ابو فاضل والنعم منك ماتقصر من نندبك وفزعتك اريده مثل فزعتك للحسين ع ماتقصر وماقصرت من الدك بابك والنعم ماعرف شكول غير شكرآ مولاي ابو فاضل ع

نعي مفجع
الحسين(ع) يرجع بعلي الأكبر ع
للمخيم ويخاطب السيدة زينب (ع)


زيـنـب يـخــويــه اظـلــم الــكـون
ابـعـيني وتـهـل دمـعـات الـعـيـون
جـبـتـه واجـيـتـچ لاچـن اشـلــون
مــاچـن عــلــي مـتـغـيّـــر الـلـون


ظـهـري انـكـسـر يـخـتـي تـعـالـي
غــالـي الــولــد تــدريــن غــالــي
الأكـبـر مــشــه وألـهــم بـقــالــي
وأنظـر على ايـمـيـنـي وشـمـالـي


هـذا الـعــزيــز الــجــبــتــه ويـاي
دامـي اشــوفــه اگـبــال عـيـنـاي
بــيّــه يـزيــنـب شـمـتـت اعـداي
ظهري انـحـنـه ونـگـطـع رجـواي

                                        *---------------*---------------*

✍خادم الحسين (ع)
الشاعر رعد الجريخي
https://www.tg-me.com/ML_mahhde

نعي مفجع
السيده زينب ع اتخاطب العباس ع


طلعت امن الخيم والـگـوم كلهه اتناشد اعليـه

ناس اتگول اخت عباس وناس اتگول مو هيه

تدنّتلي الزلم والـخـيـل وشفت واحد يصد ليه

عرفني اختك يبوفاضل وبيدي مسويه بوشيه

گـلـتـلـه انه الكفلني الحيد نكرني وگـال ياهيـه

        جــهــل قــــدري وضـحـك يـمـي
        ويـگـلــي اصـبـحـتــي مـسـبـيــه

الحچي وضـحـكـاتـه اذني واحسنهن رمـح بيه

تـمـنـيـت الزمن يرجع وتصد بالعين الي اشويه

       واشــوفــن بـيـرغــك يــصــفــگ
       واشوف الحرم كلهن بيك محميه

هـاي بيا وگـت صـارت الغريب ايشوف علويـه

            *---------------*---------------*

✍بقلم خادم الحسين ع
     الشاعر رعد الجريخي https://www.tg-me.com/ML_mahhde

أللهم أرحم من اشتاقت لهم الروح

أللهم صل على محمد وآل محمد وعجل فرجهم ياكريم

حال فاطمه العليله ساعة رحيل الاحبه...
...............................

حان الرحيل...صبرآ جميل.
حادي الضعن...عاف الوطن...يافاطمه.

بعد الحبيب... يحله النحيب.
ليلج سهر....صبحج قهر....يافاطمه.
.............................................

العمره ماضايك هجر.....لايسولف عالصبر.
ال ماعرف جرح الأنين.
خل يناشد فاطمه..البجت وياها السمه.
وعاشت بغربه وحنين..

عاشت ايام الطفوله تارس العين الدمع.
ليله ليله تذوب حسره نار تاكل بالشمع.
تحرك الدمعه بجفنها بعد ابوها بياوضع.

ياوضع حال.العليله.العاشت اصعب من صعب.
جمره دمعات .الطفوله..فوك وجنتها تصب.

عاشت عذاب....تنطر سراب.
جرح الزغر....مثل الجمر..يافاطمه.

بعد الحبيب... يحله النحيب.
ليلج سهر....صبحج قهر....يافاطمه
...............................................

الفاركت كل الاهل.تدعي ياخذها الاجل.
وليلها ساعاته نوح.
اشلون بالمو يمها أبو... لا أخت لا حتى أخو.
تظل تحسب بالجروح.

فاطمه باقي عمرها خلص بس نوح وحزن.
واكفه بمجان ابوها.والدمع فوك الوجن.
تخلي وين امخلّي أبوها أيده وتشمها وتون.

تحن لحضانه .وتنادي . والجرح يشبك جرح.
تكله بويه ..ابنيتك آنه..فركتك تذبح ذبح.

ترسل سلام ... وي الحمام.

عمرج الم...حسره وندم..يافاطمه.

بعد الحبيب... يحله النحيب.
ليلج سهر....صبحج قهر....يافاطمه
...............................................

الماي لوعاف الورد...طبعه من طبع البعد.
تجيب وتودي الظنون.
تبقى حالت فاطمه..كل مسه تصد للسمه.
تجري دمعات العيون.

تدعي بالدمعه العليله.كل مسه بلّم الشمل.
تنجمع وي الاحبه بدارها الفرحه تهل.
ترجع بلهفت كَلبها تناغي عبدالله الطفل.

مايرجعون...الحبايب..عدها هاجس بالكلب.
تشتعل نااار.. المصيبه..بوحشه اديار الغرب.

تبقى اعله نار....بالانتظار..
طال السفر... مارد خبر...يافاطمه.

بعد الحبيب... يحله النحيب.
ليلج سهر....صبحج قهر....يافاطمه
...........................................

العايش بغربه وهموم...يكضي ليله اوي النجوم.
ما يغمضله جفن.
يحسب انجوم السماء...ويه كل نجمه دعاء.
تنزف عيونه حزن.

فاطمه الياحزن تصبر عالهجر لو عالمرض.
والله من ساعه الفركه الجفن مالحظه غمض.
تلهج بطاري رقيه شوكَ كل دكت نبض.

تبجي نجمات .الثريا..وي بجاها لوبجت.
تجري دمعات.الهظيمه..بسم ابوها لوحجت.

وي الدموع...تنعى وتلوع..
طفله وغرب..حالج صعب..يافاطمه.

بعد الحبيب... يحله النحيب.
ليلج سهر....صبحج قهر....يافاطمه
................................

اليكَضي ليله الوحّده...يدعي يكَرب موعده..
ومايظل عايش غريب.
والله تكتل وحشته...مايحس بمصيبته.
بس المضيع حبيب.

والعليله الراح ابوها الجان بلسم للجرح.
جان يغمرها بحنانه وشوفته جانت صبح.
عافها وصارت يتيمه وراح ابو الكَلب السمح.

مابعد يرجع ابوهه...ونكطع خيط الامل.
بالوطن.عاشت غريبه..كلشي من يمها رحل.

بين اليجون...والمايجون.
متحيره .. يالصابره..يافاطمه.

بعد الحبيب... يحله النحيب.
ليلج سهر....صبحج قهر....يافاطمه
.....................................
✍ ابو منتظر الحجامي https://www.tg-me.com/ML_mahhde

ماباقي المحرم له ايام
حضرو ارواحكم يله يخدام
خنهيأ عزانه عاشوراء اجانه
======
يله حضرو ارواحكم هل جانه عاشور
يله خل انهيئ ادينه الطلم الصدور
حسين يستاهل تره نفديله النحور
من الله شيريد التكله الزهره ماجور

هنياله ولف هنياله والله
اليخدم من صدك وي عزي مولاه
سلطان بزمانه عاشوراء اجانه
=====
احسب الجيت محرم لحضه لحضه
كلبي عاشورائي بسم حسين نبضه
امنيتي من الله عليه حسين يرضه
اليرضه عنه حسين هذا اشكبره حضه


ولباجي عله زينب دمع العيون
باجر ينحشر وي عابس وجون
الله يعلي شانه عاشوراء اجانه
_======_
انه كل عمري محرم ماكو افراح
وكون لجل حسين اموتن من النياح
الكلبه حاركته خيم شظنه يرتاح
لسه مافاركت سمعي حسين من صاح

الآن انكسر ضهري يعباس
وبيه اتشمتت ياخويه هل ناس
انهض ياحمانه عاشوراء اجانه
======
بين اهلال الحزن ودموعي هلت
اذكرت زينب لمن الخوتها ركضت
صوتها الحك يابو فاضل من تنخت
الخيمه حركوهه وعلينه ناس هجمت

خويه أطفالكم ماتت من الخوف
ها ياروح زينب ارجع وشوف
ياصاحب ألوانه عاشوراء اجانه
=======
لف شكرا لك يارب البريه
هل محرم وأنه بعده نفس بيه
جنت خايف خاف لتفيني المنيه
ونحرم من مجلس الزهره الزجيه

شكرا يالاهي اهواي ممنون
جي هاي سنه احضر مجلس أم عون
وللمهدي دعانه عاشوراء اجانه

حسين عبد الزهرة الدراجي https://www.tg-me.com/ML_mahhde

اشكد مشتاك اشوف امي وراها 😭😭😭😭😭😭

نعي بحق الزهراء ع ولكل من فقدوالدته 💔💔

مـــــن الفرگه يايمه تعبــــنه
يحن اعليچ كل سـاعه گلبنه
افراگج موســــهل زيد ألمنه
يصب اعليج مايبطل دمعنه
ما أيســــنه نتريه بعـــــــدنه
اتردين ليـــــــنه يا وطــــــنه 
من بعدچ ولا واحــــد فگدنه
وبيتـــچ تــــره كلنه انجمعنه

دارج خليه وعمت عيــــــني
واليوم اصبحت زايد ونيني
ايس گلبي منــــچ ما تجيني
يالچنــــــتي دومج تفگديني

سنتــــــــين مرن من فگدتچ
مجروحه بقت لليـــــوم بتچ
ابساعة البل تابوت شفتــــچ
لســــنيني البقت وياي ردتچ

=========================

اهدي ثوابها الى روح والدتي
نسألكم الدعاء
✍️ الشاعر حسام البهادلي https://www.tg-me.com/ML_mahhde

محرم 🔻

ترافة نحر 💔

لحن يخيمات
الرباب عليها السلام

ـــــــــــــــــ ❁ ❁ ❁ ــــــــــــــــــ

يالسهام عوفن رگبة وليدي يالسهام
ولا نام فز من العطش يبچي ولانام
ريـت بـحضـني ضـمـيتـه بـالخـيـام

ـــــــــــــــــ ❁ ❁ ❁ ــــــــــــــــــ

عبد الله يالنحرك ترف اشلون السهم يصيبك
ترفس مثل طير انذبح وانت بحضن حبيبك
ضيعتك امـن ايدي وبعد يا يـمه مـن يجيبك
كلمـن نصـيبه بدنيـتـه وانـت الذبـح نصبيك

يمذبوح..
ردتك مـاي تتروه يمذبوح
تالـيها تـرد لأمـك بـلا روح
بعدك ينترس گلبي بالجروح

ـــــــــــــــــ ❁ ❁ ❁ ــــــــــــــــــ

كلشي بحـياتي توقعـت بـس تنـذبح ماضنيت
لمن خبر موتك وصل من دم دمع يمه ابچيت
لمـن تصد عينـي المـهد نايـم اشـوفك ياريـت
من طلعتك مـن الخيم ما تدري بـيه شسويت

ولا اشوف ..
بعدك يعمن عيونـي ولااشوف
مذبوح بسهم نحرك بالطفوف
مـا يحتـاج ذباحـك للسـيوف

ـــــــــــــــــ ❁ ❁ ❁ ــــــــــــــــــ

لمن صرت يمه افرحت والفرحه بس ست شهور
كل ظني من تكبر ردت بس عينك اتشوف النور
تصبـح سنـد وكـت الكبـر والأمـك اتصير السور
مستعجل الـمن عالهجر گلب امك يظل مكسور

الگـلوب ..
مـايجـبر كـسر بيها الگـلوب
لـمـن تبتـعد منـها يمـحبوب
تنطر جيتك وتگعد بالدروب

ـــــــــــــــــ ❁ ❁ ❁ ــــــــــــــــــ

الورده تـوگع والغص متن تنگطع هم يطيح
يا ورده يالدمك عطر مـن تنگطع منها يسيح
هـو الورد مـن ينذبح مـو بالسهم كون بريـح
ومن الترافه يشع ضوه من رگبتك من تصيح

يشفاف ..
وجهك بالشمس يضوي يشفاف
من گتد الضوه بوجهك متنشاف
من عـمك گمر هاشم الاوصفاف

ـــــــــــــــــ ❁ ❁ ❁ ــــــــــــــــــ

من السهم جـاس النحـر معقوله ما تندم
الله اليساعد والدك من رگبتك شال الدم
من شافك بحضنـه متت گلبه شكثر تألم
حيرنـي هالموقف تـره منـه الصـبر تعلم

يمولاي ..
صبـرك حــير العـالـم يمـولاي
ظيم المر عله گلبك تره هواي
عبد الله انذبح بيـدك بلا ماي

ـــــــــــــــــ ❁ ❁ ❁ ــــــــــــــــــ

لمـن مشينـه لليـسر رحـله شكثـر بعيـده
مايرهـم الراس برمـح مـن ينگطع وريده
كلش جبيره اعله النحر ماترهم الحديده
خافن يگـع حتى الهـوه لا مـا يهب اريده

تره يطيح..
من راس الرمح راسك تـره يطيح
الـزم گـلـبـي كــل مـره تـهـب ريـح
روحي عليك كل خطوه تره تصيح

ـــــــــــــــــ ❁ ❁ ❁ ــــــــــــــــــ

✍️كلمات

عباس فاضل الشمري

https://www.tg-me.com/ML_mahhde

اليله السابعه من شهر محرم الحرام


وحك سيفي الباشط.      
يـختي زينب  شــارط
اليـوم اخـــليها الزلم.         تــركع اكبــال لجدم
            .     يختي زينب شارط
___
ولله يازينب عجـيبه.يـعطش بضــعنج طفل
سيفي باشـط ياالـعقـيله لوزعـــل مايحـتمل
أنتي بس كولي يخويه والصعب يصبح سهل
والله ياخــويه وغــلاتـج والعـلي انـه أمتــثل

فدوه عيـني وراسي     
وأنتـــي بين انفاسي

الحره صاحت ولنعم   .     تــركع اكبــــال الجدم
            .    يختي زينب شارط
_
وكفو منك يبو فاظل انته راعي الـمرجله
ومـاتـقـصر من أندبك وانته خالــس كربله
برايتك خـويه الهـواشم يبـن أبــوي مدالاله
تـطلب لماي وتــريده خـويه خـويه العـايله


مدالاله براعي العلم     
مدالاله براعي الشيم

وبالخــطر لا ما أهـــم.       تـركـع اكــبال .لجدم 
                ويختي زينب شارط
___
وينـه جودي يالـعقيله أرد إذل الـــمشـرعه
وأرد أجيب الــنهر يمج أنتي عندي مودعه
أرد ادوس ع الكتايب وأرد اســـوي الواقعه
أرد أصـول ع المــنايه وكلها يختي مصرعه


وانـه عــبـاس الكفو.      
يختي لا شنهو العفو  

والله امــوتهـــم حلم       تــركع اكبال لجدم
                  يختي زينب شارط
___
وهذا جودك ياكفيلي وأنه الـبوه حيدره.
أرد اكالك يابو فاظل أنته كـلك مفخـره
يابسه.شفاف اليتامه أنته ســبع الكنطره
للخيم مايك تجيبه سكـنه خويه مناطره


والنهر جــيبه بـعلم      
وخله يـوصل الخيم

وبـاالعـدد لا لاتـهـم.      تــركع اكـبال لـجدم
                يختي زينب شارط

__
هاي سـهله ياالعـقيله والطـلب يختي سهل
وانه راعـيها الكلايف يختي شيـاله  الحمل
يختـي والله من اطبهم  والبطل بيهم يذل
موت الاحـمر أنه خويه بكربله عليـهم يحل


أكـطع اركاب العــــده.    
المعــصبج كـلهم فده

النخــــوتج كلهم عدم     تــركع اكـبال لـجدم
يختي زينب شارط
___

كلمات خادم العباس ( ع )

الشاعر الحسيني
مرتضى مكطوف . https://www.tg-me.com/ML_mahhde

تروح وترد وتباوع اهواي اتريد اگلها امشي وياي
خاطري عليها انكسر وهي مو مالت سفر
**
الليله اشوف ابنيتي تفتر وحيل كسرت خاطري
مدري اگلها بويه نامي مدري اگلها اتحضري
باوعتلي وركض راحت عليها من صد ناظري
وانه گلت الزينب اختي روحي منها اتعذري

گليلها رايح نخليج واهواي ابوج ايسلم عليج
عنها فرگنه القدر وهي مو مالت سفر
****
مگابلتني وتصد ليه ولو گمت گامت وراي
تگلي بويه خل اروحن ومگدر اخذها معاي
انتي گلتلها عليله اتگلي بويه انته دواي
وانه گابلتك اريدك بلكت اتكلي تعاي

ما بيه حيل الهذا الفراك ومن زغري ليش احلامي تنباك
بيش يطلبني الدهر وهي مو مالت سفر
****
يعرف العنده ابنيه شگد حنينات البنات
ويا محنتهن بناتي وحيل هنه معتبرات
هنه وحده تحب وحده وابد ما متفارگات
هنه خوتهن عظيمه مو مثل باقي الخوات

اشلون اذا يتفارگن راح ياهي التموت وياهي ترتاح
راحن ايموتن قهر وهي مو مالت سفر
**
منها اجت ليه رقيه لجن جيه بلايه روح
تگلي بويه اختي خطيه وزيًّدت عليه الجروح
تگول ماكو امجان اليه وكعدت وكامت تنوح
بويه أنطيها مجاني وخلها وياكم تروح

اتكلي هوه ايحبج اهواي بلكت يكلج تمشي وياي
كليله تعبها السهر وهي مو مالت سفر
****
تكول يوميه من اروحن آنه ارتب خيمته
ومن تجي ساعة صلاته افرش مصلايته
وانه احضر اهدومه بيدي وبيدي اجيب اعمامته
ومن يخليني عله صدره حيل اشمن رگبته

اهناك ابوي بعيني اخليه وميه لو راد انه انطيه
گلبي يابويه انفطر وهي مو مالت سفر
*
من افارگها انه ادري اتصير كل ايامي ليل
لاجن ابنيتي عليله وعالسفر ما بيها حيل
عليها خايف من تسافر كربله تراويها ويل
وخايف تموت عله نحري لو تجي وتسحكها خيل

لو تحترك وي حرك الخيام ولو تنسبي مجتوفه للشام
كربله كلها خطر وهي مو مالت سفر
**
تمت
ميثم العمري https://www.tg-me.com/ML_mahhde

الك يحسين يبقى دوم ودي
وأنه الگتلك لعيني اطيوف ودي
تجيني لو صرت بالگبر ودي
بكثر مازرت طف الغاضريه
...
الشاعر محمد حسن ضيغم https://www.tg-me.com/ML_mahhde

تحذير. تحذير تحذير

تحذير موجه بشكل مباشر الى النسوان والبنات في مجتمعنا ام او اخت او ابنة او زوجة أو قريبة للجميع

ظاهرة مرعبة وتراكمية تنتهي بالكوارث الاسرية.

اذا الوحده تكون متزوجة وعندها اولاد وتلكاها تستجيب لشخص غير زوجها ...يضحك عليها بكلمتين حب وهمي وكاذب....

او تلاكي صاحبتها المتزوجة تصاحب واحد على النت.... ومكيفة بالكذب مالته ...!!!

شوفوا يابنات كل واحدة تسمع الكلام هذا بتمعن وحطية حلقه باذنك علمود بعد هالكلام ماترجعين تبجين لان هاي مصيبة كبيرة وطبعا السبب النت ومواقع التواصل الاجتماعى اللي الناس تستخدمه غلط....

ابن عمك ، ابن خالك ، قريبك ،او مديرك ، زميلك ،ابن الجيران ،صاحب زوجك ، او حتى الجن الازرق
يبعثلك اي شي بشكل خاص على تلفونك...
مساء الخير ، صباح الخير
بعثلك صورة صباح الخير... بعثلك دعاء.
مثل
شلونج شدسوين ؟
ليش مو مبينة؟
طمنيني عنك؟
اشتقنالك؟
منورة...!!!
سلامتك..!!!
وووووو...
هى تبدي هيجي على اعتقاد حسن الظن ومثل اخي ومثل ابي ووووو وتنتهي بموت ودمار وخراب بيوت وتدمير اسرة
افنى الزوج عمرة وهو يبني فيها

انت فتحتي باب للشيطان ورح ينخرب بيتك بعدها وحينها لن ينفع الندم.....

ليش زعلانة..؟
حاسس من كلامك انك متضايقة..؟
طيب احجيلي احسج مختنكة ...؟
زوجج مضايقك؟
لو انتي مرتي مستحيل اتركك لحظة...!!!

ورا ابتسامتك الحلوة هاي حاسس ان فيه حزن عميق...!!!
احد كالج ان عينيج حلوة..!!!!
شوية شوية علينا يا عمي شو هالحلاوة...!!!
شنو رح تسوين اليوم اكلتي افطرتي..!!!

صفحتك على الفيس حزينة...!!!
وكومنتاتك فيها شرود...!!!
ومن هالحجي

طبعا انتي مثل الهبلة تلاقي قلبك ارتاح وانشديتي له.... شنوهذا .. والله
حاسس بية أكثر من زوجي...!
وتلاكين حالج فيما بعد تفضفضين وتشكيله
مع انه هو ماله دخل شنو دخل امه اصلاً بيج؟؟؟؟

هوووووووووووووووب.... تعلقتي فيه وصرتوا أصحاب!!!
كل يوم رح تحجين وياه وانتى تحجين وياه على انه صديق مع انك من داخلج المشاعر غير....!!!

حراااااااااام...... شرعاً وعرفاً وخلقاً...
وخيانة لله وللرسول وللاهل هم ....
لاتكولين فكرته مثل اخي..!!!!
انتي فتحتي للشيطان باب...

اول مالقيتي واحد بعثلك هيك من غير حوارات ونقاشات بلوك ع طوووووووول....
اللي يريد يزعل يزعل وينطح راسه بالف حيط ...
حتى لوقريبك

هاي أصول ومبادئ ، أحسن ماتندمين فى الآخر وتبجين بدل الدموع دم.

يابنت الاصول ....حافظي على بيتك
مهما كان حالتك ، يا حلوة ماتدخلي أى شخص غير زوجك لحياتك....
لكيتي شاب نظرلك نظرة إعجاب
عينك ماترفعيها إله مرة ثانية انتي ع ذمة رجل ثاني....
خليج فى حلالك فى رعاية زوجك..

وهو الشيطان لازم يكرّهج فى زوجج وتبدأي تعملي طلباته غصب عنك وانتى مو طايقتيه وعقلك يقارن بين الكلام الحلو والاهتمام مال الشاب الغريب صديقج وبين (شحيبر) زوجج...
وانتى شايفتيه نايم يشوخر من التعب فى الشغل...

انما الثاني قاعد صايع ضايع وهو متعود يتصيد على هيج مع بنات هواية مثلج حساس صاير....

بيوت كتيره خربت بسبب العلاقات هاي
زوجك اللي طالعات عينه ب شغله كله علمودج انتي زوجته مو لاحد ثاني ..و يارب مااحد يزعل من كلامي

خليج متذكرة عهد الله وعهد ابوج اخوج وكوني زوجة فاضلة لاتقدر بثمن. منقووووول. وذكر ان نفعت الذكرى( منشور موقت )

أللهم أرحم من اشتاقت لهم الروح 😭😭😭😭😭

#قصيدة_العليله

كلمن متاعه اتحضر السفرهم
واني نسوني جني ماني بتهم

عمري بقاله ليله
ورويحتي عليله
------------------------------------------------------
حملن نوگ الفواطم ربي مدري اشحملن
ياهو انشده يدير وجهه گلبي من صدري انسحن
شفت ابوي ايلم خواتي وعمي اليشد بالضعن
اجويعده اويدي اعله خدي والهوه ويايه صفن


عيني اعله ابويه يگلي يلا گومي
مثل البنات اركض ولم اهدومي

نضراته الي ثجيله
ورويحتي عليه
------------------------------------------------------
اجويعده وعيني عليهم دمعتي تحرگ حجر
امتاعي حضرته ابشليلي وعيني موتهه النضر
حسبوو اليمشون باجر قسموو ادوار السفر
وانه شو محد حسبني اومامش المنهم ذكر


اشفافي بيضه ولرجيف اخذني
من دون كل اخواني ماحسبني

عيني الدمع تسيله
ورويحتي عليله
-------------------------------------------------------
اجفوفي خلصن من فركهن والقلق بيه انتشر
بلحضه شفت حسين ابويه الشيب البراسه كثر
هضمه بعيونه شفتهه وگلبي حدق بالخطر
منهه وانه افهمت كلشي والهوه بريجي عثر


اعرفت انه ليه مامش روحه
موكب ابويه بينت جروحه

جفوني غدت نحيله
ورويحتي عليله

-------------------------------------------------------
صاح يلا الكل خواتي صوت ابوي انه اسمعت
ومن حجرتي لباب داري ميت عثره انه اعثرت
گتله بويه ولعليله طاري إلهه ماجبت
ناوي تمشي اتعوف بنتك بهاي ابد ماحسبت




بويه المن ابقه گلي لو تسافر
لو رحت عني شلون اعيشن باجر

جسمي نزف كل حيله
ورويحتي عليله
------------------------------------------------------
ناوي تمشي امودع الله بس تنفذ طلبتي
تعوف عبد الله الزغير يبقى ليه سلوتي
ادموع وفراگ وعليله شلون اخلص ليلتي
ليلي وحشه ابلايه اهلي بويه اموت بحسرتي


تدري العليل اينام ليله گاعد
مو بس عليله اعزاز گلبي فاگد

دروب السفر طويله
ورويحتي عليله

---------------------------------------------------
علي سليم الحسناي

#محرم_الحرام https://www.tg-me.com/ML_mahhde

#قصيدة_العليله

اعله حسك عايشه يابعد العيون
لاتحسبني عدله من تروحون

لقني يبويه وجهز الناگه
مالي حيل اضلن عمري مشتاگه
لاتحسبني عدله من تروحون
--------------------------------------
تمشي اتريد كونك امشي وياك* لو بالحسره اهمن
عليله الروح وجملني بفراگ *وحيده ابقى عدمن
اعاين للهوادج بويه وختاض *هضمه ابگلبي رسمن
لو عذرك عليله وبقى بالدار *عليلك ماشي المن


لاتتعذر اوماريد اعذار
اقره الفاتحه لو عني تندار

نار الهجر تدري بويه حراگه
مالي حيل اضلن عمري مشتاگه
لاتحسبني عدله من تروحون
--------------------------------------------------
حملتو الهوادج كل المتاع *وانه بالتمني
ها بلكت تگلي گومي وياي *وحزني ايروح مني
حط عينك ابعيني ارد احاجيك* ليش اتصدهه عني
ما واحد نشدني منكم وگال *اولا واحد سألني


لاواحد نشدني وگلي تمشين
بس بعيونكم اقراهه تبقين

طرت گلبي حسره وفاضت اشواگه
مالي حيل اضلن عمري مشتاگه
لاتحسبني عدله من تروحون
-------------------------------------------------------
لو غربت عني ولجفه صار* وضعنك سار ومضه
لاتتوقع ارضه ابليمت ايعود* بس بالموت ارضه
لاتحسبني عدله جثه بالدار *وعمري انطاك فرضه
مايحضه اليفارگ خله وعزاز* بس بالنوح يحضه


گلي وليفارگ مثلك اشلون
ماتكفي ه لو يعميهه العيون

ماتشفي الجرح بس جلمت املاگه
مالي حيل اضلن عمري مشتاگه
لاتحسبني عدله من تروحون
-------------------------------------------------------
هوه الشوك لو بس شوف العيون* بويه اعميهه عيني
بس حاچيلي كلبي لمن تغيب.* شيسكن ونيني
تاخذ كلشي من تروح وياك *وتموت حنيني.
اعله باب الدار ازرع كلشي بي شوف* وانتظرك تجيني


لو تندار وتعاين لمگفاك
تلگه شوف عيني رايح وياك

ياحلمي العشگته ولهجر باگه
مالي حيل اضلن عمري مشتاگه
لاتحسبني عدله من تروحون
-------------------------------------------------------
عليله ولعليل ايزيد بال اه *واني رافجتهه
مصباحي نوايب ولمسه ادموع* الفرحه ودعتهه
إيهزك حنينك لمن اتغيب *اوتنشد عل العفتهه
هم بالك يگلك باجر اشلون *العليله البارحتهه


هم مثلي تون لو جاك الغروب
ابقى الياوكت اتنطر ادروب

شوگ اعزاز هذه ويكتل افراگه
مالي حيل اضلن عمري مشتاگه
لاتحسبني عدله من تروحون
-------------------------------------------------------
شودع منك انه وانته الوحيد* ماتتودع اوداع
سر وداعت الله انته يحسين *بوجه السافر بساع
ياماي الوجود الكلشي بي حي. *ارش ياماي عالكاع
يادرب الانطره لمن اتروح* هوه الكون شو ضاع


ياطارش تدزه حتى اتناه
صوغه امن السفر دزلي وياه

انفاس اليفراگ بويه خناگه
مالي حيل اضلن عمري مشتاگه
لاتحسبني عدله من تروحون
-------------------------------------------------------
علي سليم الحسناوي

#محرم_الحرام https://www.tg-me.com/ML_mahhde

دعاء الندبة لتعجيل فرج امام زماننا الحجة ابن الحسن عج يوم الجمعة المباركة

نهديه الى ارواح شهداء الحشد الشعبي ومحور المقاومة كافة وكل شيعة أمير المؤمنين