عيدنا اهل صنعاء حشيرة من صباح الصبح وقومه بحيننه😹💙
عيالنا يمكنوها صياح الصياح وهياا اقطبو واشتي ادخل اتحمم الاول ويماااه جي ابسر حقي الكوت يماااه اين حقي الزنه مكويه والبنات يماه جي مشطي شعري قبضيني نقشيني افعلي لي قمع🥴

والبخور من صباح الصبح قد بيشموه الحاره الثانيه من كثره
ومااحلا المحانبه بين البنات الصغار اامي مشطتني وكوفرتني وتيه تقل حقي القستان احلى من حقشش وحقي المشطه احسن🌚💙
ونخرج عند الناس بدون صبوح ومانرضاش ناكل خيرات علاسب المعده ما قد تتحمل الاكل الخيرات بعد رمضان وتسبب مشاكل☹
مااحلا ذوليك المسلمين اللي محسوبين علينا اقارب من اهلنا اللي واحد يدخل واحد يخرج واللي مايبسرنهم الا يوم عيد😹
مااحلا دخلت قلص عصير وخرجت قلص حليب شاهي من الديوان وافعلي عصير ثاني وتمتلي المغسله قلصات عشان الدفعه الثانيه ورغم التعب ذيه تتقبلي الموضوع بكل رحابة صدر😹
ومااحلا ساعة تبادل الاسرى لما امي تعبي جيوبهم جعاله ويدو لها العسب وهم يحلفوا مايشتوا جعاله. وهو بيفتح جيوبه الاثنين حركات😁
والنسوان يقولين ماشي مع مش ضروري تكفي بديتكم ويدقنها حركات وهي نفسها تملطها من يده ملط وتخبيها في جيبها ماعاد يشمها😹

عاد المخطوبات الي يريعين لخطيبهن باب الطاقه ويتشاقرنه وقبل مايدخل تندع ذيك العطر الضخم في الديوان لما تكمل الكالونيه🥴وتعج الديوان بخور عشان خطيبها ياسعم انه كلب بوليسي😜
ولما يدخل تجهز اطعم عصير عندهم وتمكنهم يدخلوه دلا دلا عليه دلا عليه لا يقتفد ولما قده بالمجلس تسير تلبس صندله تبسر سعمن ارجله وهي مشخره شخره الله لا وراكم كانهي حاضنه له😹💙
وما قد خرح سوا الا تنبع لوسط الديوان تكمل الصحن الجعاله بعده وتبسر ماادا لها وتحمل تصورهن قبل ماتعرف ماهن عشان تفشر💙

واما المزوجاات يلي بيجو اهلهن لعندهن ويفرحين فرح يااساتر ويزنطين عند سلايفها والجيران حقها وتمكنهم عيجعله من اول اعيادكم عيحفظكم ويحافظ عليكم عيقابل قبولكم ويخذل عدوكم وما يرحم الا اللي ماحد ذاكر له اما انا جبرني بكم مابتفلتوني 😹

هذا اليوم تربح في المره ويتكلف الرجال. بس صح ان المره تكسب فيه زلط. والرجال رابح لانه بيكسب دعوة المكالف و الارحام💙
هذا اليوم اللي يراعين له النسوان مراعاه
مااحد يستفيد منه. غير النسوان والحلاقين
هذا اليوم ونبدئه بنشاط وفرحه وشخره ونختمه ب خمده ورقده الله لا وراكم كيف هي😹💙

💙وعيدكم مبارك
وكل عام وانتم بخيرين متعافيين🌚💙
#عيدكم_من_حق_اهل_صنعاء😻💙
@ALFkamah

السلام عليكم. ومن العايدين
جو هكذا. واسمعو مني ذيه المجبر

قللللدكم الله.
يكمل شهر رمضان.ولا احد فيكم عزمني😫
و اليوم. اول العيد ولا واحد فيكم. عزمني
ولا احد قال يافخامه انت ضيفي☹️

للمه هكذا. انا ألييف. مابين اقاحص😬
سعليكم انا.ما بين اكل خيرات مشنا هور😂

#اغنموني_واعزموني.
العرض ساري حتى عاشر العيد🤠
دلا دلا. لا تتزاحموش.كل واحد يشل له يوم🥳
يرجى حجز العزومات على المعرف هذا 👇
@ALFkamah

فقرة العييييد😍😍😍


✿للبنات كمّ حصّلتي عيديه⁉️
للعيال بكم عاودتم أهلكم⁉️


للمشاركه لاهانا @ALFkamah

والنشر هاااانا. @FkamhSnaane2

مدابعيني الأكارم ☺️🌚

عيد مبارك
#فخـامــة_صنـعــانـي يسلم عليكم جميعا فرداً فرداً😘
ويرسل الدحيه من عمران(من عند دوفيق)شخصياً😇😘

🔰🔰 وانتوا من فين دردوا الدحيه👋🧐😍


ورجعنا لك يا دوفيق 🤭💔
اربئ اربئ لا قفاك اربئ البند ديه كيف بدبسرني شكلها بدحبني او مه يادغريد 🤣🤣🤣😝

دهاني دهاني مالش مابدردي ..
ولا شي بس دوفيق بيعاتب مرته تهاني🤣
اين جاء دوفيق يدي لها نوديلا🌚🥺🤣


ومن منبري هذا اقول🙃 :
اهل عمران احلا ناس:)
#وقول_عني_ماتقول
@ALFkamah

عسب العيد هي كلمة صنعانيه . ...

عسب العيد هي عوادة العيد زلط ( فلوس)
جت تيه الكلمه من اصول صنعاء، القديمة
حين كان الجهال بيخجل يبز العوادة الزلط 🫰
فيقول له شل العيادة( على سب العيد)
واختصروها عسب العيد 🥰💕

استفدتوا @ALFkamah

والله العظيم. ان هذا صاحب التاكسي اللي وصلنا من جولة عمران لا عند انسابي
لا تقولوا يااهل عمران ان انا بين اتبلاكم😁
انا فدا للدكس😁😁😁

@ALFkamah

قالوا هذه الايام ما عادبه زلط الا مع النسوان
مزلطات من كثر العسب اللي وقع لهن
من كثر ما قردين الرجال زلط زلط وحيرفين بهم

✪والنسوان في صرف العسب ينقسمين الى عدة اقسام وكل واحده تشوف نفسها بين السطور

1-قسم تهم بيتها ويهمها انها تكتسب اثاث لبيتها
توالف العسب وتسير تشتري دولاب والا تنور غاز
والا دبه غاز والا اواني وطياس وصحون للمطبخ
والا تشتري شوله والا ثلاجه وغساله

2-وقسم معاهن عقل تجاري يستثمرين العسب
بعضهن يشترين ذهب وبعضهن يشترين ادوات تطريز او فضيات وبعضهن يشترين بز واقمشه ويخيطين وبعضهن يشترين مكونات بخور وعطور ويشتغلين يعني عقولهن تجاريه استثماريه

3-وقسم تعتني بنفسها تشتري بحقها العسب مكياجات وجميع انواع الاكسسوارات تشتي تكون تحسن مضهرها وتغير شكلها واستايلها
وبعضهن تتخور جميع انواع الفساتين والكسوات
وتسير تفصل احدث البوالط والعبايات
وبعضهن تغير الجوالات ساع فلانه صاحبتي

4-وقسم ياكلين حقهن لا بطونهن
يقرحين العسب حقهن جو يمكننها طيرفه
وخرجات للحدايق ونزهات ومطاعم ونزهات
وتخازين ومقايل وشيش ويعبين النت باقات
لوما يكمل العسب. وبعدا تمكنها كروت شبكات
المهم مايجي عاشر العيد الا وقد قضت عليه

5-وقسم يورعين للعسب ساعنا حين نورع لنص المعاش فتقوم تدين من فلانه وعلانه واختها وخالتها وعمتها ومرت اخوها وصاحبة العطور وصاحبة البخور تدين لا ضهر العسب
ويجي العسب ما تدرى من تسلي ومن ترضي

6-وبعضهن ساع عمال الكريمي. ما معاهن من العسب الا عدود الزلط ويجي له اخوها والا زوجها وشل عسبها وسار يخزن به مااستفادين منه بشي ورجعين هولاك المحيرفات طول السنه

7-وقسم دينيني وانا ادينش تورع لوما يجي العسب عشان تدين من فلانه وفلانه وفلانه ومن جارتها وعمتها للعيد الثاني وتقضيها
ولوما يجي العيد الثاني ترجع تحنب بالقضاء
وتخترع الف قصه وقصه وتقوول خرجت وسرقوني الزلط من الشنطه. والزلط كانت بالشنطه جنب الجوال حقها ابو 200 الف يعني سارق محترم سرق الفلوس وخلى لها الجوال😂


✪كل واحده تقول لنا. هي من اي قسم
@ALFkamah

اسعد مساء الحااااالي لحيث ماااا حل😉💚

بمناسبة االملل هذا شاانزل لكم فقره♥️♥️

-ماهو اكثر شي تسمعه بهذا العيد

1:تدري لي من امس ماقدرت ارقد. 😆
2:تصدق انني مابين احس انه عيد. 😢
3: الغداء عندنا غطوه انتوا كلكم😁

✿ااانتو من اي فئه او قده الكل🙊😂⁉️


للمشاركه لا هانا @ALFkamah

والنشر هانا بهذه القناه @FkamhSnaane2

سيكولوجية المرأة .
١- المرأة تبقى كطفلة مهما كبرت يسعدها الاهتمام والسؤال ويبكيها التجاهل والصمت والاهمال .
٢ الأنثى غالبا لا تريد رجلا ثريا أو وسيما او شاعرا إنما تريد رجلا يفهم عينيها إذا حزنت فيشير بيديه إلى صدره ويقول لها هنا موطنك فلا تحزني.
٣- المرأة احيانا كالطفلة المزعجة إذا توقفت عن ازعاجك فتأكد أنك السبب.
٤- اجمل ما في المرأة أنها تستطيع أن تسعدك متى أرادت وهذا يعنى أنها تستطيع فعل العكس تماما متى أرادت .
٥- غالبا عند المرأة قوة الرجل لا تقاس بحجم عضلاته ولكن بحجم تلك الضحكة التي يستطيع أن يرسمها على وجه حبيبته عندما تكون في احتياج لها .

@ALFkamah

👇🏾 أهم 5 صفات يكرهها الرجل في المرأة نهائيًا :

👈🏾- الصوت العالي : سواء معه أو مع الأولاد في وجوده لأن أي رجل يكره أن تكون زوجته صوتها عاااالي في البيت خصوصًا في وجوده.

👈🏾- السيطرة : الجينات والطبيعة عند أي رجل لابد أن يكون هو المسيطر على البيت لأنه باختصااااار شديد هو الرجل وليس أنت حضرتك.
وهذا لا يتعارض مع أنك تنصحينه لو رأيت خطأ وإنه يقبل منك هذه النصيحة.
لكن من غير ما يصل الأمر لتكون محاولات للسيطرة منك على زمام البيت لأنه حينها لو كان رجلا فعلاً ستحصل مشاكل وستكونين أنت الخاسرة.

👈🏾- العناد : طبعًا أسوء صفة انتشرت في نساء كثيرات في زماننا.
الرجل يعشق الزوجة المطيعة التي تقول (حاضر و نعم) فهي التي تمتلك قلب زوجها فعلاً.
لكن العنيدة غالبًا ما تخسر زوجها مع الوقت ومرور الزمن ، وكم من طلاق بسبب العناد.

👈🏾- النكد : لأن كل الرجال متزوجون لأجل الإستقرار والسكينة وليس للعيش في النكد والهم والغم .

👈🏾- الإسترجال : وهي الصفة الكفيلة بخراب البيوت لأنه لا أحد من الرجال يحب أن يعيش مع منافس له في البيت يتصارع معه طول الوقت .


@ALFkamah

وفي نهاية العيد تحياتي للنسوان لمصانع السعاده المنزليه ونبع الحياه الاسريه اللي وجودهن لنا هو العيد نفسه😍🥀
للي يكعكين ويقشعين وينفظين وينظفين ويغسلين ويسبرين ويشقين شقى الوحوش لهن القوى والضياء وعانهن وعاونهن
اللي يتعبين في الأعياد بدون مقابل
ومش هن مريعات لحقكم العسب 🎀
ولو جينا للصدق هن طول السنه في شقى ف اكيد مشهن مريعات للألف او الألفين قرش هن بيفعلين لأجل يبيضين وجيه اهلهن ويزرعين في قلوبهم الفرحه والمحبه وبيهون عليهن تعبهن مقابل العافيه واللمه الحالية والسعيدة 🥰💞
#جبرنا_بعافيتهن
وكل عيد وهن لنا سعادة وحب ❤️

@ALFkamah

واحده تقول :

دايما اشوف بالافلام كيف البطله تتخبى على البطل قفا الباب واول مايجي يدخل تخرج فجأة وياسعم : بخ 😃👐 قصدها تنكزه وتفعل له مقلب ويجي هو يمسكها ويحجفها ويلف فيها وهم بيتكركروا والتصوير البطيء هذاك والهواء يلعب بشعرها والحب بيتطعفر طعفره وبعدا يرجمها للسرير ومن كثر ماهو ناعم ورطب ريش تغطس هي داخله وتختفي بين المخدات وهي الضحكه ملان وشها ..

انا يعني ماناقصني؟
هوذا معي هذا زوج وانا شفعل سعهم هذولا الكفار ياسعم ما زايدين علينا؟!
هيا سرت اول شي خرجت شميز من حقه من الدولاب ولبسته سع الفلام عشان ياسعم وهو واسع وهكذا يقع شكلي حالي وكيوت ..
وسرت رفعت شعري كعكه من حق الموضه هذولا وجلست ساعه الفلفها وقد دهنت نص العلبه كريم ياسعم عشان توقع تتلامع ومسبوكه 😀
المهم .. زوجي كان ممدد نايم وسط الصاله فوق الكنبه رحت قلك وانا الدلوعه الحاليه مهريه من بعيد وهوووب لفوق الكنبه ..
هو قصدي انه اخليه ينكز وهكذا بس مدري كيف احتولت القفزه وجيت فوق راسه 😰
مادريت بنفسي الا وقد اقتلبت بعدها للارض .. ستر الله ما اكتسرت لا نخرته ولا رقبته ..
طبعا هو قام سع المجنون انا لفيت نفسي من الارض مثل الريح وهربت للغرفه وهو لحق بعدي .. انا فارحه ان احنا ذلحين بنفعل سع الافلام وانه بيلاحقني وعنكمل المشهد سوا ..
وانا بين اجري سع العاهه دقيت اصبع رجلي الصغير بطرف الباب وماعاد توازنت ونكعت وجلست اتوجع وجاء هو وتكحول فيني ودق راسه بطرف الباب .. !
قمت وانا اضحك وعادنا مفرحه بنفسي وكملت جري سع الامراض النفسيين وقدنا داخل الغرفه خلاص ماعدبش فرصه اهرب ..
جاء سبع السباع زوجي سع الثور الهايج وعيونه تسرج محمرات والدخان من آذانه وشلني ورجمني فوق السرير لوما دق راسي بالخشبه واننا اولول واصيح وقد ظهري اكتسر من الفراش اللي هو والارض سوا حسيت ان قد جسمي تناكع
وشويه وان قد بيهرين فوقي ملاطيم ودكمات بالتصوير السريع وقتها استوعبت ان هذا قدوه ملباجي ماعدوش مشهد فيلم رومنسي سعما تخايل لي 😃
بعدا الله يحفظه ويحاجي عليه انتبه ان انا لابسه الشميز حقه وزاد جنن لانه عادهو جابه من المغسله مكوى كان عيخرج فيه .. ويله مسكني من الكعكه الحاليه اللطيفه حقي وهات يا مشاط فيني بقاعة الغرفه لوما خرجت الكعكه بيده ورجع راسي سع فوهة البركان 😀
وبعدها هدأ وخرج ولا عاد كلمني لوما رجعت رقبته تتحسن بعدما ماعاد كان يقدر يحركها شهر 😀😀

المهم ياحاليات لا تصدقين الافلام تماااام؟
امرهم الى الله هذولا الكفار .. الحمدلله والشكر على العافيه ياخواتي .. قلص قشر ومجبار احسن من اضخم فيلم 😀😀
#الرومنسيه_تعب
#غريمتها_الكعكه

#منقوووووووووول
@ALFkamah

القبول من الله .. والموهبة تكتشف نفسها ..
اعلى الصورة هاجر نعمان بأغنية وحدة اعتلت الترند وصار الكل يسمع اغنيتها ومسحت تاريخ كل الفنانين .
بالاسفل شباب يحاولوا يوقعوا فنانين وهم لا موهبة ولا صوت ولا حول ولا قوة الا بالله .. بس معاهم شلل انستقراميه يلمعوهم ويشتوا يطلعوهم فنانين بالصميل ..

#باختصار انا كمستمع مالي دخل من أي تفاصيل
اللي اعرفه هذي اغنية عجبتني وسمعتها 100 مرة وما مليت
وذوليك ما تحملت اسمع اغانيهم حتى 5 ثواني

@ALFkamah

اتخيلوا موضوع الخطبة يكون بيد البنات🌚🤙
يعني هن اللي يروحين يطلبين الولد من أهله و هو الي يترجاهن يتقدمين له !
حرام لايذلنا ذل ماحد قد ذلنا من قبل😢

تخيلوا تخيلوا😌👋
الولد بالليل و هو نايم وتحت البطانيه وعيونه للسقف ودموعه تسيل ع المخدة😢
ويدخل يده تحت المخدة يتحسس يمين شمال عشان يلاقي تلفونه ، بعدين يأخذه ويدور رقمها ويمسح أنفه بالطراحة ويأخذ نفس عميق ويتصل، وبعد رنة طويلة بالآخير لما ينقطع نفسه ويوقف قلبه هي تتنازل وترد عليه ويطلع صوته وهو يبكي طبعاً مش زي البكاء حقهن؟ويكون الصوت زي المكنسة الكهربائية 🌚👋
المهم بعدين لما يتمالك نفسه ويسيطر ع دموعه يقول لها : ( حبيبتي ، متى ؟ متى شاتجي تخطبيني ، كم لي مراعي لش انا؟ )
والبنت هنا تخذ نفس ، وتقلب عيونها وتشقلبهن🙄، و تثبت التلفون بين كتفها و اذنها 😌🤙
و تقفل المناكير و تحطها ع جنب ، بعدين تمسك التلفون بطرف اصابعها و ترجعه لأذنها الثانية وهي فاردة اصابعها عشان ينشف المناكير 🌝👋
و بعيد نفس الاسطوانة ( حبيبي ؟ أنا كم مرة أعيد نفس الكلام ، كم مرة قلتل ك عادنا مش جاهزة ؟ يعني ماعتقدر تنتظر سنتين ثلاث زيادة ؟
أنا عادنا ما نحفت !
أنا انثى و ماقبلش ع حالي افتح بيت و انا لسى ركبتي سودا يحتاج لي سنتين عشان ابيضهن
لا و كمان أنا محنية شعري قبل سنتين ، و الحناء اسود عشان يروح يشتي له سنة ثالثة ! و انت تعرف انه مستحيل أصبغ اشقر الا لما الحناء يروح ؟
كم مرة قلتلك وشرحتلك هذا الكلام؟🌚
بس ماتفهم كلام تحسب الزواجة سهلة!
تحسب إنه عادي اتزوج بدون صبغة شقرا 🌚
لا حبيبي ! تشتي الناس تحش عليا 🌚
ويقولوا راحت تخطب وتتزوج وهي عادها مش مجهزة حالها ؟
وعادنا يا حبيبي ماعرفش اعصد ، وماقدر افعل مطيطو ماقد. تعلمت كيف اخبز وانا بين ارحمك كم جهدك يوميه كدم من الفرن!
عادنا ماعرف اقلي البيض ولا اعرف اقطع الخيار دوائر ولا اعرف اصبن🌚
شوف حبيبي من الآخر✋ اذا مش قادر تنتظرني الله يرزقك بنت الحلال الي تستر عليك أنا مشتيش أقطع نصيبك و اضيع عمرك🤡✋
يوميه واحنا في هذا الهدار نشفت حلقي ماعاد بقدر انفخ ع المناكير سلام 🌚👋)

طبعاً يختفي الولد يومين بعدين يخلي ابن عمه يرسل لها :( أحب أقلك إنه حبيبك بالمستشفى أغمى عليه خمس مرات من الوجع ،وهذه قلوب عيال الناس مش لعبة خافي ربك 😏👋) .

@ALFkamah

شرف كبير لنا ان نتعرف على أصدقاء الفجر
أين الفجريون المستغفرين بالأسحار
اللهم أجعلنا وإياكم من أهل الفجر وخاصته

@ALFkamah

زمان لما كان الأمتحان الوزاري وزاري
من بداية السنة تجلس تهم الامتحان
وتأخذ نموذج الامتحانات حق السنة الاوله
وقبل الامتحانات بأسبوع تكون داخل البيت ساع الحريوه ممنوع الازعاج انت اجلس في غرفتك ذاكر ولما تحتاج شيء صيح صوت والكل يجي يجي لعندك أمر يامولاي
تعليمات فوق باب غرفتك يمنع الازعاج يمنع فتح الباب لغيرالعاملين😂
وكلما قرب موعد الامتحان زاد الاهتمام من الأسرة .
الاب يدي شويه قات عشان تخدر وتحفظ
والام تسير تدور لك حليب وبيض ولبن
والاخت تفعل احلا كتلي شاهي عشان تمخمخ
وقبل الامتحان في الليل تدخل عليك الوالدة تقولك لاتتعب نفسك وترهق نفسك نام بدري تصحئ بدري مركز على الامتحان وتعملك دعوتين وتعطر الغرفة بذكر الله وتروح تصلي ركعتين وتدعي لك ان ربي ينجحك بالامتحانات .

هذا زمان لما كنا ندور النجاح فقط ندور نجتاز الفشل من قوة الأمتحانات
يعني لو جبت ٧٠% قدهم يصيحوا لك يادكتور 😂

يوم الأمتحان :
تفتح عيونك والبيت كله استعداد من الفجر الوالدة قد عملت لك الخبز مع السمن والعسل والشاي وقليل قهوة
واخوك الصغير ماسك المنشفه والمشط والمرطبات والأخت تكوي الثياب وتجهز القلم ورقم الجلوس باب الباب عشان ماتنساهن والوالد يقولك اقراء الأسئلة تمام عشان تعرف تجاوب وحسن خطك وانتبة تمسح كثير عشان تجييب علامات تمام . وحط الفلوس بجيبك اشرب حاجة عشان ماتدوخ وقت الامتحان 😂 حياك يانبع الحنان
وكلهم يودعوك كأنك مغادر مطار صنعاء الدولي

ولما تروح من الامتحان الغداء جاهز ويعطوك اللحمه الكبيره والا الرجل حق الدجاجه على اساس انت مرهق وتعبت اليوم .

ومن كثر الأهتمام تحس نفسك عريس😂

الله على ايام زمان لما تنتظر نتيجة الامتحانات بشغف كأنه جاءكم مولود
ويحتفلوا فيك داخل البيت يوم النجاح .
والام تبكي والوالد يطرح لك ٢٠٠٠ داخل الجييب ويزفوك لغرفتك واخوك الصغير تقول له روح جيب قلص ماء يرجع طرادة 😂 ماشاء الله يحترموووووني.

نجي هذه الايام للوزاري😂😂😂
الأب عاده يسأل ابنة ليلة الامتحان ذلحين انت صف كم وشي عندك وزاري ولا مافيش .
يجاوب الابن : ايوة من بكرة تبدا الامتحانات الوزاري

الأب مدري كيف ذاكرت مش انت حق قرايه
الابن : ايش من مذاكرة قد الاجابات حق الامتحان معي من المغرب .

الأب : انت علمي والا أدبي
الأبن : علمي علمك حممي 😂

الأب : هي قم من تجاهي قبل ما اقوم احم حم راسك الان.

يوم النتيجة تطلع الدرجات ٩٩.٩ / ٩٩.٨ /٩٩.٧
ويروح يسجل عسكري 😂 😂
@ALFkamah

‏ربي أكتب لكل بنت 👩🏻
تنظم في هذه القناة
@FkamhSnaane2

*دبلة [💍
*وفستان أبيض وطرحة👰🏻
*وحريو يفتح النفس مثلي طبعاً💁🏻‍♂🤵🏻‍♂
*وطفل يتربى بعزهم يسموه على أسمي👼🏻

ويكتب لكل شاب ينظم للقناه. 👨🏻
سياره بترول نظيف 🚙🚗 🛢⛽️
واربع نسوان 👰‍♂👰‍♂👰🏻👰‍♀
ورصيد مفتوح بالبنك 💴💵💸💶💷


★بتنظمو للقناة ولا ألغي الدعاء🌚💔

الموهيم.. معانا فقرة جميلة كجمالكم
عتنزلها الساعه الـ 5٫00مساء بتوقيتي😂
بهذه القناة @FkamhSnaane2
انظمو لهذه القناه. رضي عليكم وزوجكم. 👆👆

ومع #فخـامـة_صنـعـاني. الكل مرتاح😘😂

مساء الخيرات💙🩵 😁🌹


✿فقرة الليله من زغن الحدث😄😄

مارايكم في جاركم اللي ملاصق بيتكم او بينكم بيتين المهم حين يزوج عياله او بناته وما يعزمكم او يتعذركم حتى بدعوه وتمشوا من عندهم وتسلموا عليهم ولا حتى يعبروكم بعزومه
ويسوي غدا وعزومه كبيره ويذبح ويجوا يتغدوا الناس من كل مكان ويعزم الناس البعاد ماعدا جيرانه القريبين واهل حارته 😂🙈

💢 وهل قد حصل معاكم نفس هذا الموقف. من قبل. وكيف كانت ردة فعلكم⁉️

للمشاركه لا هانا @ALFkamah

والنشر هانا بهذه القناه @FkamhSnaane2

صْربة قوية عليكم غضب الله
نكعوا النوم حماك الله يا صنعاء
من سمعها منكم ⁉️

اين الضربه هل انتم بخير.
عادكم على قيد الحياه⁉️

@ALFkamah

يسعد مساؤكم 💚❤️


✿ثلاث حاجات تفرق الأخوة
اذكروا لي واحدة منهن⁉️


للمشاركه لهانا @ALFkamah

والنشر هانا @FkamhSnaane2