مو مثل باقي النساء
بيهه تحجي ارض وسماء
ضحت الأجل الحسين
كمر ضاوي بكربلاء ...

......١
خذت بالتضحيه دور البطوله
وهدت اربع ولد كلهم رجوله
واحدهم يسد الشمس طوله
كل هذا وتكول انه خجوله

يمه حسين اعذرني هواي... منك خجلانه اتعذر
كل الاملك ذوله اضناي  .... ما ادري بعازه  الاكثر

لون ادري يا امير
ابعازت الخوه تصير
مثل عباس الكفيل
عشره اخلفلك يخير


.....٢
كبل ام الوفه مسويتهه يا هي
تضحي اربع ولد وادكله ألهي
ابجاه الزهره احلفك موش جاهي
تردلي حسين ابني الطوله راهي

اخذ أبنيني وشوفي ارجاك... ياربي واخذ اسنيني
ولا تفجعني بموته اهناك ... موته اهواي ايأذيني

حسين نبضات الدليل
ابدونه اعيشن مستحيل
ونفترض لو ردت اعيش
حسبت ايام واشيل
......٣

الولد الزهره انطت ألافضليه
على حساب الابدور الهاشميه
جانت كل وكت دعوتهه هيه
كبل حسين تاخذهه المنيه

عمري ابدونه اكضي بالاه ... واكضي بالحسره ولوعه
شيصبر كلبي اليهواه ... ويدري بسحكات اضلوعه

ما أريد اسمع ذبيح
بموت ابو الاكبر اطيح
كون ما تبقالي روح
من ابن حذلم يصيح




......٤
بم الاربعه العالم  تباهه
كفوئه ام الكمر حيدر خذاهه
حوت بيت الزجيه واحتواهه
مضرب كل مثل صارت تراهه

مو مرت اب عاشت يا ناس... خدامه ابيت العتره
جانت جلمتهه ام عباس ... وين انه اوين الزهره

قدمت درس السنين
الكل نساء العالمين
بيومهه الاول عروس
وبالهه يم  الحسين

.......٥
الله اختارهه ورحمه اختياره
باب الحاجه صارت  وبجداره
المهدي بطلعته باجر شعاره
يبني الجدته  حضره  ومناره

ما بين الكافل وحسين ... والزوار ايزوروهه
كل حاجه اويه ادموع العين ..مقضيه امن ايكصدوهه

عدهه اجابه الكل سؤال
الفاتحه سرهه يُقال
القراهه الهه ابخشوع
تكضي حاجاته الثكال
........


كلمات
موسى الخادم
▪︎https://www.tg-me.com/ML_mahhde

نعي بحق ام البنين عليها السلام
___
يا نبع الوفة ونبع المحنة
يم كَلب الحنين الماكو منة
ياحرة دليليچ ما تهنة
شالوا كل هلچ حكَچ تونين
____
عليچ الدار وحشة ابلاية والي
بدار حسين دمعچ ظل يلالي
تصيح احاه اه يبني يغالي
بعد روحي تنادي يبني يحسين
__
دنت ليها المنية ام كَلب محزون
تتمنى الولد يمها يحظرون
على فراش المنية ادير العيون
تنادي الموت اجاني ها يطيبين
___
هاي ام البنين اتعالج الموت
چا وين الولد ما سمعوا الصوت
خل عباس يمشي اليوم زاتوت
عزيزة الوالدة تستاهل ونين
____
يشيلون النعش تتمنى الاولاد
لچن يا حيف عنها شالوا ابعاد
يفكَد الوالدة للچبد مراد
وحيدة والولد عنچ بعيدين
____
يهيلون التراب عليچ ولدچ
تمنيتي يجون ابيوم لحدچ
تلكَاچ الحسين وموش وحدچ
واجوچ امه وابوه الكل محزنين
__

أسالكم الدعاء رائد الاسدي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

مولاتي إمروتچ

دمـعـتـي بـحـزن عـالـخـديـن.. مـايـيـت
وآنـــه امـن الألــم و الـشـوگ.. مـايـيـت
اذا يـــم گــبــرچ بــهــالــعــام.. مـايـيـت

الـمــوت اهــون يـبـت حـيــدر عــلــيــه

                *---------------*---------------*

✍خادم العقيلة زينب ع
الشاعر رعد الجريخي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

أللهم صل على محمد وآل محمد وعجل فرجهم ياكريم

مولاتي زينب ع


عَلّـي دنياي بأرض الـغـرب .. ياريت
ألـدمـوع بحسرتي بالشـام .. ياريت
گبل موتي هَلي ايحضرون .. ياريت

ويـشـفـون الأثــر لـحـبـال اديـه

*-----------------------*-----------------*
✍خادم زينب ع
الشاعر رعد الجريخي https://www.tg-me.com/ML_mahhde

العجل مولاي ياصاحب الزمان ع

قصيدة لسان حال مولاتنا زينب ع

شيفيدني وشيسوي العتاب
راحو سويه مني الاحباب

خلوني احير بحالي
وهذا الذي  يجرالي

هوه اليظل من دون اهل شتفيده بالله دموعه
يكضي زمانه بحسرته وكلساعه يحضه بلوعه
تخلص حياته  بدمعته تظل ونته مسموعه
لاحد ينشده عله.     جره ولحد يسكن روعه

محد يشوفه شحاله
بس الدمع يحلاله
دموع وحزن وفراك   ومصاب
شيفيدني.  وشيسوي.    العتاب


سالفتي ابد ماتنحجي ولا اكدر انه احجيها
ماحسبت تالي     العمر.     ياروحي وبتاليها
تصبح غريبه من الوطن وغربه الذي تبارها
حتئ بدفنها وماكو اهل تحضر تنوح عليها

ظليت اشكي همومي
وبدموعي اخلص يومي
اعليه الزمان امكشر النياب
شيفيدني وشيسوي العتاب

غربه اليباروني اسف عكب الاهل وخواني
وبالشام اونن وحدي وسهمي الدمع وحزاني
زينب انه تالي.    العمر.  نوح وألم عنواني
حسبالي اموت ابكربله وين الدهر وداني

بلغربه تخلص دنياي
محد ينگطلي الماي
وتهيد روحي ابذاك التراب
شيفيدني وشيسوي العتاب

حسبالي احبابي تجي.   وبموتتي يحضروني
والكافل بصفي يون وبيده يغمض عيوني
ونهاب مابين الخلگ وخواني اليشيعوني
وبدموع واهات وألم.    انظرهم يودعوني

وتنشف هذيج جروحي
وتصفه وتهود روحي
ويبرد جمر كلبي    يلهاب
شيفيدني وشيسوي العتاب

شيهوده جمر الكلب.     وبعيد أهل الغيره
هذا حلم يلفون الي والفركة حيل اجبيره
ولا حيل ظل عندي وصبر ضاع العمر تدبيره
الخاطر رقيه اتحملت ايدفنوني ابهل ديره

بعد     اليسر.    والالام
راح اندفن بأرض الشام
الهاضمني تحمل جثتي اغراب
شيفيدني    وشيسوي.  العتاب


ابو سلام الجابري https://www.tg-me.com/ML_mahhde

سنة سعيدة عليكم جميعا ولاتنسون مولاي صاحب الزمان ع من الدعاء والصلاة

أللهم عجل لوليك الفرج

موشح بحق السيدة زينب عليها السلام




زينب انطت منحر بوادي الطفوف
وقدمت رايه على الشاطي وچفوف
١

زينب المهضومه عاشت بس جرح
تمشي مابين العده بذاك الصبح
شلون حال الي اخوها منذبح
تگوم تركض حافيه ابين السيوف
٢

اتعاين المذبوحها وتدمع العين
اتصيح جاوبني حبيبي ياحسين
وين انه والمصايب ذني وين
وگامت اعله جسد بالمدمع تطوف
٣

يالتحب زينب شنو اتصب دمع
هسه كونك باللطم تكسر ضلع
شلون زينب ترضه توگع تندفع
وتطر ميدان الزلم بين الصفوف
٤

زينب العاشت أميره أم الخدر
للشريعه اشجابها بذاك الظهر
تنظر العباس بدموع الصبر
اتگله انظر كون الك عين وتشوف
٥

شافت العباس وتدگ عالضلوع
وگام تنحب تبچي وتهل الدموع
الفاگده الخوان من حقها تلوع
وتمشي واتدوس الجمر بين الألوف
٦

كربله العاشت جرح بين السماء
شلون تشرب من دماء الشهداء
المعركه لو عدها ذره من الحياء
چان ماترضه يذبحون الضيوف
٧

وهسه زينب سلمت لامر القدر
تنحب وتبچي على اچفوف ونحر
تبقه رغم ايامها الكلها خطر
شامخه وهيبه رغم كل الانوف
٧

وهالسنه تختلف عن كل السنين
زينب بلايه خدم أخت الحسين
الصحن فارغ بين لوعات وآنين
وبين دمعات وندم شمس الكسوف



لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

https://www.tg-me.com/ML_mahhde

أعظم الله أجوركم

زينب ياغريبه 😭

وفاة السيدة زينب

حسين خل يعوف موته  وخل يفزع خوانه
غمضت عين العقيله  وشحت الدفانه
الشام لاشيع نعشها  ولا فتح ديوانه
ماتت وروح العقيله  من الهضم ذبلانه

خلهم يجوها  ،،،،،  وين الهواشم
فوگ العقيله  ،،،،،  اتذب العمايم
يازينب يازينب  يازينب يازينب
،،،،،،،،،،،،،،،،،،،،،،،،،،،،،،،،
الغربه ماشالت نعشها  ومحد تهل عينه
واحد يصيح اعله واحد  ابوفاضل وينه
واحد يگلهم صريعه  وسهمه ماخذ عينه
منذبح وعلى الشريعه  امگطعه جفينه

ماكو اليجيها  ،،،، جا وين اهلها
ليش الغريبه ،،،،  محد حملها
يازينب يازينب  يازينب يازينب
،،،،،،،،،،،،،،،،،،،،،،،،،،،،،،،،
والله دنيه تخلي زينب  ماكو اليشيعوها
وجانت امنيتها هاي   الوادم ايشوفوها
وين الفزع الهواشم   بالكت ايحضروها
هيه لو علويه ماتت    ساده اليدفنوها

زينب غريبه  ،،،، وعاشت حزنها
وضلت غريبه ،،،، حته ابدفنها
يازينب يازينب  يازينب يازينب
،،،،،،،،،،،،،،،،،،،،،،،،،،،،،،،،
والله دنيه تخلي زينب   محد يهم بيها
هاذه حال الحرمه ويلي  الينذبح واليها
فاتحت  زينب  جبيره   واحنه النسويها
يحضر المهدي ودمعته  اعله لوجن يجريها

المهدي يجينه ،،،،، وبهمه حاضر
مو جادر الها  ،،،،، ينصب جوادر
يازينب يازينب  يازينب يازينب
،،،،،،،،،،،،،،،،،،،،،،،،،،،،،،،،،
تقبلي يازينب دمعتي   وحسرتي واهاتي
وتعتذر جي ما اجيت  ابهل سنه مولاتي
منگطع دربج هضيمه  البي اهل دمعاتي
الله يدري بحالي هسه  وياكبر حسراتي

مولاتي عذراً ،،،،  هاي الحقيقه
الخادم هضيمه  ،،،، گطعو طريقه
يازينب يازينب  يازينب يازينب
ابوفايز الرافضي https://www.tg-me.com/ML_mahhde