AIMIM ke Markazi Daftar Darussalam, Hyderabad mein aane waale Muharram ke intizaamaat ke hawale se ek ahem meeting mun'aqid ki gayi, jisme tamaam taiyaariyo'n ka jaiza liya gaya aur zaroori faisle liye gaye.
Is Meeting mein AIMIM General Secretary Syed Ahmed Pasha Quadri, AIMIM MLAs, AIMIM MLCs, GHMC ke South Zone Zonal Commissioner aur dusre zimmedaraan bhi maujood the.

#AIMIM #muharram #muharrammeeting #Darussalam #meeting #hyderabad #Telangana

Ya Allah! tamaam Waqf jaaidaado'n ki hifazat farma :- Barrister Asaduddin Owaisi

#aimim #asaduddinowaisi #WeRejectWaqfAct #waqfact #waqf #owaisi #india

AIMIM Mahabubnagar Incharge Jaber Bin Sayeed Jabri ne bataya ki " Wanaparthy (Telangana) ke Atmakur ilaqe se Congress ke sainkado’n karkunaan ne Darussalam, Hyderabad mein AIMIM MLAs aur MLCs ki maujoodgi mein AIMIM Party mein shumuliyat ikhtiyar ki. Unho’n ne party ko aur mazboot banaane ka yaqeen bhi dilaya.

#aimim #AIMIMMahabubnagar #mahabubnagar #majlis #hyderabad #telangana

AIMIM Bahadurpura MLA Mohd Mubeen ne CMRF scheme ke tahet behtar ilaaj ke liye Chandrayangutta ke rahne waale Mohammed Feroz S/o Mohammed Allauddin ko ₹5,00,000/- ka LOC (Letter of Credit) faraham kiya.

#AIMIM #mohdmubeen #CMRF #cmrfscheme #Darussalam #hyderabad #Telangana

AIMIM Yakutpura MLA Jaffar Hussain Meraj ne media se khitab karte huye bataya ki "Aaj GHMC Commissioner R.V Karnan, Zonal Commissioner, Chief Engineer, Superintending Engineer aur dusre ahem GHMC officials ke saath milkar Madina Nagar, Yakutpura ka tafseeli jaiza liya, jahan 4 din pehle shadid barish ke baad gharo'n mein pani ghus gaya tha. Is mauqe per GHMC Commissioner ne yaqeen dilaya ke aise masail ke hal ke liye zaroori iqdaam uthaye jaayenge.
Jaiza ke dauran Syed Mushtaq Ahmed (PA of Barrister Asaduddin Owaisi), Corporators, sudoor wa moatamadeen aur Majlis ke digar karkunaan bhi maujood the.

#aimim #jaffarhussainmeraj #SyedMushtaqAhmed #yakutpura #GHMCCommissioner #ghmc #commissioner #hyderabad #telangana #MadinaNagar #barish

AIMIM Nampally MLA Mohammed Majid Hussain ne Mallepally ki Masjid-e-Ibrahim par qabza karne ki koshish ke hawale se kaha: "Alhamdulillah! Nampally ke zimmedaar afraad ki bar waqt mudakhlat ki wajah se ek badi aafat tal gayi."
Unhone awaam se ilaqe mein aman-o-aman barqarar rakhne ki appeal ki.

#aimim #majidhussain #MasjideIbrahim #mallepally #nampally #hyderabad #telangana

AIMIM MLC Mirza Rahmat Baig Quadri ne Darussalam, Hyderabad mein CMRF Scheme ke tahet behtar ilaaj ke liye 2 istifaada-kunindagaan (beneficiaries) ko Cheques (Total Amount ₹40,78,500) faraham kiya.
Iss mauqe per Erragadda Corporator Azhar Uddin Sahab bhi maujood the.

#AIMIM #MirzaRahmathBaig #CMRF #cmrfscheme #Darussalam #hyderabad #Telangana

AIMIM Bahadurpura MLA Mohammed Mubeen ke haatho'n Jahanuma Division (Bahadurpura) mein mukhtalif taraqqiyati kaamon ka iftitah amal mein aaya, jinki kul laagat ₹82 lakh hai.

In kaamon mein shamil hai:
* Misrigunj Nawaz Function Hall se Madarsa Lane tak CC Road – ₹10 lakh
* Piyaro Miya Masjid se Misrigunj tak VDCC Road – ₹20 lakh
* Akbar Function Hall se Ali Nagar tak NP2 Pipeline aur CC Road ka kaam – ₹52 lakh

Is mauqe par Jahanuma Corporator Muqtadar Baba, Ramnasthpura Corporator Mohammed Khader aur party ke digar karkun bhi unke hamrah maujood the.

#AIMIM #mohdmubeen #jahanumadivision #Bahadurpura #development #hyderabad #Telangana

AIMIM MLC Mirza Rahmat Baig Quadri ne Darussalam, Hyderabad mein CMRF Scheme ke tahet behtar ilaaj ke liye Madannapet, Saidabad (Hyderabad) ke rehne wale Syed Faheem S/o Syed Mohammed ko ₹2,00,000 ka LOC (Letter of Credit) faraham kiya.

#AIMIM #MirzaRahmathBaig #CMRF #cmrfscheme #Darussalam #hyderabad #Telangana