مولاتي زينب ع تتكلم عن مولاتي رقيه ع

ياعمه ليش اهنااا حطينه كلنه ياعمه ليش اهنااا
حاچيني منهو اويااا تسألني عنه حاچيني منهو اويااا
============≈=================
ياعمه الگلب مجروح واعرف بيچ مجروحه
گالت والدموع اتسيل أنظر كلمن ونوحه
ما أدري شجاوبهه وعيني بدمعه مفضوحه
يمه حسين واويلاه باچر تنسلب روحه

من سمعت الويلاه راحت تشمه من سمعت الويلاه
كل ونه وبكل آه ذبتهه يمه كل ونه وبكل آه
============≈=================
أسمعهة تحاجي حسين بوية الگوم ياذوني
بعاشر لو رحت عني بساع بساع يسبوني
رقيه انته النَفَس ليهه باچر لو يبعدوني
عنك ها يماي العين اموت عليك يدروني

نزلهن الدمعات لمّن سمعهه نزلهن الدمعات
والحره بالونات اتغير وضعهه والحره بالونات
============≈=================
شهر البس تجيني احزان منه كون ماجاني
بحسره ونايبه اوويلا بدمعه وكدر خلاني
شرد احچي وشگللهه وانه الحزن وداني
الباب وكسرة الظلعين وبمحسنهه دلاني

عمه المنيه اتريد أهل المحنه عمه المنيه اتريد
مانفرح احنه بعيد بعد اليجنه مانفرح احنه بعيد
============≈=================
اوياه عدّة بدر صحبان مو صحبان چذابه
مو مثل النكر ماعون والحارگ عليّ بابه
ذول اربات حيدر ناس منهم خيرة اصحابه
نعمه التضحيه ايصيغون لو هجمت السلابه

بالدنيا ناس اهواي محد جرعهم بالدنيا ناس اهواي
يبنيتي لتخافين خايب جمعهم يبنيتي لتخافين
============≈=================
هذا اخر وداع هناا بين حسين وايتامه
من سمعت حقيقه ايموت گام ادگ على الهامه
گالت ارد اموت اوياه عمه الروح محتامه
بيه ولا ببو السجاد كون استقبل اسهامه

فدوه الحبيب الروح روحي العليله فدوه الحبيب الروح
اصبح يريت اجروح نفسه ودليله أصيح يريت اجروح
============≈=================
17/7/2022 الاحد
#الشاعر_الميرزا_محمد_الساعدي


للأستماع للحن القصيده ((أضغط هناا))

مولاتي زينب تروي لنا ما جرى لمولاتنا رقيه ع بعد فقد والدها وأخوتها فتقول



مـن بـعـد ذيـچ الـمسـيـه والـجـره بالغـاضـريه
بلايه صوت جانه موت وصار طف ثاني ألـيـه
============================
على صوته العزيزه اتنام وساده ماخذه صدره
بدلِـلـو يالـحبــيـبه دوم چـان ايـنـاغـم الـزهــره
بـرقيه ايـشـم عطر أمـه الما نامت على هـجـره
تـسأل عـنـه بـعـد الـصار يعـمه ويـن ابو العتره

شرد اجاوبـهـه الحنـينـه والتگـلي حسين ويـنـه
عـمـه راح وسـتـراح وهـلـت ادمـوع الـرزيـه
============================
نشف دمـع الحنـينه وذاب گـلـب الـفـارگ احبـابـه
شـيـصيـر بـگـلب محـروگ شـاهـد لـوعة امـصابـه
طــفــلـه والألــم چــتــال تــنــوح بـئــآه يـا يــابـه
وكلـمـا تـبچـي ينـزل سـوط شمر والناس سـلّابـه

والأشـد هـجـمـوا عـلينه عـگب ماطـايح ولينـه
صوته مـات والـحـياة خلـصت بدمـعـه جريـه
============================
وصلـنه الـشام آ يـالـشام واتـلـگـونـه بـعـيـاده
فـرحـانين مـن شـافـوه طـايـح سـيـد الـساده
بچـت واستـفحل الظالم وظل يتباهه بعداده
يذكرهه بتراچي السود ويهددهه ابّني ازياده

وطابـع السوط بـظهـرهه بالشـتم واحد قـهرهـه
كـلشي صار آ يـنـار مو مـثـل نـار السبيـه
============================
دمـع ومـوادع الچلمات بـده باول حـلـم عـدهـه
ظلمه وبس سواد الليل نحيب الفاگده ايشدهـه
گعدت عمه أريد حسين وصار المجلس بگدهـه
بويـلاه اعـله ابو السجاد ذيـچ الروح شيـردهـه

ايفـزز الـنـايم بـچـيهه رادت اتشوفه الوليهه
هـذا حـال مـن المـحال يـصبر اليسمـع رقيـه
============================
ابتدت قصة فگـد ثاني اشتاگـت بنـتي لعيونـه
جابـوه بـطشت ياناس راس الطـايفـه اشلـونـه
كشفت عنه ابوهه حسين لكـن منخـطف لونـه
شهگت واخر الأنفـاس ذبتـهه اعـلـه مـاعـونـه

ماتت الچانت غريبه وصارت الليله مصيبه
ابقه انـوح بـلايه روح وكون تاخذني المنيه
============================
25/8/2022 الخميس
الشاعر الميرزا محمد الساعدي

للأستماع للحن القصيدة ((أضغط هناا))

رقـيـه مـن البچي ما تگدر اتـنام
وفوگ الدمعة ضجت بيها الآلام
طـفله وگامـت اتلوع
شافت راس مگطوع
======================
شـوفــوهـا رقـيـه شبـيـهـا يـا نـاس
صاحوا واجت تركض كومه حراس
گَــلـولــه الـلـعـيـن اتــريــد ابــوهــا
گـلـهـم بـالـطـشـت ودولـها الــراس

واجوا جابوا طشت ما تعرف شبيه
والـنــســوان صــاحــن لا تـخــلـيــه
صرخه وصوت مسموع
شـافـت راس مـگـطـوع
======================
طـبـينـه ودمـوع الـشوگ والآه
نـزلـن چـن ينادن وآ حـسـيـناه
تلگتنه اشـكثر بالحـضره أيتام
والــزوار صــرخــت آه ويـــلاه

هاجت كل مصايب عيلة حسين
لـمـصيـبـة رقــيــه زاد الــونـيـن
گلب چم طفله مشلوع
شـافت راس مگـطـوع
======================
داخـل حـضـرتچ واسمعها الاصوات
ونـيـن اسـمـع يـگـول حسين مامات
حـور الـعـيـن يـبــچـن حنـن اهـواي
يـنـعـن مـن ضـريحـچ تـطـلع آهـات

حسرات وجفن مولاتي ما هـاد
مـتّـي وگـام ينـحـب زين العباد
وجه بالسوط مصفوع
شافـت راس مگـطوع
======================
رحـلـه مـن العـمـر وام الميامـين
بالمرقد شـفـت مذبـوح الحسين
شاهدت التراچي ولحظة النـوح
الطف انعاد واتصـيـحـين لاويـن

سوالف شام ترست گاع العيون
اريـدنـكـم عـلـى گـبـري تمـرون
صدر بالحسرة ملچوع
شـافـت راس مگطوع
======================
وعلي ياناس هظمتنه چبيره
رقية زغيره مو مالت أسـيره
الجبتلها سـلام من الأمـامـين
سبيه شـلون گادوها الأمـيره

من يوم السبي ليهسه الجروح
نضرت عالـثره العباس مطروح
طشت بدموع منگوع
شـافت راس مگـطوع
======================
3/3/2024 يوم الأحد
21/ شعبان المعظم 1445 هـ
#الشاعر_الميرزا_محمد_الساعدي

للأستماع للحن القصيدة ((أضغط هناا))

شافت راس مگطوع

#الشاعر_الميرزا_محمد_الساعدي

لحن گعدية السيدة رقيه

#الشاعر_الميرزا_محمد_الساعدي

مَُـنـذُ الـولادة وحتى الممات
أُنادي حُسيناً طريقُ النجات
حُسينٌ حبيبي حُسينٌ حبيبي حبيبي حسين
======================
بگماطي وتلولي اسمعها يوميه
أمي وتـدعي أخـدم بالحسينيه
ربي اوليدي هذا الخاطر ارقيه
ناذرتـه واريـد ادمـوعه مجريه

متبـطـل العيـنين تجـري دمـعـها
لمصـيبة المظـلوم مـن يستـمعها

ولا زلت أبـكي لعظم الطفوف
إمامي خضيباً رمتهُ السيوف

حُسينٌ حبيبي حُسينٌ حبيبي حبيبي حسين
======================
من هاي المجالس للوعي نسمع
أشبـال الـعـقيده وجيلنا امسنّع
لحسين السبط باخـلاقنـا نرجع
بغير حسين وام حسين مانقنع

عـالحسچة متعـلمين واعله الاصـاله
وراعي الفضل عباس ندرس خصاله

كراديـسُ علمٍ بهـذا الحضور
بذكر الحسينِ تطيبُ الصدور

حُسينٌ حبيبي حُسينٌ حبيبي حبيبي حسين
======================
امـن القاسـم تعلـمـنه الوفـه نعـمه
والما حـب ابو السـجاد صح اعمه
عـلى دربه مشـينه ونـنـهـل بعلـمه
والما عاش طف ما ينحسب زلمه

ربـانه درب حسـين رغـم المواجع
انطيع الله والمعصوم ثم المراجع

جرعنا الشَهاده ونِلْنا الصمود
بهـذي الـوَلايـة رأيـنا الخلود

حُسينٌ حبيبي حُسينٌ حبيبي حبيبي حسين
======================
امـن الحورا تعـلـمـنه الـسـتـر واجــب
واخذنا من الحزن والتضحيه صاحب
حجـاب الـمرآه عـفـه وزينـب اتـراقب
درس أخـلاقي هـذا بـدفـتـري كـاتـب

من سيرة امك عون ندرس قضيه
بـهالمدرسة الأخـلاق لـلــزيـنـبـيــه

بلـطم الـصـدورِ نعيش الحيات
بحبِ المجالس قـتـلنا العُـتات

حُسينٌ حبيبي حُسينٌ حبيبي حبيبي حسين
======================
تركتُ النفسَ والأهواء والصحبِ
حسـيـنـيٌّ أنــا نــاديــتُ يـا ربـي
بأخـلاق الـولــيِّ قــد ملا دربــي
أردتُ الوِدَّ مـن آل الـهـدى قربي

فـي دربـهِ الوضـاء نجـماً أكـونُ
يامن لـهُ الأكوان تجري العيونُ

إلـيـهِ فؤادي وروحي إليه
لمعشوقِ طه سـلامٌ علـيه

حُسينٌ حبيبي حُسينٌ حبيبي حبيبي حسين
======================
18/7/2025 يوم الجمعه
22/محرم الحرام 1447 هـ
خويدم آل محمد
الشاعر الميرزا محمد الساعدي

للاستماع للحن القصيدة ((اضغط هناا))

منذ الولادة

خويدم آل محمد
الميرزا محمد الساعدي

قصيدة حوارية بين الحسين ع والحسن ع
كأني بمولاي الحسين ع آخر لحظات حياته يتمنى لو أن الحسن المجتبى ع حاضراً في طف كربلاء فيقول

يـالمجـتبى اتمنيتك اويـاي
بالطف تجيني وبيدك الماي
اتشاهد ونيني
ردتك تجـيـني
يـالمجـتبى اتمنيتك اويـاي
======================
امنين اقصلك قصتي..
من ونـيـني وغربـتي.. يل ردتك اوياي

عاشرت محنه وسهر..
وابو فـاضل عـالنـهـر.. ظل مارد اچلاي

ياخـويـه ما ظلّي ربـع والشيب تارس راسي
اتمنيتك بـهذا الوضـع تحضرني يا كل ناسي
احزام الظهر عالمشرعه مفضوخ ظل عباسي

وزينب وسف عاشت بالدموع
الما چان منها الصوت مسموع
فـاگد حنـيـني
ردتك تجـيـني
يـالمجـتبى اتمنيتك اويـاي
======================
خويه تذكر من طحت..
بحضنك الراس ونحت.. وخرته هامي

يـاهـو باچـر لـو مـتـت..
راسك ايحظنه صحت.. واتموت ضامي

نـتـوادع بـذاك المسه تذكر واجت علويه
بـيـه ولا بـيك الألم اعليك الأخت محنيه
دمعاتي نزلن واعرفت تمشي غداً مسبيه

كـون الجرالـك بيـه ياريت
خليت روحي اتلوج خليت
ويـنك يعـيني
ردتك تجـيـني
يـالمجـتبى اتمنيتك اويـاي
======================
اذكر بـذاك الـوكت..
من يبومحمد گلت.. واليوم اتاني

لكن الصار والجره..
خويه حره ميسره.. هذا الأذاني

لا يـوم كـــيومـك گـلــت أهـلاً نـدبـت اعـلـه الـمــوت
لا خوفي من سيف وصحت والكل سمع ذاك الصوت
بـس خارجي ايصير الخدر وبـشـتم حـيـدر منـعـوت

كـونك تـشاهـد زينب شلون
صارت سبيه اختك ام عون
عـازة سـنيني
ردتك تجـيـني
يـالمجـتبى اتمنيتك اويـاي
======================
حاضر الطف وشـفت..
بمصرعك روحي عفت.. يا بعد السنين

الـعـذب اگليبي وقهـر..
الشمر من نحرك سطر.. سطراته بالعين

ابدالـك تمـنيت الذبـح عـلّا يلوحـك حيفه
ألـسـم تجرعته لچن شلون التجرع سـيفه
وسفه الشمر بام الخدر ياخذها گام بكيفه

مـا بـطـلت واتـهل العيون
ذبلت عليكم هاي الجفون
روحي ومُعيني
ردتـك تـجــيـني
يـالمجـتبى اتمنيتك اويـاي
======================
تـذكـر بـيـوم الطـشت..
خويه من چبدك زعت.. سم الملاعين

يـومـك المـا ينّسه..
هالزمن كلش قسه.. ويه المطاعين

رد الطشت جابوا لچن هالمره بي راس اينام
ورقـيه ماتـت مـن فـعل ولـد الخبيثه الظِلام
والشام يـاخـويـه تـره طـلـع أمـيرتـنـه الشام

واختم كلامي يبن الاجواد
ثــاراتــنـا ياخـذهـا لـو عـاد
آخـر بـنــيـنـي
ردتك تجـيـني
يـالمجـتبى اتمنيتك اويـاي
======================
31/7/2025 يوم الخميس
5 / صفر الخير 1447 هـ
خويدم آل محمد
الشاعر الميرزا محمد الساعدي

للاستماع للحن القصيدة (اضغط هنااا)

اتمنيتك اوياي

خويدم آل محمد
الشاعر الميرزا محمد الساعدي

قصائد شهادة مولاي الحسن المجتبى ع مع الألحان فقط اضغط على اسم القصيدة


1.قصيدة فزاعية ((مسموم مولانه))

2.قصيدة شور ((يامولاه))

3.قصيدة اهوازي ((فاتحة سبط النبي))

4.قصيدة نزلة ((حيوا الحسن))

5.قصيدة رئيسية ((الغالي شيرجعه))

6.قصيدة رئيسية ((بعدك نوحي))

7.قصيدة رئيسية ((الزمن غدار))

8.قصيدة موشح ((عزوا جسام))

9. قصيدة جديدة (اتمنيتك اوياي)


نسأل الله القبول والسداد
خويدم آل محمد
الشاعر الميرزا محمد الساعدي

مشاركة الميرزا محمد الساعدي
تشييع مولانا الحسن المجتبى ع

كربلاء المقدسة بين الحرمين
6/ صفر 1447 هـ
1/8/2025 الجمعه

هلا بيكم زوار بالحب رفعتوا الرايه
======================
يا أهـل يا لـيـتنه موعد الخدمه دنه
شرفيتونه السنه... هله بالوفايه

لا تـبـردوها الهمم يمشي شيال العلم
اوياكم الرايه لزم.. ايهلي بالمشايه

هــا يــزوار.. يـثـوار.. أجيتوا اعله الوعد
زيارة حسين... والحسين... غداً ليكم مدد

((خطواته والزاير فازت ))

هلا بيكم زوار بالحب رفعتوا الرايه
=======================
الـيوم كلها اتحزمـت.. والملائك كيّفت
تخدم حسيني اجت.. والأمـر رباني

قِسم بس لزيارته.. وقسم تخدم حضرته
بلهفه كلـها اتعنته.. والوعد رحماني

كلها خـدام.. هالايام.. ملائك والبشر
كل الاكوان.. تعنت.. زحف حد النحر

((حياها التزحف للطف))

هلا بيكم زوار بالحب رفعتوا الرايه
======================
مـرحباً بالـمـعـتني.. خير من الله هني
راس ياهو المنحني.. عالي خلي الهامه

بيوت كلها عامره.. والزچيه حاضره..
واليـعزي الصابره.. اتكتبه من خدامه

ابــذل الـــروح.. يمـجـروح.. لجل يرضا الولي
واخلص وگوم.. يملچوم.. يجي ايحضرك علي

((من حيدر تاخذها ابشاره))

هلا بيكم زوار بالحب رفعتوا الرايه
======================
اليخلص بهذا الزحف.. وخله راياته ترف
غداً من يلقه الحتف.. يجي حسين ايزوره

فخر والزهره فخر.. اليمشي وي هذا النهر
عـالتعب كـله صبر.. خدمته منصوره

علي ويّاه.. يحياه.. إله انقدم النَفس
بالتعب لا.. والحسين.. ولا انخلي يحس

((خدام الزاير سمونه))

هلا بيكم زوار بالحب رفعتوا الرايه
======================
دامكم عـده وعـدد.. يلي شوفتكم سعد
المهدي وياكم گصد.. يمشي وي ممشاكم

نعمه هاي ازيارته.. ألله وفق شيعته
بنيّه طيبه اتعنته.. هلا يا حياكم

انفتحت ابواب.. الاسباب.. نزل رزق السمه
يهـل الـدمـوع.. هنـيئـاً.. رضـتكم فاطمه

((هنياله واليرضي الزهره))

هلا بيكم زوار بالحب رفعتوا الرايه
======================
29/7/2025 يوم الثلاثاء
3/صفر الخير 1447 هـ
خويدم آل محمد
الشاعر الميرزا محمد الساعدي

للاستماع للحن القصيدة (اضغط هناا)

هلا بيكم زوار

خويدم آل محمد
الشاعر الميرزا محمد الساعدي

قصائد للمشاية مع الألحان فقط اضغط على اسم القصيدة


1.لحن مجانينه محمد الجنامي (إلى حسيني)

2.قصيدة لحن جديد (أهلاً أهلاً بالمشاية)

3.قصيدة ثگيلة أو نزلة (حاجتك مگضية)

4.قصيدة مع رباطات للمشاية (ياهلا وكل الهلا)

5.قصيدة حماسية ( يله شد الراية )

6.قصيدة جديدة (بالأربعين ومن صفر)

7.قصيدة جديدة (مشاي ألك يبو اليمه)

8.قصيدة جديدة (حياكم حياكم ياشيعتي)

9.قصيدة جديدة (عادات العرب)

10. قصيدة (بس ويه حسين ربحانه التجاره)


نسأل من الله القبول والسداد