ماريدن الماي

#خويدم_آل_محمد
#الشاعر_الميرزا_محمد_الساعدي

قصيدة شور برنامج محرم 1447 هـ
لمولاتي زينب ع


حسين.... غريب..... حسين.... غريب.....

أنحب واجر ونه
دلـوني بـس عنه
گلبي انشلع والمرتضى ريته حضر يمي

من عاشر اهمومي
يـا دمعـتي دومـي
عالراحوا وتركوا أثر حتى بألم حلمي

يا عزوتي.. ناديتكم بس مـا حچيتوا
يا عزوتي.. زينب سبوهه وما أجيتوا
يا عزوتي.. شدوني عالـهـزله دريـتوا

عالناگـه وگـيـدوهـا احـلامـي
ضامي اشتاگ الشبگه ضامي
وسـفه الحگ مذبـوح ودامي
واسـهـامـه بـعـيـونـه..

خلوني وراحـوا خوّاني
والشامـت واگـف أذاني
باتت عالوجنات احزاني
منكم ردت عونه..

حسين.... غريب..... حسين.... غريب.....
=====================
ثاري الهجر غربه
بعد الأهل صعبه
حضروا ولكن يا وضع بس روس گدامي

عاد الألـم بـيه
علويه مسـبيه
يوم المشوا ياغربتي حرگوهن اخيامي

يا حسرتي.. سـموني وادم خارجيه
ياحسرتي.. وعيونـهـم تشـبح عليه
ياحسرتي.. بحبال مشدودات اديه

بـعـيـاد الشام اتـلـگـوني
ولا من خوان ايحاموني
ديـوان بنصهم دخلونـي
مـوقـفـهـم اشكبره

والتكـتل شـوفـة احبابي
دمـهم واصـل حد اركابي
ولا من ناصر يطرق بابي
يا سيدي نـضـره

حسين.... غريب..... حسين.... غريب.....
=====================
التـمـوا فـرد لَـمـه
شو كلها متحزمه
ياهو اليجي يكسر ظلع لو سوطه يتلوه

خـويه بـنـهـار وحر
حـرگوا گـلب حيدر
هذا الي يردونه صدگ يبغضونه مو گوه

سر وگفتي.. كـلـمـا اطـــيـح ايـدك عـلـيـه
سر وگفتي.. حتى احمي من شرهم رقيه
سر وگفتي.. مـا خـاف گـمـت آنـه المـنـيـه

بكل موقـف واگف تبرالي
فجأه وظل امچانك خالي
من بـعدك لـو تنـظر حالي
التفگد اخو كلفه

لا عــبـاس ولا چــفــيــنـه
واشتاگيت الشوفت عينه
وسفه انباگت منه اسنينه
عين الدهر صلفه

حسين.... غريب..... حسين.... غريب.....
=====================
ريـت الذبـح بـيه
ولا شوفه يوميه
لا سامـح الله وينّسي جـرح الأهـل دايـم

مكسوره جنحاني
ألـمـاتـوا اخـواني
كل ليله يذبحني الدمع وسفه الفحل نايم

يا محنتي.. محنة اخـت تفـگـد وليها
يا محنتي.. الما قدّروا وادم حـچـيهـا
يا محنتي.. محروگه خيمة بت نبـيها

كـل هـذا وصـار اكـثر بينه
اتخيل واحد طگ اسكينه
ياروحـي وكلش مـاذيـنـه
يا حسرة الحسره

حسبالي الحگكم ما صارت
شـو دنياي اعـلـيـه انـدارت
اختك يابو الغـيره احتارت
صدري اشتعل جمره

حسين.... غريب..... حسين.... غريب.....
=====================
2/11/2024 يوم السبت
29/ربيع الاخر 1446 هـ
#خويدم_آل_محمد
الشاعر الميرزا محمد الساعدي

للأستماع للحن القصيدة ((أضغط هناا))

انحب واجر ونه

#خويدم_آل_محمد
#الشاعر_الميرزا_محمد_الساعدي

ليلة السابع من محرم الحرام 1447 هـ
لمولاي عين فاطمة حضرت العباس ع


سـيد الـعـلم.. راعي للخيم.. ثوره بالشيم.. عــبـــاس
بعينه فاطمه..حامي للحمه.. سوه ملحمه.. عــبـــاس

ذا مولانا الأبي صار بهيئة نبي عــبـــاس
======================
مال.. عال.. يـقـره مايلي.. حيـدري وهلي.. مـد
نار.. دار.. عالعده ابغضب.. غيره بيها صب.. هد

حــروف الـــدم تـلاهـا التجي گباله خذاها
الحرب شروه اشتراها.. عــــلاهــا.. قـراهــا

خـطـابـاتـه بدايـه يشيعي اقره الروايه
ابو فـاضـل نهايـه.. مـــنـــايــه.. رزايـــه

عاش اخو كفو.. خبل العدو.. مل سأل منو.. عــبـــاس
حومته اليطب..جدول الضرب..عالعقل صعب..عــبـــاس

شحده اليوصل عبي صار بهيئة نبي عــبـــاس
======================
عاد.. راد.. يـرضي زيـنبه.. هايه مرتـبـه.. قـر
فاز.. حاز.. نضره من علي.. وخاطر الولي..سر

عِشگ من الطفوله رضا الباري ورسوله
إبن اطَهر حـمـوله بـطـولـه.. رجــولـه

صبح رمز الشجاعه رفع بالحگ شراعه
حـياتـه كلـها طاعه بـراعـه.. صـراعـه

ويه حنتمه.. بعالم الدمه.. دخل الضمه.. عــبـــاس
صرصر وعبر.. عِزة النهر.. واضح الگمر.. عــبـــاس

مو همه الناصبي صار بهيئة نبي عــبـــاس
======================
جاد.. حاد..سيفه عالگَصُب.. كامش الحرب..حـد
حيد.. عيد..طـبها وافـترس..گاطـع النفس.. شـد

عـرض بالغاضريه شمايل حيدريه
نضـرتـه زيـنبــيـه ثـريــه.. حمـيـه

مِـله الطـف بعـيونه ابو النضره الحنونه
اليتامه ايشاهدونه بـدونـه.. ولــونــه

معتلي المُهر..عسكر الفجر..ساحگه الظهر.. عــبـــاس
ملحمة شرف..منهو الانحرف..بيها والطرف.. عــبـــاس

ضيّق عالأجنبي صار بهيئة نبي عــبـــاس
======================
صوت.. موت.. راعي للنصر.. هزه للكفر.. هـز
سار.. غــار.. عابر الخطر.. زلزله ومطر.. حـز

يغيـمـهـا طـفـوفه برق عينه نشوفه
رعد تنزل چفوفه كسوفه.. خسوفه

يـزلـزلـهـا بـيـمـينـه يـداويها اللعينه
كتب رسمه بجبينه ونـينه.. حـنيـنـه

الزينب الصبر.. گلبه منجمر.. راسم النصر.. عــبـــاس
يشهد الدهر.. كل عدو قهر.. سيد النهر.. عــبـــاس

كاتل روحه السبي. صار بهيئة نبي عــبـــاس
======================
ليل.. ويل.. يطوي كل صعب..طرها كالسُحب.. مر
سيف.. طيف.. كـرها دخـنـت.. مـرها بـيّـنـت.. شر

بده ايصفي السفيها فـلا بيـهم نـزيها
الجره كله من اديها بچـيها.. عليـها

التضده دمـدمـاها گطع نسل الوراها
برعب من عيشاها نـسـاها.. اعتلاها

دمدم وعِله.. بصيته ياهله.. كله مرجله.. عــبـــاس
ألعلع انتچه.. همهم وبچه..من سمع حچه.. عــبـــاس

خوف ويدبي دبي صار بهيئة نبي عــبـــاس
======================
18/5/2025 يوم الاحد
20/ ذو القعده 1446 هـ
خويدم آل محمد
الشاعر الميرزا محمد الساعدي

للأستماع للحن القصيدة ((أضغط هناا))

سيد العلم

#خويدم_آل_محمد
#الشاعر_الميرزا_محمد_الساعدي

ليلة الثامن من محرم 1447 هـ
مولاي القاسم ع


يوم البده الطف وصار
جـسام أصـبح كـالـنـار.. بچاها.. بچاها

أبن الحـسن فـارس حيد
من عنده اخذ كل تسديد.. لاواها.. لاواها

محلاهن نضرات اعيونه
عريس الطـف ايسـمـونه .. ألقاسم.. ألقاسم
======================
من فزعته الاولى.. صاحوله معقوله
يـاهـو الـذي نازل.. وبينا لعب جوله

وصـلـها لـلــشـاطـي... گايل على ازماطي
فوگ الرگاب ايصير... هيچ آنه محطاطي

يزئر من گال.. أنزل تفصال.. هچي المن صال.. عالكافر
گـطّـع بالسوح.. والكـل اتنـوح.. ذاك المـذبـوح.. بالعاشر

ضربت علي بسيفه ايعيد
والـطـف على كيفه ايـريد.. بيمينه بيمينه

طـالع لبو الغـيره اهديب
مـن عركه مايشرد عيب.. حامينه حامينه

موت الله بأيده ايلاگونه
عـريس الطـف ايسـمـونه .. ألقاسم.. ألقاسم
=====================
بگصته عرج ساده.. فازع شبل قاده..
يمه الطلابه تهون.. ويذبحه التماده..

طـگـاته عـالـهـامـه.. هد بيده صمصامه..
شيخ وتره اللاگاه.. مـتـوقـع إعـدامــه..

صدّر مرسوم.. واضح معلوم.. والموت ايحوم.. بالحومه
الحارگ خيمات. جـاب الونـات.. زاد الآهـات.. معدومه

بيهم غضـب ربنا اندار
مرهم دوه العايل صار .. بالعيله بالعيله

كلمن تعده اعله اخيام
داواه ابـن شـيخ العام.. يا ويله يا ويله

بي نضرة حيدر معجونه
عريس الطـف ايسـمـونه .. ألقاسم.. ألقاسم
======================
جانـب أله ثاني.. مثل الأبو بـاني..
ديوانه واعتابه.. گاصدها ميعاني..

بالطـف علـن ثوره.. وگباله متطشره..
كل الجحافل ذيچ.. بن سـيد العتره..

فاتح بيبان.. عامر ميدان.. ويعيد الچان.... بطفوفه
نبرة جبريل..صوته من ايعيل.. نازل عزريل.. ويشوفه

مضرب مثل عند الناس
الـقاسـم رفع والـعـبـاس.. بي راسه

شبل السـبط يا سـتار
بيهم جعل وصمة عار.. حي ساسه

هـذا الـما يـبـرد مـاعـونه
عريس الطـف ايسـمـونه .. ألقاسم.. ألقاسم
======================
إن تـنـكــروا بــاسـي.. عمي آنـه عباسي..
نجل الحسن واسمي.. القاسم لون ناسي..

إنّــي أنــا الـدافــع.. إنّــي أنــا الـــرافـــع..
عن سيدي الظلام.. اللاگاني نص راجع..

مصدر للخوف.. خليها اتشوف.. نكرت معروف.. مولانه
آل المـخـتار.. يـمـنـه الأسـرار.. منهـاب النار.. والجانه

عشنه بفضل حامي الجار
وعباس ابـو الـراس الحار.. نتباها نتباها

نعشگ دخول الميدان
خادم حسيني العنوان.. نلگاها نلگاها

هـنيـاله اليسـتشهد دونه
عريس الطـف ايسـمـونه .. ألقاسم.. ألقاسم
======================
تـوفيـقـي بالـباري.. يل تسمع اخـباري..
يوم السقيفه انعاد.. هم احترگ داري

لـكـن بـلا اوصــيـه.. هالمره حربيه..
والكلمه من حسين.. ضـد الوهـابيه..

حارگها الدار.. والجاب اخطار.. يصبح تذكار... للقادم
والعاده حسين.. يفلت لاوين.. وبيوم الدين.. بي نادم

قصة شرف قصة موت
ما متنه بالطف بسكوت.. مشهوره مشهوره

الكل ثائر انصير الهام
بطارينه تحچي الايام.. منذوره منذوره

كلمن يـفـديـه ايـعـلـونـه
عريس الطـف ايسـمـونه .. ألقاسم.. ألقاسم
======================
30/5/2025 يوم الجمعه
2/ذي الحجة 1446 هــ
#خويدم_آل_محمد
الشاعر الميرزا محمد الساعدي


للأستماع للحن القصيدة ((أضغط هناا))

عريس الطف ايسمونه


#خويدم_آل_محمد
#الشاعر_الميرزا_محمد_الساعدي

ليلة الثامن من محرم 1447 هـ
نزله لمولاي القاسم ع



هله بالقاسم هله
يا عگال المرجله
======================
هـلا ببـنـي الگـام يـرعـد بالـزلـم
هـلا بـبـني العـلّم الـدنـيا الـعـزم
شاب طر الطف صبح بيهم يزم
شاف كلـمن گابـله معنى الحزم

وبـلـيالي كـربـلـه
هله بالقاسم هله
======================
ثـار غـيـره وصـار يـوم المـلـحـمه
إيده عـالـروس وگـطـعها امـعلمه
من حضر چنه علي حامي الحمه
مـن شهر سيفه گـطـر منـهم دمه

عدّل ابني المايله
هله بالـقاسم هله
======================
عـاش حـد الطـف لجـل يبذل نفس
عـلّـم الأجـيـال حـيـن الـطـب درس
فـارس الـحـومه فـرس بيـهم فرس
حمس حامسهم وحگ حيدر حمس

صدّر الطف عاجله
هـلـه بالقـاسم هله
======================
مـضـرب الامـثـال بيـهم مـن يطب
صعب ما يهوى الصعب الا الصعب
مـا رضـه ايعـيلون بـرچـابه الغرب
عـنـده تـسلايه اذا يـدخـل حــرب

موقفه بالطف حله
هـلـه بالقاسم هـله
======================
شد عزمها ودخـنت گـامت تميل
هيچ أسمه من دخلها المستحيل
احزامه شده بيده مـولانا العليل
يـالـتـدور بـالكـتـب هـاك الدلـيل

ألله نـوره جاعله
هله بالقاسم هله
======================
أبــد مـا دار الــوجــه أبـن الـنـبـي
عشعش الخوف بگلب كل ناصبي
سـوه عـمـلـه بـكـربــلـه بالأجنـبي
فـدوه موتي ولا يطيحوها العبي

من عاد صرصر نازله
هــلـه بـالقاسم هــله
======================
7/6/2025 يوم السبت
10/ذي الحجة 1446 هـ
خويدم آل محمد
الشاعر الميرزا محمد الساعدي


للأستماع للحن القصيدة ((أضغط هناا))

هله بالقاسم هله

#خويدم_آل_محمد
#الشاعر_الميرزا_محمد_الساعدي

مولاتي زينب تگول
المـشـه المولاي إلـهـي زار عِينه
أخـوي ولحـمه بالطف زارعيـنه
بكـثر ما يـحـن سـهمه زار عينه
كـريـــم وعـزّب اسـهـام الـمـنـيـه

#خويدم_آل_محمد
#الشاعر_الميرزا_محمد_الساعدي

ليلة التاسع من محرم 1447 هـ
قصيدة رئيسية لمولاي الأكبر ع


ياروحي لاتـنـسـاني.. بالخيمه گلبي ايناطر
يمه وغلاة حسينك.. مكسور مـني الخاطر
يمته وعليّ جاي. أدعيلك اهواي..لا تجفي يبني
======================
گــاعــده واذكــر دلالــي
حالي چان شلونه حالي.. تذكر ايام الربه

عاشـرت بعـدك مصـيبه
گلي صبري منين اجيبه..گلبي هجرك عذبه

دعيت الله تجيني يا هوى اسنيني
عـگـبـك دمـعـتي اتـردني وتوديني

يمـتـه بـعـد نـتلاگـه.. يا كل هلي واحبابي
خليني اشوفك مره.. يبرد دخلي اصوابي
ماريدن الماي. أدعيلك اهواي..لا تجفي يبني
======================
يمه اطشن واهليه
لو تـرد سـالـم ألـيه.. يادوه اجروح الگلب

روحي تعبانه واتاني
خبر منك مـا أجـاني.. والبُعد تعرف صعب

ألرباب اتون دللول الولد واسـمع
وآنه اگليـبي لحزانك صبح مرتع

يالأكبر بدمـعاتي.. رد حتى اودع اعيونك
تدري الفگد أذاني.. شلونك ييـمـه شـلونك
ماظل الي راي.أدعيلك اهواي..لا تجفي يبني
======================
ردلي بس مو ذاك لونه
والعـطش ذبّـل جفونه.. ربي مارد دعوتي

گـلـي يـمـه العذباني
الكافر بسهمه رماني.. وصاح ليه ولخوتي

خوارج صاح واحنه المصطفى جدنا
وغـيـر الله ورسـولـه بدنـيا مـا عـدنا

يحچي وتغورگ عينه.. يا يمه لا تنسيني
للموت اشيع اولـيـدي.. هذا الأمر يكفيني
ومصيبتي هاي. أدعيلك اهواي..لا تجفي يبني
======================
راح والـغـصـه چـبــيــره
عگبه وجهي وين اديره.. والأمل راح الأمل

تالي اسمع طاح الأكبر
والحـسين بكبـره كـبّر..ثاري محبوبي انكتل

بگيت اجويعده وعيني على الباب
وسـفه اولـيدي اوسـدنـه بالـتـراب

عشت بنحيب ايامي..يالتسأل اعله احوالي
مكتوب اعيش بحسره. كل ليله اودع غالي
يبني يرجواي. أدعيلك اهواي..لا تجفي يبني
======================
گـوم تعـبـني زمـانـي
والبچي عگبك عماني.. والدهر آه يالدهر

صرت ما اندل طريجي
والقـهر اصـبح رفيـجي. وانعمه يبني النظر

رحت مني بوكت بي عازتك عازه
ردتـك يـوم موتـي اتشيل الجنازه

وآخر وداع اتوادع.. ويه الذي عافاني
ياعـلي الاكـبر يمه.. هم انته لا تنساني
يالگاطع اشلاي. أدعيلك اهواي..لا تجفي يبني
======================
16/5/2025 يوم الجمعه
18/ذو القعده 1446 هـ
#خويدم_آل_محمد
الشاعر الميرزا محمد الساعدي


للأستماع للحن القصيدة ((أضغط هناا))

لا تجفي يبني

#خويدم_آل_محمد
#الشاعر_الميرزا_محمد_الساعدي

ليلة التاسع من محرم 1447 هـ
نزلة لمولاي علي الأكبر ع


دخـيلـه من يـقاتـل
عـلـي وبيهم يـنازل
بـجـمالـه چنه طـٰـه بقتاله أبو فاضل
======================
خصاله..
ياهو اليوصل خصاله..
نـادر كـلـه اسـتـحالـه..
يشـبـه جـده بجـماله.. مثل حيدر أسد

يديره..
الكون بكـبـره يديره..
يشبه شيخ العـشيره..
يـا هـنـيـال الأمـيـره.. زينبنه بهالسند

بـرق يخـطـف دخل عـازم مُلك بـيـده الـزمـن
الـتـكـتـر ينـجـه والــعـايــل يــراويــه المـحـن
الحرب صهوه وعلي الاكبر كمش بيده الرسن

إلى الناس العجـوله
يشـوفـها الـرجـولـه
سبع راعي الشهامه.. يسطرها البطوله
======================
بقيامه..
چن حل يوم القيامه
جـاعـل بيـهم عـلامه
مشّـه الكـل بنـضـامه.. منو اليگدر يزل

رساله..
وصّـل ألـهم رساله
إنّي اليصعب مَناله
ياهو اليوگف قِباله.. إحسبه منچتل

أبن خـيـر العمل حيدر غنم بيـهم يـكـر
سبع من سيفه ما واحد گدر يهرب يفر
بتمامه كـر ابن غانم رجـع مـنـه بقُـصر

كحل عين العقيله
أبو الروح الأصليه
رمز عز والشجاعه.. على الأكبر قليله
======================
شهوده..
بالـطـف عـاين شـهـوده
وشاف الناس الحسوده
واضـح شـايـع صـموده.. يطگ بيهم يطگ

يحامي..
عن دين الله يحامي
لا مـتهـمه الأسـامـي
لبـن السـيد سلامـي.. أذوب بـهـالعشگ

على الفطره أحب دربه أبن مولا حسين
أتـركه حاشا لـو حتـماً يگطعون اليـدين
إذا عـفـته الوجه تنـطي يبـن آدم لـوين

سليـل اهل المكارم
عليها الحومه عازم
عدو الكلـمن يعادي.. سلم كلمن يسالم
======================
رسومه..
وجهك طه برسومه
مـنك ماخـذ علومه
ما تگربله خـصومه.. الا بحيـله وغدر

نـزاله..
يـشبه عـمـه بنـزاله
قـافـل مـثله بقـتاله
صفت وجهة شماله.. جابه العوده النصر

يطيح الگاصد بخزره وتجلجل بي علي
تگابل هـوه والكافل مِـلاه الـطـف ملـي
أنـا الأكبر يصيح الـحـر أصل ثابت هلي

الحبـيبه يگرله عينه
شفه گلـوب الحزينه
التعده اعله الهواشم.. سهم خله بجبينه
======================
سموّه..
بـارز أسـمـه وسمـوّه
مـاخـذ راسـه التـلوه
يحسين ابنك يسلوه.. يشذّبها المحن

جريه..
يل دمعتكم جريه
زلـزلـهـا الغاضريه
بيكم ثـار القضيه.. يـأعداء الزمن

انه ابـن الحر حسين العـصر اعاهد حيدره
على الطاعه وشرف موتي بسبيله وكوثره
سـعـادة ابـركب ابـو اليـمه اذا امـوتـن تره

إله ما يغله غالي
إلى الناكر سؤالي
إذا مو هذا دربك.. النتيجه شنهو تالي
======================
23/5/2025 يوم الجمعه
25/ ذو القعده 1446 هـ
#خويدم_آل_محمد
الشاعر الميرزا محمد الساعدي

للأستماع للحن القصيدة ((أضغط هناا))

دخيله من يقاتل

#خويدم_آل_محمد
#الشاعر_الميرزا_محمد_الساعدي

ليلة العاشر من محرم 1447 هـ
لمولاي رضيع الحسين ع


على اوليدي اليحن.. دمه يجري الجفن
يـعـبـدالـلـه الــگلب.. ألك يــبــقـه يـون
======================
ربــيـتـك انــه لــيـام كـــبـــري
ردت بيدك ييمه اتحفره گبري

مـجـروح الگلب واعليك يـنعه
وافـراگك من اهروشه يشلـعه
يـمـه المنـحـرك مـا بـيّه فزعـه
حزن امصيبتك گلي شيجرعه

مفطوم بسهم.. شيجرعه الألم
فدوه المنحرك.. بـالحـر انلچم
======================
أفز بالليل مرعوبه
حسبالي بچه اوليدي وگعد يرضع
غير الونه والأهات يازينب فلا أسمع

يازيـنـب دمـه يـجـري دليـلي
بس دمع الحزن صاير خليلي
عبـدالله انـذبح زينـب أويلي
حيلي منـهدم يحبيـبه حيلي

كل هذا الجره.. بعدني مناطره
كسرة خاطري.. ذبحة منحره
======================
يبني الضيعتني بضيعتك مني
دوهـنـي زمـاني بـيك دوهنـي

دوهنـي زماني بكل مسيه
يوم الشاهدت ذيچ الرزيه
وسـفه تـنـذبح بالغاضـريه
هيچ وتاخـذك مني المنيه

بـعـدك بالـعمـر.. ما يـبـقـه صـبر
عاشرت الدمع.. العذر يمه العذر
======================
وين الفاجده الشبان وين الضايگه اللوعه
خل نتگابل اني وياچ ننعه بروح مفجوعه

يم جاسم على الويلاد ننحب
وعالفوگ الرمل جسمه تسلب
والعـبـاس بسـهامـه ايتـعـذب
وفـوگاها شمر بخيامه ينهب

يمن فدوه العمر.. ألك صدري جمر
يـسـباح الگـلب.. جزه وكت الصبر
======================
أهـز  مهدك يـعـبـدالله
وعاين عالمهد خالي ..  يبني وثمر دلالي
أهـز   مهـدك  يـعـبـدالله

بـكل هـزة مـهد ينهز كـياني
تـانيـت الولد بس ما أجـاني
ولمن رد عليه بسهم مفطوم
بوليدي وسف دهري رماني

انه بـعازة سند.. الولد يمه الولد
لو عني ارحلت.. ما يبقالي احد
======================
الـوادم لـو لـفـاهـا الليل .. تعد الليل للونسه
وانه چم ليل چم انهار .. يجي ويروح من نفسه

من بعد الجره يا حيل أشيله
حـالي صـار چن حـال العليله
ليلي الفات متونسه بالدموع
والـدارن عـلـيـه مـو قـلـيـلـه

بگيت امحيره.. عگـب ذاك الـجره
عزيزي مندفن.. وانه اعليه ساهره
======================
3/6/2025 يوم الثلاثاء
6/ذي الحجة 1446 هـ
#خويدم_آل_محمد
الشاعر الميرزا محمد الساعدي


للأستماع للحن القصيدة ((أضغط هناا))

شور
على اوليدي اليحن

#خويدم_آل_محمد
#الشاعر_الميرزا_محمد_الساعدي

ثگيل
على اوليدي اليحن

#خويدم_آل_محمد
#الشاعر_الميرزا_محمد_الساعدي

مدد يهل البيت لتعوفوني
بالگبر رايدكم اتحضروني
=====================
يوم تطلع روحي ويحين الأجل
غيركم مـاعنـدي لا خـل لا أهـل
كون يحضرني علي خير العـمل
وآنه احبكم من صدگ تدروني
=====================
يــوم جــنــازي يـهــيـل اتــرابــي
وابـعـدت عـنـي هـلـي واحـبـابي
اذنوب عندي وصايرات احجابي
بحفرتي محتاجكم گصدوني
=====================
من يجي منكر تحل ساعة عسر
ولو على اعمالي وحيد ومنكسر
رحمة منكم طالب ولحظة يسر
وينكم يهل الفضل نصروني
=====================
أدري مـذنب والـذنـوب بلا عـدد
وآنه ضـال وغـيـركم مـالي سـند
عندي طلبه المغفره واطـلب بعد
من يحل الموت تحتضنوني
=====================
نضـره باچـر ردت لو حـان السؤال
عندك اويهل العبه اويحـسين حال
الساني يثگل وانطق بسرعه محال
إلّا لو حضرتكم اتشرفوني
=====================
رايد احچـيها بشـجاعه وبفخر
خادم ولحـسين مـرهون النضر
دوم چنت انعي إسألوا المنتظر
ولو قريت اعليهم ايوفقوني
=====================
وين ما اروح آنه أنتـم هيبتي
حتى يوم الشده بيكم سلوتي
حيل متـيقن تـجـوني بحفرتي
ومن لظى النيران تنتشلوني
=====================
آنـه ذاك الـچـان تـنـزل دمـعـتـه
حـيـن ابوصـالـح يـنـوح العمـته
وانحب الطاري الحسين وغربته
خادم وحاشه لون تنسوني
=====================
چنت كل لحظه تجي ابالي الخيم
مـن انـام اتـفــكـر بـراعــي الـعـلـم
چم سهم طايح بعينه اشچم سهم
ما تبطل النوح هاي اعيوني
=====================
هـاي آخــر طـلـبه مـن عـدكـم تـره
أنـتـوا مـتـفـضـلــين دنـيـا وآخــره
عمل عندي بس فقط دمعي الجره
وآنه خادمكم تره ايحسبوني
=====================
16/4/2025 يوم الاربعاء
17/شهر شوال 1446 هـ
#خويدم_آل_محمد
الشاعر الميرزا محمد الساعدي

للأستماع للحن القصيدة ((أضغط هناا))

ثگيل
يهل البيت لتعوفوني

#خويدم_آل_محمد
#الشاعر_الميرزا_محمد_الساعدي