Madijon, Sen hayotimga dovulday kirib kelgansan, suronlaring, yovqurliging, dangalliging, bo'yimizdan ming karra katta orzu-maqsadlaring bilan. Ularga qo'shib jonni chayqatib tashlaydigan she'rlaring bilan tengdoshlarimizni silkitib qo'yganing ham rost. Esingdami, "Dunyo oppoq edi o'shanda"... O'shanda, orzular qilardik – o'ttiz yoshga kirgunimizcha hozirgi o'zbek she'riyatiga nomimizni yozib qo'yamiz. O'ttizgacha yozolmasak, uyog'iga hech kim bo'lmaymiz, derding. Bugun vaqtdan, zamondan ilgarilab ketib aytishni istardim: nomimizni yozish masalasini hal qilib qo'yding balki, allaqachon) She'rlaringdagi jangchi ruh, tiynatingdagi dashtlaringdek keeeeng ruh hech qachon yo'qolmasin, parvozing baland, go'zal bo'lsin iloho!

@FeruzaXayrullayeva

Madina opa, sizni taniganimdan berib haqiqiy sheʼr yoʻlini, yozish kerak ekanini, qolgan hammasi sheʼrdan past narsalar ekanini uqtirib kelasiz. Hammasi uchun rahmat. Umringiz uzoq boʻlsin!

* * *

Худоё, Аёлга куч бер, Худоё,
Қирқ жонига қирқ минг жаллод тикмиш дор.
Қачондир қўллари гул эди унинг
Бугун елкасида қушлар ини бор.

Худоё, аёлга ишқ бер,
Жунун бер
Ўз умри ичинда бўлмасин талош.
Йўл бер, кўзларидан томчи-томчилаб.
Сўнгида Ўзингга этувчи йўлдош.

Жангларга ташласанг
Зафар бер, шон бер
Зулм арқонига танғилмасидан.
Гар болам деб ўлса, қайтадан жон бер,
Иймон бер нафсига енгилмасидан.

Сўнгсиз тоқат берма,
Ўтдай исён бер
Севги бер шу ўтни ўчиргунингча.
Бир Одам кўксидан мутлақ қўрғон бер
Токи ҳузурингга кўчиргунингча.
Худоё,
Аёлга куч бер!

©Madina Norchayeva

@Nilufar_Ergasheva

#shukrona_kun

Madina bilan yelkama-yelka 4 yil birga o'qidik. Biz nafaqat kursdosh balki ruhdosh, tuyg'udosh edik. O'qish yillarida she'riyat, adabiyot mavzularida uzoqdan-uzoq suhbatlar qurdik. Madina har qanday vaziyatda ham she'rga sodiq qoladigan, xayollari ulg'aygan dashtlaridek keng, qat'iyatli qiz. So'nggi yillarda uning oilaparvar ayol va mehribon ona bo'lish bilan bir qatorda ijodga mas'uliyati kamaymaganini ko'ramiz. Madina bizni hayot qiyinchiliklari yana ham ulg'aytiradi. Senda bu ulg'ayishlar hayrli bo'lsin, ijodin barhayot yashasin! Hayot faqat baxt bilan siylasin!

https://www.tg-me.com/mahliyoxon_umurzoqova

Madina Norchayeva tug‘ilgan kun




* * *

Kuz bitdi.
Necha bor aldadim yorni
"Men borsa kelmasdan omon qaytaman",
Taqdir boshimizdan sochguncha qorni
Bari boshlanadi qaytadan.

Mungli sukutgohlar oromin choʻqib,
Chagʻalay tovushli qushlar sayradi.
Qumsoat — koʻzlarim yubordi toʻkib
Yashab yashalmagan kunlar, oylarni.

Qonimda kurashdi itoat — isyon,
Zirqirar ichimga oʻsgan qanotim.
Tobora olislab boradi Osmon,
Tobora torayib borar hayotim.

Kuz bitdi.
Vaʼdasi yoʻq endi uning...
Ahdimni oʻzimga takror aytaman.
Taqdir boshimizdan sochguncha qorlar
"Men borsa kelmasdan ozod qaytaman".


https://www.tg-me.com/Madina_Norchayeva

Jontemirning chindan ham “Qo‘rqinchli odam”ga aylanayotganini sezganmidingiz? Bu uning uchinchi kitobi. “Darvesh qo‘shig‘i”dan keyin “Jazba”, undan so‘ng “Qo‘rqinchli odam”... Butun umrini so‘zga aylanib yashab o‘tayotgan shoirimizdan hali bunday tuhfalarning ko‘pi nasib etsin!

Uzoq vaqtdan buyon o‘ylangan bir loyiha boshlanyapti. Hali u bilan bog‘liq rejalarimiz bisyor. Hozircha esa yaqin kunlarda taqim qiladiganlarimizni muntazam kuzatib borish uchun sahifalarimizga obuna bo‘lib oling. Chunki sizga aytadiganlarimiz ko‘p...

Aytgancha, xabarni, sahifalarni, tizerni ulashib qo'yishingiz ham mumkin.

Instagram
You tube

@FeruzaXayrullayeva

Ortda bir dasht qoldi...

https://www.tg-me.com/Madina_Norchayeva

Bu yil "DUEL"da kim g‘olib bo‘ladi?!

Uzoq davom etgan intiqlik va kuttirishlardan soʻng "DUEL" yana qarshingizda. Eng avval bu sukunat uchun barchangizdan uzr soʻraymiz! Lekin hech qanday ish bejiz va besabab boʻlmagay, illo, bu vaqtda duelchilarimiz yetarlicha kuch toʻplab, qalamlarini oʻtkirlab olishdi. Mana endi barchamiz haqiqiy janglarning guvohi boʻlamiz!

Va nihoyat o‘sha kun yetib keldi – 13-14-iyun kunlari Duelning Respublika bosqichi bo‘lib o‘tadi!

Duelning bu mavsum gʻoliblari kimlar boʻlishini aynan ushbu sanalarda bilib olasiz.

Manzil: Yoshlar ishlari agentligi, Press club.


Batafsil maʼlumotlarni keyingi postlarda yozib boramiz! Bizdan uzoqlashmang!

@duelloyihasi

***

Ўзим йўқ жойларда узоқ яшадим,
Ўзим йўқ жойларда яралдим қайта.
Авжи саратонда бир дашт гулининг
Бошига булутни келгандек ҳайдаб.
Ўзим йўқ жойларда
Кийиклар хушҳол,
Қонга ботмаганди шерлар панжаси.
Жилғада ой нурин тотинган қушлар
Пардек тузғитарди вақтнинг жандасин.
Ўзим йўқ жойларда
Туйғулар беҳол,
Севги ҳам йўқ эди, сир ҳам бўлмаган.
Фақат аён эди:
Бўлса у аёл —
Банди яшамоғи, озод ўлмаги.
Ўзим йўқ жойларда
Мактублар ёздим
Шамолнинг кафтига: "Ичкидим сўзга."
Жилғада ой нурин симирдим қониб,
Энди вақтни кесар қанотим ўсгай.
Кетарман.
Кўзимда шамоллар тинар,
Қай манзилга нақшдек ўяркан лаввоҳ.
Бир кун қайтаради мени ўзимга —
Руҳимни иккига айирган Илоҳ.

https://www.tg-me.com/Madina_Norchayeva

Barchangizni kutamiz!