‌

‍ هەواڵنێرێک لە شەڕی دووهەمی جیهانی
لەموسولینی پرسی بوو،ئێوە دەڵێن بۆ
سەربەرزی و پێشکەوتنی ئیتالیا هەوڵ
دەدەن و شەڕ دەکەن کەچی من لە هەر
شوێنێکی ئیتالیا کە دەگەڕێم و چاو لێ
دەکەم،جگە لە هەژاری و بەدبەختی و
چارەڕەشی،خەڵکێکی داماو هیچی ترم
نەهاتۆتە بەر چاو!
خەڵک هەموو نائومێد و ماندوو و دڵ پڕ
ئازارن کوا ئەو هەوڵە بۆ ئاسوودە ژیانی خەڵکە؟؟!!!!
موسولینی لە وەڵام دا پێی کوتبوو: من
نەمکوتۆ بۆ خۆشی و ئاسوودەیی و
حەسانەوەی خەڵک ئەوە کارە دەکەم،
بەڵکووکوتوومە بۆ ئیتالیا...
دڵێی لە ڕۆانگەی موسولینی شتێک بە
ناوی ئیتالیا بوونی هەیە، کە بە بایەخی
کز بوون و بەدبەختی خەڵکی ئەو وڵاتە قەڵەو دەبێ. ئەگەر چی لەو ناوە دا خەڵک
غەمبار و بێ‌شادی و خۆشی دەبن و ڕۆژ
بە ڕۆژ زیاتر بە قوڕدادەچن.
بەڵام ئەو بوونەوەرە واتە ئیتالیا ڕۆژ بە
ڕۆژ شاد و سەرخۆشتر دەبێ.
چاکسازێک کاتێ باس لە دەرد و ئازار دەکا
مەبەستی دەرد و ئازاری شتێک بە ناوی
دەوڵەت یا کۆمەڵگا نیە.
وەچاکەسازێک ئێش و ئازاری ئەو خەڵکەی سەر زەوی،لە ڕۆانگە دانیە کە
خاوەن گۆشت و پێست و خوێنن.
ئەو تەنیا بە شوێن مەبەستی خۆی دا
دەگەڕێ...

چاکساز ــ اصلاحگر

#مصطفی‌ملکیان

وە ــ نادرمستەفازادە


🎧
کاناڵی ژیان جوانە،گەر چاوەکان جوانی ببینن

@Mostafazadeh2

ژیان چەند سەیرە
بە بێ‌هیچ شتێک دێی
بۆ بە دەست هێنانی
هەموو شتێک بە شەڕ
دێی...
لە کۆتایی دا
هەموو شتێک هەڵدەگری
بە بێ‌هیچ شتێک دەڕۆی...

وە ــ نادرمستەفازادە

کاناڵی ژیان جوانە،گەر چاوەکان جوانی ببینن

@Mostafazadeh2

مامۆستا ئاسۆ شاعیری ناوداری کورد و هاوڕێی لەمێژینە و باوەفای هونەرمەندی هەرمان سمایل ئاغای عەباسی بەو شێوەیە وەسف و یادی خودالێخۆشبوو دەکات

کاناڵی ژیان جوانە،گەر چاوەکان جوانی ببینن

@Mostafazadeh2

خۆشەویستەکەم
باسی
چیرۆکی چیت بۆ بکەم
لە کوندەکانی شەوی شار
یا مێمڵەکانی ئاوایی
باسی کامیان پێشتر بڵێم
ئەوینەکەم
شار و گووندێ
کە تۆی لێ نەبێ
وێنەی کاغەزێکە
کە لە تاریکی دا
کۆپی دەکرێ...

مێمڵ ــ انگل

وە ــ نادرمستەفازادە


کاناڵی ژیان جوانە،گەر چاوەکان جوانی ببینن

@Mostafazadeh2

"چیرۆکێکی دڵهەژێن"

ئاسیف شێت و ماریا شێت؛
دوو هاوسەری هەژار بوون کە لە گەڕەکی ئێمە دەژیان. خەڵکی ئەوانیان بە شێت دەزانی و وەکوو شێتەکان هەڵسووکەوتیان لەگەڵ دەکردن. هەموو بە بەرد لێیان دەدان و گاڵتەیان پێ دەکردن.
ئەو جووتە زۆر غەریب بوون، دڵم بۆیان دەسووتا. من بە باوکمم دەکوت: دەکرێ بڕۆینە پیسەبتی؟ من دەمەوێ یارمەتی ئاسێف و ماریا بدەم.
بەڵام باوکم وڵامی دەداوە: نا ڕۆڵەم، ئەوانە شێتن و لێیان نزیک مەبەوە.
بۆ من جێی سووڕمان بوو، کە ئەگەر ئەوانە شێتیش بووایەتن، ئایا زیانێکیان بە ئێمە نەدەگەیاند؟ لە بەرابەردا ئێمە وشیار بووین و بە بەرد لێمان دەدان و پێیان پێدەکەنین.
بەڵام من هیچکات بە چاوی شێتی لەوانم نەدەڕوانی. هەرکات خواردنم بۆ دەبردن، بە نهێنی ماریا دەستی بەسەرمدا دێنا و لەگەڵ من پێدەکەنین. ئەوانە بە چەمکی گشتی،(اصطلاح عام) وەک سواڵکەر بوون و غەریب بوون، بەڵام یەکترییان خۆش دەویست. ئاشقی یەکتر بوون. لە هەر کوێ دەمدی پێکەوە بوون و بە بێ ڕیا یەکتریان خۆش دەویست و دەلاواندەوە.
دوو هاوسەری شێت کە بە بۆچوونی من زۆر وشیارتر لە هەر وشیارێک بوون.
ئەو دووە، ئەوەندە یەکتریان خۆش دەویست کە بێ خەیاڵی دونیا و ماڵ بوون. هەر لەو دونیا بچووکەی خۆیان، دەیانکوت و پێدەکەنین.
زستانان ئاسێف داری دێنا تا خۆیانی پێ گەرم کەنەوە و پێکەوە لە ناوماڵێکی چکۆلەی نێوە ڕووتدا دەژیان.
یەکێک لە ئاشقانەترین قسەکانی ئاسێف کە بە ماریای دەکوت، "ئیشقم" بوو کە جوان بۆی نەدهات و دەیگوت، ئیشغم، نەیدەزانی کە چۆن بە وشەکان ئاخاوتن بکات.
ڕۆژێک خەڵکی گەڕەکم دیت کە لە جێیەک کۆ بوونەتەوە و هەموو پێکەوە دەڵێن، لێیدەن، لەم دزە بدەن...
دیتم کە خەڵکی گەڕەک ئاسێفیان بە تۆمەتی دزی نان لەت و کوت کرد، هەرچەند کە هیچ نانێکیشی پێ نەبوو. ئاسێف کە جەستەیەکی لاوازی هەبوو و زۆر کز بوو، نەیتوانی لەمەڕ ئەو زەبرانە تاقەت بێنێت، تەنیا لەژێر لێوییەوە دەیکوت: ماریا، ماریا گیان من کارێکم نەکردووە و دەوامی نەهێنا و هەر ئەو ڕۆژە گیانی بەخت کرد. ئەوشەوە دوای مردنی ئاسێف، ماریا تەواوی شەوەکە گریا. دەگریا و هاواری دەکرد و دەیگوت: بۆچی ئاسێفتان لێ سەندم؟ من ئێوە خەڵکی گەڕەکم خۆش ناوێت.
شەو تا بەیانی، دەنگی شیوەنی ماریا دەگەیشتە ماڵی ئێمە. ئەو شەوە ئێمە لەبەر شیوەن و ناڵەکانی ماریا نەخەوتین، پێویستە بڵێم کە دەنگی هەڵکەندن و ڕووخان دەهات وەک بڵێی شتێک هەڵدەکەنێت، بەڵام چی بوو؟

بەیانی هەرکە ڕۆژ بۆوە و وڵات ڕووناک بوو، بەرەو ماڵی ماریا ڕۆیشتم. دەمهەویست دڵداریی بدەمەوە بەڵام، هەموو خەڵکی لە دەوری کۆ ببوونەوە.

دیتم، ماریا ماڵە چکۆڵەکەی ڕووخاندووە و هەر ئەو شەوە، ئەو کارەی کردبوو، ئەو ماڵەی کە لەگەڵ ئاسێف دروستیان کردبوو. هەموو ئەوانەی لەوێ کۆ ببوونەوە دەیانگوت: چ دەکات؟ ئەم ژنە کە شێت بوو، ئەوەندەی دیکەش شێت بووە.
خەریکی چاولێکردن بووین کە ماریا، هەموو خانووەکەی بەسەر یەکدا ڕووخاند. لە کۆتایی دا گەیشتە کۆتا خشت، یان لەوانەیە یەکەم خشتی ماڵەکە، ئەو خشتەکەی لە ئامێز گرت و هاواری کرد: من و ئاسێف ئەم خشتەمان کە یەکەم خشتی ماڵەکەمان بوو، پێکەوە دانا، بەڵام ئێوە، هەم ماڵەکەم و هەمیش ئاسێفتان لە من ساندەوە، ئیتر شتێکم بۆ نەماوەتەوە جگە لەم یادگارە. ئەم خشتە؛ کە نیشانەیەک لە دەستی من و ئاسێف یەکجێ لەم خشتەدا ماوەتەوە.
ماریا، بە شیوەن و ناڵینەوە، ئەو خشتەی لە باوەش گرت و ڕۆیشت...ڕۆیی و ئیتر هیچکات نەگەڕایەوە!

ئێستا بیست ساڵ دەبێت کە لەم گەڕەکە، ناوی ماریا و ئاسێفیان، لە کچ و کوڕەکانیان نەناوە.

نووسەر: ئارەزوو نووری

وەرگێڕان: ئەسعەد زولفەقاری(دڵـ ـخوێن)

👇👇👇

کاناڵی ژیان جوانە،گەر چاوەکان جوانی ببینن

@Mostafazadeh2