انه المتعبك _ مو صدگ حبك
ارد اراوي الناس يحسين بخدمتي
بكلمة الخادم _ اعجب الوادم
سيدي مو من گلب تجري دمعتي

((ہہ᯽★★★᯽★★★᯽ہہ))

اكشخ بحزني الچذب شوفوني ياناس
وبالمجالس مو صدگ من الطم الـراس
هوه واحد مـن صدگ حبك يـ الحسين
خــــادم حسين الفدائي هــــوه عباس

مو صدگ حزني چذب
انــــــه شنهو وانحسب _ عليك خادم

غـرني مــــولاي العجب
للذنـب گلبـــــي انجذب _ موش نادم

سارح بذنبي _ وضيعت دربي
بمضهري يحسين مو جوه كسرتي
حزني مو دايم _ اعجب الوادم
سيدي مو من گلب تجري دمعتي

((ہہ᯽★★★᯽★★★᯽ہہ))

يمته اجر اصبع نـدم عن فعلتي هــاي
يمته تعرگ گصتي مـــن اشـــرب الماي
ضامي الحسين علمودي وداسته الخيل
يمته اصيرن خـــوش واحد انه مولاي

الميت وشـــابع سحگ
يمته ابچيله صـــــدگ _ عاري امامي

مـن العدم جـــرني الـه
وگلي ابچــــي الكربلـه _ الگلبه ضامي

ضيعت عمري _ من ادگ صدري
رايد اعجب صورتي انـــه بلطمتي
بـ الانه هـايـــم _ اعجب الوادم
سيدي مو من گلب تجري دمعتي

((ہہ᯽★★★᯽★★★᯽ہہ))

بداخلي اضحك وابچي بمضهري دوم
ارد اراوي النــاس انـــه امطين الهدوم
واقع احچي انه واحد غافـل اهــــواي
كلمة الخـــادم انطيها حگها يـــا يـــوم

غـــارگ بحب الــوهم
افعالي مو مالت خدم _ انـــــه غافل

يهمني اعجب مضهري
بسرعه للــدنيــا ارتخي _ ذنوب شايل

عادي ما مهتم _ هسه غير افهم
من ايد گلبي غير لو افهم عثرتي
كلشي ما فاهم _ اعجب الوادم
سيدي مو من كلب تجري دمعتي

((ہہ᯽★★★᯽★★★᯽ہہ))

بالگلب هـوه الحزن مـــــو بـ الملابس
هوه مــــو كلمن يشگ اهدومه عابس
هوه واحد بالطف وشگ گلبه لحسين
وانــه اعصر عيني گـــــوه بـالمجالـس

مو وفي وگد الحچي
گلبي اجبره ع البچي _ ويبچي جرحه

مقصر بـــگـــد السـمه
ويـــه ولــــدچ فاطمه _ شوكت اصحه

عيني اطفيها _ يمته واعميها
ومــــــــا ابين بعد للوادم عبرتي
حتلو نـــــادم _ اعجب الوادم
سيدي مو من گلب تجري دمعتي

((ہہ᯽★★★᯽★★★᯽ہہ))

افتحلي صفحه سيدي هسه جديده
اكسر ايــــدي الغيرك اكتبلي قصيده
امدها اعيونـــــي اذا تبچي ع غيرك
امسح الماضي بــعــد لا مـــــا اعيده

ويـــاك سويني وفـي
بمجلسك كون اكتفي _ وابچي جرحك

التهي بغيرك حـــرام
ابچي خلني ع الاخيام _ وابچي رمحك

من جديد ابدي _واندب المهدي
يا ابو صالح لحد ماموتن صرختي
اخـــدم القائم _ اعجب الوادم
سيدي مو من گلب تجري دمعتي

((ہہ᯽★★★᯽★★★᯽ہہ))

مـقتـدى سـالـم https://www.tg-me.com/ML_mahhde

ارد اقدم شكوه هاي الليله
لبو صالح عل جره احجيله

---------
بكلبي نار وعتب تدري هوايه
يابو صالح نزلوها الرايه
بصحن زينب حتى ماكو قرايه
صعبه هاي علينه تدري هوايه
وماكو غيرك يسمع شنشكيله

------------
كبل جانت قافله اتجر قافله
والمواكب زايرج تستقبله
ليش هاي الناس عنج غافله
يم ابو صالح بقت هل مساله
واحنه بالام الزمن نوميله


--------------

كبل متروس الصحن كله خدم
هسه يالمهدي اليطب ليه انعدم
واليطب بالحظره منهم ماسلم
كلوبنه يالمهدي تكطر هسه دم
والجرح محد بقه يتچيله
--------------
غصه بيهه كلونه من الجره
كبل بالحظره نطب نلزم سره
هسه فارغ صحنج انتي الصابره
يلا خل نشجي السبع الكنطره
هواي زينب للگمر تعنيله
--------------

كون عباس الكمر هسه يجي
جان خيط كلشي ويلم الحجي
ادري بي مهظوم هسه من البجي
عدنه امل بالمهدي يظهر نرتجي
حيلنه يريد المدد من حيله




حسين الزيدي
-------------------- https://www.tg-me.com/ML_mahhde

العليله

عتبي اعله المشو بالدار وحدي وهاجروا عنـي
لابيه أگـــــطـع البيده و لا منـهـم گــطـع ظـنّـي
____
عليله وعلتي بالروح موجسمي المرض ياذيه
ياكل روحه من يروح غالي و وحــده يخليـه
لايمي واگــلـه ارجـاك ولا يمسع عتابي اعليه

اشكي بحالي للجـــدران الـهـن سمـعـت ونّي
____
بيه انه امشي وياهم ولـــدرب السفر أگــدر
بويه اگبال عــينك شـوف وبممشاي ماأعثر
گــدام الركب ممشاي كــون اتگــول أتأخــر

خـــواتي وعـمـتـي وياي مـن اتعب يعينني
____
بطاريكم احاچي الدار وحشه اخلاف راعيها
جفني الماغمض للنوم وبوي حـــسين مابيها
اسال بالقــوافل دوم واتـنـشـــد طـــواريـهــا

طارش انطر ومكتوب ويطفّي جـمـر حـزني
____
كل ساعه واشوف الباب تركض مو مشي جدامي
واحســب باليالي احــساب اشهــور يمـرّن ايامي
ادور ابالي الحسبات اخــاف الـــراح ينـســانــــي

ابوي وعـتبــي انــه اعلــيه بويــه ايامــي هدّني
____
والعبدالله انه اشـتـاق ارتّب بالـمــهــد واشـتـم
صوته بأذني ما أنساه من اذكر ضــحكته اتولم
هزني الشوگ أخيي اعليه كل يوم بسهم أحلم

بيكـــم بالمنام احـلــم حـلــم الـسـهــم فــززنـي
____
هم بيكم رجه اترجعون انطركـــم دهـر وسنين
هم بيكم أمــل للضال وحــده ومابقاله امـعــين
طفله وهمي حمل اجبال شيبت الگلب يحسين

همّــي ايزيد كل ماطال هـجــرك يلرحت مـنـي
==========================

✍️عباس مالك العفريت
#محرم_الحرام١٤٤٦هـhttps://www.tg-me.com/ML_mahhde

أللهم عجل لوليك الفرج

كلنا تقصير مولاي ياصاحب الزمان ع 😔😔

مولاي ياصاحب الزمان ع مالي غيرك

لقد طال الأنتظار

اني اعترف بتقصيري مع ال محمد

اسئلكم الدعاء بصلاوتكم

ياحسين


          عـــطـاء الــنـــاس أحـــسّـــه.. كـلـه منه
          هِـمـت وجــــروح گـــلـــبـــي.. كَـلِّـمـنــه
          بــــس حـــســيــن خـــيـــري.. كـلـه منه

          وبـابـــه بـكـل وكـــت مـفــتـوح إلـــيـــه

                          *---------------*---------------*

✍خادم الحسين (ع)
الشاعر رعد الجريخي https://www.tg-me.com/ML_mahhde

أللهم عجل لوليك الفرج

هالأجه عاشورنه/الرادود مهدي الزينبي/الرادود مهدي الزينبي

https://youtu.be/9L8KqQFTMSU?si=X0WOSyVp25k9di1y

مشاركه ومتابعه ربي يحفظكم

موشح لمولاتي فاطمة العليلة
&&&&&&&&&&&&&&

من تركني حسين واختار السفر
من المرض والحزن دلالي انفطر
&&&&&&&&&&&&&&

من تركني حسين واختار المسير
دره بهاي السفره مثواها الاخير
وكلب فاطم بالحزن اصبح أسير

فراك أهلها صار من الموت امر
&&&&&&&&&&

اخذ روحي وسير هذا طلبتي
وكون وياكم تحمل ناكتي
للعراق نسير أنا و دمعتي
نوت روحي وياك بويه اعله السفر
&&&&&&&&&&&&

فراك أبوها وعمها والأكبر سوه
والرضيع تشمه جن نسمه هوه
فراك أبوها ما يشافيه الدوة
لا دوه ينفع ولا ينفع خبر
&&&&&&&&&&&&&

إيست ما مش خبر من العراق
لا ابن برخيه يحصل لا براق
كلبي يهوه حسين ما يهوه الفراق
من كثر نوحي عليه يعمه النضر
&&&&&&&&&&&&&&

يا عرابي الساير لصوب الأهل
خبر حسين وعمامي بالحصل
اقرء قصتي وسولف من المستهل
فاطمة كلهم بقت تنطر خبر
&&&&&&&&&&&&

كمت أفك ريجي بدمع عكب الأبو
وأنه متعوده اعله حضنك والدفو
يا عليله الفاركت مثلي اخو

يم مهد عبدالله من دمعي نهر
&&&&&&&&&&&

إيست من الرسايل ما ترد
وأنه ليليه اعله فكدك انمرد
فاطمه اسمي والعليلة من البعد

لحزني رق وذاب دلال الحجر
&&&&&&&&&&&&

بويه لميت الحوايج والفرش
هودج يكفيني ما حاجه العرش
كون ما ترضون وياكم نمش

دمعي طول بطول وياي استقر
&&&&&&&&&&&&

يصير دمعي بطولي ويصب بحزن
وحالي موزين وعليك انحب وون
روحي مثل الطير لو عاف الغصن

وين ينطي الوجه لو جنحه انكسر
&&&&&&&&&&&&

عدنان الحيدري https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

يالـيل الـعاشر ساعدهـه
          خلـيهه اتودع والدهـه
  ريـتك تـسمـع  **  چانـك تـرجـع
                ===============
رقيه بل عـتـب كامت تـهد الـحيـل
كعدت يـم ابوهـه والدموع اتسـيل
لـوتـسـمـع عــتــبـه اتـأخرت يـالـيل
لاتـصـبـح تـكلك بـالـزلــم والـخـيـل
     لاتـتـقدم  ** ويـسـيـل الـدم
       ونـجـومـك للمـشرق ردهه
              =================
مـن بـيـن ضـلامـك حـارت الـطـفـلـه
هـاك اسـمـع عـتـبـهـه حـسين شتـكلـه
يـبـويـه اويـاك هـلـيـلـه الـسهـر يحـلـه
امـوت اخلاف عـيـنـك مـاظل عـدلـه
    يالـيل اشـهد ** هذا اخر حد
     مـن غـيـر الـوليان اشـعدهه
              ==================
تحاجي حـسـيـن مايگدر يحاجيـهـه
دلاله انـفطر بـس مـن بــواجـيهـه
يـفكر بـاجر ابـسـلبـت تـراچيــهـه
حافـي والـجـمـر يـلـسـع ابـرجليهـه
      رحيل اتأثر  ** گلبه أتفطر
    والدمعات أتجرح خدهــه
                 ===============
تـتـرجـاك يـالـيـل الــوداع اطـول
شبگت نحر ابوهه اوصوت منه ايگول
بـاچر لامحال انـه الصـبح مكـتول
وراسي يارقـيه عللرمـح مـشـيـول
       يالـيل الـشـر ** بـس اتأخر
        بـيـبانك ياريت اتـسـدهه
                ===============
يگلهه احسين باچرمن تجيني اعداي
انـصـار وهــواشــم تـنـكتــل ويـــــاي
حـته الخنصر ايـكصونـه من يمـناي
ونـتـم بـالـغـرب لامـن غـطـه ولاماي
    وي الـكـافـر ** صـعـبـه اتـسـافــر
    وسـيـاط الـكـافـر شـي ردهـــه
           ===================
قـبـل فجرك يلـيل اسمع كلام حسين
يـكـلـه يـارقـــيـه كـافـي لاتـبـچـــيـن
بـعـد هـلـيـلـه هـاي ويـامـن اتـنـامين
وي كـتـالـي بـاچـر للـيـسـرتـمـشـيـن
      مـا تـتحـمـل ** فوگ الهـزل
     بـس عمـتـه اتلـوذ ابـســدهـه
      
            للشاعر الحسيني https://www.tg-me.com/ML_mahhde
        فــاخــر عـلــي الـشبيبي

أللهم صل على محمد وآل محمد وعجل فرجهم ياكريم وأعظم الله أجوركم سوف نقوم بتلحين قصائد محرم الحرام ببركة الصلاة على محمد وآل محمد اسمعونا