نايبه بصف نايبه

#الشاعر_الميرزا_محمد_الساعدي

يامهدي يامولاي
يامهدي يامولاي
=============================
يطـلع بـاچـر ويـبـني المـنـارات
وبـغـرقـد علي ايعـيـد الزيارات
بـئـر امعطـلة ايكحلها الـعـيـون
وبقصره المشيد اينادي هيهات

مـغلـوقه السـفـيـنه بـوجـوه الـلعـينه
يحرگ حارگ الباب ويرضيها الحزينه

༺#ومطلبنا_الغرقد_يبنيها༻

يامهدي يامولاي
يامهدي يامولاي
=============================
يگصد حامل الدنيا اعله المتون
والسـيفه الـعـدل تبـيّـض العيون
مـا يتهاون اويـهـل البـدع ذيـچ
أولــهـم وثـانـيــهــم مـيـبــقـون

طـر صبـح المنـيه چـنـه الغاضريه
مهدينه انتصارات ياخذها القضيه

༺گاع الله بدمهم يسگيها༻

يامهدي يامولاي
يامهدي يامولاي
=============================
أگطع غيـبتك حـضـرنا الاكفان
كلنه اجنود الك ياسيد الاكوان
اشتاگينه العلي وصـولة الفقار
بيوم اهل الجمل يانور الازمان

ضد الـنـاصبـيه ثـوره حيـدريه
أشر كلها تفديك هاي الرافضيه

༺أنصارك بس أشر ليها༻

يامهدي يامولاي
يامهدي يامولاي
=============================
ياثار الظـلع نحـچـيـها للموت
حتى لو صبحنه ابطن تابوت
ثار المحسن امتاني العلامات
نعلنها بـعـد مـو مـال بسكوت

نـلعـنـهـا السقـيـفه وادم مـو نظيفه
وآل اسعود ياحيد أمهم مو شريفه

༺هند وحاشيّتها امحيها༻

يامهدي يامولاي
يامهدي يامولاي
=============================
يمته ايطر فجرنا ونسمع اصـوات
هذا المهدي اجه وطلعتله الاموات
يـا لـلـغـاضـريّه وثــار الـحــســيـن
الـمـا مـتـعـووده عـالباطـل اتـبـات

نـادت والمـدينه ضجت ياعلينه
ماظلت يطيبين كل ذيچ الهجينه

༺والغرقد بيده ايعليها༻

يامهدي يامولاي
يامهدي يامولاي
=============================
تـاخذ ثـار مسبـيات الاوطـان
مـن اهل الكفر وربات الدنـان
ياسلطانها وكل يـوم عـاشـور
تدعيلك تجيها الأنس والجان

وتخلـص رگبها من ذاك الغصبها
وتعيد الأمانات يـا سـيد عـربها

༺واحزان بحبك نطويها༻

يامهدي يامولاي
يامهدي يامولاي
=============================
26/4/2023 الاربعاء
#الشاعر_الميرزا_محمد_الساعدي

لحن القصيدة
https://www.tg-me.com/Mirza_M_Al_Saadi/11857

#ابوذيات

بكثر روحي عَلي نوحي كَبُرهام (كأبراهيم)
تهدم وانعدم حيلي كبرهام (كبر همي)
العواذل ما رهم بيهم كُبُر هام (كبير القوم)
تعال وشوف ياروح الزچيه

✍️#الشاعر_الميرزا_محمد_الساعدي✍️

هتاف لهدم قبور أئمة البقيع ع


وقفة شرف في كل عام تعلوا المسامع
بيـهـا محـب آل البـيـت شـارَك وطـالـع
وقـفتنه إصلاحيه
ضد فكر الوهابيه
مطلبـنه نبـنـي الهدموه مــو للمـطامـع


16/4/2024.يوم الثلاثاء
7/شهر شوال 1445 هــ
#الشاعر_الميرزا_محمد_الساعدي

موشح لمولاي حمزة بن عبد المطلب ع


حمزة بالشدات عايش يـومه
بالمـعارك واضـحات اعـلومـه
============================
هـذا عـم المصطفى سـيد البشر
حـزام شـد للنايبه وسـيف القدر
سـبع لـو صاح بجمع أيـن المـفر
تخلبصت من صيحته المذمومه
============================
عـاش نـاصـر لـلنبي سنين العمر
كـاذب الـگـلك چـذب هـذا الأمـر
باچر اصحاب الصحيحين بجمر
الحـمـزة يـچـويها أظـن معلومـه
============================
چان طه يحبه مشهور الفعل
الگالك غير الحچي هـذا نذل
لا تزيد اعله الظهر باچر حمل
واعتقد چلـمة بخـت مفهومه
============================
ابحث وميز الردي من الصحيح
لا تــحــب الاول الثاني تـطـيـح
كلمن ايوالي النذل فعله صريح
أجـهـنـم وبـيها النفس محرومه
============================
يـلـه حـيـوا الحـيـد حلال العگد
حيوا كلمن بالحرب صال وصمد
الحب ابو حزامين ما عنده شدد
والـجـنـان بحـضـرتـه محـتـومـه
============================
حافضي بذكره يروحي حـافضي
مجلسه عـامـر حضـر بيه الرضـي
الحمزة هم يتسمّه چان الرافضي
لأن يـكــره ابــو هــنــد وگـومــه
============================
6/5/2023 السبت
#الشاعر_الميرزا_محمد_الساعدي

قصائد شهادة مولاي جعفر الصادق ع مع الألحان فقط أضغط على أسم القصيدة



1.قصيدة رئيسية ((آنه الصادق حرگوا داري))

2.قصيدة ولائية ((رافضي وهذا انتمائي))

3.قصيدة ((حيدري هويتي))

4.قصيدة ميمر ((يالصادق أنعاد العاشر))

5.قصيدة نزله ((تقدملك عزيه))

6.نعي لمولاي ((يگلولي احترگ دارك))

7.قصيدة ((جعفر الصادق علم))

8.قصيدة رئيسية ((المهدي يبني المراقد))

9.قصيدة نزال ((مطلبنا الغرقد يبنيها))


أسألكم الدعاء لي ولوالدي
خادمكم #الشاعر_الميرزا_محمد_الساعدي

حگچ لو حزنتي ياروحـي انفجعتي
للصادق عزائات لجله بدمـعه قمتي
عــذاب..... عـذاب ...من بعـد والينه
مصاب......مصاب ...هالجرح يـاذينه... وآ إماماه
===========================
حگچ لون تـبـچـيـن ياروحي لجله
بلكت يجـي مرسال دمـعي يوصله
خل گلبي ناح اعليك مـولاي خـلـه
ويـه البچولك دوم كـونـك تسجله

مـن حـرگت داره ايـون سكته
يـومـه بـدمـعـات استـقـبـلـتـه
جـعـفـر مظـلـوم الـلـه ايعـينـه
يـنـحـب كـلـمـا يـذكـر عـمـتـه

عنده الدنيا كـلها بس يصعب حملها
كلسا نايبه اعليه يـتـغـيـير شـكـلـهـا
غـيـاب..... غـيـاب ... حـيل أثر بينه
مصاب......مصاب ... هالجرح ياذينه... وآ إماماه
===========================
گاضي العـمر سـاعات بـس بالعتابه
كلما يروح حسين يبچي اعـله بابه
هـوه الفـتـح بيبان حـزنه ومـصابه
يمـطر دمـع والعـين تجري سـحابه

اشـگـد راد الـحـاكم يغتاله
مـا خـلـو مـولانــه بـحـالـه
مـتقيد وسـفه ابـن الزهره
بالسم صبحت راحت باله

جـابـوله المنيه دمعـاته جـريه
لمصابه أويـلاه يا عظم الرزيه
حساب.....حساب ...گاضي كل اسنينه
مصاب......مصاب ...هـالـجرح يـاذيـنه... وآ إماماه
===========================
يـوم الرحـل مسـموم شـيـخ الـمذاهـب
عـگـبه الگـلب يـا نـاس بالحـيره لاهـب
چـان بـحـيـاتـه اهـواي لـعـدائـه راهـب
الموسى بن جعفر جاي بحزاني چاهب

تـنـحب هـاي الليـله اديـاره
مجلس سـوت شيعه بـداره
ويلي اعله المسموم أوّيلـي
عـل مـا يـتـلـگـه بـخـطـاره

منصوبه عزائات حـتـى بالسماوات
راحل مدرستنه بيد اهل الخيانات
جواب...... جواب ...يرد كون اعلينه
مصاب......مصاب ...هالجرح ياذيـنه... وآ إماماه
===========================
شما طالت الأزمان ما ننسى ذكرك
عايـش يظـل للدوم يـالهيبه فكرك
سـر انـتـه يامـولاي حـيرنـه أمـرك
دمـرتـه ذاك الـراد يـگـرب يدمـرك

يـا سـر الخـالـق بـيـمـينـه
مـنـك نضره الليله اعلينه
عبدك كـون اتثـبت ايمانه
طـلاب الـعـلـمـك خـلـيـنه

ظلت بس الاحلام عگبك عشنه أيتام
مولاي الصبر مات گتلوا بيك الاسلام
عـتـاب..... عـتـاب ... منفجع هادينه
مصاب......مصاب ... هالجرح ياذينه... وآ إماماه
===========================
ريتك تشوف الحال يابو الحميه
مــن هــلـت الأيـــام ألـصـادقـيـه
تنـصبلك الأفـلاك مجـلس عـزيـه
تحـضـرلـك الـسـادات والفاطميه

ويلي اعله الصادق ياشيعه
منـهـجكم نـقـسم منـبـيـعـه
نعشك يـسـتاهـل نبـچـيـلـه
خل نحضر كلنه بتـشيـيعـه

يا سلطان الاحساس عشگت دربك الناس
تشـهد هـاي العـيون موتك بالگلب جاس
قِـبـاب...... قِـبـاب ... قبرك امهدمينه
مصاب......مصاب ... هالجرح ياذينه... وآ إماماه
===========================
30/4/2024 يوم الثلاثاء
21/ شوال 1445 هـ
#الشاعر_الميرزا_محمد_الساعدي

لحن القصيدة فقط (أضغط هناا)

حگچ لو حزنتي

#الشاعر_الميرزا_محمد_الساعدي

السلام على صادق القول والفعل


بغداد. الكاظمية المقدسة. شارع النواب
يوم السبت 25/شوال
#الرادود_الميرزا_محمد_الساعدي

شـيّـعوا الـلـيـله نعـش مولانـه
فـاطـمـه تحـضر عـزائه اويانه

السلام على صادق القول والفعل
بغداد. الكاظمية المقدسة. شارع النواب
يوم السبت 25/شوال 1445 هـ
#الرادود_الميرزا_محمد_الساعدي

التغطية المصورة لمجلس عزاء مولاي الصادق ع بثواب المرحوم مصطفى كريم العجيلي بحضور خدام الحسين ع نسأل من الله القبول والسداد

محافظة واسط. قضاء الصويرة. قرية العدالة
تصوير الأحبة #قاسم_الساعدي و #علي_جميل

#مولد_مولاتي_فاطمه_المعصومه_ع
#الشاعر_الميرزا_محمد_الساعدي


فرحانه السمه بجية فاطمه
من الجنه العليه للكاظم هديه
🌹🌹🌹🌹 💐💐💐💐 🌹🌹🌹🌹
بالمعصومه أختك يالرضا فرحانه هاشم
كل شيعي وموالي للفرح هالليله عازم
هنياله الفرح للعالمه الما فرح نادم
وبهذا الحفل يالرافضيه المهدي قادم

أهلاً بالولي عشگي الأولي
         من الجنه العليه             للكاظم هديه
   🌹🌹🌹🌹       💐💐💐💐        🌹🌹🌹🌹
ياشيعة علي بهذا الفرح هنوا الزچيه
مولوده ضياء المعرفة حره وأبيه
هنوا ياخلگ سيد المله الهادي اوصيه
صلوا عالنبي وآل النبي بهاي المسيه

والموسى أمل هالليله نزل
        من الجنه العليه              للكاظم هديه
   🌹🌹🌹🌹       💐💐💐💐        🌹🌹🌹🌹
بشرى للمحب زف العلي الموسى يشيعه
بمولد فاطمه الحيدر علي جددله بيعه
ساده اعله البشر أهل العلم هالخبر شيعه
وبكل مدرسة الجعفر امام الشيعه ذيعه

من سابع سمه نادت فاطمه
        من الجنه العليه             للكاظم هديه
   🌹🌹🌹🌹       💐💐💐💐        🌹🌹🌹🌹
چي الله يحب فاطم خلق فاطم مثلهه
معصومه وحبيبه وطاهره الواهب عملهه
بت الصابر واخت الصبر بيهم أملهه
عمه للجواد وجده للهادي جعلهه

نور ومعرفه بيهه المنصفه
       من الجنه العليه          للكاظم هديه
   🌹🌹🌹🌹       💐💐💐💐        🌹🌹🌹🌹
شرد اذكرلك ويا موقف اذكر يامعاجز
عن وصف الطبيبه القاضيه للحاجه عاجز
كلمن يلتزم بيهه أكتسب أعلى المراكز
دنيه وآخره بحب الأميره الحره فايز

أيه ياعلي نزلت تعتلي
      من الجنه العليه             للكاظم هديه
   🌹🌹🌹🌹       💐💐💐💐        🌹🌹🌹🌹
11/6/2021 الجمعه
#الشاعر_الميرزا_محمد_الساعدي


لحن القصيدة فقط ((اضغط هناااا))

#هوسات_مولاتي_فاطمه_المعصومه ع


تتباهه العزيزه الطاهره ام حسين
مولوده أخت للي ضمن صوبين
اليوم المصطفى ياشيعه گر العين

{وتبشر موسى بهالليله}

   🌹🌹🌹🌹       💐💐💐💐        🌹🌹🌹🌹

اليزورچ فاطمه يعني الرضا زاره
وهنياله اليصير الرضا خطاره
اليجي متعني گبرچ تنطفي ناره

{وفقيني اتعنه البيبانه}

   🌹🌹🌹🌹       💐💐💐💐        🌹🌹🌹🌹

اجيتچ مره وحده عَلَيّ عيديهه
عليچ البالمعارك كسر سرگيهه
الحاجه للطلبهه اليوم تنطيهه

{هنياله التگضيله الحاجه}

   🌹🌹🌹🌹       💐💐💐💐        🌹🌹🌹🌹

يبت خامس ظهر من حيدر الكرار
عدنا اذنوب كثره كبار موش اصغار
اشفعيلي عليچ الباب والبسمار

{وذنوبي امحيهه بهالليله}

   🌹🌹🌹🌹       💐💐💐💐        🌹🌹🌹🌹

ابتشر حيدر علينه قم بنتلچ تاج
ومن كل الاقطار اتوافدت حجاج
كعبه انتي ضريحچ واليجيلچ ناج

{اتنجينه من هول وحيره اتنجينه}
   🌹🌹🌹🌹       💐💐💐💐        🌹🌹🌹🌹
12/6/2021 السبت
#الشاعر_الميرزا_محمد_الساعدي

متباركين بولادة مولاتي فاطمة المعصومة

معصومة وهـوى گـلـبـي عـطـرهـا
طـيّـب أبـــد مـا يـنــمـل عـطـرهـا
يشيعي الفاطمة انفاسك عـطّـرهـا
بـصـلا لأخـت الرضا توصل هـديـة

21/5/2023 الأحد
#الشاعر_الميرزا_محمد_الساعدي