السلام عليكم ورحمة الله وبركاته

لكثرة الاستفسارات بخصوص كورساتي، أولا كلهم موجودات ع أكاديميا، ثانيا؛ ما زلت موقف أنا للأسف والمحاضرات نفسها مش حتتجدد وهذا ذكرته م السيمستر الماضي، بس لو فيه محاضرات ناقصة حتنضاف إن شاء الله.

موفقون جميعا، وأعتذر ع التقصير بس ما زال مش راجع للكورسات لين نكمل الأشغال اللي عندي.

الحمد لله الذي بنعمته تتم الصالحات، بحث اشتغلنا فيه من 3 سنوات تقريبا، اليوم طلعت منه ورقة بحثية قوية جدا، ونشرت في مجلة اللانست.

الحمد لله.

Introduction to epidemiology

تذكير بصيام يوم الغد تاسوعاء، وبعد غد عاشوراء.

بخصوص الخلاف اللي صاير ع تعريف الWHO

لعلمكم بس، هذا التعريف مش من الWHO ولا متبنياته، بس من حقكم تتكلموا عليه ويعطوكم درجة الخيارين.
ولا تنسوا تطلبوا وتناقشوا بأدب 😄

السلام عليكم ورحمة الله وبركاته

بارا وكميونيتي، شن هي الحاجات اللي تغيرت من النصفي للنهائي ومن النهائي للنصفي، باش نعدلهالكم.ابعثولي ع الخاص.

https://www.tg-me.com/Moaad_Abu

بارك الله فيكم تواصلوا معاي زملاؤكم بخصوص ترتيب المحاضرات وبلغت المنصة بيهم وحاليا يعدلوا فيهم.

أيضا؛ بلغتكم من بداية السيمستر أن للأسف مش حنحدث الكورس لأني والله مشغول جدا، وكان بودي والله أنه نحدثلكم المنهج بس الله المستعان.

وبارك الله فيكم لتفهم الوضع اللي أنا فيه.

السلام عليكم ورحمة الله وبركاته
كميونيتي 2
ما كنتش نندري من قبل أنه محاضرات العملي مش نازلة ع أكاديميا، وبعد ما عرفت بعثتهملهم وضافوهم.
وأي حاجة ثانية ناقصة حنضيفها إن شاء الله

قال العلامة الألباني -رحمه الله-:

قَوله عليْهِ الصّلاة والسّلام: (ما تركتُ شيئاً
يُقرِّبُكُم إلى الله إلا وأمرتُكُم بِه)؛

إذا كان المَوْلِد خيرًا، وكان مِمّا يُقرِّبُنا إلى الله
زُلْفى، فينبغي أن يكُون رسول الله صلّى الله
عليْهِ وسلّم قد دلّنا عليه.

سلسلة الهدى والنور (94).
أقول: ولكن لم يفعله ولم يأمر به.

(يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا)

كنت قد أعطيت محاضرة ف الكوميونيتي في هذا المكان سابقا، وبعد ما عرفت اتجاههم اعتزلت، وما فيش حد يقولي عندهم عذر لأني كنت نتبّع في حالهم لفترة وما خفي كان أعظم.

بعد مضي سنة كاملة تقريبا في فترة الامتياز، وتنقلي بين المستشفيات والتخصصات؛ نعطيكم الخلاصة في نصيحة واحدة:
لو جيت بتطلب شيء اطلبه بعزة نفس -ليس بتكبر بل بعزة- رد بالك؛ لو حد جي بيذلك باش يعطيك حقك إياك اطيح نفسك ليه، والله وبالله وتالله؛ الأمر بيد الله مش بيده يقول الله عز وجل: "ما يفتح الله للناس من رحمة فلا ممسك لها".

لو مشيت لتخصص ولقيت اللي في القسم سيئين معاك وأخلاقهم قذرة إياك تضعف قدامهم أو تحتقر نفسك، يا إما خليك بعزة نفسك أو غير لمستشفى ثاني لو ما قدرتش.

وأكثر شيء يستفز فيّ هما اللي يذلوا نفسهم باش يوصلوا لمبتغاهم.

وأخيرا؛ كل شيء مقدر عنده الله عز وجل؛ فاطلب ما قُدِّر لك بعزة نفس ولا تكن ذليلا.