‌‎#رمضان_مبارك عليكم ❤️

كل سنة و انتو طيبين و تصوموا و تفطروا على خير ❤️

‏ما لازم ربنا يعوضك ب زول ، مرات العوض بكون إنك ترجع لنفسك تاني ..💛

‏مشكلتك شنو ؟
مشكلتي برجع اتكلم تاني مع الناس الاذتني .

‌‎دي اول مره تجي علي فتره و أنا قاطع علاقتي ب أي زول بيتصنع انه بحبني و ابقى فخور بنفسي إني بقيت بعامل الناس بالمثل و م بفرق معاي غير إللي انا فارق معاه و م مهم خسرت كم شخص كنت بحبه المهم إني كسبت نفسي و كسبت الناس إللى يستحقو يبقو معاي فعلا .

"في واحد من السمسترات كان عندنا مادة كاتمة و امتحانها مسا و ما كنت قارية بليل شكيت لواحدة دفعتنا انو ما قريت و المادة كاتمة قالت لي بكرة الساعة ٧ القاك قدامي في الجامعة
افتكرتها بتهظر خصوصا انها ما بتجي الجامعة ٧ اصلا و المادة كاتمة و ماف زول فاضي للتاني..
صباح اليوم الساعة ٦:٣٠ جاتني مكالمة منها تشوفني اتحركت ولا لسة و فعلا طلعت لقيتها وصلت قبليني بنص ساعة و قعدت معاي ٣ ساعات متواصلة شرحت لي كل شي من الصفر الا بابين هي نفسها ما كان قرتهم و دخلنا الامتحان و بسببها جبت B+
بعد الامتحان اكتشفت انها كان مخططة تقرا البابين ديل الصباح في الوقت الشرحت لي فيهو"
..

"صاحبي ايام كنا طلبة بنذاكر سوا حصلت لي مشكلة في قروش التسجيل و كنت ما ح امتحن و ما كلمت زول و لا مشيت الجامعة لمن فقدني و عرف الحاصل جاني في البيت و اداني بطاقتي الجديدة و قال لي بكرة تجيني البيت عايزين نذاكر سوا ولمن سألته جاب القروش من وين و هو ما شغال و المبلغ كان كبير وقتها ... قال لي : فاعل خير هو الدفع ليك
بعد الامتحانات انتهت بنتونس
بالصدفة واحد شغلها ليهو بي تلفونو الربيكا و قال ليه :مش قلت اخيرا قروشك تمت و بعد الامتحانات بتشتري السامسونج النفسك فيهو وديت قروش وين؟
رد عليه بهظار : دخلتها تجارة وداير اشتري شفروليه خليت التلفون
من هنا عرفت جاب قروش التسجيل من وين وعمري ما حأنساها ليه "
..

" ابوي كان عيان و اتضايق بعد ١١ بليل لبست عبايتي و مرقنا على المستشفى واقفين في الظلط جا ماري ود جيرانا بعربيته سألنا مالكم و وصلنا المستشفى و رقدونا و بقيت أنا مع أبوي و هو جاري في الدكاترة و الادوية لحد ما حالة ابوي استقرت كان الشمس طلعت
و ود جيرانا و قف معانا لحد ما وصلنا البيت
بعد الفطور جات اخته تكفر لينا و عرفنا منها انه اخوها كان عنده طيارة الساعة ٣ صباحا و ضاعت عليهو"
..

" جارتنا بتجينا طوالي مرة أمي طلعت لعزاء و جونا ضيوف مواعيد غداء و ما كان في شي جاهز ف البيت..
بالصدفة جات جارتنا تشحدنا ليمون و لقت الضيوف رجعت بيتها و أنا و أختي كنا صغار و محتارين نعمل للضيوف شنو بعد شوية جات جارتنا و شايلة معاها صينية ملانة شديد لدرجة بي تحليتها و عصيرها كانها مجهزاها سلفا وجابت بعدها الشاي..
الضيوف اتغدوا و انبسطوا و طلعوا
بعد المغرب ماشين نرجع ليها العدة حقتها لقينا معاها أمها و اخواتها مقيلين وهي كانت مجهزة الغداء داك ليهم "
..

"كنا اتنين في نفس الشركة و بنفس الدرجة الوظيفية و جات فترة كدا كنت باخد اجازات كتيرة و اذنونات بسبب مرض زوجتي و المتابعة مع الدكاترة و اغلب المرات زميلي دا كان بغطي لي لمن طلع الكشف حق الترقيات كان اسمي فيهو و كان هو اول زول اتصل بارك لي. بعد شهرين زميلي دا اتوفى و في العزاء المدير قال لي الترقية دي كانت من نصيبه هو لكن اصر انه تاخدها انت رغم غيابك الكتير قال انت احوج لزيادة المرتب منه عشان مرض زوجتك. ربنا يرحمه و يجزيه عني كل خير"
..

يؤثرون على أنفسهم و لو كان بهم خصاصة
الإيثار دا حاجة عظيمة شديد ما أي زول بيقدر يعملها ولا اي نفس بشرية بتقدر تتقبله إلا اذا كانت نفس كبيرة شديد و عظيمة شديدة
و الأصحاب و الناس الآثرتنا على نفسها مرات كتيرة و الله يشهد عدم الوفاء بحقكم دا ما نكران مننا لكن عجز لأننا ما قادرين نوفيكم جميلكم..! 💙

ربنا يرزقنا الإيثار .

حقو و انت قاعد منتظر تسأل نفسك .. منو جدير بي انتظارك .. منو ما بستاهل لحظة ، الانتظار ما بيهدر وقتك فقط .
ابداً .. بيهدر وقتك و أعصابك و اللي أهم من كدة عشمك في نهاية الانتظار و أملك في الوصول لي مبتغاك شعور مؤسف و سئ لو كل دة آدا إلى خيبة لأنك من الأول ما عرفت شنو بيستحق ينتظروه و شنو لا!!
الانتظار .. ضرورة .. الحياة ضلع من ضلوعها الانتظار .. حننتظر .. حافلة توصلنا .. حننتظر محاضرة نستفيد منها .. حننتظر امتحان و نتيجة .. حننتظر حبيب مسافر و جايينا .. حننتظر ابو اتغرب عشانا .. حننتظر صديق مشى و راجع .. حننتظر كتير ولابد اننا نلوك الصبر في هذه الأثناء ، بس و اتذكر و انت بتلوكه ، هل اللي انا منتظره بيستاهل فعلا ، صباح فيه الانتظار كله لي خير و عشم في محله ♥️

#سلمى_المصباح

‏من خلال التجارب وعلاقاتي الفاشلة زمان اللي مسحت بي بلاط الأرض ، تأكد إن أهم المعايير لأختيار شخص حيخش حياتك أياً كان صاحبك ، جارك ، حبيبك ، حيتصرف كيف وقت ما تكونوا متشاكلين ، و بالتحديد معظم الصفات الهامة إنه هيبادر مهما كان حجم الزعل ويبقى لين؟ وله لا حياة لمن تنادي ما فارق معاو .

‏انا ابدا م داير اكون الزول المناسب داير اكون الزول البتختارو بغض النظر عن كل السوء الفيني .

خد نفسك واهدى خالص وافتكر كويس أنو جات عليك أيام أصعب وعدت ، و الليله كمان ح يعدي ، م تلوم و لا تضغط نفسك ، و لا تحس بالتقصير ، مافي زول ليهو حاجة عندك ، ح تبقي كويس أطمن 💙

اكتشفت ان كل العيوب اللي ممكن حد يشوفها فيك
حد تاني قادر يشوفها مميزات ..
الدوشة و الصداع ممكن يتشافوا حيوية و طاقة .. الزن يتشاف اهتمام ، والرغي يتشاف حب ، وحتى السكوت يتشاف ونس ..

العيب طلع ف العين اللي مبتشوفش تصرفاتنا بعين المُحب و مبيوصلهاش اشارة بجمال كل تصرف طالع من قلبنا ..

في ناس كتير في الدنيا هتقابلهم ويشوفوك حلو زي ما انت بدون ما تبذل اي مجهود و هيلاقوا ان حتى عيوبك بتحليك ..

احنا حلوين بس مع ناسنا وفي مكانا الصح..🤍🫂

"جاهد ألا تلتفت إلى الوراء، فإن المرء على قَدْرِ حَنِينِهِ يُهان."

- شمس التبريزي

على بابك نهارات الصبر ... واقفات
بداية الدنيا هن واقفات ..
وكم ولهان وكم طائر .. بعد نتّف جناحو وراك
لملم حر ندامتو .. وفات ..
قطع شامة هواك من قلبو .. إلاّ هواك نبت تانى
وعلى بابك وقف تانى .. غمايم شاقة حضن الليل
مسافر فيها وحدانى .. وبدون جنحين..
يغنيك الهنا .. المافى .. ويغنيلك رهافة حِسو..
يفنى على جليد آمال .. ويحلم بالشتا الدافى..
وقدر ما يمشى فى .. سور الزمن خطوات.  .
يلاقى خطى السنين واقفات ...
يلاقى هواك نبت تانى  .
وعلى بابك وقف تانى .. وملا الساحات .

‏اللي ساسه طيّب ماتغيره الايام .

في القلوب بالحيل زرعنا
كل زرعة و ليها آفة
ما نسيتي ولا نسيناك
نحن آفتنا المسافة .

‏وحار بالحيل فراق الزول بعد ما يوالف

العيد الجاب الناس لينا ما جابك .

والروح مشحتفة فى البلود الفيها ريحتك للبعود من فزعة الغربة البساسق فوقها لا راجع ولا بالحيل قريب .. والروح مشحتفة فى الحبيب القلب بِكْر الدنيا ما شافت جديدو
ولا الحزن دقالو باب

‏" الحياة يا محيميد ما فيها غير حاجتين إتنين الصّداقة والمحبة ، ما تقول لي لا حسب ولا نسب ولا جاه ولا مال ، إبن آدم إذا كان ترك الدنيا وعنده ثقة إنسان واحد يكون كسبان وأنا المولى عز وجل أكرمني بالحيل ، أنعم علي بدل النعمة نعمتين أداني صداقة محجوب وحب فاطمة بت جبر الدار " ❤ .
- الطيب صالح

مش معنى إننا اتجاوزنا مرحلة ما و عايشين حياتنا عادي دا معناهو إنو خلاص المرحلة دي انتهت و عدت و ما بقى ليها أي أثر جوّانا ، إحنا أي عدينا المرحلة لكن مُجرّد ما بنتزكر أي موقف عِشناه بنموت ألف مرة و بنحس بالجرح دا كإنه لسه حاصل حالًا ؛ في جُملة كُنت كتبتها قبل فترة بتقول : " نحنُ نسعى للخروج من الألم بالتعايش ، و لكن الألم لا يخرُج من داخلنا طالما نتنفس " .