اه يالحنينه الغاليه يايمه دارچ خاليه
             من راحت امي انهدم حيلي
            نار الهـضم تـحرگ دليلي
             من القـهـر مـا نام ليـلي
                       اه الحنينه
               ÷÷÷÷÷÷÷÷÷÷÷÷÷÷÷÷÷
يمه البُـعـد ماينراد اه يالعشرتچ حـلـوه
گام الهوئ أبريتي يضيگ * أجر أنفاسي بلگوه
روحي امن الغياب اتفور تشبه فورت الگهوه
لو ما شوفتچ بالبيت كلشي الدنيه ماتسوه
             يمه الوداع أمنين أجاني
             هليوم حيرني زماني
            والدمع فيضلي مكاني
                  اه يالحنينه
                     ÷÷÷÷÷÷÷÷÷÷÷÷÷÷
اخ أمن السفر لوطال والأيام ما ترحم
من بعدچ يماي العين بعيوني الطريق اضلم
بس النوح يبقئ اوياي غير النوح مايرهم
عنبر شيلتچ بالبيت يمه أبكل وكت تنشم
             يمه الزمان اشعمل بيه
             ماي اوتطشر من اديه
             ياريت تاخذني المنيه
                  اه يالحنينه
               ÷÷÷÷÷÷÷÷÷÷÷÷÷÷÷÷÷÷÷
شالو روحي من شالوچ *ولدار إصبحت ضلمه
وياي السلف والدار كلـهـه اتصيح يايمـه
طاري الهجر ماينراد خَلّـف بالگـلب و رمـه
عطشان الدليل اعليچ يمه ابغيبتچ يضمه
           بس الحزن والهم يجيني
              ياحيف مايبطل ونيني
             ونشلّت اليسره ويميني
                     اه يالحنينه
              ÷÷÷÷÷÷÷÷÷÷÷÷÷÷÷÷÷
   ما اگـدر انام اليل  ماينشف دمع عيني
  مانسه التعب ورباچ والچف اليغطيني
   يايمه المحنه البيچ مـن ابـرد تـدفيني
مااسمع جميع الناس بس صوتچ يناديني
              بچفاچ ماضلت محنه
             كل عمرچ تنشدين عنه
         جبتي الوكت ونه اعله ونه
اه يالحنينه الغاليه يايمه دارچ خاليه
                    اه يالحنينه
             ÷÷÷÷÷÷÷÷÷÷÷÷÷÷÷÷÷÷÷÷
صوبني الدهر بسهام من دفنوچ يالزهره
ضل بس الحزن وياي مثل الماي والشجره
شفت الحسن دمعه ايسيل وحسين أنكسر ضهره
وانه ام الخدر هليوم أگعد شابچه العشره
         شافت اعيوني اكبر جريمه
           يم الحسن والله هظيمه
            ضليت بغيابچ يتيمه
                 اه يالحنينيه
               ÷÷÷÷÷÷÷÷÷÷÷÷÷÷÷÷÷÷÷
           فاخر علي الشبيبي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

مدد يا علي

أللهم عجل لوليك الفرج

مولاتي العقيلة
اتخاطب الأمام الحسين ع

يـخـويـه ابـعـيـد عـنـك شلنه.. بالـشـام
وزمـانـي ويـاي حـربـه شـنـه.. بالـشـام
ديــرتـنـه الــمــديـنــه شـلـنـه.. بالـشـام

الـشــيّــب روسـنــه و مـــوّت رقــيــــه

                  *---------------*---------------*

✍خادم الحسين ع
الشاعر رعد الجريخي https://www.tg-me.com/ML_mahhde

مدد يا علي مدد

أللهم صل على محمد وآل محمد وعجل فرجهم ياكريم

#أبوذية

يزهره الفرح بعدج ماهوانه
وحتى الهوه اتغير  موهوانه
وانا اخلاف عينج ماهو انه

جرح والباب شابع لجم بيه

علي محسن الزيادي
https://www.tg-me.com/ML_mahhde
#اللهم_عجل_لوليك_الفرج

أعظم الله أجوركم

كلشي يضيع ..
بس ماي الوجه يحسين .. يمك مستحيل يضيع
واحنه الخاطرك يحسين كلشي نبيع
بس حبك يبو السجاد مو للبيع

امد ايدي اعله شباجك.  وسولف سيدي العندي
انه مجدي وريد انخاك. وحاشه ترد المجدي
بس هذا الطلب يحسين.  وتنفذ الطلب ودي
خليني اخدمنك    لحد ما يضهر المهدي


الشاعر
تحسين الخفاجی
قناة
جروح عاشوراء
یوسف الزهراء 💔 https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

نعی
لزینب ع
💥💥💥💥💥💥💥💥💥💥💥💥


جیتک یخویه مضیعه الرای

خلافک بعد چا وين منوای

الخاطربناتک گوم ویای
💥💥💥💥💥💥💥💥

جیتک تره دموعي العمتني

وسط الشمریتلوه اعلی متنی

والعدوان بعدک هل ولتنی

💥💥💥💥💥💥💥💥💥

آنه اختک وضعیت عرفی

يحسين فوگ رمل مچفی

ماضل دمع بلعين یشفی

💥💥💥💥💥💥💥💥💥

صدیتلک خویه وصحت حیل

لیش أعله چثتک داست الخیل

وفوگ الوطيه ودمک يسیل
💥💥💥💥💥💥💥💥💥
خادمة الحسین وعلی
ام محمدعلی

قناة أئمة البقیع
یوسف الزهراء 💔 https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

((ياحامي الدخيل))

بهذه المسه وصلت علي.ذيـج الوصيه 
مـن السمه من فاطمه الحامي الحميه

ودفــني أبــلــيل   ياحــامي الدخــيل
                   بذيـــج الوصيه
                   بذيــج الوصـيه 
___
 يابالحـسن هاك اسـتــمع  هـايه الامانه 
 كبر الحـــبيـبه ياعـلي تخــفى مـجـانه
 اليـــلة أخـر اليــلة ويســــافر ضــوانه 
وعله الجـره ولي حصل تبجــي سمانه 


هاي الوصـيه.وصلتـك المــن.يجـي الـــيل 
شيل النعش فوك الجـتف واصبر ع.الشيل  

   للغاليه تــشـيل   ياحامـي الدخيل 
                  بذيج الوصيه 
___
ينـحب علي لمن سمع هــايه الوصـيه 
وبيا سبب بنت النبي تــشـوف الاذيه 
اليش بدمع وبهل حـزن تروح الزجيه 
وبيـا صــبر يافاطـمــة تشــيلج اديــه 

هاي الفجيعة البل العمر ياحامي الجار  
زهرة حياتك الو مشت ياوحشت الدار 

يل دمعك يسيل.      ياحامي  الدخيل 
                  بذيج الوصيه            
___
من الجرة ماينــجبر جــرح الكلب ااااه
وعله المـشت ااة الكلب يصرخ يـويلاه
ليلي اليمر انحب دمـع وصــرخ يزهراه 
طير وجنح  منه انكسـر مايرهم اداواه


وهـــذه الحبيب بــهل مسه يفارك حبيبه
جرح الـــكلب مايـــنجبر يذهل طبــــيبه 

    ياويلـي ياويل     ياحامـي الدخيل  
                   بذيج الوصيه    
__
الفارك حــبيبه يابشـر. شــله بحـياته 
يتـــمنه كل ساعه التمر يـكرب مماته 
ولي مـشه بهذا المــسه وحلت وفاته 
مايــرجـع الراح ورحل وتبـــقه غلاته 

 وبغــيبته ياحـــيرتي تبــجي دمه العين
مو بـس دمــع  لاوالعرش ياذيني الونين 

  ياونـــت اليـل.    ياحـامي الدخيل
                 بذيج الوصيه 
___
أخفي.الكبر حـد مايـجيله صاحب الثار 
يطيب جرحــنه من الجرة ويطفي النار
يبني المقــام وتعتني الحـــضــرة  زوار 
للمحـــسن يصير الطــم والدمعه مدرار 

ذاك الوعـد  لازم يجــي  ونـعاهـــد اعهود
يبني المقام  الحضـــرتج والعايش اشهود 

من يسرج الخيل.       ياحامـــي الدخـيل
                  بذيج الوصيه.  
                  بذيج الوصيه 
___
تمت بحمد الله تعالى ومولاتي فاطمه الزهراء


خادمكم
مرتضى مكطوف الموالي https://www.tg-me.com/ML_mahhde