ياعلي مدد يا علي مدد

يالرباب اوداعة الله.
يمه عينج لعبد الله
باجر باجر غصب من ينفطم
باجر باجر يشك نحره السهم
........................................
يالحنينه امسافره وعينج عليه
يالحنينه جنج اتكولين اليه
كون بيدي وياي رحتي وي رقيه
وبالطفوف اتصير لمتنه سويه

ويمج احسينج الصله
يمه عينج لعبد الله
بالطف بالطف حلم يرسم حلم
باجر باجر يشگ نحره السهم

............................. ........
دورتكم داري تنشدني عليكم
دورتكم وانه روحي بين اديكم
شلون تقتنعون اضل و احمل بجيكم
موتي من اوداعكم لو من حديكم

والجفاني وين احصله
يمه عينج لعبد الله
اصرخ اصرخ واصيحن يا الم
باجر باجر يشگ نحره السهم

..................................
ريضي هونج خلي عبدالله اشمه
ريضي هونج دنيتي مابيهه رحمه
تاخذ الساكن دليلي وما تسلمه
خاف باجر ياهلي تبطون واعمه

الدللاني اشينسه فضله
يمه عينج لعبد الله
بعده بعده اشد من كل هظم
باجر باجر يشگ نحره السهم

.................................
روحي يمه اشلون من ايجف حليبه
روحي يمه لو يموت منين اجيبه
ينفطر كلبي اذا طول مغيبه
والبواجي لاترده ولا تجيبه

لو يفز كولي اسم الله
يمه عينج لعبد الله
عمري عمري فده هذا الاسم
باجر باجر يشگ نحره السهم

................................
خاف يمه امس مايشبه الباجر
خاف يمه تسحك اعليه الحوافر
يمه كونه ايموت مانكدر نكابر
دار عينه وانه كلبي اعليه داير

ياضعنهم ريت اعطله
يمه عينج لعبد الله
انسه انسه المرض من يبتسم
باجر باجر يشگ نحره السهم

...............................
خلي اكلج چلمه وحسينج اكله
بويه هذا افراكم لا مو محله
بيه عله والبعد ربالي عله
حيهم اليوصل ضعنهم واليدله

ما اظن عودي تخله
يمه عينج لعبد الله
حيهم حيهم اهلنه اهل الرحم
باجر باجر يشگ نحره السهم

خادم اهل البيت علي الزرگاني https://www.tg-me.com/ML_mahhde

آللهم صل على محمد وآل محمد وعجل فرجهم ياكريم

معكم معكم انتصرنا مبروك إلى شيعة علي وجميع المسلمين بهاذا النصر

(حزن زينب)

زيــنـب يـاخـلــگ زيــنــب
                گــرّب لـيـهـه عـاشــرهـه

محـرم من يـجـي اهلالـه
                يـلـچـم كـسـر خـاطـرهـه

صـوّر لـلـنــار تــتـجـدد
                 وعـيـلـه الوكـت طشـرّهـه

هـاي الـشـافت الـخـوان
                   دم تــنــزف مـنـاحـرهــه

وهـاي الرچبوهه ابـلـيـل
                    فـــوگ الازم اعــبـرهــه

الـلـه ايـساعـد الـحـوراء
                   وعِشره الحزن عَاشرهه

هيچي لـو گرب عـاشـور
                   بـكـل الــجـره ايـذكرّهـه

قليلـه ادمـوعـنه الـزينـب
                كـون اضـلـوع نـكـسـرهـه

حگـه الـيـحـتـرك ويـنـوح
                ألليلـه وحسـرتـه ايجرهـه

لـلـضـلـت بـلايــه اخـوان
               وهظـم الـدهـر كـاسـرهـه

              *---------------------*--------------------*

✍خادم زينب ع
الشاعر رعد الجريخي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

مهلاً ياحسين

بويه بويه لا تودعوني
بويه بويه وياكم اخذوني
ــــــــــــــــــــــــــــــــــــــ
من تبعتد عنّي شبر نبض الگلب يوگف
موچنه احلى أمن الضوه وامنين اجانه الطف
من هسه ظل جيش الدمع صف ويقابل صف
قرآن يابويه أظل متروك فوگ الرف

بويه بويه الخاطر اعيوني
بويه بويه وياكم اخذوني
ــــــــــــــــــــــــــــــــــــــ
آنه عليلتكم والي حگ اوي اخياتي
وانته اكيداً يالابو اتقدّر معاناتي
استحملني لو نص الدرب خانتني خطواتي
ايد اويه ايد الكربله ايمشني عماتي

بويه بويه براحه مشوني
بويه بويه وياكم اخذوني
ــــــــــــــــــــــــــــــــــــــ
امحضره عباتي من امس واهدومي والنيه
اهنانه مسبيه أظل واهناكه مسبيه
ماريد أظل إبلا ابو وابلايه حنيه
وياكم أنه ارد انحسب وحده فدائيه

بويه بويه ويدمن امتوني
بويه بويه وياكم اخذوني
ــــــــــــــــــــــــــــــــــــــ
تدري البنات البالسلف لو مرّن اگبالي
يتنادسن وانه انقهر بويه على حالي
ايگولن عليه إبلا ابو ظلت ولا غالي
ياهيبتي وياعزوتي ويابيرغي العالي

بويه بويه لا يعيروني
بويه بويه وياكم اخذوني
ــــــــــــــــــــــــــــــــــــــ
يم گبر جدي المصطفى راح امشي واحچيله
زعلانه اگله أعله الابو بس لاكن ادعيله
يرجعلي يمشي اعله الجدم مو وادم اتشيله
ويوميه بوسه اوي الهوه ياجدي اوديله

بويه بويه الهم خطف لوني
بويه بويه وياكم اخذوني
ــــــــــــــــــــــــــــــــــــــ
واحنه بعـزائچ فاطمه نفس الطلب نطلب
انريد الـحسين برحمته يترسنه غيره وحب
كون الدموع بمجلسچ هالليله دم اتصب
والموكب المابي جزع ما ينحسب موكب

بويه بويه صحتي تانوني
بويه بويه وياكم اخذوني


محمد الجماسي

#اللهم_عجل_لوليك_الفرج https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

اذا ضاگت عليك وماكو حل الها
اطـــرق بـــاب ام عباس وسألها
:::::
اذا ضاگت عليك وطلع شيب الراس
بالك تمــد چفك تطلب مــن الناس
اقره الفاتحــه وهــديها لم عباس

ما عندي انه غيرچ بالدمع گلها
:::::
باب ام الگمر يا ناس مو اي باب
باب الرحمه هذا وما يرد طلاب
اذا اسم الحسين اعليها من ينجاب

تگضي الحاجه الك لا ما تأجلها
:::::
اذا عندك مرض واستصعب الدكتور
لا تأخــذ عــلاج واتـــرك الناظور
علاجك يم گبرها اگصد انت وزور

بلا وصفه العلاج ادموعك اهملها
:::::
يم عباس غيرچ انــه مـــا عندي
وگفت ابابچ انــه وگفت امجدي
عليچ حسين لتخلیني اظل وحدي
اهواي اذنوب عندي شلون أحملها
:::::
اذا مليت مـــا تمتلك ذريه
ادليك بعـــلاج وميه بالميه
عليچ حسين گلها ها يبدويه

قضيتك بالثواني اعرف تسهلها
:::::
باب الله الوسيع الأبد ما ينسد
باب ام الگمــر لا مـــا يرد احد
احلفچ بالحسين انطیني هسه الرد

ارد للبيت بيدي الحاجه شايلها
:::::
علي جبار الكعبي
الفاتحه لوالدي https://www.tg-me.com/ML_mahhde

أللهم عجل لوليك الفرج

[[لا تجينه]]


لأستقبال شهر محرم الحرام







لا تجيــنه يامحـــرم لا تــــجينه
هو فگد امنه وابونه شخله بينه

جاي تاخذ حتى اخوتي
والغرب تستــمع صوتي -- لا تجينه
◽◾◽◾◽◾◽◾◽

هو بينه شــباقي يا شهر الهــضم
حتى رايد بــــيه زينـــب تنضـلـم
لا يضل چف بيــك لا يبقى عضم
الفاگد اهله بعد من دمعه شيضم

بالمناحه راح اخلـــــص باقي دربي
مني راح تروح اخوتي ونبض گلبي

بيك يگرب ليه مـــوتي
والغرب تستــمع صوتي -- لا تجينه
◽◾◽◾◽◾◽◾◽

بيك راح نشـــوف انــــواع الضمه
ضمه الماي وضمه اخواني النايمه
وضمـــــه اطفــال البالبراي هايمه
ليش هيچ يصــير يمـــــه فاطمــه


الرباب تنـوح وتون فاگــده
لفرگة البالمــــهد ما متعوده

ومحد اليسمــع نخوتي
والغرب تستــمع صوتي -- لا تجينه
◽◾◽◾◽◾◽◾◽

بيك ابو فاظل يــروح ولا يــرد
وراسه بالعامــود ويلي ينـــمرد
حسين يتخوصر عليه وينضهد
مثل اخونه واحد ولا ينــــوجد

يصيح ودموعه اعله خده مچلبه
الســـلام اعله الخيــام اللاهـــــبه

وسفه ما صارت منوتي
والغرب تستــمع صـوتي -- لا تجينه
◽◾◽◾◽◾◽◾◽
والاشد ياشهر لو شفت الصــدر
فوگه تالي الوكت يتــربع شمــر
والخيول تجول والدنيه ضهـــر
وتوصل اضلوع الولي يم الخدر

اعمامته انداست واهو بدمه نگـع
اسهامه ما تنعد علـــى الرمله وگع

ترضه نوحي اعله كل قوتي
والغـــــــرب تستــمع صوتي -- لا تجينه
◽◾◽◾◽◾◽◾◽

ياشهر اكثر بعد گــــــول شــتبي
مستحه مامــش من اعيال النبي
تحترگ خيمه وعلاوي وهم عبي
وفــوگ هذا نــــروح باچر للسبي

اخ يا شهـــر الحزن والنايـــــــحه
على اخواني انصب شچم فاتحه

راحو الچانـــــو سلوتي
والغرب تستــمع صوتي -- لا تجينه
◽◾◽◾◽◾◽◾◽







عبد العليلـه
✍حيدر ابو كيان الفاطمي https://www.tg-me.com/ML_mahhde

مجلس عزاء الليله أنشأالله

نسئلكم الدعاء ملتهي مجالس مافارغ

عيني اعله الضعن ونتم تحملون
بويه من البجي ماضلت عيون
اكولن هسه يحجي
يكول وياي صعدي
موتتني رقيه شلون اوشلون

#№######№#####№#№###
تحملون الضعن وتفكر الكم
انه جني غريبه اوموش منكم
اخافن ياهلي طول سفركم
ماتحجون راح تموت بتكم
اخاف انه بسفركم ماتردون
#####################
صعدن بلهوادج ماكو رده
وكل محمل اجه واحد يشده
خواتي يعاينن اوبلعين صده
ماكو مجان بويه وأنه وحده
اجه يمي ابوي اوهمه يبجون
#####№##№#############
من سار الضعن وأنه عله الباب
اشرتلي رقيه دمعي سجاب
صحت بصوت اه يفراك الاحباب
سار الضعن بيهم والبصر غاب
اعيش انه وراكم لاتضنون
#######################
اطب للدار وحشه الدار هيه
لابيها حميده اولارقيه
انه أمنيين اجتني الغاضريه
راحو كل هلي وشلون بيه
دعيت الله الهلي بلكت يرجعون

خادم العليله مله احمد الزويني https://www.tg-me.com/ML_mahhde

اسئلكم الدعاء لي ولوالدي وللمؤمنين والمؤمنات والمسلمين والمسلمات الاحياء منهم والاموات أللهم عجل لوليك الفرج

📢 تنويه هام لكل محبي الشعر الشعبي ومحبي الشاعر عباس الزاملي 🎤✨

تعرضت القناة الرسمية للشاعر عباس الزاملي للاختراق مؤخرًا، ونتيجة لذلك تم فقدان الوصول إليها.
نرجو من جمهور الشاعر ومحبيه الكرام دعمه والاشتراك في قناته الجديدة والرسمية على التليجرام، ليستمر بعطائه الشعري المميز.

🔻 رابط القناة الجديدة:
📌 https://www.tg-me.com/abbas_alzamilly

✅ دعمكم هو وفاء للشاعر المبدع، وللكلمة الصادقة التي طالما لامست قلوبنا.

شاركونا بنشر الرابط بين الأصدقاء والمحبين 🙏