عبدالله فت كلبه العطش ومناطر الماي
يـالشايل اوليدي ابرمح امشيله ابهداي
يالحادي خاف من الله. مشيك ذبح عبد الله
امشيله.بهداي. امشيله.بهداي
@@@@@
يالشايل اوليدي برمح وبراسه أدور
ذبلت وجهه من الشمس ماكافي منحور
تلهب لهب هايه الارض وجوهه مسجور
ومن حرها يالحادي الولد ضل منحره ايفور
تعبته حيل الغالي. وحقدك فطر دلالي
اوليدي ذاب من الشمس خليله افياي
يـالشايل اوليدي ابرمح امشيله ابهداي
@@@@@

أتعبني يالحادي الربه واتريه الافراح
وگت باجر يعوض التعب وبفيه أرتاح
مادري حضي وقسمتي من هلولد شاح
وجم حلم يالحادي بحلم وي ضنوتي راح
عذبك الله بحالك. تهز ابني وانه گبالك
عمره مثل عمر الورد وجروح اهواي
يالشايل اوليدي ابرمح امشيله ابهداي
@@@@@
بـالك على اوليدي ترف ابهـيده الزمه
وأزغير راسه إويه الـرمح خــافـاً يثلمه
يالحادي من فوگ الرمح نزله ارد أشمه
ويـاريت مــــاشمت هـوه من بـعده أمه
كافر وخاين ربك. شيطان ساكن گلبك
تعبت حالي بهل مشي لاتگصي وياي
يالشايل اوليدي ابرمح امشيله ابهداي
@@@@@
خالقك ربك من صخر يالگاسي گلبك
ابخشبه شايلك طفل واشعضم ذنبك
عـمـداً تـهز ببني الـرمح ماخفت ربك
ولاغـيره لاشمرت أصل بيك وتئنبك
تمنيت عمه يحضرك چا حيراك ابأمرك
خاف الله يالگلبك صخر من فعلتك هاي
يالشايل اوليدي ابرمح امشيله ابهداي
@@@@@
لاتنسه أيــــــامك عدد ويلفك البين
وهناك شتگل للنبي عن أبن الحسين
يالحادي ماعندك مفر گلي تفر وين
لو رفعوا هناك الولد او راسه نصين
نار وتهيچ ابگبرك كلما تطول دربك
وماحسبت يوم الحشر يــــافاگد الراي
يالشايل اوليدي ابرمح امشيلي ابهداي
@@@@@

خادم الزهراء ع ابو احمد الطائي


https://www.tg-me.com/ML_mahhde

اداء والحان جيد جدا وارقي 🌸ملا مهدي الزينبي


كلمات الشاعر ✍🌸أبو أحمد الطائي

أغفى ابونيني امألمه واگعد وادور فاطمه
ياوحشة الدار
وارجع وانامن واستمع محسن يون مدري الضلع
ياوحشة الدار
•••••••••••••
زينب اني الليل اجاني
ليل مابي فاطمه شعنده يجيني
تنشد العين زهرتج وين
آيداري تيتمت بأول سنيني
اشتمج هوه بي ضلع انچوه
يمه ونات الحزن بينج وبيني
انظر جروح ابكل ركن
كل غرفه اطب ونه وحزن
يايمه تذكار
اهنا اثر نار وحرگ
صوت الضلع كل سا يطگ
ياوحشة الدار
•••••••••••••
عيني متنام خاف الاحلام
تجيبلي صوت النذل من يدفع الباب
وصوت الانذال لسه عالباب
اشلون انام وانتي ضلعج يمه ماطاب
اخافن بالقبر ضلوعج تنعصر
اشلون مهشوم الضلع يتحمل تراب
عيني اعله بابي امساهره بلكت تردلي الطاهره
وإلصار ماصار
يايمه ماادري بحلم معقوله ضلعج ينهشم
ياوحشة الدار
•••••••••••••
وين اصدن دم اشوفن
مدري محسن لو اثر دم الزچيه
ونه اسمع عيني تدمع
خاف من ضلعج بقه فوگ الوطيه
خوفي عالترب من دم القلب
لسه تتراوالي آثار المنيه
بالباب اشمن ريحتج بمحرابج اسمع ونتج
شايله البسمار
معقوله بابج يندفع وابقى اون واجري الدمع
ياوحشة الدار
•••••••••••••
عالوساده دمعي يجري
خايفه اتطب السقيفه علينه كلها
ولسه بذني صوت سطره
اشوره لو ضربتني يمه شرد أگلها
راح اخفي الحزن لون سمعوني اون
اسياطهم مابيه يايمه احتملها
مابيه لو خدي انضرب مابيه لو جابو حطب
لو شعلو النار
زينب غريبه بغيبتج هاالليله ليلة وحشتج
ياوحشة الدار
•••••••••••••
اني بالبيت شعندي ضليت
لون روحي ويه النعش ماخذها حيدر
اخذي روحي اخذي نوحي
بعد مابيه بچي ولاعين تسهر
خلصت الدمع على كسر الضلع
بقت لحضات البعد بضلوعي تسعر
اگعد و اگوم ابدمعتي يافاطمه ياسلوتي
ياضي الانظار
اغفى واشوفن صورتج واسمع يايمه خطوتج
ياوحشة الدار
•••••••••••••
يمه ادري بألم صبري
لازم اصبر وامسح ادموعي بچفوفي
خبر عندي اضل وحدي
هناك اعيشن قصة احزاني بطفوفي
اشوف اچم نحر چفوف اعله النهر
وعاليتامه اللي تضل يايمه خوفي
عمري ابتده بضلع الطهر
من ينتهي بناگه ويسر
وسياط الاشرار
وبكربله حسينج يضل وارجع وداري ابلا اهل
ياوحشة الدار
•••••••••••••

الخادم
كريم التميمي https://www.tg-me.com/ML_mahhde

يازهراء

بـكـيـفــك يالـتـلـوم اتـريـد  .. لمنه
علـه الحسرات تـالـي البيت  .. لمنه
ننوح بـكـل مـسـه يـا نـاس  .. لمنه

يـتـامـه ونـنـتـظـر طـيـف الـزچـيـه

*-----------------------*-------------------*

✍خادم الزهراء ع
الشاعر رعد الجريخي https://www.tg-me.com/ML_mahhde

في حق الزهراء. ع

كعدت ويه الزجيه كعدت وداع
وباجر من يجينه حزن وضياع
عباره بدمع خطينه
نموت ويبقه ماضينه
حبيبين

-----------------
نخاف من باجر يجينه. بيه مصاب وحسره
الفركه ماتنحمل تكتل. من تروح. الزهره
سولفينه هموم عدنه. وجرح بينه شكبره
الكعد وي محبوبه ساعه. هذا حضه شكبره

حرام يموت حب بين عشاك
وجرح البلكلب يلجمه الفراك
كلمن دمعته بعينه.
نموت ويبقه ماضينه
حبيبين

------------------
كلمن اصوابه بدليله. والزمن مايرحم
الينكسر كلبه ويه ضلعه. بحسرته يتئلم
الماي لو مني تبده. ادري بيه مايلتم
ياحسافه سنيني راحت. ومحب عايش بلهم

ليش الزمن بينه بكيفه يختار
خذه مني الزجيه شمعه الدار
ذبحت احله ليالينه
نموت ويبقه ماضينه
حبيبين

--------------------
عيون محبوبي اصدهن وبيهن هموم وحجي
ثنينه نبجي سويه. وما نبطل منل بجي
حيل مالومه الزجيه. من ظلعه تنتجي
باجر يسافر حبيبي. يروح عني ومايجي

يضل بس الحزن والحسره ونوح
مثل الطير من تشوفه مذبوح
تروح اجمل امانينه
نموت ويبقه ماضينه
حبيبين

-----------------
بزينب توصي الزجيه. وبلحسين وبلحسن
ذوله همه اعزاز كلبي. ولهم اظلوعي انحنن
ياعلي عينك عليهم. منل مصايب لو لفن
انته امهم ونته ابوهم. وانه ايامي انتهن

برحياي انته بعدي ادري تحتار
ولدك من عفتهم كلهم ازغار
سهام الفركه ترمينه.
نموت ويبقه ماضينه
حبيبين

----------------------
كامت بحسره تلي. لو متت غسني
بليل ياحيدر اريدك. بلكبر ادفني
انه اوصيك بوصيه ابد لتفاركني
الموت ارحملي يزهره. لو رحلتي عني

احس بكلبي بعدج صار مفطور
وكام الوكت بيه يفر ناعور
نار الهجر تجوينه
نموت ويبقه ماضينه
حبيبين

--------------------
الخادم
رحيم الصالحي


@ https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

خادم الزهره وأظل أتباهه ..
              وأبقه دوم على العهد وياهه ..
          يالزجيه  .. يالزجيه
.....................................
انه خادم وابقه رافع راسي ..
فاطمه انتي الهوه البنفاسي ..
أغلى من اخواني وهلي وناسي ..
ونبض كلبي حيدري وعباسي ..
دوم مأساتج تعيش ويانه ..
             ياأساس المذهب وعنوانه ..
        يالزجيه .. يالزجيه
......................................
هالهويه بحب علي مختومه ..
وبصمة العباس سبع الحومه ..
وبيهه دمعه عالوجه مرسومه ..
عالذبيح السلبوله هدومه ..
للزجيه خادم وتدروني ..
               دوم ماينشف دمعهه اعيوني ..
       يالزجيه .. يالزجيه
....................................
انه مابطل ابد وناتي ..
عالوجن حفرن نهر دمعاتي ..
عالزجيه الطاهره مولاتي ..
ادري بيهه تقضي كل حاجاتي ..
خيرج مغطيني حد الهامه ..
                       نظره يامولاتي لللطامه ..
يالزجيه .. يالزجيه
..............................
الليله عالزهره لطم وقرايه ..
وكلنه نحضر مجلسج وفايه..
كوثر انتي والشرب من مايه..
غرف منج  مكرمات هوايه ..
مكرماتج فاطمه مشهوده ..
                       اي وحك الكطعوله ازنوده ..
يالزجيه .. يالزجيه
.................................
الحضر مجلس فاطمه هنياله ..
لابس اسود واللطم يحلاله ..
الليله تجري دموعنه هماله ..
جن شهر عاشور هل اهلاله ..
هالليالي الفاطمه نحييهه..
                      أبوصالح ندري حاضر بيهه ..
يالزجيه  ..  يالزجيه
.................................
الليله حتى المنبر يهل الدمع ..
عالزجيه الطاهره وكسر الضلع ..
كل موالي الليله خل يعلك شمع ..
من قره الرادوود نبجي ونستمع ..
الخدمه كلمه والعرف معناهه ..
                          هامته بعلو النجم علاهه ..
يالزجيه .. يالزجيه
.....................................
الزجيه عاشت بوجداني ..
ابد مافارك اسمهه الساني ..
ابقه للموت أبغض المرواني ..
ألعن الاول وأسب الثاني ..
الظلم بضعة طاهه والوج ناره ..
                             بصدر كل شيعي غرز بسماره ..
       يالزجيه  ..  يالزجيه
......................................
حيدر مطر العبادي https://www.tg-me.com/ML_mahhde

السيده زينب عليها السلام
ــــــــــــــــــــــــــــــــــــــــ

دواوين

أنه الما كفَّت احــــزاني   ...  دواوين
ونه البلطف جرح ضيَّع   ...  دواوين
آنه اول  هاشميه اطّب   ...  دواوين

ابــــعمر خمسين   ،   مچتوفات اديه

ــــــــــــــــــــــــــــــــــــــــ

ضلعه

أنه اخت اللـــــــي ثلث تيام   ظل عَ
الرمل ، والخيل داست فوگ   ضـلعه
أنه المسبيه فـــــــــوگ نياگ   ضـلعه

واشد من الـسبي الــــــــــنظرات اليه

ــــــــــــــــــــــــــــــــــــــــ
سيد علي عبدالزهره الناجي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

(( السلام عليكِ يافاطمة الزهراء))
       .................................................
غايب ضوه البيت ... بعيوني ظلمه
هم مثلي مـكــسور ... الفــاكـد أمـه
بس الفكد يعرفني .... حزن  الهجر عذبني
                 غايب ضوه البيت
......................................................
بيه يحـس بس الفـكـد والمـافكـد مـايـدري
كسرة ضهر فكد الضوه متوجره نار بصدري
أمي وعز من الـهـوه وافديها اني بـعـمـري
سهرت ليالي من العمر بحر المواقف يجري
وكـت الـبــرد نـار ... اجفوف اديـهــا
ولـوشافـت ادموع ...  تبجي لبجيـها
عن الوطن يبعدني ....حزن  الهجر عذبني
             غايب ضوه البيت
..............................................
شما وصف زغير الوصف بهواي اكبر أمـي
ما توصف الگطره البحر خطيت هاي بدمي
بالراحه أشعر من تجي وافتخر  تكعد يمي
كسروا ظلعها بلا رحم مات الحنان وحلمي
دم تجري العيون ... كسروا ظلعها
والشاهـد الـبــاب ... كـــافر دفعـها
ليامي من يردني ....حزن  الهجر عذبني
             غايب ضوه البيت
..............................................
للبيت مرات من اطب يايمـه اصيــحن  اني
وينج يـــيمه فاطمه يالعايش بــوجــدانـــي
اوما اسمع بجلمة هلا وصفن وضل امتانــي
وتذكر انـــي ميتـه وتبــجي تضل خـوانــي
مـتعـوده كل يوم ... روحي عله صوتج
تـنزف دمـه الروح ... اذاهــــا مــوتـــج
ياموت اصيحن خذني ... حزن الهجرعذبني
             غايب ضوه البيت
..............................................
ياباب گـلبي يحـتـرك كلـما اشــوفـك يا بـاب
لوغيرك ايعيش بفخر لوسوته الزهره احجاب
جا ما كسر ظلع الضوه ولا دفعته اجفوف اجناب
بس انت وياهم صرت جرحك بصدري اوماطاب
مــا تبقه يابــاب ... مـا ريد اشوفك
لو حامـي الـظـلوع ... يوميه اطـوفك
من الدفو حرمني  ... حزن  الهجر عذبني
             غايب ضوه البيت
..............................................
امودع الله ياحلم يالـرايــح مــن عـيـونــي
ياليل اليجيبك إلـي وتـمــر وغمظ چفـوني
ورجع وعيش بدنيـتي وبفرحتـي اتخلــوني
ما ظن يرد هذا الحلم وين اهلي ويشيعوني
راح الأمـــل راح ... مـحــد يـجـيبه
موتــه دوه ايصير ...  الـفاكد حبيبه
من الأهل حرمني ...  حزن الهجرعذبني
             غايب ضوه البيت
..............................................

الشاعر خالد جودي العارضي https://www.tg-me.com/ML_mahhde

يمه يمه.  ما ينشف دمعنه
يمه. يمه عكبج والله ضعنه
***
اريد احجي بحناني وياج.  يمه اشويه حاجيني
وين انطي الوجه عكبج.  لو رحتي وتركتيني
صار البيت ما ينراد.   ودموعي بطرف عيني
جنت انسه التعب يمه.  بيدج من تلزميني

يمه  من دونج رجعنه
يمه.  عكبج والله ضعنه
***
يكظيها بجي وحسرات.  يايمه التموت امه
عفتيني وكمت عكبج.  بالكوه الهوه اشتمه
عيونج غمضت وانه.  بكلبي صارت اللجمه
ويايمه تره المجروح.  تصبح دنيته ظلمه

يمه.  ومصابج فجعنه
يمه. عكبج والله ضعنه
****
اول ما غفت عينج.  يمه الليل ما نمته
ابجي الحجرتج ضليت.   وامصابج تذكرته
ضلعج منكسر بالباب.  وانه الباب عاتبته
ضيم الدنيه من فركاج.  كله اعله المتن شلته

يمه.  بالبيت انجمعنه
يمه  عكبج والله ضعنه
*
وينج يالهجرتي البيت.  بغيابج تيتمنه
ويايمه تطشرنه  وعكبج محد ايلمنه
هالوادم يسألونه.  ونكلهم نريد امنه
يايمه نصيح بصوت. ياهم المثل همنه

يمه.  وتغير وضعنه
يمه. عكبج والله ضعنه
***
من تبجي وتنوح اعليج.  زينب لا تلوميها
خليها عله المجفين.  تعمي العين خليها
زينب حايره والدار.  راحت منها اهاليها
جانت  جلمت اليمه.   يمه اشكد طعم بيها

يمه.  نتراكض طلعنه
يمه عكبج والله ضعنه
***
هاليله الحسن وحسين.  دمعتهم صفت حمره
وكل الوادم ايصيحون.   ماتت فاطمه الزهره
كلها التمت وبالباب.  عنج تنشد الفقره
كلشي ينجبر لاجن.  كسر الكلب شيجبره

يمه.  لحضه ما هجعنه
يمه.  عكبج والله ضعنه
*
تمت
تحسين الخفاجي

أّلََّسلَأّمَ عٌلَيِّګمَ خَدّأّمَ أّلَحٌَّسيِّنِ (عٌ) https://www.tg-me.com/ML_mahhde

يمه يا زينب وداعا هاي هيه
والنه باجر ملتقه بالغاضريه
يمه عالتل ننجمع •• يم اخوج المنصرع
ضمي حيلج والبجي الذيج الرزيه

……………………………………………………………


ييمه ابموتي ما همّن . و لا بالضلع والسطره
الحالج مو على حالي . امن اجر الآه والحسره
ييمه العاشر امتانيج . والاصعب في وكت ظهره
اخوج اعل الوجه مگلوب.وشمر من الگفه اينحره

وانا فوگ التل اجيج وماي بيدي
لجن ما لحّگ يزينب على اوليدي
الكه راسه المنرفع •• يمه اخوج المنصرع
ضمي حيلج والبجي الذيج الرزيه

……………………………………………………………


اصبرج لو تصبريني . ابمنظر يعمي الناظر
اعله اخوج اخيولهم غيمات.وتمطر  عالجسد حافر
يوصل لينه لحم حسين . صفه اعله الگاع متناثر
اسد اعيونج اسمعين . صوت الضلع متكاسِر

يمه زينب انسي ضلعي وانسي كسره
الخيل تكسر من اخوج ضلوع عشره
وخنصر ايده المنگطع •• يم اخوج المنصرع
ضمي حيلج والبجي لذيج الرزيه

……………………………………………………………


ييمه الحرگ بابي ابنار . باجر يحرگ اخيامج
شتله انحفرت الها الگاع . هيج الجمره بجدامج
يعمي عيونج الدخان . منج ضاعت ايتامج
ومن هسه ولذيج النار . يزينب شدي احزامج

واعتنيلج يمه و نعاون بعضنه
انطفي ثوب ارقيه وي ذيال سكنه
والعليل المنفجع •• يم اخوج المنصرع
ضمي حيلج والبجي لذيج الرزيه

……………………………………………………………


اجيج امحنبه من الباب . ابيميني اعله الضلع الزم
المّن باليسار الشوج . لجنّه اهواي ما يلم
لأنج حافيه تركضين . باثارج يخط الدم
اشد من جوية البسمار . اشوف ابنتي تتألم

مثل جانون الرمل وشلون ابرده
حمره رجلينج تطگ وحده اعله وحده
وانا جن خيط الشمع •• يمج اخوج المنصرع
ضمي حيلج والبجي لذيج الرزيه

……………………………………………………………


يمه السوط اه السوط . بيدي اشگفت ضرباته
ييمه و حار جن بيه نار . ابمتنج تجوي لسعاته
على اعبايتج من ابعيد . اشوفن يمه طبعاته
يظل وياج حد الموت . ما تنسين آهاته

تخاف الاطفال وتجي تلبد ابكترج
والسياط اصير يا يمه اعله ظهرج
عيني الج تهمل دمع •• يم اخوج المنصرع
ضمي حيلج والبجي لذيج الرزيه

……………………………………………………………


ييمه الظلمه مو موتي . ولا تشييعي او نعشه
الظلمه ابهيمه وتباتين . ييمه ابليلة الوحشه
العبايه اصير الج خيمه . التراب ايصير الج فرشه
وحادي السبي وبيده احبال.يجيج ابساعة الغبشه

وياج اروحن للسبي وبگلبي جمره
من اصد اعبايتج مگلوبه حمره
ينلجم مني الضلع •• يم اخوج المنصرع
ضمي حيلج و البجي لذيج الرزيه

……………………………………………………………
✍️ ( سيد خضر الزاملي) https://www.tg-me.com/ML_mahhde