Матназар АБДУЛҲАКИМ
** *

Танҳо фасл эмасди баҳор,
Унга танҳо меҳримни бердим.
Бамисоли кунгайдаги қор
Ғамлар нигоҳингда эриди.

Мен овозим бўғилгунча то,
Ҳуснинг куйлаб куйдим жизғаниб.
Бироқ ҳансираган саратон
Ёнди сени мендан қизғаниб.

Қуёш ерни оловга чайиб,
Тиниб қолди мушфиқ эпкинлар.
Ипак сочинг бадтар сарғайиб,
Рухсорингга тошди сепкиллар.

Қасд қилганлар, ахир, мудом паст,
Ёз ҳам ўтди армонда, ўсал.
Аввалгидек мен ҳамон сармаст,
Аввалгидек сен ҳамон гўзал.

Шодликларим ниқобланган дард,
Сен бу дардни англайсан аранг.
Кўзларингдан ёғилган мадад
Аввалгидек ҳамон осмонранг.

Сен кўргач шу толени раво,
Ғурбатлардан мен нолимайман.
Мен қолмайман ҳеч вақт бенаво,
Мен ҳеч қачон сенсиз қолмайман.

Сенга хазон тегмас. Сен асл.
Сенга дахл қила олмас куз.
Фасл келиб, кетади фасл,
Фақат меҳрим билмас танаффус.

Ишқ фаслида ҳамиша ҳамал.
Бордир ҳаёт. Йўқдир ўнгишиқ.
Мен учун сен мангу мукаммал,
Мангу ўн саккиз яшар қўшиқ!

@M_Abdulhakim

Матназар Абдулҳаким

***
Ҳар юлдуз – бир қимтинган қуёш,
Аяр улар кўзларимизни.
Бизлар, ахир, нима учун, айт,
Пеш қиламиз ўзларимизни.

Сўнсак, нега сочолмаймиз нур,
Ҳолимизга шунчалик войми.
Нега бизлар кўз-кўзламаймиз
Сафдошлардан энг кичкинтойни.

https://www.tg-me.com/M_Abdulhakim

Матназар Абдулҳаким
🌼
Бир қаҳрингдан минг туман лашкар
Бўлиб пойларингда қирилдим.
Илтифотли нигоҳларингдан
Бир-бир, бир-бир, бир-бир тирилдим.

https://www.tg-me.com/M_Abdulhakim

Hayrulla Hamidov bilan blits savollar

https://www.tg-me.com/M_Abdulhakim

Паҳлавон Маҳмуд

* * *
Қай дилга фалак жабр ила бедод айлар,
Бедод эвазига Ҳақ ани шод айлар.
Куз фасли хазон ўйнаса ғужғон қайда,
Ул жойда баҳор майсани бунёд айлар.

Форсийдан Матназар AБДУЛҲAКИМ таржимаси

@M_Abdulhakim

Матназар Абдулҳаким

ШУНДАЙ ОДАМ

Шовқинлардан безган, боқмасдан қўйган,
Дўстлик, душманликка, омадга.
Эришган бир бахти — кимсасизлик ҳам
Келтирар қулоғини қоматга.
На-да доноликни олқишлар,
На-да лаънатлайди у жаҳолатни.
Қўмсар ёлғизликдан, кимсасизликдан,
Узлатдан баттар бир ҳолатни.



https://www.tg-me.com/M_Abdulhakim

Матназар Абдулҳаким

ОРЗУ

Тиниб қолди сен ҳақда қўшиқ,
Сўниб қолди ранглар сен ҳақда.
Ҳуснинг фақат дилда жилвали,
Исминг дилда жарангламоқда.

Йўллар висол ҳакда куйламас,
Шивирламас бахт деб бирон барг.
Сўзлар шеърмас, товушлар қабри,
Мўъжизалар бўлди жувонмарг.

Дийдор энди бахш этмас иқбол,
Айрилиқ ҳам келтирмас зиён.
Бу кулфатга чидаб бўлмайди,
Кўтараман мен унга исён!

Енгаман. Сўнг орзуларимда
Келтирасан сўлмаган гуллар.
Сен келар йўл чанглари висол
Алангаси бўлиб ловуллар.

Айтмаганинг розларни тинглаб,
Хаёлингни қилгум тавофлар.
Сўзсиз мактуб жўнатиб сенга,
Олажакман сўзсиз жавоблар.

Мўъжизалар ҳаётга қайтиб,
Йўлларингга энтикиб қарар...
Қанча амри маҳол бўлмагин,
Сен келасан, бахтим, муқаррар.

🌿https://www.tg-me.com/M_Abdulhakim

Матназар Абдулҳаким шеъри
Даврон Ражаб ўқиди

@M_Abdulhakim

🌸
"...Мен осмонга мактублар ёздим,
Руҳи юксак, сўзлари олий.
Хаёлларим самовий эди,
Мактубларим эса — хаёлий..."

Матназар Абдулҳаким ("Осмонга хат"шеъридан)

Шеърни тўла ўқиш:
👉@M_Abdulhakim

ОСМОНГА ХАТ

Болалигимизда варрак ипларига қоғоз ҳалқачалар тизиб, шамолда уларнинг шиддат билан осмонга қараб сирғалишларини кузатар эдик. Бу — «осмонга хат» деб аталарди…

Мен осмонга мактублар ёздим,
Руҳи юксак, сўзлари олий.
Хаёлларим самовий эди,
Мактубларим эса — хаёлий.

Лекин хаёлдамас, асли ҳам
Сал самовий бўлгим келарди.
Ғужғон ўйнаб, чарақлаб турган,
Тиниқ, мовий бўлгим келарди.

Тингламади осмонни осмон
Ё меҳримдан ризо бўлмади.
Ўртамизда на бир иттифоқ
Ва ё на бир низо бўлмади.

Менга рад жавобин элтишга
Қай бир юлдузларки кўндилар,
Пушаймондан ярим йўлдаёқ
Ёниб, адо бўлиб сўндилар.

Тугамади менинг ёнганим,
Тугамади менинг куйганим.
Осмон мени севмаса ҳамки,
Яшайвердим унга суйканиб.

Яшайвердим муҳаббатимни
Англаса деб бир кун ниҳоят.
Насиб бўлса юксаклик зора
Ва тиниқлик юқса деб шояд.

Шаънимни ҳеч урмади ерга
Хокисор бир ошиқ эканим.
Осмонга бош эгмак —бу бошни
Доим баланд тутмоқ дегани.

Мафтун, мағрур қўшиқларимни
Қайта-қайта бошлайвердим мен.
Таг-туби йўқ, чексиз бағрига
Кўзларимни ташлайвердим мен.

Умид билан сочмокда ёғду
Нурли чопарларим — кўзларим.
Улар энди сўнмас… Элчига
Ўлим йўқ-ку, ахир, дўстларим!

Матназар Абдулҳаким

@M_Abdulhakim

Матназар Абдулҳаким

МЕВА

Қошлар – ажиб япроқ, кокиллар – сунбул,
Қорачиқлар чарос, яноқлар олма.
...Сендан нолимайман, менинг юрагим,
Менинг юрагим, сен мендан нолима.

Сенинг гуноҳингми, менингми айбим,
Бир-биридан ғамгин наво тузамиз.
Мева узар бўлди бу боғдан бошқа,
Биз энди... биз энди... умид узамиз.

https://www.tg-me.com/M_Abdulhakim

"Уялинглар, аёллар билан..."

Матназар Абдулҳаким шеъри
Акмал Абдулазиз ўқиди

"Қақнус" кўрсатувининг Матназар Абдулҳаким ижоди ва ҳаётига бағишланган сонидан

@M_Abdulhakim

Шоир, таржимон Матназар Абдулҳаким Азамат Отажановни 40 ёши билан табрикламоқда. Урганч, 2009-йил

Матназар Абдулҳаким

* * *
Олдирмайди лаҳза туғин тин,
Туғ ҳилпирар – мудҳиш бир парча,
Бахтни қилар дилдан қувғинди
У берган ва у еган зарба.

Узилса бир офат силсила
Дастидан сон саноқсиз дил қон,
Денгиз тубида у зилзила,
Тоғлар чўққисида у вулқон.

На бир жойда тартиб бузади,
Қилар ўздан суво санъатни.
Мувозанат уни бузади,
У бузади мувозанатни.

Талон-торож қилишда тенгсиз,
Увиллайди чарх уриб, гирён.
Увиллайди чайпилиб денгиз,
У не, гоҳ олифта,гоҳ урён?

Ким у? Ўкрар арслондек нега?
Ким у? Увлар мисли дайди ит?..
Умидини йўқотган эга,
Эгасини йўқотган умид!..
2008
@M_Abdulhakim

Устоз Матназар Абдулҳаким нафақат Шеъра, балки Сўзам дим усто бўлган 😄

Давоми шўллада: https://www.instagram.com/reel/DLaU7bNINmu/?igsh=MXYxOXR4bmJrdmozMw==

#бирга_кулишамиз | @Rahmat_Bobojon