بيوم تگعدون ساعة ٤ الفجر وتستغربون شلون گعدتوا هيج وقت وحتة نعاس ماكو تگعد تراجع اخر مادة وانت تگلب اوراق كد ماضابط المادة تسد الكتاب تباوع ع الغلاف تبتسم وتباوع ع الساعة ٦ حيييل الوقت واكف تروح تحضر نفسك للامتحان اقلامك تمشط شعرك تبتسم بالمراية وتباوع ع طرف المرايا جدولك وانت حاط صح ع كل المواد الامتحنت بيهم طلع تتمشى للمدرسة وانت تشوف الشارع هدوء وماكو بشر يعني بس انت التعبت واليوم اخر يوم تعب الك تدخل المدرسة تروح تمتحن تشوف الاسئلة سهلة تبدي تحل وانت فرحان اخر سؤال كملتة بديت تراجع مرة مرتين ثلاثة اربعة سديت الدفتر وضليت صافن الكل مكملين بس ليش كاعدين تبتسم ومتردد حتة تسلم الدفتر ترجع تراجع اخير شي تغمض عينك ودكول اني سويت العلية وبهمة وإبتسامة " استاذ اني كملت وتسلم الدفتر وكل الي بالقاعة يبدون يطلعون وياك تطلع تشوف اصدقائك متفاجئين بدال مايناقشون اجوبتهم كالعادة بعد كل امتحان تلكي واحد يحضن الثاني ويكول للثاني جانت تجربتي وياك حلوة وتاخذون صور واكيد التعب الي ع تفاصيلكم تاخذون صورة توثقون بيهه اخر يوم اخر محطة تعب ترجعون لبيوتكم ماتشتهون اكل راسا تتمدد وتضل صافن معقولة السادس خلص ؟ تدمع عيونك وانت تذكر كل لحظة تعب تعبت بيهه وكل سهرك وتذكر المادة وتحن الهه
بعد فترة تبدي تحلم بالنتائج احيانا تحلم انك راسب واحيانا طالع الاول ع العراق توتر هالايام حتكون اصعب من السادس حرفياً
تبدي القنوات التافهه تنشر روابط وانت مثل المجنون كل شوية عبالك النتائج طلعت الما تطك روحك وتبجي وتخاف ودكلهم حنام واصلا انت منايم بعدهه تظهر النتائج تلاحظ اطرافك ترجف تحس دم بجسمك ماكو تشوف اهلك شكد خايفين وتخاف لاتخذلهم تذكر الشماتة وتخاف يشمتون بدرجاتك تبدي تبجي وتعوفهم يطلعون درجتك وانت تنتظر وتنتظر وطكك اصابيعك وماكو عاد يدخلون ع الرابط وانت صبر ماكو يدخلون ع مدرستك ينتظرون الصفحة تحمل انت من اللاوعي تسحب الجهاز وتشوف نفسك فلان الفلاني ناجح معدل .... البالك حققت حلمي نبضات كلبك تدك واهلك خايفين وينتظروك تحجي وانت انعقد لسانك ياخذون الجهاز يشوفوك حققت التريدة تبدي الهوسة والهلاهل والچكليت وانت تبجي معرف تضحك مشاعر مخربطة تتذكر شكد تعبت والله حققلك حلمك هاي احلا لحظة بكل حياتك اللحظة هاي انتظرتها ١٢ سنة ! حققت حلمك
أدو واجبكم وحققو احلامكم لتسمحون لهذا وذاك يگول عليكم حجي مو زين
وبالتوفيق

﴿ إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾

- جمعة مباركة 

مساء الخير ..

بخصوص القناة الي نراجع بيها للسوادس بشكل عام غير وقت راح ارجعها بالوقت الي اشوفة مناسب حتى اراجعلكم بيه ولحين ما ابدل البوت مخصص للسوادس،
لان هاي الفترة راح اترك برامج التواصل شوية وان شاء الله الادمنية ما يقصرون وياكم ارجعلكم بالوقت الي تحتاجوني بيه

كل الحب للجميع، والقناة من اسويها
رح تكون لكل الطلاب السادس والجامعة
وترجع اللمة بوقت ثاني ،
ملاحظة : ما يهمني عدد للقناة حتى لو رجعت
يكفي دتستفادون منها..
اتمنى تتفهموني وشكرا الكم 🩶..

"ويراك الله، تَرضى وتصبر، فيراضيك بما تتمنى."

سورة القمر + سورة الرحمن
حديث الشهيد + اداب الطريق
الرصافي + ابو القاسم الشابي + الجواهري

موفقين ، بدون اعتماد ..

في الصباح الاول ومع بدء امتحانات الصف الثالث المتوسط.. امطار رعدية تضرب العاصمة بغداد ⛈..

تنويه.. الساعة السادسة من صباح هذا اليوم، سيتم قطع خدمة الانترنت لمدة ساعتين ابتداءً من السادسة من صباح هذا اليوم، لذلك نتمنى كل التوفيق لطلبة الثالث المتوسط ونؤكد ان الاسئلة لهذا اليوم سهلة وسلسة جدا..

صبحكم الله بالخير ..
امطار خير ان شاء الله ..

الجواهري والشهيد والرحمن والقمر ..

3 شغلات بسيطات تدللون.. وكلهن منورات
صبحكم الله بالعافية والخير 🩶

{ وَإِذَا مَرِضْتُ فَهُوَ يَشْفِيْنِ } .

تربية الرصافة الأولى تعلن نتائج امتحانات السادس الابتدائي يوم غد الاربعاء.

أي شخص عنده أخت ساكنة وياه بالبيت وما عدها مصدر رزق خلي ينتبه عليها ويهتم بيها ولا يقصر وياها حتى لو بشي بسيط، لأن خطية هي هم تحتاج أشياء خاصة بيها تحب تشتريها سواء عجبتها لبسة أو عطر أو اشياء أخرى وتستحي تگول فحاول تنطيها حسب مقدرتك المادية
بس أهم شي لا تعوفها ولاتهملها حتى ما تضطر تطلب من شخص غريب أو توگع بيد ضعاف النفوس، وخصوصًا المتزوجين رجاءً مانگول لاتهتم بزوجتك اهتم بيها و لاتعوف أختك هاي عرضك ومحسوبة عليك وعند الله ما يضيع شيء وخصوصًا إذا كانت يتيمه، وجاي العيد فرحها، واخذ بخاطرها ..

البوست مجرد للتذكير نخاف واحد غافل أو مشغول بأمور الدنيا.

لاول مرة في العراق افتتاح قسم مختص بدراسة الطقس والانواء الجوية

وزارة التعليم تقرر استحداث قسم التغيرات المناخية.

عاجل | رئاسة شؤون العائلة تباشر بترويج معاملات السفر للمتزوجين .

مراقبون :
اسئلة امتحان الرياضيات للصف الثالث متوسط كانت اليوم مركزه وفيه صعوبه و مختلفة تماما عن نمط السنوات السابقة فأختفت منها الجذور و الحد المفقود و مسائل التجربة والنسب المثلثيه والاعداد الحقيقة وغيرها من التي اعتاد الطالب عليها ويركز عليها المدرسين .

عندما تنتهي الحرب يتصافح  القادة وتبقى تلك العجوز، تنتظر ولدها الشهيد وتلك الفتاة، تنتظر زوجها الحبيب وأولئك الأطفال، ينتظرون والدهم البطل لا أعلم من باع الوطن! ولكنني رأيتُ من دفع الثمن .


فلسطين ستبقى عربية، لا يسعفني القول عن ما يحدث، سوى القول لا حول ولا قوة الا بالله العلي العظيم ..

عندما انشغلت الحكومات الغربية ومخابراتها بمحاربة وباء كورونا توقف الإرهاب في كل أنحاء العالم .

- صباح الخير 🌤️
‏وﷲ لتتعجب كيف يقلب ﷲ الموازين لأجل دَعواتك ،  فصبراً .