Bugun Andijon shahar hamda Shahrixon tumani olimpiya va milliy sport turlari bo‘yicha davlat ixtisoslashtirilgan maktab-internatlarida Sport vazirligi boʻlim boshligʻi Farxod Turdiyev hamda maktab-internat rahbariyati ishtirokida o‘quvchilarning ota-onalari bilan uchrashuv bo‘lib o‘tdi.

Tadbirda O‘zbekiston Respublikasi Prezidentining 2024-yil 18-dekabrdagi “Yoshlarning sport bilan muntazam shug‘ullanishi uchun qo‘shimcha shart-sharoitlar yaratish to‘g‘risida”gi PQ–443-son qarori asosida amalga oshirilayotgan islohotlar yuzasidan batafsil ma’lumot berildi.

Uchrashuv davomida ota-onalarning barcha savollariga mutasaddilar tomonidan atroflicha javoblar berildi.

Mas’ullar tadbir ishtirokchilarini maktab-internatida yaratilayotgan imkoniyatlar, sharoitlar va kelgusi rejalar bilan yaqindan tanishtirishdi. Bu esa sport sohasida salohiyatli yoshlarni tarbiyalashda ota-onalarning faol ishtirokini ta’minlashga xizmat qiladi.

Web-Sayt | Telegram | Facebook | Instagram | Youtube