‏«‌‏ودخل شعبان! واقترب رمضان..
اللهُمّ بلِّغنا ونحن في إيمانٍ وصِحّةٍ وأمان.»

سورة الكهف.

السلام عليكم ورحمة الله وبركاته
كميونيتي 1
كورس النصفي اللي ع أكاديميا نزل عليه جميع المحاضرات اللي نزلوها القسم إلى اليوم هذا والمحاضرات محدثة.
حتلقوني ف جزئية الBiostatistics شارح من شيتات مختلفة ع الكلية، اقروا م اللي شرحت منه وما تشتتوش رواحكم بكثرة المصادر، أنا شرحت منه لسبب وجيه.

وفقكم الله.

يا جماعة الخير؛ فيه موضوع معقدني وللأمانة العلمية لازم نتكلم عليه.
المدة الماضية اشتغلت ع بحث أنا ودكاترة من مصر ولَمّحت عليه شوية ف محاضراتي ع المنصة، وكان موضوع البحث ع الincidence of intraoperative hypothermia وشن الrisk factors اللي تؤدي للشيء هذا.

طبعا البحث درنا جزء منه ف ليبيا وجزء ف مصر، الأرقام اللي طلعت يا جماعة الخير تخوف.
تصدقوا الincidence ف الجانب متع ليبيا بس وصل لل77%
وهلبا من المرضى تنزل حرارتهم ف العمليات لحد ال34 ف لحظات معينة.
المصيبة ف المضاعفات اللي تصير بعد العملية بسبب الشيء هذا زي تأثيرها ع الCVS والclotting system ومعدل الوفيات وهلباااا حاجات.

طبعا درست عدة risk factors ف البحث واللي للأسف ما فيش حد حتى مدورها أو مهتم بيها.

مش حنذكر المكان اللي درته فيه لأني تعرضت لمشاكل بسببه، بس اللي نبي نوصله أنه ردوا بالكم من الموضوع هذا راهو هلبا من المضاعفات اللي تصير بعد العملية تسببها انخفاض درجة حرارة المريض ف العملية.

لازم من متابعة حرارة المريض خلال وبعد العملية.

ملاحظة: الBMI طلع يحمي، يعني كل ما كان الشخص سمين كل ما نقصت احتمالية الHypothermia ^^

السلام عليكم ورحمة الله وبركاته
كميونيتي 2

الحمد لله، المنهج متع النصفي موجود بالكامل ع منصة أكاديميا ومحدث للسيمستر هذا، آخر محاضرتين حيتم تحميلهم غدا إن شاء الله.

وفقكم الله، وما تنسوش استحضار النية الصالحة في دراستكم.

السلام عليكم ورحمة الله وبركاته

لو ما رديتش ع رسالة حد منكم التمسولي العذر، لأنه ضغط هلبا صاير ف الرسائل، ومش كلهم نلحق نشوفهم.

الدراسة هادي استخدمت فيها تحليل إحصائي قوي يسمى بالLogistic regression واللي باستخدامه -لو وسعت نطاق الدراسة- نقدر نصمم مودل يقدر يتنبأ باحتمالية حدوث الhypothermia بناء ع الvariables اللي في الدراسة.
ولكن -أحيانا- ليس كل ما يتمنى المرء يدركه.

كميونيتي 1، ركزوا معاي واقروا المنشور هذا كويس، محاضرات الbio اللي ع المنصة اقروها وتبعوا م الشيتات اللي نشرح منها، والله عارف أنه الكلية شيتاتهم مختلفة لكن كل سيمستر ما نشرحش منهم لأنه ملخبطات وناقصات والكلام هذا عاودته للمرة المليون وما نبيش انزله منشور ع القناة باش ما يشوفه حد م القسم وتنضروا وقلت الكلام هذا قبل، بس أنتم مصرين والخاص قريب يتفجر برسائل الbiostatistics لهذا بنخليه المنشور ومش ماسحه، وبخصوص الcorrelation فهو تابع للinferential ومش داخل للنصفي لأنه مش مكتوب ضمن مفردات النصفي، يعني الinferential اللي أنا حاطه ع المنصة للاحتياط بس، ولو ما تبيش تقراه لوحه ع الحيط، والbasic measurements مش داخلة.

السلام عليكم ورحمة الله وبركاته

كميونيتي 2

بما أنه امتحانكم قرب هلبا، ركزوا معاي:
كميونيتي 2 ديما عدد الأسئلة موزع تقريبا بالتساوي بين الشيتات، يعني كل ما قريت شيتات أكثر كل ما ضمنت درجات أكثر، غالبا ما يكونش شيت أهم من شيت لأنه هما يا دوب يلحقوا يجيبوا سؤال من كل شيت.

أنا مداير طريقة ف شرحي أنه نحاول نخليك لما تكمل فيديو المحاضرة تكون فاهم وحافظ قدر الإمكان، لهذا لو ما زال عندك مواضيع ما لحقتش عليها، افتح المحاضرة وصب تركيزك كله فيها باش ما تقعدش بعد ما تسكرها تعاود تقرا ف الشيت أكثر من مرة واضيع ف وقت.
خلي الأولوية للمحاضرات اللي مدتها قصيرة باش اتمها بسرعة وتضمن درجتها.

وفقكم الله في امتحانكم وحياتكم.

السلام عليكم ورحمة الله وبركاته

اعطونا فكرة لبحث خاطركم تشتغلوه خلي نشتغله أنا وياكم، المدة هادي صايرلي جفاف ف الأفكار!

السلام عليكم ورحمة الله وبركاته
كيف كان امتحانكم اليوم؟

سورة الكهف.

السلام عليكم ورحمة الله وبركاته

أولا: نسأل الله أن يوفقكم، وتكون امتحاناتكم مش ع خير.

ثانيا: بخصوص الكورسات اللي بعد النصفي، فيه نقاط لازم نوضحها؛ أغلبكم تعرفوا أني وقفت السيمستر الماضي لعارض صحي ليه علاقة بالتدريس، والحمد لله تحسنت بعد ما وقفت، بس لما رجعت السيمستر هذا للأسف الوضع الصحي رجع يسوء وحقيقة قاومت لين كملت معاكم النصفيات ع خير والحمد لله.

اللي نبي نوصله؛ أنه الكورسات صارت تتعارض مع صحتي بشكل كبير جدا فلهذا حنوقف تماما السيمستر هذا، ولو الوضع استمر على ما هو عليه حنوقف تماما ع التدريس.

الكورسات حتقعد موجودة ع المنصة لمن يبي يشترك وبنفس المواضيع المقررة عليكم م الكلية، والشيء الكويس للسيمستر هذا أنه أغلب المنهج محدث ع المنصة سواء المحاضرات اللي درتها توا أو السيمستر قبل الماضي للمادتين كميونيتي 1و2.

الكورسات حتنفتح ع المنصة اليومين هادم إن شاء الله وحانزلكم إعلان بمجرد فتحهم إن شاء الله.

وأخيرا؛ أعتذر عن أي تقصير أو خطأ أو إساءة بدرت مني، ومن عفى وأصلح فأجره على الله.

وديما تفكر ف النعم اللي الله عز وجل عطاهالك ومن أهمها الصحة "وإن تعدوا نعمة الله لا تحصوها".

وفقنا الله وإياكم لكل خير.

الحمد لله الذي بنعمته تتم الصالحات.
بحث اشتغلنا عليه من سنتين أو أكثر تقريبا واللي كنت فيه Hospital leader، واليوم يتم نشره في واحدة من أقوى المجلات الطبية في العالم مجلة The Lancet، بل تم وضعه على غلاف المجلة.

السلام عليكم ورحمة الله وبركاته
كميونيتي 1 و2
الحمد لله، جميع الكورسات سواء نصفي أو نهائي أو كامل موجودات حاليا ع منصة أكاديميا.

بإمكانك تطلع ع الكورس والمواضيع اللي موجودة فيه قبل ما تسجل فيه.

وفقكم الله، وتقبل صيامكم وقيامكم.

هذا اليوم يجتمع فيه شرف الزمانين، جمعة ورمضان.
وشرف القولين الصلاة على النبي ﷺ والقرآن.
وشرف الدعوتين عند الإفطار وآخر ساعة من الجمعة.
اليوم تبدأ ميازيب الإجابة باستقبال الداعين، فأطيلوا لهجكم فالمعطي كريم"

السلام عليكم ورحمة الله وبركاته
فيه خبر جميل جدا

في هذه الليالي المباركة اللي واحدة منهم حتوافق ليلة القدر وكلنا نعرفوا عظيم الأجر لمن استغلها، وعظيم الحرمان لمن فرط فيها.

والعمل فيها مش مقتصر على القيام فقط، بل حتى الصدقات أجرها عظيم.

المهم؛ أنا زيكم ليا فترة ندور في مكان مضمون نحط فيه صدقة وتكون صدقة جارية حتى لبعد الموت وخاصة الواحد يطلعها في هذا الشهر المبارك.

الحمد لله الأوقاف نزلوا تطبيق للتبرع لبناء المساجد والآبار وصيانة المساجد وطباعة المصاحف وغيرها، يعني الحمد لله أغلبها صدقات جارية، والجميل أنك تقدر حتى اتابع التبرعات متاعك.

فمن فضل الله أنك تلقى مكان مضمون ومصداقية وشفافية عالية وصدقات جارية.

لهذا اللي عنده همة يتوكل ع الله وما نقص مال من صدقة.
هذا رابط التطبيق للآيفون والأندرويد، اسمه منصة البر الوقفية:

https://awqaf.gov.ly/eshar/