"ماتتصور انك حـ تعرف زول لمجرد انك معاشرو لفترة طويلة ، صعب جدا تقدر توصل لمكنونات زول مهما بلغت درجة قربك منه خليك دائماً مؤمن انك شايف جزء من الصورة وبس".

لو في زول مفترض اني اخد منه العفو هو انا ايوة انا في كل مرة كنت بجي على نفسي عشان ما ازعل زول غلط في حقي ، لما اكذب واقول اني بخير وانه كل شي تمام رغم أنه كل ضيق الدنيا فيني على كل مرة كنت بسامح ناس مفترض اني انساهم وافصلهم من حياتي ، على طاقتي الخلصتها في مواضيع هايفة على كل دمعة نزلت مني في انسان غلط وموقف غلط وشعور سخيف جدا ، اسامح نفسي اني وصلتها لمرحلة عمري م كنت بتخيل اني أصلها قمة البرود واللامبالاة .

#heba_abubakr

‏حقيقي دا أول رمضان يجي علي وأنا قاطع علاقتي بـ أي زول بيتصنع إنو بحبني، وأول رمضان أبقي فخور بنفسي إني بقيت بعامل الناس بالمثل وما بفرق معاي غير الأنا فارق معاهو، ما مُهم خسرت كم شخص كنت بحبو .. المهم كسبت نفسي وكسبت الناس اليستحقوا يبقو معاي فعلاً.

انت بيدك اي شي ، بيدك تكون حاجه كويسه شديد وبيدك تكون حاجه تافهه شديد بتقدر تبني احلامك وتمشي عليها بكل قوه وبتقدر برضو تهدم احلامك البنيتها بفكره احباط واحده بتقدر شدييد تمشي في الطريق الصح والانت مؤمن بيه وبتقدر تخدع نفسك بأنو دا طريقك وواقعيا انت م ليك ااي دعوده بالطريق دا انت بتقدر اختار صح.

‏في زول بيفهم كلامك و زول بيفهم حتى السكات! حتلاقي في حياتك الطويل و القصير و البخيل و الكريم و العصبي و الحنين و البارد و اللطيف و و و.. ديل كلهم خير و بركة لكن لما تجي تراهن راهن على الزول البفهمك! الحياة صعبة شديد و الزادا صعوبة فوق صعوبتا هو التبرير و الشرح و التفسير و النقه ، ‏شكراً للخلو حياتنا اهون و طبطبو علينا بي قولة( ايوا انا فاهمك ) حقيقي إنتو اعظم ناس.

عادي اقرا الرسالة من فوق وم افتحها ... عادي اقفل التلفون و بلقى مكالمات و م برجع للزول ولا حتى بسالو كان عايزني ليه ... و عادي اكون مركب السماعات و زول يضرب و بعمل رايح ... عادي يكونو عاملين عزومات و لمة و البيت ملان و انا بكون في اوضتي بسمع اغاني .... عادي اون لاين 24 لكن م بتكلم مع زول .... انا شغال بي مزاجي لاني لو باريت مزاجيات الناس بنتهي من عمري قبل ما يبدا .. الانا فيهو دا م اسمو اكتئاب لكن العيشة بالطريقة دي طلعت حلوه اقسم بالله.

القصة إنو الناس الكويسين موجودين ، بس ما بتلاقيهم إلا لمن تصل لـمرحلة ما داير زول.

‏في كلمات ما حتحس انه ينفع يقولها ليك زول، غيرها تاني.

‏أسوأ إحساس ممكن توصله لإنسان قريب منك هو الإستهانة بزعله بإنك تكرر نفس الأخطاء والتصرفات اللي أنت عارف إنها بتجرحه ، مافي أسوأ من إنك تخلي إنسان يحس إنه رخيص عندك ، بعد ما كان يظن نفسه غالي … إحنا ما بنخسر علاقاتنا عادة بمشاكل كبيرة حاسمة بس بنخسرها بتراكم الخيبات و‏ بشمئز من نفسي لمن أكون شايل همك و كل شوية بتطمن و بكون مهتمي انو تكوني كويسه من قلبي بكون كدا و هي اصلا انا ما فارق معاها أنا حاصل علي شنو ولا داريه عني ولا شغاله بي اذا زعلت وله اتضايقت عشان كدا ي ريت ي ريت لو م عرفتك💔

الكلمة دي بقت ملازمنا شديد ( انا وحيد شديد) وفي نفس الوقت لو عاينا حولنا بنلقي ناس بحبونا لكن المشكلة انو نحنا فعليا بنحب ناس بعيده مننا واصلا ما شغاله بينا ولا بتحبنا
فهنا الامر ببقى معقد ولو اتلفتنا جمبنا حنلقى حب كبير❤️
حبو بعض يخوانا قبل تموتو الحب بعد الموت ما بيجدي.

فترة الحظر القعدتها دي خلتني اتجاوز ناس ومشاعر عمري ما كنت فاكر اني ح اتجاوزهم انا انتصرتا والحمدلله.

في النهاية.. ستعرف أنك أضعت الكثير مما لا يُعوض، لتحصل على الكثير مما لا يلزم.

الانسان مينفعش يحب في أسبوع ولا في شهر ولا حتي في سنة .
الحب عاوز مشاكل ، عاوز أزمات ، عاوز تعب ، عاوز فترات سيئة ومواقف بشعة ، عاوز عشرة طويلة عشان يبقي حب ..

يعني بأختصار
" الحب يبدأ عندما ينتهي الحماس "
مينفعش تقول إنك بتحب البحر وأنت واقف ع الشط ..
لازم تنزل البحر ، تعوم فيه ، تضربك الموجات ، تبلع ميه مالحة ، تجرح رجلك بالصخر ، تشوف العتمة اللي بالقاع ..
لما ترجع ع الشط هتشوف البحر بشكل مختلف ، مش هتشوفوا مثالي ، إنت شفت عيوبه وظلامه وغضبوا ، يا أما هتكره البحر ، يا إما هتفضل تحبه بكل حاجه فيه ..

لهفه البدايات مش حب يا جماعه واللي ما غاصوش ف البحر .. ماحبهوش .!

- إبراهيم الفقي .

حِبونا زي ما نحنا ، ما تفرضوا علينا حاجات ما من شيمنا ، حاجات ما متعودين عليها ، حبونا زي ما لقيتونا وشفتونا ، ما تغيروا فينا لا تفاصيل ولا شخصية ، ديل نحن كدا ، شكلنا كدا ، ضحكتنا كدا ، أخلاقنا كدا .. إقبلونا كما نحن أو إتركونا.

خلي في بالك انو ماف زول مجبور يستحملك وانت ما مجبور تحافظ على أي زول.

نقطة سطر جديد.

قالت لي :
لما اتوفى ابوي ، أول ما سمعت الخبر مسكت تلفوني و رسلت ليها ، ما جا في بالي غيرها ، ولا حسيت إنو ممكن إحساشي يصل لأي زول في العالم دا غير لصحبتي القريبه ، و عمره إحساسي بيها ما خاب ..

قالت :
لما اتقدم لي عريس ، جريت رسلت في قروب صحباتي و لميتهم عشان أحكي ليهم القصة ، و كانو بوجّهوني ، و كنت بحس الفرح واصلني في مكاني رغم المسافات البيننا ..
ما بنسى كم مشوار مشوه معاي ، و كم زهجة أيام توتر العرس روحوها ، و كم ضيق اتحمّلوه ، ولما شافوني بالأبيض ، كان المشهد محاصراه الدموع ، كإننا طلعنا من رحم واحد ..

قالت :
اتقاسمنا كل شي ، أي شي حتى الفطور و حق المواصلات ، دولابي في بيتهم و بيتهم عندي ، اتعدو مرحلة الاستئذان لما يجوني ، و بقيت برجع من برا بلقاهم قاعدين مع أمي بطبخو أو بساعدوها في نضافة البيت ..

- قالت لي :
كتيرين بشاركونا الفرح ، بس تخيلي صحبتي ما كانت بتنوم عشان أنا مكسورة ، كنت أنا صاحبة الوجع بنوم أخليها بتقرأ لي في قرآن ، مسكت يدّي وقت فكتها الدنيا ، و طمّنتني وقت هزّت روحي الانكسارات ، و قالت لي ما تخافي الله معاك لما حسيت بالنهاية ..

- في صحبتين بعملو مينشن لبعض في كل بوست بكتبه ، و كل وحدة بتقول للتانية ، تعالي أضحكي ، تعالي أقري ، تعالي نفسني أو أي مسمى بس الفكرة إنهم عايزين يكونو مع بعض حتى ولو بي بوست على الفيسبوك .

- الأصحاب :
شركاء الفرح و العتمة و الليل الطويل ، الحيطة العمرها ما بتميّل بينا و الحضن الآمِن البسمع حكاياتنا ، حكاياتنا المُعادة ، و تفاصيلنا المملة ، و انزعاجاتنا البسيطة
أصحابنا الشاركونا نفس الكرسي ، نفس الدفتر ، نفس الشيت و حتى الأغاني و السمّاعات ..
يمكن مرات كتيرة بنختار أصحاب غلط ، و بطلعو أقل من كل توقعاتنا الكبيرة تجاههُم ، بس حيبقى في صاحِب بوابة عبورك للفرَح ، صاحب ما حصل خلاك في طريق براك ، صاحب ولو بعدتكم المسافات فجواك ليه ألف ذكرى و موقف ما حيطلعو من بالك ..
كلنا مرّ في حياتنا " رفيق " خلى الحياة الصعبة قابلة للاحتمال ، و الظروف السيئة ضحكة اتقاسمناها سوا ، و الامتحانات العسيرة صبُر بدعاء ما بفارق لسانو ، كلنا عندنا رفيق ولو اختلفنا ، و زعلنا ، و قبّلنا من بعض بنرجع بنفس القلب الأول ، و بنفس الحُب بنكمل الدرب و بنسنِد بعض و بنقدر وهو جنبنا نشيل حِمل كل العالم .. كأننا كتفه و أول ما نتذكره بيجي على بالنا زي النسمة و بنقول ؛
" يا محطّات الأمان ، و الخطاوي الشايلة نور " 💙

#رغد_عبدالرحمن

‏والله يا جماعة هي نوايا وربنا بيدي كل واحد على قد نيته مش أكتر وماتستغربش لما تلاقي ربنا بينجيك من أي مشكلة تقابلك ويعملك اللي فيه الخير دايماً حتى لو كان ضد إرادتك طول ماقلبك نضيف ونيتك صافية وبتعامل الناس باللي في قلبك ومش شايل كره لحد هتلاقي ربنا دايماً كارمك من غير أي سبب واضح.

‏خليك ديما إنسان جميل حتي لو الدنيا جت عليك شويتين.