دوای سێ ساڵ نامەیەکی بۆم نارد
لەدوای سڵاو و تەندروستی و ژیانکردنم
لەگۆرانیەکی هایدەوە نوسیبووی:
(دڵەخۆشەکەی منت دڵتەنگ کرد
لەدەنگمدا حەزی ئاوازمت شکاند)
نەیزانی کاولبویەکی وەک من
چەندین ساڵە وەک ئاوارە چڵکنەکان دەژیم
بەدیار ملوانکەکەی و کتێبەوە ڕۆژ بەڕێ دەکەم
ئەو گۆرانیەش ئەوەندەی تر کاولم دەکات
لەگەڵ خوێندنەوەی نامەکەی
لەباتی ساڕێژبوونەوەی دڵم
دڵم زیواڵ زیواڵ بوو
ئاخر ئازیز بەدڵێکی شکاو و ژیانێکی وێران بووەوە
چۆن بتوانم دڵی تۆ بدەمەوە
لەسەردەمێکدا بەدەنگێکی بەرز سوغاتیمان دەگووتەوە:
(خۆشەویسترین دیاریە تۆزی کراسەکەی تۆ
ژیانی دووبارەی منە بینین و بۆنکردنی تۆ)
ببینە نەک ژیانمان بەڵکو گۆرانیەکانیشمان گەیشتوون بەکوێ؟
یەک ڕووح بووین لە دووجەستە
کەچی ئێستا هەزار گەڕەک دەگۆڕین بۆئەوەی یەکتر نەبینینەوە
لەهەمان گۆرانی هایدەوە کەناردووتە
کەمێکت بۆت دەنوسمەوە:
(ئیتر بۆ من دونیا تاریکە
ژیان کوێرە ڕێیەکی باریکە
کۆتایی چیرۆکی من نزیکە)
~مەگەر هایدە جار جارە لەیەکتریمان نزیک بکاتەوە~💔🫡