قصائد شهادة مولاي جعفر الصادق ع مع الألحان فقط أضغط على أسم القصيدة



1.قصيدة رئيسية ((آنه الصادق حرگوا داري))

2.قصيدة ولائية ((رافضي وهذا انتمائي))

3.قصيدة ((حيدري هويتي))

4.قصيدة ميمر ((يالصادق أنعاد العاشر))

5.قصيدة نزله ((تقدملك عزيه))

6.نعي لمولاي ((يگلولي احترگ دارك))

7.قصيدة ((جعفر الصادق علم))

8.قصيدة رئيسية ((المهدي يبني المراقد))

9.قصيدة نزال ((مطلبنا الغرقد يبنيها))


أسألكم الدعاء لي ولوالدي
خادمكم #الشاعر_الميرزا_محمد_الساعدي

حگچ لو حزنتي ياروحـي انفجعتي
للصادق عزائات لجله بدمـعه قمتي
عــذاب..... عـذاب ...من بعـد والينه
مصاب......مصاب ...هالجرح يـاذينه... وآ إماماه
===========================
حگچ لون تـبـچـيـن ياروحي لجله
بلكت يجـي مرسال دمـعي يوصله
خل گلبي ناح اعليك مـولاي خـلـه
ويـه البچولك دوم كـونـك تسجله

مـن حـرگت داره ايـون سكته
يـومـه بـدمـعـات استـقـبـلـتـه
جـعـفـر مظـلـوم الـلـه ايعـينـه
يـنـحـب كـلـمـا يـذكـر عـمـتـه

عنده الدنيا كـلها بس يصعب حملها
كلسا نايبه اعليه يـتـغـيـير شـكـلـهـا
غـيـاب..... غـيـاب ... حـيل أثر بينه
مصاب......مصاب ... هالجرح ياذينه... وآ إماماه
===========================
گاضي العـمر سـاعات بـس بالعتابه
كلما يروح حسين يبچي اعـله بابه
هـوه الفـتـح بيبان حـزنه ومـصابه
يمـطر دمـع والعـين تجري سـحابه

اشـگـد راد الـحـاكم يغتاله
مـا خـلـو مـولانــه بـحـالـه
مـتقيد وسـفه ابـن الزهره
بالسم صبحت راحت باله

جـابـوله المنيه دمعـاته جـريه
لمصابه أويـلاه يا عظم الرزيه
حساب.....حساب ...گاضي كل اسنينه
مصاب......مصاب ...هـالـجرح يـاذيـنه... وآ إماماه
===========================
يـوم الرحـل مسـموم شـيـخ الـمذاهـب
عـگـبه الگـلب يـا نـاس بالحـيره لاهـب
چـان بـحـيـاتـه اهـواي لـعـدائـه راهـب
الموسى بن جعفر جاي بحزاني چاهب

تـنـحب هـاي الليـله اديـاره
مجلس سـوت شيعه بـداره
ويلي اعله المسموم أوّيلـي
عـل مـا يـتـلـگـه بـخـطـاره

منصوبه عزائات حـتـى بالسماوات
راحل مدرستنه بيد اهل الخيانات
جواب...... جواب ...يرد كون اعلينه
مصاب......مصاب ...هالجرح ياذيـنه... وآ إماماه
===========================
شما طالت الأزمان ما ننسى ذكرك
عايـش يظـل للدوم يـالهيبه فكرك
سـر انـتـه يامـولاي حـيرنـه أمـرك
دمـرتـه ذاك الـراد يـگـرب يدمـرك

يـا سـر الخـالـق بـيـمـينـه
مـنـك نضره الليله اعلينه
عبدك كـون اتثـبت ايمانه
طـلاب الـعـلـمـك خـلـيـنه

ظلت بس الاحلام عگبك عشنه أيتام
مولاي الصبر مات گتلوا بيك الاسلام
عـتـاب..... عـتـاب ... منفجع هادينه
مصاب......مصاب ... هالجرح ياذينه... وآ إماماه
===========================
ريتك تشوف الحال يابو الحميه
مــن هــلـت الأيـــام ألـصـادقـيـه
تنـصبلك الأفـلاك مجـلس عـزيـه
تحـضـرلـك الـسـادات والفاطميه

ويلي اعله الصادق ياشيعه
منـهـجكم نـقـسم منـبـيـعـه
نعشك يـسـتاهـل نبـچـيـلـه
خل نحضر كلنه بتـشيـيعـه

يا سلطان الاحساس عشگت دربك الناس
تشـهد هـاي العـيون موتك بالگلب جاس
قِـبـاب...... قِـبـاب ... قبرك امهدمينه
مصاب......مصاب ... هالجرح ياذينه... وآ إماماه
===========================
30/4/2024 يوم الثلاثاء
21/ شوال 1445 هـ
#الشاعر_الميرزا_محمد_الساعدي

لحن القصيدة فقط (أضغط هناا)

حگچ لو حزنتي

#الشاعر_الميرزا_محمد_الساعدي

السلام على صادق القول والفعل


بغداد. الكاظمية المقدسة. شارع النواب
يوم السبت 25/شوال
#الرادود_الميرزا_محمد_الساعدي

شـيّـعوا الـلـيـله نعـش مولانـه
فـاطـمـه تحـضر عـزائه اويانه

السلام على صادق القول والفعل
بغداد. الكاظمية المقدسة. شارع النواب
يوم السبت 25/شوال 1445 هـ
#الرادود_الميرزا_محمد_الساعدي

التغطية المصورة لمجلس عزاء مولاي الصادق ع بثواب المرحوم مصطفى كريم العجيلي بحضور خدام الحسين ع نسأل من الله القبول والسداد

محافظة واسط. قضاء الصويرة. قرية العدالة
تصوير الأحبة #قاسم_الساعدي و #علي_جميل

#مولد_مولاتي_فاطمه_المعصومه_ع
#الشاعر_الميرزا_محمد_الساعدي


فرحانه السمه بجية فاطمه
من الجنه العليه للكاظم هديه
🌹🌹🌹🌹 💐💐💐💐 🌹🌹🌹🌹
بالمعصومه أختك يالرضا فرحانه هاشم
كل شيعي وموالي للفرح هالليله عازم
هنياله الفرح للعالمه الما فرح نادم
وبهذا الحفل يالرافضيه المهدي قادم

أهلاً بالولي عشگي الأولي
         من الجنه العليه             للكاظم هديه
   🌹🌹🌹🌹       💐💐💐💐        🌹🌹🌹🌹
ياشيعة علي بهذا الفرح هنوا الزچيه
مولوده ضياء المعرفة حره وأبيه
هنوا ياخلگ سيد المله الهادي اوصيه
صلوا عالنبي وآل النبي بهاي المسيه

والموسى أمل هالليله نزل
        من الجنه العليه              للكاظم هديه
   🌹🌹🌹🌹       💐💐💐💐        🌹🌹🌹🌹
بشرى للمحب زف العلي الموسى يشيعه
بمولد فاطمه الحيدر علي جددله بيعه
ساده اعله البشر أهل العلم هالخبر شيعه
وبكل مدرسة الجعفر امام الشيعه ذيعه

من سابع سمه نادت فاطمه
        من الجنه العليه             للكاظم هديه
   🌹🌹🌹🌹       💐💐💐💐        🌹🌹🌹🌹
چي الله يحب فاطم خلق فاطم مثلهه
معصومه وحبيبه وطاهره الواهب عملهه
بت الصابر واخت الصبر بيهم أملهه
عمه للجواد وجده للهادي جعلهه

نور ومعرفه بيهه المنصفه
       من الجنه العليه          للكاظم هديه
   🌹🌹🌹🌹       💐💐💐💐        🌹🌹🌹🌹
شرد اذكرلك ويا موقف اذكر يامعاجز
عن وصف الطبيبه القاضيه للحاجه عاجز
كلمن يلتزم بيهه أكتسب أعلى المراكز
دنيه وآخره بحب الأميره الحره فايز

أيه ياعلي نزلت تعتلي
      من الجنه العليه             للكاظم هديه
   🌹🌹🌹🌹       💐💐💐💐        🌹🌹🌹🌹
11/6/2021 الجمعه
#الشاعر_الميرزا_محمد_الساعدي


لحن القصيدة فقط ((اضغط هناااا))

#هوسات_مولاتي_فاطمه_المعصومه ع


تتباهه العزيزه الطاهره ام حسين
مولوده أخت للي ضمن صوبين
اليوم المصطفى ياشيعه گر العين

{وتبشر موسى بهالليله}

   🌹🌹🌹🌹       💐💐💐💐        🌹🌹🌹🌹

اليزورچ فاطمه يعني الرضا زاره
وهنياله اليصير الرضا خطاره
اليجي متعني گبرچ تنطفي ناره

{وفقيني اتعنه البيبانه}

   🌹🌹🌹🌹       💐💐💐💐        🌹🌹🌹🌹

اجيتچ مره وحده عَلَيّ عيديهه
عليچ البالمعارك كسر سرگيهه
الحاجه للطلبهه اليوم تنطيهه

{هنياله التگضيله الحاجه}

   🌹🌹🌹🌹       💐💐💐💐        🌹🌹🌹🌹

يبت خامس ظهر من حيدر الكرار
عدنا اذنوب كثره كبار موش اصغار
اشفعيلي عليچ الباب والبسمار

{وذنوبي امحيهه بهالليله}

   🌹🌹🌹🌹       💐💐💐💐        🌹🌹🌹🌹

ابتشر حيدر علينه قم بنتلچ تاج
ومن كل الاقطار اتوافدت حجاج
كعبه انتي ضريحچ واليجيلچ ناج

{اتنجينه من هول وحيره اتنجينه}
   🌹🌹🌹🌹       💐💐💐💐        🌹🌹🌹🌹
12/6/2021 السبت
#الشاعر_الميرزا_محمد_الساعدي

متباركين بولادة مولاتي فاطمة المعصومة

معصومة وهـوى گـلـبـي عـطـرهـا
طـيّـب أبـــد مـا يـنــمـل عـطـرهـا
يشيعي الفاطمة انفاسك عـطّـرهـا
بـصـلا لأخـت الرضا توصل هـديـة

21/5/2023 الأحد
#الشاعر_الميرزا_محمد_الساعدي

٤ ذي القعده ذكرى استشهاد أية الله العظمى السيد محمد محمد صادق الصدر. (قدس)


نـذر روحـه الصـدر لـجـل الـعـراق
ومن اجل دينه انتفض بن حيدره
وصـاح كـلا كـلا لـلـبـاطـل أكَـيــد
لأن مـايـگـدر يـنـام اعـلـه الـجـره
الحوزه نطقة بالعدل والجيش گام
ارجـالـهـا واطـفالـهـا وحـتـه الـمره
ضـد إبن سـفـيـان ثـارة هـالـرجـال
وبـمـقـاتـلـتـه لــگــوهــا المـغـفـره
طـلّـعـوا كـل ظــالـم بـهـاي الـبـلاد
وكلـمـن اتـوكل على الله يـنـصـره
ربـنـا نِــعـم الناصر ونِــعـم المعين
وعلى هـاي النعمه دوم أتـشـكــره


دموم الگلب يبجي عليك ياحيد
يليث الكوفه شبه حسين ياحيد
الكل ظالم كلت هيهات يا حيد
دوم ابـقـه اعـلـه نـهـج الغاضريـه

#ذكرى_شهادة السيد الشهيد محمد الصدر والنجلين المباركين (رحمهم الله)
#الشاعر_الميرزا_محمد_الساعدي



منتظر رجعتك ونظر الشيبتك دم ترس جبهتك
شنهي الي صاير ياصدرنه
===============≈===================
انعادت الطف الأليمه وحشه صارت من جديد
بكربله حسين وأخوته للزمن صاغوا نشيد
رجعت الثله الخبيثه وردت الچانت عبيد
ذبحوا الشيعه بصدرهه وحزوا بقتله الوريد

البغضتك عادتك وهم زعت چبدتك دم ترس جبهتك
شنهي الي صاير ياصدرنه
===============≈===================
ساخت وردتهه كلا وبأمر من الأُمر
حتى عوچيتك يغالي بيهه ساقيهم زهر
من ترد رايد أحلفك بالعقيله وبالگمر
لينه تشفع ياحبيبي يم علي وسيد البشر

ناصر النصرتك قابل الخذلتك دم ترس جبهتك
شنهي الي صاير ياصدرنه
===============≈===================
شمعه رادوا يطفه نورك بفگدك ايحل الظلام
علّه رب العزه شانك حضره الك وصبح مقام
شاء ماشاء الله يفعل خله في ذكرك سلام
خلفت بذره شريفه وصارت بجيش الأمام

ناصح العافتك رايد الجافتك دم ترس جبهتك
شنهي الي صاير ياصدرنه
===============≈===================
أسئله هوايه وچثيره عندي بس رايد جواب
سيدي شمسوي انته وبيك عملوا هالمصاب
أنظر الله شسوه بيهم نزّل انواع العذاب
منهم البالحومه ميت ومنهم المسه العقاب

صارم الشافتك حارم الطلبتك دم ترس جبهتك
شنهي الي صاير ياصدرنه
===============≈===================
ترجع وقائد اشوفك وبسمك ايتم العدد
يمته ياصدر الغياره الحبتك نادت مدد
والله من بعدك يعالم چم حزب صاير قدد
شتتونه وفرقونه وصبح الحاصل بدد

سيدي نادتك العشقتك رادتك دم ترس جبهتك
شنهي الي صاير ياصدرنه
===============≈===================
25/6/2020 الخميس
#الشاعر_الميرزا_محمد_الساعدي

#شهادة_المولى_المقدس
#الشاعر_الميرزا_محمد_الساعدي


كلمن ترك نهج الغياره وعاف الصدر عمره خساره
الصار يرخص بينه باع منهج دينه
العاف الصدر عمره خساره
================≈====================
نرجع العصر الرسول وننظر العظم الخيانه
بعده حي أحمد وراحوا قاسموهه بلا أمانه
وهالعصر عافوا محمد صادق ونهجه وبيانه
گالوا عميل بلا هدف
والحققه اعتقدوا صدف
لا والله أقسم مارجف
ثابت بعزمه وكيانه

يلي مشيت اويالخليفه والزهره نيتك موشريفه
الخان عصر حسينه باع منهج دينه
العاف الصدر عمره خساره
================≈====================
أرجع الخطبة الجمعه وافتهم مغزه اختياره
الله يدري لوميدري لوچنت صاحب غزاره
أخره چانت قضيته وأعتقد واضح مساره
الراد الحياة الأخره
خل روحه تصبح صابره
ويلبس رداء المغفره
حتى يتحقق شعاره

صيت الذي ينكر كفاحه ابجال الولي نال السماحه
ضال لا لتعينه باع منهج دينه
العاف الصدر عمره خساره
================≈====================
أبد مانترك طريقك ندري بي قله التسلكه
أي وحگ اهلال عينك والبياض البي تملكه
ياصدر قائد عرفتك والظلم صوتك يربكه
مالحگت لكن وضح
بموسوعتك علمك سمح
للقاصي والداني شرح
الفكر من ربك تدركه

يالحايز ابصيته انتصاره أسم الصدر مو للتجاره
نار تلگف شينه الباع منهج دينه
العاف الصدر عمره خساره
================≈====================
مثل عهد الحسن عادوا الغدر يسري ويه دمهم
اتقلصوا مولاي قله البقت چيف ابنك حزمهم
ومن مطامع دنيويه مقتدى المصلح حرمهم
كل حزب صار بمعتقد
بس جيش ابوصالح صمد
واقعنا بالساحه شهد
حرب بس فكرك حطمهم

أخر كلام اوياه نعيده فعله الردي خله يفيده
عاش زلمه اعلينه باع منهج دينه
العاف الصدر عمره خساره
================≈====================
12/6/2021 السبت
#الشاعر_الميرزا_محمد_الساعدي

#ابوذيات_لمولاي_الصدر_المقدس
#الشاعر_الميرزا_محمد_الساعدي

ياروحي العليچ اشطوط مايت   (ماجت)
صدرنه حي نذمه الگال مايت     (ميت)
يهل تسمع عزانه ليش مايَت     (ماجيت)

عالضحه عمر لجل البريه
================≈====================
منو عنده يغاتي اليوم صدرين
يسائل عن فخرنه وين صدر أين
هالأيام اعله گلبي هموم صدرن

لأن ضمن فحل تحت الوطيه
================≈====================
فزعت لجل ابومصيفي صدرهه
انصاره ودكت الليله صدرهه
هموم الدنيه يالتسمع صدّرهه

الگلبي حتى تنعاد الرزيه
================≈====================
بمحافلنه ذكرنه اسمك    صدرنا
  وألك يرتاح يمحمد          صدرنا
وحگ المصطفى وجعفر     صدّرنا

   الفرح لگلوبنه بسمك هديه
================≈====================
4 ابوذيات للصدر المقدس
#الشاعر_الميرزا_محمد_الساعدي