" أمشي واعرُج ، بس أوعك تتسندي ع كتف ما عايزك".

"ما تقطع الإشارة عشان ح تاخد مخالفة"
"ما تلعب في الشمس عشان أبوك ح يشاكلك"
"ذاكر عشان ما ترسب"
في عقلنا من صغار بنتعامل مع العقوبة ك سبب للمنع.. متناسين تماماً السبب الأساسي.. و للإسف الحاجة دي بتخلينا نتحايل على العقوبة و في المقابل ما ح نحقك الهدف الأساسي من المنع..
فلما تقطع الإشارة بحجة مافي رجل مرور شايفك.. قد تعرض نفسك أو غيرك لحادث..
و لما طفل يلعب تحت الشمس في غياب الأب.. قد يتصاب بسحائي..
و لما طالب طب ك مثال يغش عشان ما يرسب.. قد يتسبب في كارثة صحية مستقبلاً..
نحن محتاجين نعيد صياغة الجمل بشكل صائب و واضح..
"ما تقطع الإشارة عشان سلامتك و سلامة مستخدمي الطريق"
"ما تلعب في الشمس عشان ما تتعرض لمرض"
"ذاكر عشان تتعلم"
لازم نفهم إنه التحايل على العقوبة ما شطارة ولا ذكاء إنما إهمال و عدم وعي..
و على ذات الشاكلة..
التزامك بالبقاء في بيتك ما عشان في حظر تجوال، إنما عشان في وباء بنتقل بالاختلاط، و إنت مطلوب منك تساهم في الحد من انتشاره عبر التزامك بالحجر المنزلي..
ياريت ما نتعامل مع الأمور بفكرة إننا عارفين مصلحتنا و عاملين حسابنا.. عشان أثر تصرفك قد يمتد لكل الحولك و من غير ما تنتبه..

ربنا يحمينا و يحميكم من كل شر ❤

#علي_عباس

‏أسوأ إحساس ممكن توصّله لإنسان قريب منك هو الاستهانة بزعله؛ بإنَّك تكرر نفس الأخطاء والتصرُّفات اللي أنتَ عارف إنها بتجرحه، ما في أسوأ من إنَّك تخلي إنسان يحس إنه رخيص عندك، بعد ما كان يظنّ نفسه غالي، إحنا ما بنخسر علاقاتنا عادةً بمشاكل كبيرة حاسِمة، بس بنخسرها بتراكُم الخيبات.

‏البخاف على زعلك مابغلط نفس الغلطته مرتين.

‏قالت:
"كُنت فاكرة إن الإنتصار هو إننا منأذيش مشاعر الناس إللي بنحبها، بعدين إكتشفت إن الإنتصار الحقيقي هو إننا منأذيش مشاعرنا دايمًا علشان الناس إللي بنحبها"

‏أسوأ فترة حُزن هي اللي يكون فيها حزنك بينك وبين روحك فقط، محد عارف إيش جواتك لأنك شخص كتوم ومستحيل تفضفض لأحد، فيظنون أنك مبسوط ونفسيتك رحّبه ومُش شايل بخاطرك ذرّة هم أو تعب فتحصلهم يسألونك عن أشياء مُمكن تغير ملامحك وتكسر خاطرك وإنت ما تطيق طاريها.

‏إستنوا لما نموت وبعدين تعالوا قولولنا كلمة حلوة وعرفونا إنكم بتحبونا زي ما كنا بنحبكم وبالمرة عرفونا إنكم حسيتوا ب قيمتنا.

اللى بيسامح كتير ده زعله وحش أوى والله !

مبحبش الناس اللي تقول " أنا حياتي واقفة على حد .. بحسها ضعيفة ومش قادرة تعرف قيمة نفسها، ومش فاهمة سيكولوجية العلاقات ما بين البشر !!

عادى جدًا اللى بحبه اوي يفارقني !
عادي جدًا اقرب صديق ليا يكون فى يوم من الأيام اكتر حد بكرهه ، او أكتر حد شوفت منه أذى !
العلاقات فى الأصل مش مبنية على الدوام .. لأننا بإختصار فى " دنيا " لحظة الحياة = بتساوي لحظة الموت !

إحنا بنتألم عشان نخرج الطاقة السلبية اللى فينا " دى حكاية الألم .. انت موجوع فبتتألم فبتحاول تفهم مشاعرك عشان توصل لمرحلة من التعافي .. لكن فكرة إنك تقف على محطة وتفضل راكن .. او تقعد ماسك لوحة المك ووجعك بتتاملها وبس ..دى فكرة بتسحبك للنهاية .. وبتسجنك جوه عجزك عشان كده الشافعي قال "

مَن ظَنَّ أَنَّكَ دونَهُ فَاِترُك هَواهُ إِذَن وَهِنهُ ... وَاِرجِع إِلى رَبِّ العِبادِ فَكُلُّ ما يَأتيكَ مِنهُ !

‏"لم يُحبني أحد بِعمق، ولم تؤمن عائلتي بي يومًا."

‏أكبر خطأ ارتكبته في حياتي، هو اعتقادي أن الأشخاص سيمنحون لي نفس الحب الذي منحتهم إياه.

كلنا بتمر علينا الفتره دي .
الفترة البيتوقف فيها نشاطك الكبير و تضعف همتك وتقل إنجازاتك , هي فتره طبيعية بتجي بعد كل زمن كان فيهو ضغط عالي .
كل ما في القصة انك استهلكت الحصة المخصصة سعيا وراء النشوة البتلقاها من كل إنجاز جديد .
شخصيا بأخذ إجازة الأسبوع وببعد عن كل شي , ولمن ارجع ببدأ بالحاجات البسيطة شديد ارتب الملفات اراجع المهام القديمة ارتب في البيت ولا اغسل ولا اطبخ المهم إنجازات بسيطة تحفزني عشان ارجع ومرات ما بتنجح من أول يوم لكن في الاخر بتنجح وكل مره ازيد شوية لحد ما اصل السعة العادية , وبعداك بستمر لحد ما يبقى الإنجاز جزء روتيني لحياتي .
المهم انك ما تضغط على نفسك للحد البيخليك تستهلكها , وحتى إذا كانت في ضغوطات خارجية عليك قلل من حدة التزاماتك البيها .
وإن لنفسك عليك حق .
#التفاصيل
#Sami_Meseik

عمرك كم ؟

البيحدد مقدار عمرنا كمية الأحداث الصعبة المرت علينا والتجارب القوية العشناها والناتج المعرفي منهم وهل نحنا مرينا من خلال الاحداث دي ولا هي المرت فوق تحطمنا وإنكسارنا .
عمرك مع كل حدث بيقيف و بيواصل تاني من اليوم التطلع فيهو اليوم التتفكر وتشوف حياتك وواقعك الجاي شكلو كيف ؟
الظروف والموت والفقد هي معيقات دائما بتفتت الهشاشة حقتنا وبتختبر جلدنا وصبرنا وقوة تحملنا وللاسف ديل حاجات ما عندهم نهاية ,حاجات كل يوم بتحصل لحد اخر يوم في عمرنا .
لكن ورا كل شمس نجاح شرقت ليل مليان بالحاجات ديل , والليل ده بيكون السبب الأقوي لانو الزول ينجح ويتجاوز ظروفو ويكبر .
..
النهايات هي البداية الجديدة .

#Sami_Meseik

حرفيا انا لما اجي اعاين لنفسي ولحياتي طول السنين الفاتت دي بقول انا كيف عمري 22 سنه عايزه افهم بس ! يفترض يعني اني لسه بت صغيره مابعرف للوجع شي ويفترض اكون لسه طالبه بكافح عشان اتخرج من الجامعه ..
لكن ياهو من يومي مستعجله للشقا ،دخلت المدرسه صغيره وياهو اتخرجت وعمري 21 سنه وخلصت خدمه وانا 22 سنه ومن العمر ده حدخل الحياة العمليه المامعروف حتبدا متين دي ! ..
وانا في عمري ده عشت مليون تجربه مع بعض ، وحرفيا كلهم صعبين شديد وصلوني لدرجه اني حاليا بقيت شايفه الحياة دي سوداويه شديد رغم اي شي حلو فيها ، لقيت نفسي مستغنيه كل الغنا حتى من دون ما احس !
ماف شي بيلفتني ولا بيجذبني كل شي بقى عادي شديد ..
تعرفو احساس انو بجد مافارق معاك شي ! تموت تعيش تقعد تمشي يحصل اي تغير في حياتك حيبقى ليك عادي ومافارق معاك !
لما تلاحظ بعد مده من الزمن انو في لسانك جمله وحده وبترددها دايما " العايشين ليها شنو ،موتو ساي " وتكتشف انك ماكنت بتقولها ساي لا انت فعليا كنت بتعنيها حرف حرف !
اعيش ليه ما اموت احسن ! ..

انا عارفه انو الحياة لسه فيها فرص كتير ، وانو ممكن كل شي يتغير في يوم وليله وابقى من بت بتكتب ليكم بكميه السواد دي لبت كلماتها بتنقط عسل من حلاوتها والايجابيه الفيها !
بس اعفو لي حاليا انا في الجانب المظلم من حياتي ..
حاليا انا لسه في النفق وماطلعت عشان اشوف شروق الشمس والعوض البتتكلمو عنو ده !
انا خوفي كلو بقى في انو حتى لو جاني العوض ده هل انا فعلا حفرح ! هل فعلا حيفرق معاي يعني وحبكي من الفرح زي مابقولو !
انا ماعايزه اتعوض .. انا عايزة ارجع قلبي زي ماكان بس ..
عايزة قلبي يرجع خفيف زي زمان وعايزه انوم بسهوله زي زمان وعايزه اكون قويه زي زمان وامسح اخر 6 سنين من عمري ..
مسحه بدون رجعه بس !
طلبت شي صعب !
ولا اقول ليكم ! ،خلو زاكرتي تروح اصلا مافي شي قاعد فيها الا الاحزان والالم ..
انا حياتي واقفه حاليا .. بتمنى من قلبي اني ارجع اعيشها في القريب العاجل ..
او جد اموت وارتاح عشان المنتصف المميت ده اسوء شي ممكن يحصل لأي بني ادم في الوجود ، والله لا وراكم ليه !
#lena

والله يا جماعه م نغش نفسنا ساي بكلام (سيأتي من يتحمل غضبك ومزاجيتك ) نحن لازم نقتنع انو ماف زول بستحملنا وحتى لو في حيتحمل لحدي مدى معين..
نحن ليه نعود الناس تتحمل مشاكلنا وهمومنا ؟
لمن تزهج أبعد .. مهما ما كنا قريبين لي بعض ماف زول مجبور على زول ، بس الناس تتحكم في انفعالاتها ومزاجيتها وتخت نفسها محل الزول هل ممكن يتحمل؟
كلنا عندنا البكفينا يا ريت نراعي شويه

بتعجبني البساطه جدا ًوبحب وبحترم الناس الماشة علي نهجها . بحب اشوف ناس بتبتسم اول ما تشوفك وتسلم عليك بكُل الُحب الفي الدنيا. بحب انك تصدم واحد من الماره وتعتزر ويرد"ماف مشكلة" بكل عفويه ومعاها ابتسامه عريضة .. بنبسط شديد لما الاقي اتنين اندمجو مع بعض من اول ونسه من اول لقاء ، واقدر الاحظ واشوف الحُب في عيونهم .بحترم الناس البتحكي ليك مشاكلها وهي بتضحك ، ذي ضحكتهم بتحكي ليك انو الحياه دي اتفه من اني ازعل فيها . وبعشق تكشير وجوه الناس لما تغير علي بعض و يتعاتبو عتاب لطيف ، والناس المهما تغلط في حقهم طوالي مسامحين وخاتين ليك الف عزر . الناس البسيطين في لبسهم ، نوعية أكلهم وحتي في طريقة كلامهم ، بسيطة ولينه سحنتهم . بحب الناس الرغايه البتقعد تحكي معاك بالساعات وعمرنا ما ملينا او زعلنا من كلامهم.

‏ولما بتحس إن الحته مُش حتتك،إمشي.