للحين وطيوفه تمرّ، وتبارى
كنها تذكّرني ..وأنا ما تناسيت

ليت الدموع الي تبين، وتوارى
تغسل بقايا الذاكرة لا تواريت

وليت الظنون أن ما نفعها المدارى
تنفع غريبٍ في نحا ضيقته: "ليت"
- عبدالله البديري

" يا وجه الصباح اللي شروقه بداية خير
‏ تحلّاه عينٍ مالها صدّةٍ عنّه

‏حبيبٍ حضوره غير عادي وحبّه غير
‏احاتيه وابرّه واداريه واحنّه "

المحبة ثلث قيمتها .. حشيمة"

‏— وفي سياق آخر:
‏"ولو لا قدَّر الله صارت سنين المودّة ثار / أنا اللي بيني وبينك بيبقى بيني وبينك"

‏"أنا النسّاي يا أقسى جروح البال أنا النسّاي
‏ولكن الحنين أكبر .. من النسيان والصدّة"

‏"يغويني الليل لاخيّم عليه السكون
‏ويصير للحزن صوت وللفكر دندنه

‏البارحه وين ودّتني عليك الظنون
‏وأنا احسبني تجاوزت الهوى من سنه

‏يغلبني الشوق وتفضفض عليه العيون
‏وأنا بشر و الاوادم ماهي محصّنه

‏الذاكره عيّت تخونك أنا كيف اخون!
‏فـ العمر حاجات واجد ماهي ممكنه"

تبّت يدين .. اللي حرمني من يديك
‏خذاك مني والحياة . . اخذ ، وعطا

‏من القصيد العذب كم حرفٍ يبيك ؟
‏ومن الزهر ومن المطر عقب البطا ؟

‏كل الكلام الزين .. عندي ، يحتريك
‏واخاف من جرح الكلام .. اليا سطا

‏أنا حريص .. اكثر من اللازم ، عليك
‏وحرصي عليك اكثر من اللازم خطا
- محمد شباب

‏ودّي اضحك من بعد طول المعاتب و التمادي
‏"ضحكة اللي يضحك مْن أدناة حاجه من حفيده"

– صالح النشيرا

‏" اللي يبينا عيّت النفس تبغيه
‏واللي نبيه عيّا البخت لا يجيبه "
‏- نورة الحوشان

تعال والله مالك الا العفو والي راح راح
‏انا ادري انك منت ناسيني وانا ماني خلي
‏
‏انا دوافع غيبتي اكبر من حدود السماح
‏لكن تعال وكل شي صار ف غيابك علي :)

‏" العمر فايت بس أختر من تفوَّت معاه العمر
‏بثبات لو أهتزت الارض ـــ ما أهتز ".

‏و غير ذلك ما عليه حسوفه.

‏«من ليلة البارح وحابسني الضيق
‏عسى صباح اليوم يطلق سراحي»
‏سدّاح العتيبي

عاذرْك لو مالك من البارح اعذار
‏الليل فرصة وانت في ليل حالك

‏خلّيت لك في محجر العين تذكار
‏امّا تجي ترعاه ولّا سعالك

‏حبيبي الآسف .. انا الآسف البار
‏لا زاد حبّيلك .. يزيد انشغالك

‏لا تعتذر وانت المسايير والدار
‏والموت ما بيني وبين اتّصالك

‏أحمد البحّا

‏مدغم ابو شيبه يقول«ودي إني في المجره وأسولف للنجوم، لا أتكلم مع هل الأرض —— ولا أسمع كلام»

‏و أنا والله ودي بعد

‏« فيك الهلا . . يا دعوةٍ مابين زمزم والحطيم
‏ماحرّك الساكن سوا طرياك يا أغلى من طرى »

‏صباح الخير

‏في يوم الثلاثاء أبتليت بثلاث :
‏" قلب مشتاق وخاطر عايف وعقل يخاصم "

‏تخاف عليه من الهواء لا يجرحه
‏وهو ناثر أشواكه وسط صدرك.

‏كنت أقول إن المشاعر عنك توبتها نصوحه
‏و أثرها عمرٍ مايعطى فيه عهد و لا ضمانه

‏الغلا في كل يوم يطيح صرحٍ من صروحه
‏إدرك اللي باقي من الحب قبل يفوت أوانه

‏" لا تحملك الخطايا هم عذر و لا سموحه
‏أرجع انت و كل شيٍ فات يرجع في مكانه "

‏- عبدالله السراهيد

شعوري يوم احس ان النصيب اقوى من الاهداف
‏شعور اللي تصيبه في ضلوعه — طلقة المحتل

‏انا مهما نقلت من الحمول اللي ماهي بـ خفاف
‏اشوفك " حلم " لا يعلى عليه و لغز ما له حل

‏مع ان الناس من حولك كثير ولا عليك خلاف
‏يراودني شعور انك حبيبي يا حبيب الكل

انا لا تباطيتك .. علي الولّه ينشاف
‏يبّين على العاشق وينشاف فـ عيونه

‏احبّك جعل حبٍ يجي من بعدك يْعاف
‏وانا حالفٍ حُبك مع الوقت ما اخونه

‏ليا شفت وجهك والله ان ماعلّي خْلاف
‏فلا تنشد عن اللي شاف غايتْه ويش لونه