‏" فيك مسرى غرام ، وفيك لذّة عتاب
‏ وفيك شهد الوصال ، وفيك غربة عنا

‏تدري إني أحبك يا لذيذ السراب ؟
‏دام محدٍ قدر لك من البشر إلا أنا "

بعد غيبتك مصدوم من لحظة الادراك
‏ياسرع الليال اللي خذت عمري المنسي

‏عرفت الضياع وقيمة الفقد من فرقاك
‏انا ما فقدتك خلّ ! انا فاقدٍ نفسي …

‏"عادك أغلى من مشى على رمل الضلوع
‏لو دياري عن ديارك .. مسافة ونَهوة "

‏العزلة ، " وتسطيح كلّ العلاقات "
‏اخر حلول النفس .. وإن كان طابت
‏ٰ
‏ما عاد يغرينا : الهوى ، والصداقات
‏كلّ الأماني : فـ المحبّين .. " خابت "

‏" أعوذ بالله من موت الغلا فـ القلوبّ
‏هذي هي الموته .. اللي ما حسبنا لها "

‏نتعوذ من موت المحبة واللهفة، وإحساسها الجارح اللي يخليك تشوف اللي كان كل شيء ( ولا شيء )

‏أوقات بوُجود شخص تستسِهل كل شي
‏تحس إن كل الكايدات هينه وكل
‏المصاعب سهَالات

‏مثِل إللي يقول :
‏ أهم شي إنك على الأرض موجود
‏وباقي الأمُور إللي وراها .. هواين

‏"ما مرّتني الذكرى القديمة مرور كرام
‏أحس بوجعها ينتشر داخل أعماقي"

‏معك أتجردّ من مبادي تربت فيّ
‏وأنا الثابته اللي ماتغيّر مباديها

‏أداريك عن ضيقك وأحنك من أدنّى شي
‏وانا ماأتلّفت لـ الخواطر وأداريها

‏ولا أعاتب غير الساعة اللي تجيبك لي
‏تجيبك ولا هي الراكده في ثوانيها

‏احبك لو أن جمايلك علي شوي
‏قدرت اتناسى ليلةٍ مانت ناسيـها

«اللي يبيك يجيك لو دونك قيود
يكسر على شانك خشوم الصعايب

واللي يبي فرقاك لو دربك ورود
ما جاك لو إنك من أدنى القرايب»

‏" يفز لك قلبي
‏كل ما يراودني الطاري
‏و أنت ؟ لو تدري...ما يفارق البال طاريك

‏يا صدفةٍ شفت فيها أجمل أقداري
‏ليتك تسمع إحساسي اللي يناديك

‏يا ضحكةٍ كل ما أشوفها
‏تنطفي ناري و تسعد إحساسٍ
‏بالوفاء شاريك

‏معك يبتدي ليلي و معك يشرق نهاري
‏و أشوف أحلامي في سماك و لياليك

‏وتهب في صدري هبوب لو مر طيفٍ يشبهك
‏وأصدق الأمل الكذوب ولا أنت محدٍ يشبهك

‏« عداك الملام وشرهة الوِلف يانزّاح
‏عن دياري اللي منت بـ اول خسايرها »
‏- عبدالله بن مشهور

‏"غضّ عن بعض التفاصيل وتغافل
‏أن بغيت تْعيش طيّب؟ لا تدقّق"
‏- صالح بن حمد

‏"مو شرط تصبح كل الأوقات لّماح
‏ترى التغابي .. من فنون الذهانه "
‏- ياسر التويجري

‏"على شان الدروب اللي مشيناها أنا ويّاك
‏عيون الناس لا تلمح عيوني راجع لحالي."

‏"حبيبي مرّني وجهك مثل حقٍ بدون جْدال
‏مثل صمتٍ على تايه.. مثل تايه يبي له شور."

‏"جعل ربّي ما يجرّدني من شعور القناعة
‏يا كثر ما فاتني فرصة عمر.. وأقول خيرة."

‏"ولا لي بالبشر غاية، ولا لي بالثـرى أوتاد
‏خفوقي حر و اتبع ما يعز النفس وارضيها

‏تركت أحلام واجد .. لأنها في ناظري أقیاد
‏وأنا ما ارضى القيود اللي تشل الروح بيديها"

متى تسحب ستار الدجى يا شعاع النور
‏و تعتق مساجين الغرام ومجاريحه ؟

‏من البارحه وانا على الشاطي المهجور
‏قضى كل وقتي بين سجه و تسريحه

‏يا صبري على طول السهر و أنتظار النور
‏و بقايا كلامٍ مقدر أبديه و ابيحه

بالأمس، كنت لأجل عينك أكرم مدينة..واليوم ماني بطايق لا عينك ولا المدينة

‏ارسل سلامك ليا هب النسيم العليل
‏النود ماهيب تبطي في مراسيلها

‏وعذّبني فـ كل شي ، الا عذاب الرحيل
‏عيني ماهي من مزن يوم انك تخيلها