ميمر


كل دمعه اجريها اعليك بيها اواسي الزهره
.................
دمعي الك بابو علي صبيته
ومن زغري حزنك بالگلبك خليته
آنه اللذي بفي منبرك ربيته

ومن يومي ذاك الهل يوم وي المجالس عشره
.......................

عشرت گلب ويه الدمه اتعاشرنه
بالثوب الاسود والدمع اتعنه
ومن ادخل المجلس احس بالجنه

بفطرة اهلنه الماضين امشي اعله هاي الفطره
.....................

يالخدمتك ويه الهوه البنفاسي
صارت فرض يتغذه منهه احساسي
اوسام الشرف والفخر تاج براسي

ابلطفك ابا عبدالله خليتني اعليك اقره
.......................

ماعندي غيرك يااماني وحصني
وفقني أكثر للعزه وفقني
يحسين من هل خدمه لاتحرمني

الخادم يضيع ابلياك لوما يحصل نضره
........................

انته الجبتني خادم الخدامك
واني المقصر كل وكت كدامك
كون احترك بالخدمه مثل اخيامك

وما ابرد وماارتاح وبروحي خيمه وجمره
.......................

هل عمر سفره ومايصح بس مره
واكضيهه كلهه بخدمتك هل سفره
بين المجالس بين ازور الحضره

واعليك اضل انعه بآه وأجري عليك العبره
.......................

يم مذبحك اوكف وصيح بنوحي
عطشان ضل اعله الترب مذبوحي
للموت اظل وياك هاي اجروحي

ماانسه يومك والله لو وسدوني بحفره


محمد هادي العقابي

ليلة مسلم عليه السلام.


ماكو خوف وآنه ابن المرجله
بالجفوف سيفي مثل الزلزله
ما اشوف غير الحسين وهله
حسين حسين
..............

جايكم بيدي الرساله من اغله غالي
وانتم اختارو النهار امن الليالي
لاتخلون اليضد حسين والي
انه اجيت وبس الحسين اعله بالي

والخيار الكم امن اهل العلم
بالحوار ماكو احله من السلم
والفرار مايلوك اعله الزلم
حسين حسين
..............

ابن عمي و وده بيميني الامانه
ايحذر امن الضالم وغدره وزمانه
والله هنياله الحضه بلطفه وحنانه
حسين ابيض گلبه ميحب الخيانه

واليطيع للكلام اليسمّعه
مايضيع حسين يصبح مرجعه
والشفيع هوه يوم الواقعه
حسين حسين
..............

كلكم اتعرفوف الحسين وخصاله
غير درب الحق ابد لا ماحلاله
رايد اينجيكم امن اهل الضلاله
الله يهديكم وتحضون بوصاله

واليصير ويه ابن خير العمل
مايحير ابد ميمره الوجل
بالضمير بس الحسين الامل
حسين حسين
...............

مسلم آنه وانتضر رد الخطابي
وينه اليبايعني وايئيد كتابي
ينذكر ويه الحسين اسمه الصحابي
شو اشوف اوجوهكم تنطر مصابي

مااحيد جدمي ثابت عالدرب
واليريد حرب يامحله الحرب
والشهيد الجنة الباري يطب
حسين حسين
...............

راح احجي وياكم بشفرت حسامي
ويشهد التاريخ ويسجل كلامي
مايهمني العدد لو كثر الاسامي
اسم واحد عندي هوه حسين إمامي

للحسين روحي ناذرهه نذر
عمري دين ولازم اوفيله العمر
امشي وين غيره ماعندي ذخر
حسين حسين
................

بيه نار امن الغضب شيطفي ناري
اليوم بارض الكوفه اعلن انتصاري
نهجي واضح حيدري وثابت قراري
آنه حب حسين ايماني وشعاري

بالختام الموت الي عز وفخر
للامام ما اهم بكل خطر
بالسلام انذكر طول الدهر
حسين حسين


محمد هادي العقابي

عبد الله الرضيع ع



يبني والموت الخذاك.. دمعي ماينشف وراك
يمذبوح يعبد الله
عايف احضان الرباب.. ونايم بحضن التراب
يمذبوح يعبد الله
........................

اناغيلك ييمه ومنخطف لونك
يالعطشان امك تنشد شلونك
وديتك ردت بميه يزكونك
جاليش بسهم سدوهن عيونك

شح عله شفاك الفرات.. ونته زينه الهل حياة
يمذبوح يعبد الله
عايف امك للعذاب.. ونايم بحضن التراب
يمذبوح يعبد الله
......................

يعبد الله ييمه ابيش تتعوظ
من شفتك طحت مابيه حيل انهض
كماطك مثل گلبك يالولد ابيض
وصاير كله دم منين ماينكض

يبني اسمع مني صوت .. لاتخليني وتموت
يمذبوح يعبد الله
نحرك بدمك خضاب.. ونايم بحضن التراب
يمذبوح يعبد الله
....................

اشم نحرك اريد شلون اشمنه
وعاين يجري دمك يالولد منه
يبو عطر الحلو يلشوفتك جنه
تعال بحضني نام بنومك اتهنه

بحضني اصيحلك تعال.. تجوي يوليدي الرمال
يمذبوح يعبد الله
امك اني وراسي شاب.. ونايم بحضن التراب
يمذبوح يعبد الله
........................

مهدك بالدمع هزيته واتلوه
خالي مثل حضني يالجنت سلوه
ذبل غصنك وبلكي بدمعي تتروه
صوابك حار يابو ضحكت الحلوه

ذبحوا الضحكه بسهم.. وزرعو بگلبي الألم
يمذبوح يعبد الله
ضامي جبدك يبني ذاب.. ونايم بحضن التراب
يمذبوح يعبد الله

.....................

خذت گلبي يعبد الله وخذت حيلي
اناغيلك ييمه وماتناغيلي
لتكول امي كامت ماتلوليلي
ماانساك ياتعبي وسهر ليلي

گلبي ماخلص حنان.. ومنك احرمني الزمان
يمذبوح يعبد الله
يمرد ابروحي المصاب.. ونايم بحضن التراب
يمذبوح يعبد الله
......................

سابع خيمه بالطف تسمع اونيني
ونسوان الخيم ركضت تعزيني
غيابك يبني طفه النور البعيني
الذبح نحرك يغالي ذابح اسنيني

يبني من حان الوداع.. من حياتي كلشي ضاع
يمذبوح يعبد الله
موتوا حلم الشباب.. ونايم بحضن التراب
يمذبوح يعبد الله


محمد هادي العقابي

ليلة علي الاكبر ع


حاجيته بهداي.. ابني وحضنته
يافتشة العين .. كلبي كسرته
خويه زينب راح الاكبر
.....................

اركض وجدمي ايتعثر. من وصلته الولد دامي
وختنك بالعبره نحري. وصار بدموعي سلامي
وغوشت عيني بنضرهه. وبعد شيردني الخيامي
الكاع تجوي ونحره ينزف. واني ادري بگلبه ضامي

موذرته السيوف.. وماردلي سالم
وانضر للتراب.. بجروحه نايم
خطوه امشي وخطوه اعثر
خويه زينب راح الاكبر

...........................

بالصبر حزمته ضهري. وبني بحضان المنيه
شلته بجفوفي اعله صدري. وطحنه انه اويا سويه
اتمددت يمه اعله طوله. اولا فتح عينه عليه
ارد اكوم وحيلي ماكو. من شفت دمّه بأديه

مات الولد مات.. صعبه عليه
لميته بل اه.. بثنين اديه
كسر ضهري شلون منضر
خويه زينب راح الاكبر

...................

كمت اشم بجروحه وانحب. والدمع مالح يلجمه
ابني متوذر اشوفه. بيا گلب اكدر اللمه
علي الاكبر شيباني. وحيراني منين الزمه
طبره فوك الطبره صارن. ماكو شي سالم بجسمه

ضل گلبي محتار.. هدملي حيلي
بجروحه الاكبار.. فطّر دليلي
والله صعبه بدم تعفر
خويه زينب راح الاكبر

....................

وجهه متغير يخويه..اه من صدتله عيني
كتله بويه وهوه سكته..شكطع مابينك وبيني
امه منتظره يجيهه.. ورحت ليها بكل حنيني
عالوجه طاحت وتنظر.. ابني مذبوح اعله اديني

چا ماتت اوياه. من مات ابنهه
وتعاتبه هواي. وراسه بحضنهه
حگه كلبي لو تفطر
خويه زينب راح الاكبر
.........................

بالخيم شلعان كلبي. ولو صحت يرجعلي صوتي
وين اولادي النشامه. وين ربعي وين اخوتي
من شفت فتشة عيوني. ميت تمنيت موتي
دنيا ماترحمني ادري. من اظل بلا عزوتي

بالطف اليموت. ارحم اهوايه
من شفت الخيام. مابيهه رايه
بعد ساعه الله يستر
خويه زينب راح الاكبر


محمد هادي العقابي

أسألكم الدعاء بالرحمه وقراءة سورة الفاتحة إلى روح والدي ووالدتي جزاكم الله خير

استشهاد الامام الباقر ع



مشتاك الگلب وعيوني الثنين
اشوفلك مناره تكحل العين
اتعناك وانه بلهفتي زاير
اجي وعالرايه كاتب زاير الباقر
....................

حلم عمري وحياتي تنبني حضره
واكحل عيني والله بگبتك الصفره
الماشاف اليحبه شله بي عمره
جمر بيه العشك وشيحمل الجمره

اليفتح گلبي يلكه بوسطه موجود
يالباقر احبك حب بله حدود
يمته الروح يمك سيدي اتسافر
اجي وعالرايه كاتب زاير الباقر
......................

ضريحك يمته اشوفه واكصد بهمه
وشباجك احضنه بگلبي واشتمه
عطر الجنه عطرك وانته ابو النعمه
آنه الحَبك وشال اسمك ابدمه

شلت اسمك حرز واتفاخر بهاي
واعيش بخير مادام انته وياي
شوفت كبرك تسر گلبي والناضر
اجي وعالرايه كاتب زاير الباقر
.........................

بعيد امن النضر بس يمي احسنك
الساني يعجز شما سولفت عنك
كل خيري ونعمتي سيدي منك
تنساني بنضرتك والله ماضنك

ماتنسه اليحبك انته مولاي
متفضل عليي وانطيتني هواي
ادعي الله ضريحك ينبني وعامر
اجي وعالرايه كاتب زاير الباقر
...................

كبرك منهدم يابو الانسانيه
وانه بگلبي الك حضرات مبنيه
ماينخفي كبرك بالعلانيه
ازورك من بعيد بدمعي ليليه

مناجات العشك اقراهه بمصاب
ووديهه الك ويه الهوه الهاب
جمره بروحي تلهب والگلب ناطر
اجي وعالرايه كاتب زاير الباقر
.....................

عندي طلبه وحده وعل طلب تكدر
توفقني السنه اخدم ابو الاكبر
اريد ادموعي تنزل وين مااحضر
عله حسين ومصابه وگطعة المنحر

ارزقني اعله جدك دمعة العين
ماتسوه الحيات ابدون الحسين
يالملجوم گلبك من ضهر عاشر
اجي وعالرايه كاتب زاير الباقر
.....................

مصابك مانسيته ويبست اشفافك
عشت الطف جرح للموت ماعافك
يمسموم الجبد ومغيره اوصافك
ذبل وجهك وهمك هادل اجتافك

تتعنه المنايه بجدمك تفوت
عاده امن الله الكم سيدي الموت
يضل حزني بدليلي كل وكت شاجر
اجي وعالرايه كاتب زاير الباقر


محمد هادي العقابي

استشهاد الامام الباقر ع

عشر اخيول والله موقليله
داسن صدر ابو اليمه ودليله
اعاين عله جدي وتهمل العين
بالحافر تهشم صدر الحسين
......................

عمري ازغِير جان ودمعتي بخدي
كدامي الشمر يرفس صدر جدي
الباقر انه احسن رفسته بجبدي
ياهلناس ضل بيه الألم يحدي

انه المفجوع وانه بذاكه عمري
ومن اشهك نفس يوجعني صدري
صارت راحتي امن الدنيا الونين
بالحافر تهشم صدر الحسين
...................

يريد ايكوم بس اجدامه متعينه
ضل مكسور ضهره وعينه لسكينه
بحجر صابو اجبينه ودم ترس عينه
اباب الخيمه اني واسمع اونينه

ينهض بس يطيح وعينه حمره
بده دمه يوشل كطره كطره
اجروحه هواي لاواحد وله ثنين
بالحافر تهشم صدر الحسين
.....................

اعاين عله جدي وشفت بس رسمه
مغطيته السهام النامت بجسمه
ثنعش طبره انطبر نحره ويصب دمه
وابو فاظل هذيج الساعه مو يمه

الشمر حز نحره ويصيح عليه
هذا حسينكم راسه ابأديه
هسه اعليكم احركهه الصواوين
بالحافر تهشم صدر الحسين
......................

شسولف عنه يوم العاشر وضيمه
طحنه بناس ماعدهم ابد شيمه
عله روس الهواشم حركو الخيمه
زغار كبار طشت كلهه بالهيمه

المالايحته نار بجدمه جمره
ركضنه بخوف وبكل خطوه عثره
ألم وياي عاش بكل السنين
بالحافر تهشم صدر الحسين
....................

الهسه بعيني ركضت عمتي عالتله
مره وتركض كبال الزلم موسهله
زينب عمتي هاي ام الخدر كله
سبوهه وشتموهه وصعدت الهزله

تمشي الناكه بيهه وهيه تنحب
اديهه مكيده وتطيح زينب
جبيره والعمر يتعده خمسين
بالحافر تهشم صدر الحسين
.....................

عايش اني واتنفس حزن عاشور
اجاني الموت شاف بروحي طف ايدور
عله حسين ومصابه جم كسر مكسور
اودع الدنيه والسم بدليلي ايفور

انه المسموم جبدي وحيلي ذايب
هواي ملوع بنوم الخرايب
اضل بهذا حزني ونوحي كل حين
بالحافر تهشم صدر الحسين


محمد هادي العقابي

نزال للإمام الباقر ع

مضلوم يابن علي
..................

ياشمس الوجود ويا هوه الريه
روحك من جثير الضيم محنيه
شيهود ونينه العمته مسبيه
مضلوم يابن علي
...................

من اول ايامك كثرن جروحك
يالباقر ابد لا مابطل نوحك
الله يعين گلبك سيدي وروحك
مضلوم يابن علي
..................

انته البلطفوف الدمعه بعيونك
واجدامك تجوت ونخطف لونك
بسوط النايبه گامو يضربونك
مضلوم يابن علي
.....................

انته الهاشمي المارحمته الوادم
وانته صياغت الله سيدي العالم
بنهجك وبعلومك نلتزم لازم
مضلوم يابن علي
....................

يا رحمت الباري ونعمته الكبره
يااصل الوجود وخامس العتره
بعزائك تحضر امك فاطمه الزهره
مضلوم يابن علي
.....................

عشت عمرك مناحه وخلصت ايامك
مسموم الجبد وتلوج بالامك
ويوم العاشر انته تشوفه كدامك
مضلوم يابن علي
........................

هل حان الوداع الموتك اتسافر
صحنه بصوت الك من كل گلب شاجر
وداعا سيدي يمحمد الباقر
مضلوم يابن علي


محمد هادي العقابي

عيد الغدير


حبينه.. علي علي
والينه.. علي علي
حبنه الاولي... مولانه علي
.................

حيدر وحبه  يضل سلطان الگلوب
وكل محب ابأسم حيدر يهوه ويذوب
بالغدير اليوم نهتف لغله محبوب
حيدر بكل كلب اسمه من الله مكتوب

يحمينه.. علي علي
يروينه.. علي علي
حبنه الاولي... مولانه علي
..................

شكرا الرب العرش مو مره مرات
شما نعدد بالشكر تعجز الكلمات
يدري بالكرار يحضر شكو صعبات
بالولايه ماتضل ياناس شدات

عاهدنه.. علي علي
بايعنه.. علي علي
حبنه الاولي... مولانه علي
................

بالسنه ايمرن علينه تلاثه الاعياد
وهذا عيد الله الجبير وكله امجاد
وندعي ياربي بسلامه اعلينه ينعاد
هاي فرحتنه الجبيره الكل العباد

قائدنه.. علي علي
منقذنه.. علي علي
حبنه الاولي... مولانه علي
................

علي واليذكر علي مايبقه حيران
اسمه محفوض ويردد بيه الالسان
المايبايع حيدره هليله خسران
حيدر انسان ويحبه بس الانسان

إيهابونه.. علي علي
ايحسدونه.. علي علي
حبنه الاولي... مولانه علي
................

الف مبروك العلي بهاي المسيه
نصبه الهادي بامر رب البريه
صار امير الكون حماي الحميه
فخر مامنه فخر حل عالوطيه

معروفه.. علي علي
منعوفه.. علي علي
حبنه الاولي... مولانه علي


محمد هادي العقابي..

عيد الغدير


افرح بيوم الغدير.. هذا عيد الله الجبير
اللهم والي من والاه.. اللهم عادي من عاداه
......................

يالتحب حيدر علي.. الحب تره من الازل
افرح وزيد الفرح.. وترس الدنيا امل
نزل جبريل بخبر.. يخص علي خير العمل
يالنبي بلغ وكول.. بحيدر الدين اكتمل

ارفع ايده امن العلي.. ونادي مولاكم علي
اللهم والي من والاه.. اللهم عادي من عاداه
.........................

شافع ابيوم الحشر.. ويروي من حوضه الضمه
باب علم المصطفى.. علي حماي الحمه
حيدر اتنصب أمير.. رحمه من رب السمه
بالفرح هذا الجبير.. انهني امنه فاطمه

كل گلب بينه يدك.. امبينه نبضات العشك
اللهم والي من والاه.. اللهم عادي من عاداه
...........................

شهدي يادنيه العلي.. قالع احصون الكفر
كاسر اضهور الزلم.. بالحرب ماينعبر
الموت الأحمر بالوغه.. وعاليتامه ينكسر
هذا أميري والنعم.. بسمه وبحبه افتخر

الحمد  لله والشكر.. ابحب علي من الزغر
اللهم والي من والاه.. اللهم عادي من عاداه
.........................

ماكو يوم ابلا ذكر.. ابو الحسنين الولي
همي لو زاد انتخي.. بعلي والهم ينجلي
فرض حبه بلا جدل.. امر من ربنه العلي
جنه حب المرتضى.. ويخسر الماحب علي

الدنيه تخلص بالعجل.. ومايضل عندك امل
اللهم والي من والاه.. اللهم عادي من عاداه.


محمد هادي العقابي

عيد الغدير


علي الحق المبين
اخو الهادي الأمين
أمير المؤمنين

........................

علي هوه السراط بلا منازع
علي كلمة الحق للباري طايع
اخو الهادي وابن عمه ابو حسين
علي بكل الشدد حاضر وسامع

يفر بجفه كون
قلع ذيج الحصون
الرسول الله معين
أمير المؤمنين
........................

من الله الخبر جاءَ وتمجد
علي هوه وزيرك يامحمد
اشدد بي حيازيمك الكرار
وارفع جفه خل الناس تشهد

علي الدين القويم
وسراطه المستقيم
شفيع المذنبين
أمير المؤمنين 
......................

منهاج العداله والسلامه
علي حبه ابد مابي ندامه
الله ايحبه ويحب اليواليه
شفيع المذنب بيوم القيامه

علي حبه امان
يدخلك للجنان
سراج التائهين
أمير المؤمنين

....................

ابو جفوف السخيه وحامي جاره
علي بدين الله ماعنده تجاره
الكاع اتحبه من يمشي ابو تراب
لئن حبه نفع مابي خساره

علي الهيبه الجبير
يموت اعله الفقير
ابو گلب الحنين
أمير المؤمنين




محمد هادي العقابي.

عيد الغدير


حبيب گلوبنه     شفيع اذنوبنه
     علي محبوبنه   علي مولى
................ 

الك يابو الحسن يعله ندانه
وبسمك عالي ويرفرف لوانه
بهذا اليوم كل الخير اجانه
امانه الدين يا راعي الامانه

عله الدين.. يبو حسين.. فضل خيرك
ولا صار.. وله ايصير.. بشر غيرك

الالاه ايريدك     عدل توحيدك
علي محبوبنه     علي مولى

................

الله هواي حبك يالصميده
ونزل جبريل بلغ باليريده
العلي يا طه كوم وارفع ايده
ويومك صار عند الشيعي عيده

هويناك.. عشكناك.. عله الفطره
للصحاب.. للحباب.. نزف بشره

امير وغالي      وتضل للتالي
علي محبوبنه    علي مولى

..............

الدنيه تعطر باسمك هواها
ذكرك كل وكت نور وضواها
يفوز محبتك كلمن حواها
ويخسر ياعلي كلمن جفاها

عهد هاك.. نطيناك.. يقائدنه
فلايوم.. نسيناك.. يمنقذنه

الك وفايه     واخير احجايه
علي محبوبنه   علي مولى
...............

يحيدر عالحچي وماشايفينك
عشكناك ومشينه اله اعله دينك
نضل يوم الحساب مناطرينك
تروينه العذب من جف يمينك

الك صار.. يكرار.. امر ربنه
يبو تراب.. يضل دوم.. الك حبنه

فخر ياحيدر    بديك الكوثر
علي محبوبنه     عاي مولى

محمد هادي العقابي

عيد الغدير


ياحيدره  انته امامي
ياحيدره  بيك اعتصامي
ياعلي  ياعلي  ياعلي
.........

كلمه عندي  وبيهه ابدي  ياعلي حبيتك
هذا حالي  وما اغالي   بالگلب خليتك
يا امامي  ياهيامي  بالنفس حسيتك
واني اكتب  عطرك ايهب  وابأمل شميتك

ياحيدره  هذا غرامي
ياحيدره  بيك اعتصامي
ياعلي  ياعلي  ياعلي
.........

للنهايه  هالهدايه  بيهه گرت عيني
يا اميري   وبضميري  آمنت تدريني
بالولايه    عالبرايه   حبك اينجيني
الله شاهد  حبي واحد  الك طول اسنيني

ياحيدره  ويبقه كلامي
ياحيدره   بيك اعتصامي
ياعلي  ياعلي  ياعلي
..........

ياحياتي  وبمماتي  بالحشر تحميني
انته جوهر  عله الكوثر   يالولي ترويني
يارجائي   وانتمائي  بدنيتي وبديني
وبحسابي   تحط كتابي  ياعلي بيميني

ياحيدره   نهجك وسامي
ياحيدره   بيك اعتصامي
ياعلي  ياعلي  ياعلي
.........

وبخدمتك    وبفرحتك   اكضي كل ايامي
بعيني نورك   من ازورك  تنجلي اوهامي
مايعوفك   ضل يطوفك  هذا گلبي الضامي
انته هيبه  وانته طيبه   وبيك اشوف اسلامي

ياحيدره   شوكي وهيامي
ياحيدره   بيك اعتصامي
ياعلي  ياعلي  ياعلي
.........

بيدي ورده   وگلبي عنده  من الكلام هوايه
ماتكفي   ولاتوفي   بحقك اي حجايه
انته ديني  وبيقيني   انته اعظم ايه
يالتسامح   هالجوارح   للابد وفايه

ياحيدره   هذا ختامي
ياحيدره   بيك اعتصامي
ياعلي  ياعلي  ياعلي

محمد هادي العقابي.

عيد الغدير



اللهم والي من والاه
اللهم عادي من عاداه
...................

فرحان واتفاخر بولاية علي
حبيته وواليته يانعمه الولي
فرض الحب ياسامع من ربنه العلي
ساكن گلبي وروحي عشكي الأولى

ماعوفه.. وبحروفه.. ضل گلبي يدك
حبيته.. وسميته.. ياحبي الصدك
من دونه.. وعيونه.. مايسوه العشك

اللهم والي من والاه
اللهم عادي من عاداه
.........................

عيد الله الاكبر حبه امن الازل
بحيدر يوم البيعه دين الله اكتمل
متمسك گلبي ايضل ابخير العمل
بحبه امأمن روحي ومامرني الوجل

عاهدته.. وبايعته.. اشهد يازمن
بحساسي.. وانفاسي.. حسيته الوطن
حادينه.. وينقذنه.. حبه امن الفتن

اللهم والي من والاه
اللهم عادي من عاداه
.......................

نجمه تغازل نجمه بعشك المرتضى
وصوت الحق من طه ايغث المارضه
هليله بكل محفل هنياله الحضه
حيدر اسمه الليله دووه بكل فضه

والينه.. ويروينه.. من حوض الضمه
شال ايده.. بتايده.. والد فاطمه
ويانه.. فرحانه.. املاك السمه

اللهم والي من والاه
اللهم عادي من عاداه
.........................

ياحيدر كلمتنه نحجيها بفخر
كالو رابع وانته الأول علبشر
واليسئل عن زودك يسمع هل خبر
خيبر ضهره بجفك مولاي انكسر

لحروبك.. وجفوفك.. تشهد خيبره
شيفسرك .. يالمثلك.. ماجابت مره
ياقائد.. يا والد.. سبع الكنطره

اللهم والي من والاه
اللهم عادي من عاداه
........................

اسمك يابو الحمله بالعرش انكتب
ياحيدر بافعالك عجبت العجب
عايش عيشة فقره وطلكت الذهب
تبت ايد الناصب ياحيدر وتب

ايامي.. واحلامي.. ناذرهن الك
علاني.. وخلاني.. حبك جن مَلك
وبكيفك.. يالبيدك.. دوران الفلك

اللهم والي من والاه
اللهم عادي من عاداه


محمد هادي العقابي

اجيتك والدموع العندي ما تكفي 

لهذا اموادعك كل چلمه ما تشفي 

 ..يبو فاضل ... يبو فاضل ..... يخويه 



..................................

توادعنه وبجينه وطاحت اعيون 

وزينب والحرم طلعو  يشوفون  بالوداع شحلاته 

اخي ويودع اخيه بحسره للموت 

يصيح اعليه بس مايطلع الصوت  چي يبست لهاته 



رحت وحسين گلبه عليك مشلوع 

وضلت حسرتك تكسر بالاضلوع 

مو اله تجينه وجايب الماي 

اهم شي صوتك بخيماتي مسموع 


حاول ترجع برايتك لخيامي 

اموتن من تطيح الرايه كدامي 

يبو فاضل .... يخويه 



...................................


غيور وهز كيانك نوح  الايتام 

العطاشه وحيلك انهد اعله الاخيام .. واجيت اتكلي رايح

اريدك يلكلت ترخصني عالماي 

وآنه احجيلك اتضل خويه وياي .. الحمل بجفاك طايح


عوف الماي خلينه بعطشنه 

من تروح يتغير  وضعنه 

ياعباس خله اخلافك تصير 

ويا ضيعه الاخلافك بيهه ضعنه 


من اخواني ماضل خويه بس انته

صوتك وين چن العبره خانكته 

يبو فاضل .... يبو فاضل ..... يخويه 



.................................

رحت بس انه مامرتاح ضليت 

وگلبك عالخيم مشدوه خليت .. بالك يم رقيه 

وبعيونك عيون ام عون والجود

رحت وبرايتك چم امل معگود .. ليتامه الهاشميه


يارواي عطشانه العشيره 

ارجع لا اضل متروس حيره

توليني العده بجفاك عباس 

وباجر زينب تلمني بحصيره 


طاحت رايتك من صدت العين 

وسمعت الناس صاحت طاح اخو حسين 


يبو فاضل ... يبو فاضل ... يخويه 

.................................................


صحت خويه واجيتك والحجي دموع 

وصلتك والكلب طاح من الضلوع ..وكدامي الشماته  

تطيح انت ويضل الوحده احسين

ياعباس اجيب خلافك منين .  لحسين وبناته


كوم وياي  لا تكسر رجعتي 

هاي الناس متحزمه الوكعتي 

ثكليه اعليك لو شافوني اوحيد

اروح المن وافزع يافزعتي



اذا  سديت عينك بعدك شحالي 

يمن خليت ضهري اعله العده خالي 


يبو فاضل .... يبو فاضل .... يخويه 


..................................


هوسه المشرعه ومختنكه الانفاس 

واسمع ناس كثره تصيح عباس ... طايح عالشريعه 

لكيتك عين جامد بيهه الاتراب 

وعين اخلافي واكف بيهه نشاب .. وجفينك كطيعه 


اجيت وشيب الدلال والراس 

اخ اتصيح من ياكتر تنجاس 

منو انت وكلتك انه الاحسين 

انه البيك انكسر ضهري يعباس 


ارجع والضهر مكسور والاصعب 

اثر طيحتك شيسوي بگلب زينب 

يبو فاضل .... يبو فاضل .... يخويه 


.............


نسالكم الدعاء 

للشاعر ايوب السويطي