من عرش الجلاله.. آية حسن
نازل وبكماله.. لشرف حضن
والهيبة وصاله.. روحي تحن
هذا الحسن
....................

أجمل خبر سمعته
امضويه السمه بضحكته
بمهده وردت نضرته.. الي ضوه الدرب
هسه برد لهيبي
وبخدمته نصيبي
صار الحسن حبيبي.. هوى ونبض گلب

بوجوده وايامي
كلهن فرح بسمه وأمل
من نوره الرباني
حته الگمر شافه وخجل
متحير باوصافه
نجم السمه يمه نزل

كل طير بسمانه.. بسمه يرد
يتعنه المكانه.. وعاف الورد
حس يمه بامانه.. الوجهه يصد
هذا الحسن
........................

من العرش هديه
بي فرحت الزجيه
طشوله واهليه.. اجه وبده الكرم
يم المهد دِلاله
ويعزب الاجاله
ينطي كبل سؤاله.. ابن اطهر رحم

من اول ايامه
يكرم صدك وبلايه من
جرب مره وشوفه
لامايسد بابه الحسن
من تدخل ديوانه
داخل تحس جنة عدن

من شعري ازيدك..ايبرد المهج
تطلب منه اريدك .. وبلا حرج
ينطي الحاجه بيدك.. باب الفرج
هذا الحسن
.......................

هذا الفرح عباده
الگلب المحب سعاده
مبروكه هل ولاده .. نزل شبل علي
حبي اله وهيامي
عاشك انه وغرامي
بس للحسن إمامي.. يضل علّي ولي

سبحان الله الخالق
يم وجنته يحله السهر
كلمن شاف عيونه
يهمس همس بين البشر
شبر رحمه من الله
وجهه البهي أيسر النضر

يادنيه اشهدي.. هذا الحسن
صار الليله عندي.. أجمل وطن
حرز اسمه اعله زندي.. من الزمن
هذا الحسن
.........................

حيدر علي ولينه
روحه شكثر حنينه
باسه بوسط جبينه.. فرح اجه الحسن
بي يشبك اعله صدره
اول ولد ينضره
ايشمه ويناغي مره.. هلا بضوه الزمن

فرحان بميلاده
ويمه حضر طه النبي
يهنونه بذريته
كل هاشمي وكل طالبي
وجبريل اتعناهم
مهد الحسن كل مطلبي

خادم واعله بابه.. راح انتضر
شميت بثيابه.. أجمل عطر
اتنطر شبابه.. وبي افتخر
هذا الحسن

محمد هادي العقابي

https://youtu.be/CnXVJCKYtlE?si=NdMQAxWCSbdylEK3

| ام فاطمة |

•أداء | الرادود #علي_سعيد_الوائلي |
•كلمات | الشاعر #محمد_هادي_العقابي |

فـائـدة |
لا تنسوا أن تقرؤا من نهار يوم غد ١٣ ويوم ١٤ ويوم ١٥ من شهر رمضان المبارك (دعاء المجير) هذا هوه الدعاء وله من الفضل الكبير والاثر العظيم ومن جملة ماله من الفضل هو :
اِنّ مَنْ دعا به في الأيام البيض مِنْ شَهر رَمَضان غفرت ذنوبه وَ لَوْ كانت عَدَد قطر المطر ، وَ وَرق الشجر ، وَ رَمل البر ، وَ يجدى أيضاً في شِفاءِ المريض ، و قضآءِ الدّين ، وَ الغنى عَنِ الفقر ، وَ يفرّج الغَم ، و يكشف الكرب..
وأسألكم من صالح دعواتكم لي ولوالديّ


دُعاءُ المجير

بسم الله الرحمن الرحيم، سُبْحانَكَ يَا اللهُ، تَعالَيْتَ يَا رَحْمنُ، أَجِرْنا مِنَ النّارِ يَا مُجِيرُ. سُبْحانَكَ يَا رَحِيمُ، تَعالَيْتَ يَا كَرِيمُ، أَجِرْنا مِنَ النّارِ يَا مُجِيرُ. سُبْحانَكَ يَا مَلِكُ، تَعالَيْتَ يَا مالِكُ، أَجِرْنا مِنَ النّارِ يَا مُجِيرُ. سُبْحانَكَ يَا قُدُّوسُ، تَعالَيْتَ يَا سَلامُ، أَجِرْنا مِنَ النّارِ يَا مُجِيرُ. سُبْحانَكَ يَا مُؤْمِنُ، تَعالَيْتَ يَا مُهَيْمِنُ، أَجِرْنا مِنَ النّارِ يَا مُجِيرُ. سُبْحانَكَ يَا عَزِيزُ، تَعالَيْتَ يَا جَبّارُ، أَجِرْنا مِنَ النّارِ يَا مُجِيرُ. سُبْحانَكَ يَا مُتَكَبِّرُ، تَعالَيْتَ يَا مُتَجَبِّرُ، أَجِرْنا مِنَ النّارِ يَا مُجِيرُ. سُبْحانَكَ يَا خالِقُ، تَعالَيْتَ يَا بَارِئُ، أَجِرْنا مِنَ النّارِ يَا مُجِيرُ. سُبْحانَكَ يَا مُصَوِّرُ، تَعالَيْتَ يَا مُقَدِّرُ، أَجِرْنا مِنَ النّارِ يَا مُجِيرُ. سُبْحانَكَ يَا هادِي، تَعالَيْتَ يَا باقِي، أَجِرْنا مِنَ النّارِ يَا مُجِيرُ. سُبْحانَكَ يَا وَهَّابُ، تَعالَيْتَ يَا تَوّابُ، أَجِرْنا مِنَ النّارِ يَا مُجِيرُ. سُبْحانَكَ يَا فَتّاحُ، تَعالَيْتَ يَا مُرْتاحُ، أَجِرْنا مِنَ النّارِ يَا مُجِيرُ. سُبْحانَكَ يَا سَيِّدِي، تَعالَيْتَ يَا مَوْلايَ، أَجِرْنا مِنَ النّارِ يَا مُجِيرُ. سُبْحانَكَ يَا قَرِيبُ، تَعالَيْتَ يَا رَقِيبُ، أَجِرْنا مِنَ النّارِ يَا مُجِيرُ. سُبْحانَكَ يَا مُبْدِئُ، تَعالَيْتَ يَا مُعِيدُ، أَجِرْنا مِنَ النّارِ يَا مُجِيرُ. سُبْحانَكَ يَا حَمِيدُ، تَعالَيْتَ يَا مَجِيدُ، أَجِرْنا مِنَ النّارِ يَا مُجِيرُ. سُبْحانَكَ يَا قَدِيمُ، تَعالَيْتَ يَا عَظِيمُ، أَجِرْنا مِنَ النّارِ يَا مُجِيرُ. سُبْحانَكَ يَا غَفُورُ، تَعالَيْتَ يَا شَكُورُ، أَجِرْنا مِنَ النّارِ يَا مُجِيرُ. سُبْحانَكَ يَا شاهِدُ، تَعالَيْتَ يَا شَهِيدُ، أَجِرْنا مِنَ النّارِ يَا مُجِيرُ. سُبْحانَكَ يَا حَنّانُ، تَعالَيْتَ يَا مَنّانُ، أَجِرْنا مِنَ النّارِ يَا مُجِيرُ. سُبْحانَكَ يَا باعِثُ، تَعالَيْتَ يَا وارِثُ، أَجِرْنا مِنَ النّارِ يَا مُجِيرُ. سُبْحانَكَ يَا مُحْيِي، تَعالَيْتَ يَا مُمِيتُ، أَجِرْنا مِنَ النّارِ يَا مُجِيرُ. سُبْحانَكَ يَا شَفِيقُ، تَعالَيْتَ يَا رَفِيقُ، أَجِرْنا مِنَ النّارِ يَا مُجِيرُ. سُبْحانَكَ يَا أَنِيسُ، تَعالَيْتَ يَا مُؤْنِسُ، أَجِرْنا مِنَ النّارِ يَا مُجِيرُ. سُبْحانَكَ يَا جَلِيلُ، تَعالَيْتَ يَا جَمِيلُ، أَجِرْنا مِنَ النّارِ يَا مُجِيرُ. سُبْحانَكَ يَا خَبِيرُ، تَعالَيْتَ يَا بَصِيرُ، أَجِرْنا مِنَ النّارِ يَا مُجِيرُ. سُبْحانَكَ يَا حَفِيُّ، تَعالَيْتَ يَا مَلِيُّ، أَجِرْنا مِنَ النّارِ يَا مُجِيرُ. سُبْحانَكَ يَا مَعْبُودُ، تَعالَيْتَ يَا مَوْجُودُ، أَجِرْنا مِنَ النّارِ يَا مُجِيرُ. سُبْحانَكَ يَا غَفّارُ، تَعالَيْتَ يَا قَهّارُ، أَجِرْنا مِنَ النّارِ يَا مُجِيرُ. سُبْحانَكَ يَا مَذْكُورُ، تَعالَيْتَ يَا مَشْكُورُ، أَجِرْنا مِنَ النّارِ يَا مُجِيرُ. سُبْحانَكَ يَا جَوادُ، تَعالَيْتَ يَا مَعاذُ، أَجِرْنا مِنَ النّارِ يَا مُجِيرُ. سُبْحانَكَ يَا جَمالُ، تَعالَيْتَ يَا جَلالُ، أَجِرْنا مِنَ النّارِ يَا مُجِيرُ. سُبْحانَكَ يَا سَابِقُ، تَعالَيْتَ يَا رَازِقُ، أَجِرْنا مِنَ النّارِ يَا مُجِيرُ. سُبْحانَكَ يَا صَادِقُ، تَعالَيْتَ يَا فَالِقُ، أَجِرْنا مِنَ النّارِ يَا مُجِيرُ. سُبْحانَكَ يَا سَمِيعُ، تَعالَيْتَ يَا سَرِيعُ، أَجِرْنا مِنَ النّارِ يَا مُجِيرُ. سُبْحانَكَ يَا رَفِيعُ، تَعالَيْتَ يَا بَدِيعُ، أَجِرْنا مِنَ النّارِ يَا مُجِيرُ. سُبْحانَكَ يَا فَعّالُ، تَعالَيْتَ يَا مُتَعالُ، أَجِرْنا مِنَ النّارِ يَا مُجِيرُ. سُبْحانَكَ يَا قاضِي، تَعالَيْتَ يَا راضِي، أَجِرْنا مِنَ النّارِ يَا مُجِيرُ. سُبْحانَكَ يَا قاهِرُ، تَعالَيْتَ يَا طاهِرُ، أَجِرْنا مِنَ النّارِ يَا مُجِيرُ. سُبْحانَكَ يَا عالِمُ، تَعالَيْتَ يَا حاكِمُ، أَجِرْنا مِنَ النّارِ يَا مُجِيرُ. سُبْحانَكَ يَا دائِمُ، تَعالَيْتَ يَا قائِمُ، أَجِرْنا مِنَ النّارِ يَا مُجِيرُ. سُبْحانَكَ يَا عاصِمُ، تَعالَيْتَ يَا قاسِمُ، أَجِرْنا مِنَ النّارِ يَا مُجِيرُ. سُبْحانَكَ يَا غَنِيُّ، تَعالَيْتَ يَا مُغْنِي، أَجِرْنا مِنَ النّارِ يَا مُجِيرُ.

سُبْحانَكَ يَا وَفِيُّ، تَعالَيْتَ يَا قَوِيُّ، أَجِرْنا مِنَ النّارِ يَا مُجِيرُ. سُبْحانَكَ يَا كافِي، تَعالَيْتَ يَا شافِي، أَجِرْنا مِنَ النّارِ يَا مُجِيرُ. سُبْحانَكَ يَا مُقَدِّمُ، تَعالَيْتَ يَا مُؤَخِّرُ، أَجِرْنا مِنَ النّارِ يَا مُجِيرُ. سُبْحانَكَ يَا أَوَّلُ، تَعالَيْتَ يَا آخِرُ، أَجِرْنا مِنَ النّارِ يَا مُجِيرُ. سُبْحانَكَ يَا ظَاهِرُ، تَعالَيْتَ يَا بَاطِنُ، أَجِرْنا مِنَ النّارِ يَا مُجِيرُ. سُبْحانَكَ يَا رَجاءُ، تَعالَيْتَ يَا مُرْتَجى، أَجِرْنا مِنَ النّارِ يَا مُجِيرُ. سُبْحانَكَ يَا ذا المَنِّ، تَعالَيْتَ يَا ذا الطَّوْلِ، أَجِرْنا مِنَ النّارِ يَا مُجِيرُ. سُبْحانَكَ يَا حَيُّ، تَعالَيْتَ يَا قَيُّومُ، أَجِرْنا مِنَ النّارِ يَا مُجِيرُ. سُبْحانَكَ يَا واحِدُ، تَعالَيْتَ يَا أَحَدُ، أَجِرْنا مِنَ النّارِ يَا مُجِيرُ. سُبْحانَكَ يَا سَيِّدُ، تَعالَيْتَ يَا صَمَدُ، أَجِرْنا مِنَ النّارِ يَا مُجِيرُ. سُبْحانَكَ يَا قَدِيرُ، تَعالَيْتَ يَا كَبِيرُ، أَجِرْنا مِنَ النّارِ يَا مُجِيرُ. سُبْحانَكَ يَا والِي، تَعالَيْتَ يَا عَالِي، أَجِرْنا مِنَ النّارِ يَا مُجِيرُ. سُبْحانَكَ يَا عَلِيُّ، تَعالَيْتَ يَا أَعْلَى، أَجِرْنا مِنَ النّارِ يَا مُجِيرُ. سُبْحانَكَ يَا وَلِيُّ، تَعالَيْتَ يَا مَوْلَى، أَجِرْنا مِنَ النّارِ يَا مُجِيرُ. سُبْحانَكَ يَا ذارِئُ، تَعالَيْتَ يَا بارِئُ، أَجِرْنا مِنَ النّارِ يَا مُجِيرُ. سُبْحانَكَ يَا خافِضُ، تَعالَيْتَ يَا رافِعُ، أَجِرْنا مِنَ النّارِ يَا مُجِيرُ. سُبْحانَكَ يَا مُقْسِطُ، تَعالَيْتَ يَا جامِعُ، أَجِرْنا مِنَ النّارِ يَا مُجِيرُ. سُبْحانَكَ يَا مُعِزُّ، تَعالَيْتَ يَا مُذِلُّ، أَجِرْنا مِنَ النّارِ يَا مُجِيرُ. سُبْحانَكَ يَا قَادِرُ، تَعالَيْتَ يَا مُقْتَدِرُ، أَجِرْنا مِنَ النّارِ يَا مُجِيرُ. سُبْحانَكَ يَا عَلِيمُ، تَعالَيْتَ يَا حَلِيمُ، أَجِرْنا مِنَ النّارِ يَا مُجِيرُ. سُبْحانَكَ يَا مُعْطِي، تَعالَيْتَ يَا مانِعُ، أَجِرْنا مِنَ النّارِ يَا مُجِيرُ. سُبْحانَكَ يَا ضارُّ، تَعالَيْتَ يَا نافِعُ، أَجِرْنا مِنَ النّارِ يَا مُجِيرُ. سُبْحانَكَ يَا مُجِيبُ، تَعالَيْتَ يَا حَسِيبُ، أَجِرْنا مِنَ النّارِ يَا مُجِيرُ. سُبْحانَكَ يَا عادِلُ، تَعالَيْتَ يَا فَاصِلُ، أَجِرْنا مِنَ النّارِ يَا مُجِيرُ. سُبْحانَكَ يَا لَطِيفُ، تَعالَيْتَ يَا شَرِيفُ، أَجِرْنا مِنَ النّارِ يَا مُجِيرُ. سُبْحانَكَ يَا رَبُّ، تَعالَيْتَ يَا حَقُّ، أَجِرْنا مِنَ النّارِ يَا مُجِيرُ. سُبْحانَكَ يَا ماجِدُ، تَعالَيْتَ يَا واحِدُ، أَجِرْنا مِنَ النّارِ يَا مُجِيرُ. سُبْحانَكَ يَا عَفُوُّ، تَعالَيْتَ يَا مُنْتَقِمُ، أَجِرْنا مِنَ النّارِ يَا مُجِيرُ. سُبْحانَكَ يَا واسِعُ، تَعالَيْتَ يَا مُوَسِّعُ، أَجِرْنا مِنَ النّارِ يَا مُجِيرُ. سُبْحانَكَ يَا رَؤُوفُ، تَعالَيْتَ يَا عَطُوفُ، أَجِرْنا مِنَ النّارِ يَا مُجِيرُ. سُبْحانَكَ يَا فَرْدُ، تَعالَيْتَ يَا وِتْرُ، أَجِرْنا مِنَ النّارِ يَا مُجِيرُ. سُبْحانَكَ يَا مُقِيتُ، تَعالَيْتَ يَا مُحِيطُ، أَجِرْنا مِنَ النّارِ يَا مُجِيرُ. سُبْحانَكَ يَا وَكِيلُ، تَعالَيْتَ يَا عَدْلُ، أَجِرْنا مِنَ النّارِ يَا مُجِيرُ. سُبْحانَكَ يَا مُبِينُ، تَعالَيْتَ يَا مَتِينُ، أَجِرْنا مِنَ النّارِ يَا مُجِيرُ. سُبْحانَكَ يَا بَرُّ، تَعالَيْتَ يَا وَدُودُ، أَجِرْنا مِنَ النّارِ يَا مُجِيرُ. سُبْحانَكَ يَا رَشِيدُ، تَعالَيْتَ يَا مُرْشِدُ، أَجِرْنا مِنَ النّارِ يَا مُجِيرُ. سُبْحانَكَ يَا نُورُ، تَعالَيْتَ يَا مُنَوِّرُ، أَجِرْنا مِنَ النّارِ يَا مُجِيرُ. سُبْحانَكَ يَا نَصِيرُ، تَعالَيْتَ يَا ناصِرُ، أَجِرْنا مِنَ النّارِ يَا مُجِيرُ. سُبْحانَكَ يَا صَبُورُ، تَعالَيْتَ يَا صابِرُ، أَجِرْنا مِنَ النّارِ يَا مُجِيرُ. سُبْحانَكَ يَا مُحْصِي، تَعالَيْتَ يَا مُنْشِئُ، أَجِرْنا مِنَ النّارِ يَا مُجِيرُ. سُبْحانَكَ يَا سُبْحانُ، تَعالَيْتَ يَا دَيَّانُ، أَجِرْنا مِنَ النّارِ يَا مُجِيرُ. سُبْحانَكَ يَا مُغِيثُ، تَعالَيْتَ يَا غِيَاثُ، أَجِرْنا مِنَ النّارِ يَا مُجِيرُ. سُبْحانَكَ يَا فَاطِرُ، تَعالَيْتَ يَا حَاضِرُ، أَجِرْنا مِنَ النّارِ يَا مُجِيرُ. سُبْحانَكَ يَا ذا العِزِّ وَالجَمالِ، تَبارَكْتَ يَا ذا الجَبَرُوتِ وَالجَلالِ. سُبْحانَكَ لا إِلهَ إِلَّا أَنْتَ سُبْحانَكَ إِنِّي كُنْتُ مِنَ الظّالِمِينَ فَاسْتَجَبْنا لَهُ وَنَجَّيْناهُ مِنَ الغَمِّ وَكذلِكَ نُنْجِي المُؤْمِنِين، وَصَلَّى اللهُ عَلَى سَيِّدِنا مُحَمَّدٍ وَآلِهِ أَجْمَعِينَ، وَالحَمْدُ للهِ رَبِّ العَالَمِينَ، وَحَسْبُنا اللهُ وَنِعْمَ الوَكِيلُ، وَلا حَوْلَ وَلا قُوَّةَ إِلَّا بِاللهِ العَلِيِّ العَظِيمِ.

انته الولي.. ونعم الوالي
ماعندي غيرك ياعلي
ياحاضر الشده هناك تحضرني يوم الشده
...................

ماعندي شي يسوه ودمعتي بعيني
وذنوبي كثره وكيدت جفيني
بليلة الوحشه وحدي لتخليني

وسط الكبر.. انته الذخر
حبتك روحي امن الزغر
ابلا نور وجهك مولاي گلبي ابد مايهده
.....................

بالدنيا عايش بسمك وطاريه
اكعد واكوم بياعلي يوميه
ذكرك عباده ومنفعه وروحيه

يجلي المحن.. يابو الحسن
بكل عمري حسيتك وطن
بيك انه متمسك حيل وحبل الوصل ماهده
...................

ماهد وصالك ياشفيع اذنوبي
كاتبلك بنبض الگلب مكتوبي
محبوبي انته ياعلي محبوبي

ليك التجي.. وبيك ارتجي
لله بدمعتي والبجي
الله يحبك مولاي وتشفعلي اريدك عنده
.....................

النعمه الجبيره اولايتك مطلعها
خير وسعاده وبالگلب اسمعها
غذتني امي حبك بمرضعها

من اولي.. وكالت الي
يبني الفيدك بس علي
نصبه الباري اعله الكون وخسران كلمن ضده
........................

دكيت بابك وبدليلي الحسره
يالتجبر الخاطر وابد متكسره
خليني خادم دوم الك عالفطره

رزق الگلب.. دمع اليصب
من دونك أشعر بالغرب
مذنب وجيت اترجاك ذنبي عبر عن حده
.....................

بيدك تطهر گلبي من عصيانه
خجلانه روحي امن الذنب خجلانه
ياعلي الما حبك خلل بيمانه

عمري گضه.. يالمرتضه
ودلالي بمحبتك حضه
يم منكر احضر وياي وحل من لساني العگده


محمد هادي العقابي

كعده


يابو اليتامه ادخيلك .. مترد بعد للدار
عن زينب اشأحجيلك.. تدري بگلبهه شصار
ذاب الگلب بمصابك
كاسرهه حيل غيابك
................

من طلعت انته الصلاتك تمشي وياك المنايه
گلب زينب جن علمهه هاي آخر ليله هايه
ياعلي وردوك الهه وشيبتك تكطر دمايه

تمشي ويسندوك الولد
هذا الجرح جرح الفكد
خايف گلبهه ينمرد
ياعلي هاي النهايه

من شافتك بخضابك.. صاحت يبويه احاه
يصعب عليه صوابك.. وما اكدر اعله ادواه
ضلت تشم بثيابك
كاسرهه حيل غيابك
...................

ياعلي زينب اللمهه ابد مايهده برحيلك
ضلت بكسرت گلبهه ومن وداعك تشتكيلك
من تجي متعوب انته تعاين الهه ويرد حيلك

هسه اعتنه اعليهه الحزن
دمعتهه ضلت عالوجن
تدري بگلبهه شكد يحن
هاي الاسمها بنص دليلك

ضلت تردد كلمه.. رايح ينور العين
لاماتطيب اللجمه.. يابويه اشوفك وين
اذاهه يوم صوابك
كاسرهه حيل غيابك
....................

فاركت امهه بزغرهه وضلت بحسرت اليمه
الدنيه مارحمتهه زينب والنهار اعليهه ضلمه
راحت الزهرة من اديها وعاشت بداخلهه هضمه

يوم الزجيه شكد صعب
يشلع بسباح الگلب
واليوم غطاك الترب
ياحزن زينب تهضمه

لمن تشوفك جانت.. تحس بالأمان وياك
يوم المنيتك حانت.. ذبلت على فركاك
منتضره دكت بابك
كاسرهه حيل غيابك
................

عفت وسط العين دمعه وابد ماتنشف يغالي
بيتك اخلافك يحيدر أصبح بعيناهه خالي
انته خيمتها الجبيره وفيك اعله الراس عالي

زينب تضل اليا الم
كل حيلهه اليله انهدم
عندك علم يابو الشيم
تسهر بذيج الليالي

وبكربله يالوالي .. تدري العقيله تحير
لاما يضل كل غالي.. وعالخيم نار اتدير
تنادي وتريد جوابك
كاسرهه حيل غيابك
.....................

ابو فاظل من كفلهه وسلمت جفهه بيمينه
ياعلي مايضل سالم اينام المثلث بعينه
والحسين بغربه وحده وعينه تنضر للضعينه

ويطيح محزوز النحر
وجسمه الترف يصبح وذر
وزينب تنادي من الخطر
يالكمر دلحك سكينه

مايضل اي شي سالم.. ويبقه لهيب النار
وبزينب انته العالم.. بطف كربله تحتار
ايدور الزمن بحبابك
كاسرهه حيل غيابك


محمد هادي العقابي

ليش الدمع عالوجنات
يادنيه ليليه ايبات
فكد الابو ماينحمل
وكسر الخواطر موسهل
ليش ليش هايدنيه
......................

بالغدر ماكو مثيلج ماتعرفين الحنان
شلون يخلص تالي عمري وانتي مابيج الامان
هواي راح اعيوني تسهر بيج ويطول الزمان
شضامتلي يا مصيبه وياخرابه ويامكان

لاجمني كلبي ومالوم
منج شفت بس هموم
وهمومج التكتل كتل
وكسر الخواطر مو سهل
ليش ليش هايدنيه
.....................

عالمحنه شبيج انتي تعتنين وبالحزن
ناسيه لوبيهه اذكرج خذتي مني اطيب حضن
الزهره من راحت لهسه اسهر الليل واون
خذتي شمعت عيني امي والكلب ذاك اليحن

امي تضل وسط البال
وسهمج الليله الجتال
اكبار المصايب من تحل
وكسر الخواطر مو سهل
ليش ليش هايدنيه
....................

الحطني بعيونه ويكلي انتي نبضات الكلب
وانتضر بابي يدكه وعيني تربي اعله الدرب
هذا ابوي وكل حياتي افراكه يهضمني وصعب
ادري مايسلم الطيب بيج لازم ينضرب

هزيتي دين الاسلام
صوّبتي حيدر بالهام
دمعي على مصابه يهل
وكسر الخواطر مو سهل
ليش ليش هايدنيه
.........................

خذتي ابوي وكلشي بيّه تهدم الهاذه الامر
بعد مايهنالي اعيشن بيج يلطبعج جمر
عمري بوجوده شحلاته وراح وياه العمر
شلون اكضيهه حياتي و والدي بحضن الكبر

منج بنص كلبي صواب
من الباب والهل محراب
وي والدي راح العدل
وكسر الخواطر مو سهل
ليش ليش هايدنيه
..........................

ميته بعيوني يدنيه انتي من كد الضلم
انه زينب شنهي ذنبي ومنج اشبع بس هظم
بيج ابوي انصاب راسه وجازيه الطبره العضم
اليله ياعظم المصيبه من ابوي انه انحرم

يادنيه مومال افراك
كلساع احنن وشتاك
من وجهه والله ما امل
وكسر الخواطر مو سهل
ليش ليش هايدنيه


محمد هادي العقابي

من كد البجي ماضلت ادموع
اون بويه بحزن والصوت مسموع
وجهك عيد رمضان
لتخليني بحزان
..............

زينب آنه بويه وگلبي لهفان
ادور على اضمادك وين ماجان
جرحك مامخلي بوجهك الوان
شيجيب الزجيه البيت الاحزان

محد يعرف بجرحك دوا وين
منين انجيبلك جف ام الحسين
هيه تنشف الاجفان
لتخليني بحزان
.............

شيرجعهه امي صعبه يالحيد
تشفه اعله الجرح لمن تحط ايد
اشوفك بين اديهه و ونك ايهيد
بويه ياعلي شيجيبه البعيد

سر هذا البُعد مخطوط بكتاب
اصبري يالعقيله بفكد الاحباب
صار بخدي نيشان
لتخليني بحزان
.............

اغطيك بعباية امي ودكوم
اخاف تشم عطرهه ويثكل النوم
عمرك بالسهر كضيته ما يوم
شفتك عل وساده تلوج ملجوم

سواد الليل يخطف من يمر بيك
تطلع عالشمس ماتطلع اعليك
صوتك عندي آذان
لتخليني بحزان
.............

تدير اعلينه عينك بويه بحساس
رغم كل الالم وعصابت الراس
هواي تمعنت بعيون عباس
تخاف اعليه تدري بغربة الناس

توصي الگمر انته الكافل تصير
ماريد بغيابي زينب تحير
عدنه هواي عدوان
لتخليني بحزان
..............

طبيبك شاف جرحك ونجرح بيك
عجز منه وفلا يكدر يداويك
بويه ارفعلي راسك خل احاجيك
الجرح لو دمعتي اكثر تئذيك

تريحني اريد بكلمة الزين
الخاطر دمعتي والكسرة حسين
وگلب الحسن نيران
لتخليني بحزان
............

هاي عيوني من نضرت على ادماك
احس گلبي يكلك الله وياك
دوه المجروح انته وضايع ادواك
راح اشتاكلك يالصعب فرگاك

عكب ماجان طولك بي يشع نور
يصير هناك ملكانه بالكبور
ويغطيك تربان
لتخليني بحزان


محمد هادي العقابي

جرحك يضل بينه
حيدر يوالينه
............

مادامه بالدنيه الهوه ماينّسي اصوابك
جرحك يضل طول الزمن ويئلم احبابك
ذكرك يحيدر بالكلب اي والله ومصابك
اول وتالي ياعلي انشم ريحت اترابك

بس انته تحمينه
حيدر يوالينه
..........

يالنصبك رب العرش بعد النبي طاهه
إيمام تحكم بالعدل بيك احنه نتباهه
ماكو اليشبهك سيدي وجفوفه مداهه
للخير بس انته علي والناس ترعاهه

شيعتك تدرينه
حيدر يوالينه
.............

ايمان حبك ياعلي والنار للحاقد
يمحير اعقول العده وبدنيتك زاهد
انته خصيم اهل الكفر واعله الضلم شاهد
ياباب علم المصطفى وتاريخك الخالد

بالفخر نادينه
حيدر يوالينه
...............

كل اليبغظك ياعلي خسران تاليته
وهذا البغظ زايد يضل بكلوب ذريته
صيتك ترس ارض وسمه وماله اثر صيته
الله بعظمته ياعلي فاتح الك بيته

مصابك يئذينه
حيدر يوالينه
...............

جمره وتضل طول الدهر ماتنطفي الجمره
يابا الحسن لمصيبتك للابد متوجره
نندب باسمك كل وكت ياعلي ونذكره
وحته اليضدك لوندب تتعنه وتحضره

بيك احنه باهينّه
حيدر يوالينه
................

حان الوداع وكل محب بدموعه وحزانه
يهتف علي حامي الحمه بالغربه خلانه
واملاك ربنه البلعرش هم تنعه ويانه
دين الله طبرو هامته ومتهدمه اركانه

فكدك يبجينه
حيدر يوالينه

محمد هادي العقابي

ماانسه ذاكه الصبح.. طر گلبي صابه برمح
متعني جايب جرح... ماله طبيب ايداوي
.................

جرح الهجر عرفته.. بعيوني حين الشفته
يبس الحيدر شفته ... واني تغير لوني
جاب الحزن وجاني.. بلادمعه ماخلاني
يم والدي بجاني.. وشيضمه دمع عيوني

يحاجيني ابوي بدمع عينه
حجي مخنوك مابيني وبينه
ضل الألم ياكل بيه ياناس
ابدال اسوالفه اسمع ونينه

انضر علي مو علي.. وحيله مشه الاولي
بس عينه تنضر الي.. ماله طبيب ايداوي
......................

ذكره وتضل جديده.. ويوميه جرحه اعيده
العام موبعيده... من طب عليه بدمه
ماانسه ذاك المنضر.. وي روحي ضل يتكرر
مسندينه اخوتي ويعثر.. وكوه يطلع الكلمه

هواي الصور بس وحده اعله بالي
كبالي ايلوج اشوفه العندي غالي
ابوي اعله الوساده ولونه مخطوف
أسأله ومايجاوب عن سؤالي

شلونك اكله بحزن... مايهز حته الجفن
موطبعه لاكن يون.. ماله طبيب ايداوي
.......................

مكسوره أكعد يمه .. جرحه كلف ويلجمه
وتلجمني شوفت دمه .. يعصر بگلبي صوابه
ايسيل الدمه امن الهامه ... وماكو اعله راسه عمامه
مايهده من الامه ... ضماد الجرح عصابه

موقف اخذ روحي الله اكبر
معصب راس ابوي ووجهه اصفر
يدير عيونه بيني وبين عباس
اكو بگلبه حجي امن اصوابه اخطر

بكربله يدري انهضم... ومن اخوتي انحرم
اصوابه جازي العظم... ماله طبيب ايداوي
.................

دمعه اعله خده نازل... ويصيح يابو فاضل
عباس انته الكافل.. زينب امانه بأيدك
حط ايدك بأديهه.. وبعيونك تخليهه
هاذا الزمن ياذيهه.. انته الكفيل تريدك

ياراعي الامانه هايه زينب
بوجودك مااريد اسمعهه تنحب
عليهه هواي خايف ياابو الجود
لون عنها غبت زينبك تتعب

بيه يوصي الگمر.. لو عال بيه الدهر
ذبل عيونه السهر.. ماله طبيب ايداوي
......................

شفت الحسين بدمعه.. والحسن لازم ضلعه
حاروا اخوتي بوضعه.. مسموم سيف الصابه
البلحرب ثابت عزمه.. ومارجف من كل زلمه
عياله عليه ملتمه... طايح وسط محرابه

الدنيه الدارت بحيدر عليي هم
تدير وتحرك اعليه المخيم
احير ابين غربه وولية اجناب
وصدر حسين كدامي ايتهشم

واليسر دربه صعب.. والناس كلها غرب
ياخلك جرح الگلب.. ماله طبيب ايداوي


محمد هادي العقابي

نزله


ندبناك ياعلي دعيناك ياعلي
انريد ارضاك ياعلي حيدر مدد
......................

ياعلي نقسم عليك بهل ليالي الصعبه
عله كلبك ياامامي وبيهه شفت الغربه
احنه خدامك وجينه وعدنه يمك طلبه
نريد ماي الجنه حيدر من اديك انشربه

يسكاي ياعلي على الماي ياعلي
هويناك يا علي حيدر مدد

.......................
تعبه دنيانه يحيدر ونته اعلم بيهه
شماتمر بينه المصايب حبكم يحليهه
احنه بدمانه كتبنه ولايتك شاريهه
والدليل بيوم عاشر روسنه اندميهه

يصيحون ياعلي اليطبرون يا علي
ماننساك يا علي حيدر مدد
...........................

الك يابو الحسن بينه محبه ماموصوفه
شيعتك وبزود فعلك بالاسم معروفه
من يمر عالضالم اسمك يرتجف من خوفه
شلون لو شخصك اجاهم والعيون تشوفه

يبغظون ياعلي يموتون ياعلي
تبعناك ياعلي حيدر مدد
.........................

معتنين بثوب الاسود وحك ضلع الزهره
والي مايحضر عزيه هذا شله بعمره
المايواسيك بمصابك عنده خله بامره
ماعرف معنه الحقيقه ولاسمع بالكسره

الضلع ثار ياعلي ثار احرار ياعلي
عد عيناك ياعلي حيدر مدد
...........................

يبو الحمله شمانسوي مانوفي افضالك
انته ضحيت بحياتك وتبعوك عيالك
ثوب ومفصل عليك المرجله وتحلالك
ياعلي ربنه ورسوله شاكرين افعالك

شكد ضحيت ياعلي من اهل البيت ياعلي
انصير وياك ياعلي حيدر مدد
.................. . ...........

وياك نبقه للمنيه ياعلي منعوفك
ذبنه من يوم السمعنه حيدره بحروفك
نضرت الوادم علينه تختلف عن شوفك
انته من تنضر علينه تنضر بمعروفك

يضرغام ياعلي احنه ايتام ياعلي
اجيناك ياعلي حيدر مدد



محمد هادي العقابي

يوجه الخير يابويه يوجه الخير
اكول المن بعد عينك صباح الخير
اضل الشوفتك يابويه مشتاگه
عليي يصعب بعد وياك الملاگه
....................

عفت زينب يبو زينب اضل شلون من دونك
صباح الخير ماتنكال بس الشوفت اعيونك

يخيمه ونكعد بفيهه... ينور الدنيه ياضيهه
تروح شلون
زماني حضر اجروحي... وذبل وجهي الكثر نوحي
وخطف كل لون

يريت وياك تاخذني يريت وياك
ولا اضل ساعه بالدنيه بلا ملكاك
الهجر ماينحمل نيرانه حراگه
عليي يصعب بعد وياك الملاگه
..................

اجاني العيد ونته بعيد. دلالي وياك دافنته
مثل كلبك عليي بويه. ياهو ايحن عله بنته

هواي انته وانه اشتمك... شيعوض كعدتي يمك
يبعد الروح
الحبيبه يل تناديني... بحزن وبهم تخليني
وگلب مجروح

دمعتي لاتضن تنشف عله الخدين
يماخد روحي بغيابك اشوفك وين
تره الغالي يبويه يهضم افراگه
عليي يصعب بعد وياك الملاگه
..................

حزن گلبي فلا ينفض... وتضل طول العمر ناره
تمر ايام الك اعتاز... اصير بهيمه محتاره

اضل بلا كمر وحدي... ويروح حسيني من عندي
وتصب العين
يبو الأيتام واتلوع... عليي خيل وزلم تفزع
بلايه حسين

ولاخيمه التضل عندي وگلب محتار
واشوف خيامي كدامي تشب ابنار
يبويه وللسبي تتحضر الناگه
عليي يصعب بعد وياك الملاگه
...................

علي بويه بدرب امشي. وولا واحد من اخواني
تاخذ كربله مني... اهل الغيره ولياني

واطب مسبيه للكوفه... بحبل عالناگه مجتوفه
وتشوف الناس
غريبه امشي بوسط غربه... وانه زينب عليي صعبه
بلا عباس

اصد والناس اشوفنهه بديهه حجار
يضربوني وانه بنيتك يحامي الجار
ويضل ياهو اليجي بويه الضعن ساگه
عليي يصعب بعد وياك الملاگه
....................

المصايب هاي كلها تصير وتخلي بالگلب جمره
وداعك مو سهل والله. يبويه وجرحك شكبره

يمن عمري فده العمرك... اودعك والحضن كبرك
بتراب اتنام
تخليني بدمع عيني... يشمعة روحي وسنيني
يبو الأيتام

عذابي ولجمتي بويه تضل وياي
واشوفن من بعد عينك رزايه هواي
يودعك گلبي هاي الليله بشواگه
عليي يصعب بعد وياك الملاگه


محمد هادي العقابي

ماضل صبر لمن طحت يحيدر
بالدمعه اجينه الدارك انتعثر
يابا الحسن جبنه الدوه بدينه
وجنازه شفناك اطلعِت علينه
..................

باللبن كالوا دوه... ونجمعنالك سوه
ندعي ربنه ترجعلنه انت ابونه الغالي
كل گلب بينه انتظر... للشفه نسمع خبر
ونهضمنه ونكسرنه والدموع تلالي
عيونه هوايه بجن... ونجفت طوس اللبن
طحنه عازه عالجنازه بالنحيب العالي

ايتامك احنه ونته ابو اليتامه
عشنه بوجودك سيدي بسلامه
خيمه وتلمنه بكل وكت تجينه
وجنازه شفناك اطلعِت علينه
.....................

الليله مابيهه هنه.... ضهر الحسين انحنه
يبجي حسره انته عمره جنازه ويشيلونك
طايح وانته الوطن.... ياعلي وشفنه الحسن
اي يحيدر يمشي يعثر ويه اليشيعونك
دارك امست مضلمه... لاعلي ولا فاطمه
والله صعبه بدنيا غربه تعوف اليحبونك

مثل الجمر وسط الگلب غيابك
طول العمر دايم جرح مصابك
منوفي لو من دم الك بجينه
وجنازه شفناك اطلعِت علينه
.....................

العيد بعدك من يمر ... اضلم بلون الكبر
مانريده شنهو عيده الغاب ابو من عينه
كل سنه لمن يجي... عله صدرك ننتجي
تلمنه كلنه تسولفنه وجفك الينطينه
هموم بيك وتبتسم...ماتحسسنه بيتم
كبرتنه وعلمتنه وخيرك مغطينه

ماتممت بويه شهر صيامك
تعلمنه بالعيد الدفو بكلامك
نسمع كلامك بالفرح ولينه
وجنازه شفناك اطلعِت علينه
.....................

مايكفينه الحزن... ريت يمك نندفن
نضل نطوفك مانعوفك يمك انته الراحه
دنيا مابيها علي... همهه ابد ماينجلي
من سهمهه ايضل المهه وكل گلب بجراحه
بعد لو غابت شمس... منهو بيتامك يحس
انته والي البيت خالي والسواد اوشاحه

انته الحيات وانته كل اهلنه
ماعدنه غيرك تدري يااملنه
احنه الخسرنه روحك الحنينه
وجنازه شفناك اطلعِت علينه
...................

خبزك شكد بي ملح... يالمثيلك مايصح
تعيش بينه ومانسينه خيرنه امن اجتافك
ليلك ايخلص جهاد... ونته تفتر عالعباد
ماتنامه واليتامه تنتضر للطافك
بدولتك تملك حصير... والفقير ايصير أمير
يبو الملكه وين نلكه مثلك وبوصافك

حان الوداع ومنك انحرمنه
بينه انزرع من فركتك اللمنه
كلشي انتهه بويه وتوادعينه
وجنازه شفناك اطلعِت علينه


محمد هادي العقابي

علي وبس انته الأمير
بعد مثلك مايصير
وداعاً يا أباالحسن
..................

علي من عالم الذر الله خالقنه الهواك
نحبك ياولينه وابد مانعشك سواك
مصابك بينه جمره يل رضا الباري رضاك
بحزن گلبه ودمعته الليله كل شيعي نعاك

يحيدر انته الحبيب
يضل جرحك مايطيب
دموع احبابك جرن
...................

أمير المؤمنين وطايح ودمك خضاب
الأرض والسمه حزنت ياعلي بهذا المصاب
وحك دمعة حسينك بعدك انشوف العذاب
يخيمتنه الجبيره يصعب اعلينه الغياب

تروح ودمك يسيل
يتامه وانته الكفيل
نضل بعدك للمحن
..................

يحامي الدين انته وانته دين الله القويم
علي وماعدنه غيرك ياسراط المستقيم
عله مصابك ينوح ويجرن عيونه اليتيم
وداعك هزهز الدنيه يبو گلب الرحيم

قسم وبرب السماء
الك نبقه اعله الولاء
ولا نهتم للزمن
.....................

هاي الليله بيهه شكد حزن صاب العباد
يحيدر شيعتك وسط الگلب نصبو حداد
اجيناك بهضمنه ياعلي وثوب السواد
ألم بينه وحكك والألم هل ليله زاد

يحيدر انته الأمان
خذت وياك الحنان
يبعدك عنه الجفن
.....................

يضل طول العمر يابا الحسن هذا النداء
علي وهل صوت هذا نردده بعزم الولاء
يحلال الشدد بالشده نرخصها الدماء
ابونه وعلمتنه عالشجاعه وعالاباء

نعوفك هذا محال
يهيبة كل الرجال
فخر يااجمل وطن
......................

املنه المنتضر والرايه بيده وذوالفقار
يجي ويشوفنه بگلوبنه مشتعله نار
ولدك احنه وانصاره وسوه نطلبله ثار
يحيدر عاليضدك كل وكت هل دمنه حار

ولينه ونعمه الولي
وكفو منك ياعلي
اليحبك گلبه حزن


محمد هادي العقابي

انا ماخاف اذا دفنوني
يم ابو حسين اغمض عيوني

ياملك يوصل الي
ولايذ انه بسد علي
..................

ذاك عمري الفات خلصته بمحبته
وباقي هذا العمر اكضيه بخدمته
حبه ويه الخدمه ناتجهن عرفته
گلبي دكاته علي يعني عشكته

يبقه غالي وما امله واغله من ناسي وهلي
صاحب افضال العرفته هوه بس حيدر علي

لمن انخا وامدله اجفوفي
يترس الايد عطايه ويوفي

وهمي كله ينجلي
ولايذ انه بسد علي
......................

والله هنياله الصدّك وي اهل بيته
ايعيش طول العمر بيهم عالي صيته
الماتغره الدنيه ويضيّع مشيته
الجنه مضمونه وعلي ايوقع هويته

واني خايف من زماني ومن غروري والانا
واطلع من الدنيه وفعالي جذب بس العنا

والامل عندي قالع خيبر
يقلع اذنوبي لمن يحضر

بنوره كبري ينملي
ولايذ انه بسد علي
....................

الدنيه بيهه ماشفت غير الملامه
وروحي من هذا الزمن شبعت ندامه
اه من ابنادم وكثرت سهامه
انه احبه اليفتخر حيدر امامه

غير ابو حسين فلا ترهملي جاره بمحنتي
يحضر بيوم مماتي ويجيني بوحشتي

امنيه هاي واشوفه بعيني
يعني مولاي فلا ناسيني

كلبي من حزني خلي
ولايذ انه بسد علي
........................

من كلت ماخاف كون اعمالي زينه
وابتعد عن كل عمل بي احس شينه
حيدر ايريد النضيف اليغض عينه
ياحلات الخدمه من يرضه علينه

وانه للموت اخدمه واله مني العهد
درب الاحرار دربهم واضل بي للابد

الدنيه ماشوف تطوّل بيه
واول وتالي هم مكضيه

بغيضه يبقه عاذلي
ولايذ انه بسد علي
............................

ادعي ياربي برحمتك من عليه
وكون اضل بحب علي الحد المنيه
مااريدن للعنق تنغّل اديه
ايدي ياخذهه ردت حامي الحميه

وامشي ويا ويّرويني من مي كوثره
وبسلامه اعبره صراط الاخره

هيجي دلالي حبه وزايد
غير ابو حسين ابد مارايد

وصوتي بالحق يعتلي
ولايذ انه بحب علي
........................

عايش بهذا الاحساس امن الطفوله
بحب علي هواي الكلام اعجز اكوله
عظم الله مصاب ابو الزهره ورسوله
ابن عمه انصاب والدم اعله طوله

دين الاسلام حزين ويكفكف دمعته
طاح الايمان على الكاع خضيبه عمامته

سيف الاحقاد تعده وجاسه
اه ويلاه يطبرت راسه

راحل الليله الولي
ولايذ انه بسد علي

محمد هادي العقابي