‏ليتنا في بعض الأحيان خالين الشعور
‏لجل ما نسترجع الذكريات الماضيـة

‏يا قديمات الطواري مبيحة الصدور
‏جنبي نفس على الوقت ماهي راضية

‏صابر والوقت جاير وضربه فـ النحور
‏يضرب الغافل ليـا سج ضربة قاضية

‏أحب أهل المواساة الرقيقة إلي تشبه :
‏" لاتذرفين دموع عينك وانا حيّ
‏لا مت هاتي ما بقى من دموعك

‏كفّي دموعك وأضحكي يابعد حيّ
‏الحزن ماهو طابعن من طبوعك ".

‏"من ضغوطات الحياة أحتاج دعوة مستجابة
‏لين أحقّق حلم أشوف القدر بيني وبينه

‏كأني اللي متقن علم القراءة والكتابة
‏بس ما يقدر يعبّر غير من نظرات عينه

‏كل يوم يحاول يوصّل شعوره للسحابة
‏عَلّها تغسل همومه مثل ما تغسل جبينه"

‏كلهم ظن وهقاوي ويمكن وإحتمال
‏وأنت عذرٍ ينزع الشك من وجه اليقيّن .

‏ماتوقع فيه اوجع من : " لو انك دمع في عيني يجوز ارتاح يوم ابكيك / لكنك جرح في قلبي بكت من سبته عيني ".

‏يالله بـ صبـحٍ تفرحـنا تباشيره
‏يشرح صدور العباد ويبهج الخاطر

‏من /
‏"أشوفك في صباحات الأماني وأبتسام الحال
‏وأحنّك في غروبٍ ياخذ الشمس من أياديها"

‏إلى /
‏"عز الله اني بريٍ منك يا خلّي
‏لك عدة أيام ما تطري على بالي"

‏" سود الليالي هينّة لا تحاتين
‏إذا على سود الليالي عوافي

‏يخوّفك درب الشقى لا تخافين
‏لا صرت أنا ماني بـ موجود خافي

‏على هواك و سوي اللي تسوين
‏ أنا بوجه الضيم وأنتِ خلافي "

والله إنك سراب وعارفٍ إنك سراب
لكن من يرد القلب عن ممشى يحبه ؟

خلّ لك فوق الشّواهيق والعليا مكان
‏اِردع النفس العنيدة وخالف ودّها

‏لا تحدّك سود الأيّام وظروف الزّمان
‏كل ما شفت اللّيالي تحدّك حدّها

صباح الـ
“‏لو توالت عليك من الزمان الهزايم
‏لا يموت الطموح .. ولا تكلّ العزيمة”

‏عوّدت نفسي ماتحسّف على شي
‏لأن العمر ما يحتمل للحسايف

‏بعيش لحظات الفرح دامني حي
‏وبزرع الضحكه بجرد الشفايف

‏ولا ألحِق الشرهات شيٍ ماهو لي
‏ولا عدت اجزع من فراق الولايف

‏إن غاب غالي فالحزن باخذ شوّي
‏أيام .. وتروّح علومه طرايف

‏موصيٍ قلبي لا شفت الخطا عيّ
‏امّا تعدلها .. أو تصد عايف

‏"يارب ما دامها أحلامي على بابك وقوف
ما ضاق صدري لو انها طوّل وقوفها"

‏آخر ماتوصلت له :
‏" قانعٍ في مقبل أيامي وراضي
‏ لو عطتني وجهها ولّا قفاها ".

يقول تركي الميزاني :
‏تكاثر علي الله يجازيه كيف الحال
‏وأنا يوم اسوق العمر له ماتكاثرته

‏ويقول خالد عبدالرحمن :
‏خليتني أخشاك ماكننا أحباب
‏متعوس قلبٍ ماتوفق مع أحبابه .

‏"عشان تشوف قيمة غيبتي وتقدرّ حضوري
‏تركتك والليال السود تكفي يا أبيض الغرّه

‏بدا دور الليالي .. وإلا أنا معك أنتهى دوري
‏ومعك معاد تنفع شرهتي وحكاي بالمرّه

‏فمان اللي زرع حبك بقلبي وأصدق شعوري
‏وأنا شخصٍ ليّا ترجم شعوره ينكشف سرّه".

‏يقولون والأمثال تضرب ولا تنقاس
‏طبيعة الاوادم كلمة الحق توجعها

‏على الله ياقلبي تزهد بنصفك الحساس
‏ماتصفى لك الايام مالم تصارعها

‏من يشوم عن طرد الرجا ماله إلا الياس
‏وانا روحي .. ألزم ماعليها ، طبايعها

‏عسى الضيقة اللي كن ماني مع الجلاس
‏فدا الضحكة اللي ماعرفت أتصنعها

جت بالعتاب العتاب اللي يجيب الدموع
و قفَّت .. و حرّ الدموع تهل من عينها

— فهد الوقيص

‏عادة الأنسان يصير هشّ، أو رقيق إتجاه ما يحب وأحياناً تصل لأن تكون نقطة ضعفه،
‏و المعروف أن راعي الهوى دايماً قلبه " هشاشي "

‏و قيلَ في زاويه أُخرى ؛

‏أضـيق وألقى ضحكتي في محيّـاك
‏وأتعب وأحصل راحتي بين أياديك
‏الله يخليك ويديمك ويرعاك
‏والله يلوم اللي يلومني فيك

‏❤️