📚 Boshlang‘ich ta’lim o‘qituvchilari uchun darsni jonlantiruvchi 7 o‘yin

O‘quvchilar darsda faolroq bo‘lishi va mavzuni tezroq o‘zlashtirishi uchun mana bu oddiy, ammo samarali o‘yinlardan foydalaning:

1️⃣ So‘z zanjiri – o‘qituvchi aytgan so‘zning oxirgi harfi bilan yangi so‘z topish. Bu o‘yin lug‘at boyligini oshiradi.
2️⃣ Rasm topish – ekranda yoki taxtada ko‘rsatilgan rasmni nomlash yoki unga gap tuzish. Tasavvur va so‘z boyligini rivojlantiradi.
3️⃣ Kim tez? – savolga birinchi bo‘lib javob bergan o‘quvchi ball oladi. Tez fikrlash va diqqatni kuchaytiradi.
4️⃣ Rolli o‘yin – kichik sahnalar yoki dialoglar tayyorlash. Nutq madaniyati va ijodkorlikni oshiradi.
5️⃣ Xotira kartalari – mos juft so‘z yoki rasm topish. Xotirani mustahkamlaydi.
6️⃣ Top va tushuntir – so‘zni aytmasdan ta’rif berish, boshqalar topadi. Tushuntirish ko‘nikmasini rivojlantiradi.
7️⃣ Rasmda nima o‘zgaribdi? – rasmning ikkita versiyasidagi farqlarni topish. Kuzatuvchanlikni oshiradi.

✨ Ushbu o‘yinlar bolalarda faollik, mantiqiy fikrlash va jamoada ishlash ko‘nikmalarini rivojlantiradi.

✔️ @Kreativ_pedagog - Kreativ ustozlar kanali!

⏰ VAQTNI BOSHQARISHNING 15 TA USULI

1️⃣Xotiraga ishonmang. Vazifalaringizni yozib boring va miyangizni yukdan xalos eting.

2️⃣ Afzalliklar ro‘yxatini tuzing. Bu sizni muhim ishlarga e’tibor qaratishga yordam beradi va bekorchi ishlarga vaqt sarflashning oldini oladi.

3️⃣Har hafta oxirida keyingi hafta uchun reja tuzishga vaqt ajrating. Bu vaqt bekor ketmaydi – samaradorligingiz oshishi bilan qaytadan yuz beradi.

4️⃣ Qiziqarli fikrni eslab qolaman deb umid qilmang – g‘oyalaringizni yozib qo‘yish uchun doim yoningizda daftarcha bo‘lsin. Yoki diktofon olib yuring.

5️⃣ Agar boshqalarning talablari siz qo‘ygan maqsadlarga mos kelmasa – “yo‘q” deyishni o‘rganing.

6️⃣ Harakatga o‘tishdan avval biroz o‘ylang, lekin haddan tashqari emas. Ozgina mulohaza qilib, beo‘rin qarorlar va vaqt yo‘qotishdan saqlanasiz.

7️⃣ O‘zini rivojlantirish uchun ham rejalaringizda alohida vaqt ajrating.

8️⃣ Qilayotgan ishlaringizni anglab yetib yuring. Vaqtingizni nimalarga sarflayotganingizni biling. Ishlaringiz sizni maqsadingiz sari yetaklashi kerak.

9️⃣ Vaqtni boshqarish bo‘yicha o‘zingizga mos keladigan usullarni tanlab, doimiy ravishda qo‘llang.

1️⃣0️⃣ Zararli odatlaringizni tahlil qiling. Ular sizning vaqtingizni oladi. Ulardan voz kechish bo‘yicha ro‘yxat tuzing va asta-sekin yeching. Eng samarali yo‘l – zararli odatni foydali odat bilan almashtirish.

1️⃣1️⃣ Boshqalarning ishini qilib, o‘zingizni yaxshi ko‘rsatishga urinmang. Bu orqali siz o‘z rivojlanishingizga sarflashi mumkin bo‘lgan vaqtini yo‘qotasiz.

1️⃣2️⃣ Maqsadlaringiz sari harakatda bo‘lgan muvaffaqiyatlaringizni qayd etish uchun maxsus jurnal yuriting. Unga muntazam yozib boring va tahlil qiling.

1️⃣3️⃣Har bir vazifani ideal darajada bajarish shart emas. Perfeksionist bo‘lish shart emas – masalan, bir maktubni Lev Tolstoy uslubida yozish uchun 20 marta qayta yozishning keragi yo‘q.

1️⃣4️⃣ O‘zingizni ortiqcha vazifalar bilan yuklab qo‘ymang. Agar dolzarb va muhim ishlaringiz bor bo‘lsa, unda ikkinchi darajali vazifalarni keyingi qulay vaqtga qoldiring.

1️⃣5️⃣ O‘zingizni samaraliman deb aldamang. Agar ustuvor bo‘lmagan bir ishni juda samarali qilib bajarayotgan bo‘lsangiz, bu vaqtni to‘g‘ri foydalanmoqdasiz, degani emas.

Ushbu 15 usulni amalda qo‘llasangiz, qisqa muddatda katta yutuqlarga erishasiz.

© bektoshkhatamov

✔️ @Kreativ_pedagog - Kreativ ustozlar kanali!

📣 Bolalarga matematikadan dars beradigan ustozlar diqqatiga!

🎓 Super Matematika — bu pedagoglar uchun yaratilgan, real natija beruvchi maxsus kurs. Bu dastur orqali siz matematika fanini ilg‘or davlatlar tajribasi asosida o‘rgatishni o‘rganasiz va shu bilim orqali o‘zingizga daromad keltiradigan mustaqil kurs ochishingiz mumkin.

Yaponiya, Singapur, Turkiya, Rossiya, AQSh, Avstraliya va Xitoy ta’lim tizimlarida sinalgan metodlar bosqichma-bosqich o‘rgatiladi. Ushbu yondashuv yordamida hatto orqada qolayotgan o‘quvchilar ham matematikani tushunadi, mustahkam bilim oladi va natija ko‘rsatadi.

Eng muhimi - bu tizim o‘quvchida matematikaga bo‘lgan ishonch va qiziqishni qayta uyg‘otadi.

Kurs yakunida sizga:
– Rasmiy sertifikat;
– Tayyor o‘quv dasturi;
– Ishonch bilan dars o‘tishni ta’minlaydigan 80 dan ortiq qo‘llanmalar beriladi.

✅Hoziroq ro'yxatdan o'ting va 30 kun onlayn formatda yangi kasb egasi bo'ling:

👉 https://ustozpro.uz/p/super-m/

✈️ Super Matematika - bolalarga matematikani hayotiy o'rgating!

⚡⚡ Musiqa madaniyati hamda jismoniy tarbiya fani o‘qituvchilariga sertifikat berish tartibi belgilandi

Bu haqda Hukumat qarori asosida Nizom qabul qilindi.

✅ Sertifikat Bilim va malakalarni baholash agentligi tomonidan 3 yil muddatga elektron shaklda beriladi.

Musiqa madaniyati fani va jismoniy tarbiya fanini bilish darajasini aniqlash bo‘yicha A+, A, B+, B, C+, C darajali sertifikatlar beriladi.

Amaliy (ijodiy) imtihon hamda test sinovlarining o‘rtacha natijasiga ko‘ra:

➖ 70 va undan yuqori ball olgan talabgorga — A+ darajali;
➖ 65 — 69,9 ballga — A darajali;
➖ 60 — 64,9 ballga — B+ darajali;
➖ 55 — 59,9 ballga — B darajali;
➖ 50 — 54,9 ballga — C+ darajali;
➖ 46 — 49,9 ball olgan talabgorga C darajali sertifikat beriladi.

B+ va undan yuqori darajali sertifikat olgan o‘qituvchiga qonunchilik hujjatlarida belgilangan tartibda oylik maoshiga ustama beriladi.

➡️ xushnudbek

✔️ @Kreativ_pedagog - Kreativ ustozlar kanali!

⚡️ Dunyoda bitta kasb bor:

▫️Bu o‘qituvchilik. Qolgan kasblar uning hosilasidir.

▫️Millatning ertasi maktablardan boshlanadi.

▫️O‘qituvchi bir umr bola bo‘lib qoladi.

▫️O‘qituvchi bir vaqtning o‘zida ona, ota, bobo, buvi, aka, opa, do‘st bo‘la oladi.

▫️O‘qituvchida otaning qattiqqo‘lligi, onaning mehri bo‘lishi kerak.

▫️Hech kimning 30 nafar farzandi yo‘q. O‘qituvchida esa bor.

▫️Hamma o‘z bolasini sevadi. O‘zganing bolasini sevish, unga ta’lim-tarbiya berish esa har kimning ham qo‘lidan kelmaydi.
Buning uchun insonda katta yurak kerak bo‘lishi kerak.

▫️Bolalarni seva olmagan kishidan o‘qituvchi chiqmaydi.

▫️O‘qituvchilik-bu hali ustozlik degani emas.

▫️O‘qituvchilik-bu kasb.
Ustozlik esa baxtdir.

▫️Hayotingiz davomida hech bo‘lmasa bitta shogirdingiz sizni ustoz sifatida tan olmasa, umringiz shamollarga sovrilibdi.

▫️O‘quvchilarim meni ustoz sifatida emas, avvalo, inson sifatida yaxshi ko‘rishlarini istayman.

▫️"Darsimda pashsha uchsa bilinadi"-deydigan o‘qituvchilar rost gapiradi. Ularni faqat pashsha qiziqtiradi.

▫️Amir Temur dunyoni tig‘ bilan, Navoiy qalam bilan olgan bo‘lsa, ustozlar dunyoni bo‘r bilan oladi.

▫️Bu hayotda oddiy sinf rahbar bo‘lmaydi. Sinf rahbar bo‘ldingmi, chida. Mushtni mushtga tugib chida, tishni tishga qo‘yib chida. Sinf rahbarlikni chidaganga chiqargan.

▫️Bugun sinf rahbarlik olib, uning mas’uliyatiga chidolmay, ertaga tashlab yuboradigan o‘qituvchining o‘zini "tashlab" yuborish kerak.

▫️Ustoz yaqinmi, ota?
▫️Ota. Agar u ustoz bo‘lsa.

▫️Haqiqiy o‘qituvchining qahrida ham bolaga nisbatan mehr ufurib turishi kerak.

▫️Eng yomon o‘quvchimni boshqa sinfdagi 10 nafar eng yaxshi o‘quvchiga alishmayman.

▫️O‘quvchingiz hayotiy masalada sizdan maslahat, yordam so‘rayapdimi, demak, ustoz darajasiga yetibsiz, muborak bo‘lsin.

▫️Hech qachon o‘quvchilaringizga odam bo‘lmaysan, demang. Uningku tanlash imkoniyati bor. Sizda esa hatto shu ham yo‘q.

▫️Bugungi jinoyat kechagi tarbiyaning mahsulidir.

▫️Biz ustozlar o‘quvchilarimizga maktabda emas, hayotda a’lochi bo‘lishlari uchun ko‘mak berishimiz kerak.

▫️Ustozning hattoki qadam tashlashi ham tarbiya bo‘lishi kerak.

▫️Shogirdlariga faqat ta’lim bergan o‘qituvchi mutaxassis tayyorlaydi. Shogirdlariga ta’lim-tarbiya bergan o‘qituvchi insonni yetishtiradi.

▫️O‘quvchingiz sizni ota-onasining noo‘rin aybidan himoya qilayapdimi, demak siz uning qalbidan joy olibsiz.

▫️Ustozlar farzandlarining yutuqlaridan ko‘ra, shogirdlarining yutuqlariga ko‘proq quvonadi.

✈️ O'quvchilaringizga yuborib, yangi o'quv yili oldidan ruhlantirib qo'ying

✔️ @Kreativ_pedagog - Kreativ ustozlar kanali!