دخلت دوره نينو من زمان بس للامانه ما فادتني مقاطع عماد باليوتيوب اسهل و اريح بكثيير و ناسبتني اكثر
طبعا كل واحد و الي وش يناسبه
اعرف شعوركم والله للي ماجاب الدرجه الي يبغاها للحين
انا تحطمت ٣ مرات و شوي و افقد الامل و كنت بقول خلاص الي يصير يصير انا تعبت
بس الحمدالله اني ما وقفت و جبت فوق ال ٩٠
ف نصيحتي لكم اتعبوا لكن بنفس الوقت استمتعوا و لا تحرمون نفسكم من الاشياء الي تحبونها
خليكم منضبطين لكن بنفس الوقت مو مره لدرجه تكرهون الدراسه و تتعبون نفسيتكم ، خير الامور اوسطها ، خليكم معتدلين مافيه شي احسن من الاعتدال
و بالتوفيق لكم كلكم
@MONERAJUVE

📍 قناة تجارب القدرات : https://www.tg-me.com/Kodurat1
📍 قروب قدرات ثانوي : https://www.tg-me.com/Kodurat2
📍 قناة تسريبات قدرات : https://www.tg-me.com/Kodurat3
-
لمشاركة تجربتك أرسل هنا @Tgarpqudrat_bot

#تجربه

بديت في القدرات من أولى ثانوي تأسيس و في فترة الحجر استغليتها لحل مسائل و تأكيد المعلومات و الحمدلله كنت تمكنت من المعلومات اللي اكتسبتها
لين دخلت اول اختبار ورقي دخلت جبت ٨٣ و طبعا حسيت بكسرة و حسيت اني ابعد حلمي و طموحي وحدة وحدة
لين أمي و أبويا رجعوا ليا الشغف و ردوا فيا الروح بفضل الله عز وجل وقتها رجعت أقوى و ضغطت على نفسي أكثر لين دخلت ثاني محاولة محوسب و جبت ٩٦ وقتها فرحت بالفرق الكبير بين النسبتين بس مجهودي اللي سويته في الثاني كان كبييييير جدا و حزنت اني ما قفلت كتكريم لهذا المجهود
بعدها حمدت ربي و رجعت أذاكر أقوى من الأول و بشغف أقوى انه دام الله وفقني في الاختبار الثاني و فرقت عن الاول بكثير بيوفقني في الثالث و بتكون الـ١٠٠ ان شاء الله
دخلت الثالث و انا كلي يقين انه الله بيجبرني بهذا الاختبار
و لكن أمر الله فوق كل شيء الحمدلله جبت ٩٧
بعدها صدق حسيت باليأس و اني مستحيل اجيب الـ١٠٠ و انه حدي ٩٧ و اني ما أقدر أحلم و أعيش حلمي
لين جا شهر الخير و رجعت لربي و لجأت له في صلاتي عرفت ليش ما كنت موفق في الاختبارين و الحمدلله قدرت ألحق نفسي و توكلت على الله و سويت اللي عليا و كنت على يقين تاااام انه اي نتيجة للاختبار الجاي بتكون خيرة من الله و لازم أرضى بها و في نفس الوقت متفائل و محسن الظن بالله انه بيسعدني
و الحمدلله سويتها بفضل الله عليا و منه و كرمه

يا جماعة الخير والله ماهي صعبة ولا مستحيلة يبغالها همة و رغبة و تعب و قبل كل هذا تكون قريب من ربك و ترضي والديك والله دعاؤهم يغير حياتك رأسا على عقب
و أبغاكم لما تذاكرون ما تحطون إلا جملة وحدة قدامك
" أنك تقدر بحول الله تصنع المعجزة "
الحمدلله الحمدلله الحمدلله على كرمه و منه الحمدلله على كل شيء
الله يوفقكم جميعا و فالكم الـ١٠٠ كلكم

📍 قناة تجارب القدرات : https://www.tg-me.com/Kodurat1
📍 قروب قدرات ثانوي : https://www.tg-me.com/Kodurat2
📍 قناة تسريبات قدرات : https://www.tg-me.com/Kodurat3
-
لمشاركة تجربتك أرسل هنا @Tgarpqudrat_bot

بما انو اختبار التحصيلي قرب ، تعالوا لقروب قناة التحصيلي فيه كل شيء مهم لكم 🤍✨

القروب : https://www.tg-me.com/T7sely
القناة : https://www.tg-me.com/T7selyy

#تجربه

السلام عليكم، حصلت على ٩٢ ولله الحمد
مصادري نفس الاغلب تجميعات السنين فما بتكلم عنها

توكلوا على الله..
انصحكم يكون معكم دفتر
ويكون ل
-قوانين مافهمتوها ببادئ الأمر
-أسئلة حليتوها بشكل خاطئ بالبداية او واجهتوا صعوبة فيها

-ولا يكون في الدفتر الاشياء السهلة عليكم، لأن المغزى منه حصر ما يستحق المراجعة او ترسيخ الفكرة في الذهن فقط..
ولكما زاد ترتيب الدفتر وتنظيمه صار اكثر راحة لكم..
الله يوفقكم ويسدد خطاكم ويسخركم لخدمة الدين والوطن.

📍 قناة تجارب القدرات : https://www.tg-me.com/Kodurat1
📍 قروب قدرات ثانوي : https://www.tg-me.com/Kodurat2
📍 قناة تسريبات قدرات : https://www.tg-me.com/Kodurat3
-
لمشاركة تجربتك أرسل هنا @Tgarpqudrat_bot

#تجربه

"ماشاءالله "
(قد جعلها ربي حقاً)
اهلا انا شهد طالبة بثاني ثانوي كنت دايم اطمح اجيب درجة عالية بالقدرات والحمدلله جبتها بحكي لكم تجربتي مع القدرات كانت فترة صعبة بس عدت الحمدلله اولا حطوا في بالكم انها فترة بتضغطون فيها على نفسكم علشان تحصدون ثمارها بعدين، الفرحه الي بتحسون فيها راح تنسيكم كل التعب والجهد الي بذلتوه "كل سعي سيجزي الله ساعيه هيهات يذهب سعي المحسنين هباً"✨
———————————————————
💢تجربتي الاولى: كانت ورقي كنت اسمع الناس يقولون الورقي مستحيل تجيبين بالتسعينات لكن جبت ٨٩ قربت ولم اصل بس الحمدلله على كل حال فترة مذاكرتي كانت شهرين بالضبط
———————————————————
💢تجربتي الثانية:كانت محوسب ذاكرت لمدة ٣ اشهر مكثفة
〽️التأسيس"كمي"
-كتاب المعاصر ٦+ فقط
〽️التدريب"كمي"
-١٢٠نموذج
-تحدي الرابح
-البروماكس(النماذج الجديدة)
-قبل اختباري باسبوعين راجعت النماذج المكررة
-اخيرا التقفيلات
〽️التأسيس "لفظي"
-من قناة أ-ايهاب عبدالعظيم باليوتيوب فقط
〽️التدريب "لفظي"
-نموذج ١٠٥
-التكميلية٩
-بروماكس
"كل الثلاث نقاط بتدريب اللفظي الان يغني عنهم ملف١٢٠ نموذج الجديد"
-قبل اختباري باسبوعين راجعت النماذج المكررة
-اخيرا التقفيلات
———————————————————
💢تجربتي الثالثة:كان باقي لي ثلاث محاولات قلت ليش ما احاول يمكن اجيب اعلى وفعلا الحمد لله جبت ٩٩ يمكن ماتفرق عند البعض بس عندي يفرق كثثثير ذاكرا لمدة شهر واحد بس كانت عبارة عن تدريب تدريب تدريب على تجميعات من كل مكان كنت افتح التلقرام و احل كوزات افتح القروبات واشوف مين يحتاج احد يشرح له سؤال رجعت شفت النماذج المكررة والحمدلله قفلت على القدرات وانا راضية بالنتيجة وفخورة جدا اني ما استسلمت من اول محاولة دعواتكم لي بالتحصيلي🙏🏾.
⚠️ خلوا ظنكم بالله كبير ربي ما يخيب ظن عبد ظن فيه خير الله يوفقكم يارب🙌🏾

📍 قناة تجارب القدرات : https://www.tg-me.com/Kodurat1
📍 قروب قدرات ثانوي : https://www.tg-me.com/Kodurat2
📍 قناة تسريبات قدرات : https://www.tg-me.com/Kodurat3
-
لمشاركة تجربتك أرسل هنا @Tgarpqudrat_bot

#تجربه

السلام عليكم انا احمد حاصل على درجة ٩٦ من المحاولة الثانية (ماشاءالله)، مشوار بالقدرات كان طويل وفيه عقبات كثير لكن اهم شي الاستمرار و التوكل على الله ،
———————————————————
💢تجربتي الأولى (٨٦) محوسب كانت البداية قبل ثاني ثانوي بشهر مذاكرتي كانت تاسيس فقط
من دورة انا أسطوري لمدة شهر كامل مذاكرة
———————————————————
💢تجربتي الثانية (٩٦) طبعا بعد الاختبار الاول شديت على نفسي وذاكرت من عدة مصادر :
🔸التأسيس "كمي"
⁃ المعاصر ٦ بلس فقط
🔸التدريب "كمي"
⁃ ١٢٠ نموذج كاملين
⁃ مراجعة ٨٩ نموذج المتكررة
🔸التدريب "لفظي"
⁃ مذاكرة وحفظ ٨٩ نموذج المتكرر من الـ ١٢٠ و البروماكس
⁃ كويزات بعد كل نموذج
———————————————————
⚠️هذي تجربتي وتختلف من شخص الى اخر
اهم انك تتوكل على الله وتعمل بالاسباب

📍 قناة تجارب القدرات : https://www.tg-me.com/Kodurat1
📍 قروب قدرات ثانوي : https://www.tg-me.com/Kodurat2
📍 قناة تسريبات قدرات : https://www.tg-me.com/Kodurat3
-
لمشاركة تجربتك أرسل هنا @Tgarpqudrat_bot

#تجربه

اختبرت اول اختبار ورقي قبل ثاني ثانوي وكنت شاده حيلي مره
ذاكرت له
مقاطع عماد باليوتيوب "للتأسيس"
المعاصر 6 بلس
وهدفك 7
طلعت درجت 80 وانصدمت شوي لاني تعبت مره وقتها
---------------
رجعت اختبرت ب رمضان وجبت 79
-------------
وقتها قررت ابدأ محوسب وبديت اذاكر له كان تأسيس الكمي معتمد على المذاكرة السابقه الي هو :
6 بلس
المقاطع
وبديت ادرب ب 120 الكمي
واحفظ 120 اللفظي والحمدلله اختبرت الاحد الي فات وطلعت درجتي 95 وقفلت على القدرات من ثاني 👍🏻

----------------
الي بقوله ذاكرو ذاكرو واختبرو محوسب انا ضغطت على نفسي وجبت 95 والحين ناسيه كل التعب الي مريت فيه

الله يوفقكم جميعاً ❤️

📍 قناة تجارب القدرات : https://www.tg-me.com/Kodurat1
📍 قروب قدرات ثانوي : https://www.tg-me.com/Kodurat2
📍 قناة تسريبات قدرات : https://www.tg-me.com/Kodurat3
-
لمشاركة تجربتك أرسل هنا @Tgarpqudrat_bot

#تجربه

السلام عليكم ورحمة الله
اولاً الحمدلله على وصولي هذي الدرجة المرضيه ، ثانيًا عليكم الألحاح بالدعاء وصلاة الوتر وقراءة كل يوم اقل شي صفحتين من القرآن هذي الاسباب اللي فادتني من بعد الله ، ثالثًا لا تستسلمون مهما مايكون ولا تسمعون كلام الناس اللي حولكم سواء من اهلكم ولا اصحابكم ولا قرايبكم خليكم صاملين بقرارتكم ومايهزكم احد مهما مايكون ، انا حصلت على درجة ٩١ بالقدرات وكان طموحي ٩٥+ بس الحمدلله على كل حال بقولكم مسيرتي بالقدرات اول شي كنت غلطانه مابديت بالقدرات من ثاني ثانوي بديت من ثالث شهر ١١ وكنت اشوف مقاطع فهد باليوتيوب وحبيت طريقته بالشرح بعدها دخلت دورة مع فهد التميمي والصراحه طاقته واسلوبه معنا كان محمسني اكمل وخلصت من الدورة وشريت المعاصر وبديت في المعاصر ٦ بلس وبعده ١٢٠ نموذج وهينا خلصت من الكمي بس باقي لي اللفظي شفت مقاطع ايهاب تأسيس وبعدها ذاكرت ١٠٥ والبرو ماكس وبس ، وحاليًا انقبلت تمريض دعواتكم لي والله ييسر لكم كل امر وعقبالكم وكلها فترة وبتعدي وبتتذكرون هذي الايام وكيف احنا فخورين بنفسنا ❤️

📍 قناة تجارب القدرات : https://www.tg-me.com/Kodurat1
📍 قروب قدرات ثانوي : https://www.tg-me.com/Kodurat2
📍 قناة تسريبات قدرات : https://www.tg-me.com/Kodurat3
-
لمشاركة تجربتك أرسل هنا @Tgarpqudrat_bot

#تجربه

هاي كيفكم
ماشاءالله بفضل من ربي حصلت على 💯 من المحاوله الثانيه
ادري من زمان اختبرت بس توني يجيني الشغف اكتب تجربتي
اول شي القدرات ماهو صعب ومستحيل زي ما يقولون هو يحتاج وقت وجهد واراده
حطوا هدف ودائما ادعوا وكونوا متاكدين ان ربي يشوفكم وانتو تذاكرون وتتعبون وان الله ما يضيع تعب احد
مذاكرتي:
بديت من الاجازه الصيفيه بين اول وثاني ثنوي (من بدايتها) ذاكرت للورقي المعاصر تاسيس وتدريب وهدفك٧ وقتها كان اجدد شي وتجمبعات سنتين ونص
اما المحوسب فرجعت ذاكرت المعاصر مرتين
ودخلت دوره ايهاب
انتبهوا🛑:
-لا تتوقعون انكم تذاكرون اسبوع ولا اثنين وتجيبون درجه
-السوال اللي سحبت عليه بيجيك قبل اسمك😂 وهذا الشي صار لي (ذاكرو كل سوال وكل فقره زين ولا تسحبون على شي) لان ممكن سوال لا سمح الله يطير منكم 💯
-ملفات ايهاب طبعتها من منصه اطبع ارخص
-الحين الاجازه انسب وقت تضاعفون فيه مذاكرتكم
-لا تعودون نفسكم على البريكات
-اذا بتذاكرون زين من اول مره ادخلوا محوسب اسهل بكثير في نفس الوقت لا تدخلون الا وانتو مستعدين
-عاموا كل فرصه على انها اول واخر فرصه
-اللي ما اختبروا وناوين يدخلون تجربه !!من جدكم تراها ٥فرص ماهي مليون
-لاتنسون تذكرون الله وتدعون لي في التحصيلي

📍 قناة تجارب القدرات : https://www.tg-me.com/Kodurat1
📍 قروب قدرات ثانوي : https://www.tg-me.com/Kodurat2
📍 قناة تسريبات قدرات : https://www.tg-me.com/Kodurat3
-
لمشاركة تجربتك أرسل هنا @Tgarpqudrat_bot

#تجربه
السلام عليكم ورحمة الله وبركاته
صح درجتي ماهي ذاك الزود لكن من المحاولة الاولى وكنت اقدر اختبر اكثر من مره لكن ما سمحت الظروف اما طريقة مذاكرتي كانت من اليوتيوب فقط ؛ الكمي
عماد الجزيري و ماكنت مركز مزبوط عشان كذا جبت 86.5 لكن اللي بيركز ويعيد المقاطع اكثر من مره ويكتب معه او يشتري كتابه بيستفيد اما اللفظي كان من ابدع بقدراتك وكان شرحهم حلو ،، اهم شيء تعرف ان القدرات مهي صعبة بلعكس سهله جدًا انا مذاكرتي بس اسبوعين ونصيحه استعدوا له من بداية ثاني ثانوي واختبروا محوسب واعتبروه اخر فرصة لكم لا تحجز موعد الا وانت جاهز لا تقول بدخل اجرب تضيع عليك محاولة انت ممكن تحتاجها
حاولوا تقفلون القدرات من قبل ثالث لا تخطون خطأي انا حشرت نفسي لثالث وتجمعت ثلاث اترام و قدرات وتحصيلي لدرجة ان اختبار القدرات حقي كان بعد الاختبارات النهائية باسبوع بس !
وفالكم التوفيق و لا تنسوني من الدعاء اخوكم مقبول السنة ذي طب و المعذرة على الاطالة ♥️🫱🏻‍🫲🏼

📍 قناة تجارب القدرات : https://www.tg-me.com/Kodurat1
📍 قروب قدرات ثانوي : https://www.tg-me.com/Kodurat2
📍 قناة تسريبات قدرات : https://www.tg-me.com/Kodurat3
-
لمشاركة تجربتك أرسل هنا @Tgarpqudrat_bot