رد الزينب السجاد
لاچن حالته حاله
نادة والدمع همال
ابوك حسين من شاله
ـــــــــــــــــــــــــــــــــ
يكلها والدمع يجري
لكيته حسين عالغبره
لكيته ابكل كتر مصيوب
ولكيت ابكل كتر طبره
عن حسين شتسألين
من عنده الارض حمره

ماينشال ياعمه
لكيت مكطعه وصاله
رد الزينب السجاد
لاچن حالته حاله
نادة والدمع همال
ابوك حسين من شاله
ـــــــــــــــــــــــــــــــــ
مايلم على التربان
يابس عالترب دمه
ولكيت الناس محتاره
وعليه الكوم ملتمه
يسالوني اعله ابوي حسين
وكلهم هذه شيلمه

اشيلن كتر كتر يطيح
ضالم عمه جتاله
رد الزينب السجاد
لاچن حالته حاله
نادة والدمع همال
ابوك حسين من شاله
ــــــــــــــــــــــــــــــــ
ابوك حسين بس مذبوح
ياسجاد من عفته
موش حسين ذاك حسين
عمه وريت لاشفته
لكيته بكل كتر عمه
وتالي اباريه شلته

ضايع منه بالهيمه
جسمه الظايع اعداله
رد الزينب السجاد
لاچن حالته حاله
نادة والدمع همال
ابوك حسين من شاله
ـــــــــــــــــــــــــــــــــ
من ابعيد ماشفته
وابوي ويه الترب صاير
لكيته مرضرض الجسمه
ويعمه بكل كتر حافر
كلها الخيل ساحكته
عمه وكل عضم كاسر

لكيته وهم ثلث تيام
محد چا تعناله
رد الزينب السجاد
لاچن حالته حاله
نادة والدمع همال
ابوك حسين من شاله
ـــــــــــــــــــــــــــــــــ
وعن عبدلله سولفلي
حاله شلون والاكبر
يكلها من الشمس رايح
شوصفلج بعد وكثر
سِمعت والرباب تصيح
واويلاه وتتحسر

شلونه وليدي ياسجاد
كلي شصار بحواله
رد الزينب السجاد
لاچن حالته حاله
نادة والدمع همال
ابوك حسين من شاله
ـــــــــــــــــــــــــــــــــ
صاحو عالنهر واحد
جسمه مگطع طايح
لكيته والبطل عباس
جسمه من الطعن رايح
ولكيت الجود چايمه
مايه ويه الدِمه سايح

ماكو جفوف چا عنده
لايمنه ولا شماله
رد الزينب السجاد
لاچن حالته حاله
نادة والدمع همال
ابوك حسين من شاله
ـــــــــــــــــــــــــــــــــ
لمينه الجثث كلها
ولا روس الجثث بيها
اجساد وعله التربان
وامسلبه مخليها
لا كبر ولحد محفور
ولا تغسيل تاليها

يسولف والكلب محزون
ودمعه بعينه هماله
رد الزينب السجاد
لاچن حالته حاله
نادة والدمع همال
ابوك حسين من شاله
ـــــــــــــــــــــــــــــــــ
الشاعر حسام الجنابي
القصائد للثوابhttps://www.tg-me.com/ML_mahhde

#استشهاد_مولاي_الامام_الصادق_ع

ما حرگولي خيمات _ وبناتي مو غريبات
ما ركضن واديهن بيهن احبال
بيدي شايل الماي _ وركض حاير اهواي
بتراب الخيم طفوهـــا لاطفال

((ہہ᯽★★★᯽★★★᯽ہہ))

شايــــل الماي ابديه _ اركض ودمعي يصب
بماي اطفي النار انه _ زينـب اطفـي بتــرب

حاط اچفوفي ع ضهري نار بيتي انه انطفت
وگعدن ابحضني بناتي وعيني تجري و دمعت
الخيمه مــو للبيت صعبه النار لــــو بيها مشت
والخيم بالهيمه تطفي عمتي زينـب حــــاولت

شبيد الحرمه ياناس _ وجمر الخيمه للراس
مصايب عمتي مو سهله تنگال
ماكو بكربله افياي _ وركض حاير اهواي
بتراب الخيم طفوهـــا لاطفال

((ہہ᯽★★★᯽★★★᯽ہہ))

بيتي صح احترگ كله _ ايـدي مابيها حرگ
الـــوادم ابيتي تطفي _ بكربله الـوادم تطگ

اطشرت يم باب داري گوه اجره گمت النفس
مختنگ صح انه صدري صدري ماداسه الفرس
سهم ماكو حدر ضلعي ورمح بصفاحي انغرس
هوايه جدي صدره بالطف والله ياناس انرفس

عجيبه غير اليموت _ جسمه يشيله تابوت
بس جدي بحصيره جسمه ينشال
محد داسه بهداي _ وركض حاير اهواي
بتراب الخيم طفوهـــا لاطفال

((ہہ᯽★★★᯽★★★᯽ہہ))

النار ما شبگت بنـاتي _ عمتي الف چويه انچوت
شربتهن مـــاي بيدي _مــن العطش سكنه انلوت

ردت اقيس الغاضريه بفاجعت بيتي وحرت
بس ذكرت اركاض عمتي والله زين ومامتت
براحتي اركض يوادم مــاكو خيل مــن التفت
اخيال مـــــــا طالع لزينب تمشي مسبيه وكت

محد يرضه ترتاح _ حـادي النوگ ذباح
بكيف المو عرف مسبيه الاعيال
تمشي وفاگده الراي _ وركض حاير اهواي
بتراب الخيم طفوهـــا لاطفال

((ہہ᯽★★★᯽★★★᯽ہہ))

منين ابدي بعد حيره _ بحضني ماميت طفل
اسهام ماكو عليه طاحت _ جرني محد بالحبل

بثوبي محد حاط ايـــده وعاري خلاني الضهر
بـــالحجر محد شمرني وذبني مــن فوگ المهر
بسهم مــــــاممرود گلبي ومامتت دمــــي يخر
بخير انه اضلوع صدري اضلوعي مابيهن كسر

مـامسلوب الاهـدوم _ ولاگلبي انه ملچوم
بصدري مارفس يم اختي رجال
جاري واگف اوياي _ وركض حاير اهواي
بتراب الخيم طفوهـــا لاطفال

((ہہ᯽★★★᯽★★★᯽ہہ))

اذكـرت بــاب الــزجيــه _ هنا بعد گلبي وگف
دموعي ما الحگ المها _ امسح وجرحي نزف

تهون كل هاي المصايب هوه بيت الله احترگ
بين بـــــاب وبين حايط ضلع للزهــــره انطبگ
نرفس حيل الباب بيها طــاح محسن ونسحگ
نـــــــار والبسمار يچوي محسن الزهره اختنگ

چف بخدها مطبوع _ خلف الباب وتلوع
صارت فاطمه من العصره اخيال
صعبه الفاجعه هاي _ وركض حاير اهواي
بتراب الخيم طفوهـــا لاطفال

((ہہ᯽★★★᯽★★★᯽ہہ))

الشـــــــــاعر
مـقتـدى سـالـم https://www.tg-me.com/ML_mahhde

العجل مولاي ياصاحب الزمان ع

انه المتعبك _ مو صدگ حبك
ارد اراوي الناس يحسين بخدمتي
بكلمة الخادم _ اعجب الوادم
سيدي مو من گلب تجري دمعتي

((ہہ᯽★★★᯽★★★᯽ہہ))

اكشخ بحزني الچذب شوفوني ياناس
وبالمجالس مو صدگ من الطم الـراس
هوه واحد مـن صدگ حبك يـ الحسين
خــــادم حسين الفدائي هــــوه عباس

مو صدگ حزني چذب
انــــــه شنهو وانحسب _ عليك خادم

غـرني مــــولاي العجب
للذنـب گلبـــــي انجذب _ موش نادم

سارح بذنبي _ وضيعت دربي
بمضهري يحسين مو جوه كسرتي
حزني مو دايم _ اعجب الوادم
سيدي مو من گلب تجري دمعتي

((ہہ᯽★★★᯽★★★᯽ہہ))

يمته اجر اصبع نـدم عن فعلتي هــاي
يمته تعرگ گصتي مـــن اشـــرب الماي
ضامي الحسين علمودي وداسته الخيل
يمته اصيرن خـــوش واحد انه مولاي

الميت وشـــابع سحگ
يمته ابچيله صـــــدگ _ عاري امامي

مـن العدم جـــرني الـه
وگلي ابچــــي الكربلـه _ الگلبه ضامي

ضيعت عمري _ من ادگ صدري
رايد اعجب صورتي انـــه بلطمتي
بـ الانه هـايـــم _ اعجب الوادم
سيدي مو من گلب تجري دمعتي

((ہہ᯽★★★᯽★★★᯽ہہ))

بداخلي اضحك وابچي بمضهري دوم
ارد اراوي النــاس انـــه امطين الهدوم
واقع احچي انه واحد غافـل اهــــواي
كلمة الخـــادم انطيها حگها يـــا يـــوم

غـــارگ بحب الــوهم
افعالي مو مالت خدم _ انـــــه غافل

يهمني اعجب مضهري
بسرعه للــدنيــا ارتخي _ ذنوب شايل

عادي ما مهتم _ هسه غير افهم
من ايد گلبي غير لو افهم عثرتي
كلشي ما فاهم _ اعجب الوادم
سيدي مو من كلب تجري دمعتي

((ہہ᯽★★★᯽★★★᯽ہہ))

بالگلب هـوه الحزن مـــــو بـ الملابس
هوه مــــو كلمن يشگ اهدومه عابس
هوه واحد بالطف وشگ گلبه لحسين
وانــه اعصر عيني گـــــوه بـالمجالـس

مو وفي وگد الحچي
گلبي اجبره ع البچي _ ويبچي جرحه

مقصر بـــگـــد السـمه
ويـــه ولــــدچ فاطمه _ شوكت اصحه

عيني اطفيها _ يمته واعميها
ومــــــــا ابين بعد للوادم عبرتي
حتلو نـــــادم _ اعجب الوادم
سيدي مو من گلب تجري دمعتي

((ہہ᯽★★★᯽★★★᯽ہہ))

افتحلي صفحه سيدي هسه جديده
اكسر ايــــدي الغيرك اكتبلي قصيده
امدها اعيونـــــي اذا تبچي ع غيرك
امسح الماضي بــعــد لا مـــــا اعيده

ويـــاك سويني وفـي
بمجلسك كون اكتفي _ وابچي جرحك

التهي بغيرك حـــرام
ابچي خلني ع الاخيام _ وابچي رمحك

من جديد ابدي _واندب المهدي
يا ابو صالح لحد ماموتن صرختي
اخـــدم القائم _ اعجب الوادم
سيدي مو من گلب تجري دمعتي

((ہہ᯽★★★᯽★★★᯽ہہ))

مـقتـدى سـالـم https://www.tg-me.com/ML_mahhde

ارد اقدم شكوه هاي الليله
لبو صالح عل جره احجيله

---------
بكلبي نار وعتب تدري هوايه
يابو صالح نزلوها الرايه
بصحن زينب حتى ماكو قرايه
صعبه هاي علينه تدري هوايه
وماكو غيرك يسمع شنشكيله

------------
كبل جانت قافله اتجر قافله
والمواكب زايرج تستقبله
ليش هاي الناس عنج غافله
يم ابو صالح بقت هل مساله
واحنه بالام الزمن نوميله


--------------

كبل متروس الصحن كله خدم
هسه يالمهدي اليطب ليه انعدم
واليطب بالحظره منهم ماسلم
كلوبنه يالمهدي تكطر هسه دم
والجرح محد بقه يتچيله
--------------
غصه بيهه كلونه من الجره
كبل بالحظره نطب نلزم سره
هسه فارغ صحنج انتي الصابره
يلا خل نشجي السبع الكنطره
هواي زينب للگمر تعنيله
--------------

كون عباس الكمر هسه يجي
جان خيط كلشي ويلم الحجي
ادري بي مهظوم هسه من البجي
عدنه امل بالمهدي يظهر نرتجي
حيلنه يريد المدد من حيله




حسين الزيدي
-------------------- https://www.tg-me.com/ML_mahhde

العليله

عتبي اعله المشو بالدار وحدي وهاجروا عنـي
لابيه أگـــــطـع البيده و لا منـهـم گــطـع ظـنّـي
____
عليله وعلتي بالروح موجسمي المرض ياذيه
ياكل روحه من يروح غالي و وحــده يخليـه
لايمي واگــلـه ارجـاك ولا يمسع عتابي اعليه

اشكي بحالي للجـــدران الـهـن سمـعـت ونّي
____
بيه انه امشي وياهم ولـــدرب السفر أگــدر
بويه اگبال عــينك شـوف وبممشاي ماأعثر
گــدام الركب ممشاي كــون اتگــول أتأخــر

خـــواتي وعـمـتـي وياي مـن اتعب يعينني
____
بطاريكم احاچي الدار وحشه اخلاف راعيها
جفني الماغمض للنوم وبوي حـــسين مابيها
اسال بالقــوافل دوم واتـنـشـــد طـــواريـهــا

طارش انطر ومكتوب ويطفّي جـمـر حـزني
____
كل ساعه واشوف الباب تركض مو مشي جدامي
واحســب باليالي احــساب اشهــور يمـرّن ايامي
ادور ابالي الحسبات اخــاف الـــراح ينـســانــــي

ابوي وعـتبــي انــه اعلــيه بويــه ايامــي هدّني
____
والعبدالله انه اشـتـاق ارتّب بالـمــهــد واشـتـم
صوته بأذني ما أنساه من اذكر ضــحكته اتولم
هزني الشوگ أخيي اعليه كل يوم بسهم أحلم

بيكـــم بالمنام احـلــم حـلــم الـسـهــم فــززنـي
____
هم بيكم رجه اترجعون انطركـــم دهـر وسنين
هم بيكم أمــل للضال وحــده ومابقاله امـعــين
طفله وهمي حمل اجبال شيبت الگلب يحسين

همّــي ايزيد كل ماطال هـجــرك يلرحت مـنـي
==========================

✍️عباس مالك العفريت
#محرم_الحرام١٤٤٦هـhttps://www.tg-me.com/ML_mahhde

أللهم عجل لوليك الفرج

كلنا تقصير مولاي ياصاحب الزمان ع 😔😔

مولاي ياصاحب الزمان ع مالي غيرك

لقد طال الأنتظار

اني اعترف بتقصيري مع ال محمد

اسئلكم الدعاء بصلاوتكم

ياحسين


          عـــطـاء الــنـــاس أحـــسّـــه.. كـلـه منه
          هِـمـت وجــــروح گـــلـــبـــي.. كَـلِّـمـنــه
          بــــس حـــســيــن خـــيـــري.. كـلـه منه

          وبـابـــه بـكـل وكـــت مـفــتـوح إلـــيـــه

                          *---------------*---------------*

✍خادم الحسين (ع)
الشاعر رعد الجريخي https://www.tg-me.com/ML_mahhde

أللهم عجل لوليك الفرج

هالأجه عاشورنه/الرادود مهدي الزينبي/الرادود مهدي الزينبي

https://youtu.be/9L8KqQFTMSU?si=X0WOSyVp25k9di1y

مشاركه ومتابعه ربي يحفظكم

موشح لمولاتي فاطمة العليلة
&&&&&&&&&&&&&&

من تركني حسين واختار السفر
من المرض والحزن دلالي انفطر
&&&&&&&&&&&&&&

من تركني حسين واختار المسير
دره بهاي السفره مثواها الاخير
وكلب فاطم بالحزن اصبح أسير

فراك أهلها صار من الموت امر
&&&&&&&&&&

اخذ روحي وسير هذا طلبتي
وكون وياكم تحمل ناكتي
للعراق نسير أنا و دمعتي
نوت روحي وياك بويه اعله السفر
&&&&&&&&&&&&

فراك أبوها وعمها والأكبر سوه
والرضيع تشمه جن نسمه هوه
فراك أبوها ما يشافيه الدوة
لا دوه ينفع ولا ينفع خبر
&&&&&&&&&&&&&

إيست ما مش خبر من العراق
لا ابن برخيه يحصل لا براق
كلبي يهوه حسين ما يهوه الفراق
من كثر نوحي عليه يعمه النضر
&&&&&&&&&&&&&&

يا عرابي الساير لصوب الأهل
خبر حسين وعمامي بالحصل
اقرء قصتي وسولف من المستهل
فاطمة كلهم بقت تنطر خبر
&&&&&&&&&&&&

كمت أفك ريجي بدمع عكب الأبو
وأنه متعوده اعله حضنك والدفو
يا عليله الفاركت مثلي اخو

يم مهد عبدالله من دمعي نهر
&&&&&&&&&&&

إيست من الرسايل ما ترد
وأنه ليليه اعله فكدك انمرد
فاطمه اسمي والعليلة من البعد

لحزني رق وذاب دلال الحجر
&&&&&&&&&&&&

بويه لميت الحوايج والفرش
هودج يكفيني ما حاجه العرش
كون ما ترضون وياكم نمش

دمعي طول بطول وياي استقر
&&&&&&&&&&&&

يصير دمعي بطولي ويصب بحزن
وحالي موزين وعليك انحب وون
روحي مثل الطير لو عاف الغصن

وين ينطي الوجه لو جنحه انكسر
&&&&&&&&&&&&

عدنان الحيدري https://www.tg-me.com/ML_mahhde