وفاة السيده سكينه عليها السلام



شكد شايله بعينج دمع من ذيج الايام
متروس كلبج بالجمر من طبت الشام
............

ضاع العمر وي والدج يسكينه من ضل بالغرب
تعمه العيون المو إله  دمعاتهن لمن تصب
طاح ومشيتي لليسر عفتي الدلال اعله الترب
لوكلتي بويه الحك إلي بالسوط متنج ينضرب

ضلت بروحج تستعر نيران الخيام
متروس كلبج بالجمر من طبت الشام
.................

احاه ياذاك الدرب عثراته لاماتنحمل
الشايف بعينه كربله وكلهم هله راحو جتل
عل ممشه مايكدر بعد ومن الزمن روحه تمل
وفوك المصيبه والهظم بجفوفج انشد الحبل

عاشت وياج بكل وكت مولاتي الآلام
متروس كلبج بالجمر من طبت الشام
...............

صارت الدنيه بلا هوه وبعينج الحيل انحبس
حيلج صبح بس للدمع وصوت الحزن بذنج همس
هيه الخرابه تنحمل بيهه يموت اشجم نفس
خلصتي ليلج بس رعب وبگلبج الخوف انغرس

ادري بضعنكم بالغرب من خوفه مانام
متروس كلبج بالجمر من طبت الشام
.................

متعوبه من طف كربله ياويلي من ذاكه الصبح
عاشر محرم بالگلب خله الجرح فوك الجرح
تمشين ويه القافله ورأس الحسين اعله الرمح
تمنيني موتج بالسبي والموت يمج مايصح

روحج الشوفت والدج يسكينه تحتام
متروس كلبج بالجمر من طبت الشام
.................

وي زينب بذاك الدرب وبلايه خيمه ولا لوه
بخدج جرح من الدمع وتلجمه كل نسمت هوه
اخظر جرح جدمج بعد من جمر الخيام انجوه
ماتت احلامج من وكت مولاتي كلها بنينوه

طف كربله وي والدج موتها الأحلام
متروس كلبج بالجمر من طبت الشام
..................

حان الأجل والموت اجه دك بابج بحركه والم
مهضومه لمن صد الج بعينج صور حرك الخيم
گلبج وكف من النبض ومن ذيج الايام انلجم
ودعتي هل دنيه بحزن امن الضيم گلبج ماسلم

مولاتي عينج غمضت من دنيه الأوهام
متروس كلبج بالجمر من طبت الشام


محمد هادي العقابي

https://www.tg-me.com/laith_jahile الشاعر ليث كريم جحالي

كل السماوات والاملاك الك ودها
وكل الاراضين تحييك يمنقذها
المولدك نبينه
بالفرح اجينه
والورد بدينه
هالليله
.................

نورك غزه عيون النضر
يااطهر وانقه بشر
يالمصطفئ حبك كبر
بالدنيا شفته.. وشخصك عشكته
هوه العشك من أوله
انت الذي تستاهله
الغيرك ابد لا ماحله
يحلالك انته.. گلبي ملكته

بميلادك الليله الأمل يارحمة الله
كل الوجود بطلعتك يالهادي صله

نورك كحل عين الزمن
انته الابو وانته الوطن

يانور الأنوار بالأسرار علم عندك
كل المعاجز اجت زايره المهدك
الليله مامثلهه
الله الك جعلهه
وبلطف شملهه
هالليله
..................

غرد الطير امن الفرح
وگلب السماوات انشرح
بارض وسمه اسمك صدح
فرحه وبشاره.. حبك تجاره..
بميلادك الخير النزل
ماشفنه مثله ولا حصل
يمهدم اصنام الجهل
واهل الحجاره.. عاشوا خساره

من طاحت اصنام الكفر والجاهليه
هاي العلامه المولدك سيد البريه

ربنه الك سوه العجب
مثلك منو منه اقترب

ياصانع الخير والامجاد ضوه سنينك
يارحمه للناس والإسلام يضل دينك
يااصل عشكنه
نحبك وتحبنه
مولدك جمعنه
هالليله
....................

ضحكت الدنيه بشوفتك
وتغازلت بمحبتك
والكون كله بخدمتك
بأمر الجلاله.. وارث خصاله
من عطرك ايغار الورد
من تمشي لعيونك يصد
انته بخصالك منفرد
يابو الرساله.. بدر بكماله

كلمة حبيبي بس الك كالاهه ربنه
هنياله كلمن يخدمك والترضه عنه

أجمل عمر في خدمتك
انته الشفيع الامتك

بميلادك اليوم نهنيك يبو الزهره
وتحوم الارواح فراشات على الحضره
ياهله بمحمد
غالي الله يشهد
والفرح تجدد
هالليله

محمد هادي العقابي

‏مقطع صوتي من محمد هادي العقابي

مولد رسول الله صلى الله عليه وآله وسلم


حبيناك من البدايه
حبيناك للانهايه
يامحمد يامحمد يامحمد
...............

أشرق النور وجماله بطلعتك
الله خالق هل بشر لمحبتك
الليله من مرت يهادي فرحتك
الدنيه والاملاك كلهه بخدمتك

ناديناك اهلا نببنه
ناديناك خيمه علينه
يامحمد يامحمد يامحمد
...............

طاحت الأصنام يالهادي الك
انته بيدك كله يندار الفلك
المايحبك من صدك ضاع وهلك
رحمة الله وللبريه نزلك

هذا اليوم خير وسعاده
هذا اليوم يوم الولاده
يامحمد يامحمد يامحمد
................

أجمل أعياد الزمن وهل الزمن
يانبي الرحمه يطه المؤتمن
بدين الإسلام انته خمدت الفتن
وطن صرت الامتك وجمل وطن

يابو الخير يابو المحنه
يابو الخير حبك جمعنه
يامحمد يامحمد يامحمد
..................

الليله جبرائيل من كد الفرح
يهتف بسابع سمه وصوته صدح
اسمك بكاع وسمه نوره وضح
كل صدر يالمصطفى الليله انشرح

نور العين انته وضواهه
نور العين يالغالي طه
يامحمد يامحمد يامحمد
..............

نزلت أملاك العرش يم المهد
الفرحه عدهم الك احله امن الشهد
احله مولود انته هليله انولد
مااجه كبلك ولا بعدك ابد

هايم بيك كلمن يشوفك
هايم بيك لامايعوفك
يامحمد يامحمد يامحمد

محمد هادي العقابي

انخلق هل كون كله الخاطر اعيونك
يالبيك العقول تحيرت كلهه
شحجي اعله المعاجز وادخللهه منين
والتاريخ عاجز ماوصل حلهه
ضلمه الدنيه جانت والجهل بالناس
وجفك بالإسلام العين كحلهه
هبل من طاح محد فسرلنه شلون
امن الوكفه تعب؟ ماكدر يحملهه
لذالك فكرت يمكن نتيجه الكيت
بعقلي القاصر ومقتنع من حلهه
جدمك يامحمد يوم لاح الكاع
من ثكلك الباري الدنيه زلزلهه
الله يحبك وسر حبه ماضماه
حبيبي ايگلك وبس الك گايلهه
ماضل لانبي ولامرسل ايضاهيك
كلها تضل وراك وانته اولهه
بميلادك الليله مانوج شموع
كون الروح من الفرحه نشعلهه

الفرح معلوم بشره ماهوينه
هوينه وبعد عنه ماهوينه
نبينه وغيرك انته ماهوينه
ونضل منك فقط ناخذ وصيه

محمد هادي العقابي

مولد رسول الله صلى الله عليه وآله

عطايه الناس لابد منه بيهه
الامور المانحلهه منه بيهه
الامه الما توعت من نبيهه
يضل بيها الضلم والجاهليه

محمد هادي العقابي

استشهاد التابعي الجليل سعيد بن جبير ع


الك عد ربك مكانه
بكلبك الصافي وحنانه
ياسعيد دموعي هايه
سيدي عندك امانه

...................

يلي تاريخك كتبته بدم وريدك
جبت كلبي وياي كون تمسحه بيدك
بلا امان الدنيا كلها وماكو راحه
خادم وتقبلني يامولاي اريدك

جيتك اليوم بمصابك
وواكف بحزني اعله بابك
ياشهيد اقبل عزائي
سيدي عندك امانه

.....................

اني خادم من اجيت وعيني حمره
بكلبي من طف كربلاء هواي حسره
على حسين الداست بصدره الحوافر
وحجر صوب جبهته ومكطوع نحره

ادري بالدمعه السلامه
تنفع بيوم القيامه
وهاي دمعاتي وحسرتي
سيدي عندك امانه

......................

شما ازورك اذكر حسين وغربته
وعالنهر من شاف طايح كافل اخته
وعلى ظهره ايده ويصد للمخيم
والشماته تنتظر تنزل دمعته

جيتك بدمع الرزيه
عالاخو الفاكد اخيه
وكلهه هاي اجروح گلبي
سيدي عندك امانه

.......................

ياسعيد حسين طاح بعينه دمعه
يشوف خيل وزلم عالخيمات فزعه
راسه بوسادة رمل ومو شل الحيل
يكوم ويطيح واخوته وربعه صرعه

وزينب الطايح علمهه
وصلت النار الخيمهه
ولجمتي وحزني عليهه
سيدي عندك امانه

.......................

وحّدك والناظر بحيره تديره
هم غريب لوحدك وبلا عشيره
تلتفت وكت الذبح وبلايه خوان
ياسعيد ابن الجبير شلون حيره

امن الضلم كلبك تالم
ونحرك بذبحك تكلم
وهذا همي وثوبي الاسود
سيدي عندك امانه

...................

ياسلام الله على العالي مقامه
وعلى الدعوه المستجابه والكرامه
ياسعيد الناس وصلت بابك اليوم
منهم تقبل وردهم بالسلامه

ياشهيد وما اعوفك
روحي ترتاح امن اطوفك
زيارتي هاي الضريحك
سيدي عندك امانه


محمد هادي العقابي

عفتي علي وحده ومشيتي
وشيب الهجر تارس لحيتي
يافاطمه افراكج منيتي
...................

كلشي يون وي ونتي. حته حياطين البيت
مثل اليتيم بغيبتج. مكسور خاطر ضليت
صوتج اسمعه بحجرتج. ياروحي كلما طبيت
اتمنه موتتنه سوه. وبنعش واحد ياريت

شذكر وشنسه يالحبيبه
ياجرح ومتعب طبيبه
جم فرحه من گلبي خذيتي
.......................


تعبان من كد الحزن. وشكيلج بدمع العين
ستعجلتي ليش اعله الهجر. مشتاكلج يم حسين
امن الدنيه المن اشتكي. ومثلج اجيب انه منين
جنه احنه گلبين بجسد. والموت سوانه ثنين

شيردج البيتي بسلامه
عفتيلي بس دمعه ويتامه
الوادم تحب كلش اذيتي
.........................

لو يحجي عني المغتسل. عالحال تبجين هواي
حسيت بجفوفي الضلع . مكسور من درت الماي
جاوكف كلبي امن الهضم. لاحيل ضل ولاراي
مابيه اشيلج للنعش. وحشمت سلمان وياي

لحضات لاكن شيبتني
من شلتج بليل اعله متني
مكسور بيه مادريتي
......................

بجفوفي احفر بالكبر. وانعه اعله فكد الغياب
آنه ادفنت روحي باددي. هليت فوكاهه اتراب
وموماي رشيت الكبر. رشيت دمعي السجاب
شلون ارجع البيتي واصد. دمج عله طول الباب

محتار والحيره شكبرهه
عافيتي مدفونه بكبرهه
رديت مكسور بمشيتي
...........................

يافاطمه شيكضي العمر. ياماي عفتيني بنار
تحملت واصبر عالجره. وبالوحشه متروس الدار
لاكن اليوجع بالگلب. والخله حيدر محتار
الكتالج بعيني اصد. يافاطمه شما اندار

هل سكته موهينه عليه
متكيد بحبل الوصيه
مهضوم بعدج يازجيتي


محمد هادي العقابي

‏مقطع صوتي من محمد هادي العقابي

كل دمعه اجريها عليك

ليالي محرم الحرام / 1447هـ

أداء / الرادود نصير الكربلائي

للشاعر / محمد هادي العقابي

عزاء قمر بني هاشم ( ع )

بغداد / مدينة الصدر / قطاع 7

للمشاهدة الكاملة ⬇️⬇️
https://youtu.be/AOB8b60y4OU?si=wfj2j3F2a-BU-u1h

بدمعي وتراتيلي. توصل مراسيلي. الج امنياتي
من صاحب حجايه. ارفع الج رايه. النهايه حياتي
رايد رضاج بعالم الخدمه
مولاتي لتحرميني هل نعمه
..........................

كلبج احن من امي بهواي. بصحراء كلبي شفتج الماي
ماكو بحنانج يم الحسين.. مولاتي
خادم اريدن اسمي مكتوب.. وطاريج انتي ايبيض الكلوب
محله بخدمتج هاي السنين.. مولاتي

اريد.. ترضين عني وكلشي ما أريد
اريد.. بالخدمه يبدي عمري من جديد
اريد.. وياج اضل الكطعة الوريد

خليني عالفطره. خادم نذر عمره. لحد المنيه
بالدنيه عافيتي. اني وأهل بيتي. يزهره الزجيه
خليهه روحي وياج متحزمه
مولاتي لتحرميني هل نعمه
..........................

بيدج يزهره كل الأسباب.. وماريد اضل واكف عله الباب
سمحلي ونتي راعيت بيت.. يافاطم
ادخل البيت الخدمه ترضين.. ضايع بدونج يم الحسين
تقبلين هذا العبد ياريت.. يافاطم

اصير.. انسان عايش راحة الضمير
اصير.. خادم الج يالخادمج أمير
اصير.. والمنبر يقرر الي المصير

ياحسن عاقبتي. بالدنيه بس انتي. اشوفج نجاتي
ودموعي مولاتي. ذني اماناتي.. إذا حل مماتي
متوكل انه بعزم وبهمه
مولاتي لتحرميني هل نعمه
............................

للخدمه عشكي ايزود كل عام.. وعايشهه آنه ايام ويام
بهاي المأتم گلبي يرتاح. وعيوني
بذكرج يزهره اتطيب الانفاس. هل خدمه والله ترفع الراس
گلبي الج فدوات والروح. وعيوني

لكيت. عالم الخدمه عالم الجمال
لكيت. مأتمج هذا مصنع الرجال
لكيت. خدام وكفوا وكفت الجبال

واللطمه يالزهره. بدك الصدر ثوره. زلم ماتجامل
من آثار خدمتهم. حرسوا عقيدتهم. حماة وبواسل

من كربلاء حسين ابو اليمه
مولاتي لتحرميني هالنعمه

.................

امنيه عندي وگلبي ملهوف. يا يوم روحي بصحنج اتطوف
بزيارتج غفران الذنوب. يالزهره
يمته اشوف وتفرح العين. كبه ومناير عندج ثنين
واهلا يزاير الكه عالباب. يالزهره

سوال. بس هل سوال وينتهي الكلام
سوال. يا يوم اشوفن ينبني المقام
سوال. ادري جوابه بطلعة الإمام

امنيه تتحقق. بالمهدي لو أشرق. شمس عالبريه
وانضر مواكبنه. بقطعه من الجنه. اعله بابج سويه
ومااحجي يم الكبر بس كلمه
مولاتي لتحرميني هالنعمه
.............................

كون اعله كبري بغمضت العين. يكتبون زاير ام الحسين
وزاير وخادم من الاكيج. هنيالي
ياريت اموت اعليج حسرات. المات بخدمتج هذا مامات
مسجل شهيد واسمي مكتوب. هنيالي

يعيش. المات اعله حب ال النبي شهيد
يعيش. وبالاخره وجهه ابيض وسعيد
يعيش. وبالدنيه اهات تضل نشيد

رزقيني يافاطم. سنت التجي خادم. واضل بخدمتج
حزميني بالخدمه. بداعت ابو اليمه. وعيش بنعمتج
وتراب كبرج يمته اشتمه
مولاتي لتحرميني هالنعمه


محمد هادي العقابي